سوالف للجميع - تـــجـــربـــــة كـــرايــــزلـــر 300C

زورو الامارات

24-07-2005, 09:15 PM

بسم الله الرحمن الرحيم

السلام عليكم ورحمة الله وبركاتة
كما وعدناكم اليكم التجربة بالتفصيل ان شاء الله

http://www.alwasan.net/ihc/users/1488/c300/c300-1.jpg

معلومات عامة عن السيارة

الصانع دايلمر كرايزلر - الولايات المتحدة الامريكية

فئة السيارة : الكبيرة المترفة ذات الاداء العالي

السيارة تعتبر من التراث الامريكي المعاد تجديدة

اي المعادلة الامريكية الناجحة 8 اسطوانات 5 ركاب + دفع خلفي + فخامه وسعة مقصورة الركاب

لكن تمت اضافة القوة وبقوة بمحرك جبار من هيمي

الشكل الخارجي

http://www.alwasan.net/ihc/users/1488/c300/c07.jpg

http://www.alwasan.net/ihc/users/1488/c300/c04.jpg

http://www.alwasan.net/ihc/users/1488/c300/c05.jpg

http://www.alwasan.net/ihc/users/1488/c300/c06.jpg

http://www.alwasan.net/ihc/users/1488/c300/c08.jpg

كما تلاحظون من الشكل الخارجي
يمتاز بالشكل الهجومي الانقضاضي والواجهه الاماميه توحي بالقوه وبالرد السريع والقدره على التسارع

الشبك الامامي اكثر مايميز السياره يجعل لها رونق خاص خصوصاً لعشاق كرايزلر

السقف كما تلاحظون منخفض ليزيد الانسيابية ويعزز الاداء الرياضي الذي تمتاز به هذه السيارة

الخلفية اتت بشكل متواضع جدا بعيد عن طموح هذه السياره كان بالامكان عمل تفاصيل اكثر تجعل لها مؤخره متميزه كما الواجهه

الشكل الجميل في المؤخرة وضع عادمين ( اقزوز - شكمان) في كل جهه حسب الموضه الدارجه في التصاميم الحديثة

لقد راعى مصمموا هذه السياره البساطه في الشكل وعدم التكلف في التصميم الامر الذي اكسبها راحه في النظر قبول سريع من قبل المستهلك

الــــمــــــــــــحـــــــــــــــــــــــرك

http://www.alwasan.net/ihc/users/1488/c300/c14.jpg

http://www.alwasan.net/ihc/users/1488/c300/c15.jpg

المحرك غني عن التعريف وهو درة انتاج دودج - كرايزلر ذو تاريخ طويل وحافل بالانجازات

انه محرك هيمي ذو ال 8 اسطوانات على شكل رقم سبعه بالعربية بسعة تبلغ

5700 سي سي بقوة 340 حصان على 5000 دورة بالدقيقة
مع عزم دوران جبّار يبلغ 525 نيوتن متر عند 4000

نظام المحرك فريد من نوعه فهو يعمل بأربع اسطوانات في حالة القيادة العاديه داخل المدينة

ممايساهم في تقليل استهلاك الوقود وزيادة عمر المحرك

وفي حالة الضغط بشده على دواسة البنزين تعمل ال 8 اسطوانات بشكل مستمر لتأمين الاداء المثالي لقائد السيارة وتحقيق كل طلباته

نظام حقن الوقود:

حقن وقود متتابع, متعدد الفوهات

نــاقـل الـحــركــة

أوتوماتيكي محكم إلكترونيا ذو 5 سرعات, مع ناقل "اوتوستيك" يسمح للسائق بالسيطرة اليدوية

اي نفس عمل نظام تيبترونيك الشهير

الـمــمـــيـــزات

العجلات عجلات ألومنيوم 18 بوصة لامعة, مع إطارات بيريلي بي 7 العالية الأداء

اكياس هواء تغطي جميع اجزاء السيارة من الامام الى الخلف

نظام التحكم في الانزلاق (تراكشن) يمكن ايقاف عملة بشكل يدوي

المصابيح الامامية من نوع زينون بالاضافة الى توفر رشاشات ماء تزيل عنها الاتربة والطين

نظام التكييف قوي وكذلك توجد فتحات في القسم الخلفي من السيارة

مقصورة الركاب

ذات سعة كبيره 5 اشخاص بالغين تميزت بالكراسي الجلد والرحابة والراحة

قمرة القيادة

تصميم كلاسيكي امريكي مستوحى من التراث مجهز بأحدث الاجهزة
من جهاز تكييف آلي الى نظام سمعي قوي الى شاشة لعرض البيانات الخاصة بالسيارة اما السائق مباشرة

http://www.alwasan.net/ihc/users/1488/c300/c18.jpg

http://www.alwasan.net/ihc/users/1488/c300/c19.jpg

http://www.alwasan.net/ihc/users/1488/c300/c20.jpg

http://www.alwasan.net/ihc/users/1488/c300/c21.jpg

http://www.alwasan.net/ihc/users/1488/c300/c22.jpg

الاداء

عزم دوران متوفر في كل وقت يتنظر اوامر من السائق

التسارع ممتاز لسياره بهذا الحجم والوزن لكن لم يتنسنى لنا قياسه بشكل دقيق

ناقل الحركة يحد كثيرا من رغبات السائق وسبب ذلك التأخر في تبديل السرعه عند التسارع بأقوى عزم للسياره هذا ما افقد هذه السياره رونقها قليلاً

http://www.alwasan.net/ihc/users/1488/c300/c01.jpg

http://www.alwasan.net/ihc/users/1488/c300/c02.jpg

http://www.alwasan.net/ihc/users/1488/c300/c03.jpg

http://www.alwasan.net/ihc/users/1488/c300/c09.jpg

http://www.alwasan.net/ihc/users/1488/c300/c10.jpg

http://www.alwasan.net/ihc/users/1488/c300/c11.jpg

http://www.alwasan.net/ihc/users/1488/c300/c12.jpg

http://www.alwasan.net/ihc/users/1488/c300/c13.jpg

http://www.alwasan.net/ihc/users/1488/c300/c16.jpg

http://www.alwasan.net/ihc/users/1488/c300/c17.jpg

جوائز كرايسلر

كرايسلر 300 سي تفوز بلقب سيارة العام في امريكا الشمالية

كرايسلر 300 سي تحصل على لقب أفضل سيارة سيدان في الولايات المتحدة الأمريكية من مجلة "أوتو ويك"

كرايسلر 300 سي تفوز بجائزة "اهم سيارة للعام"

كرايسلر 300 سي تحصل على أعلى الدرجات في اختبار الصدمات اللأمامية

نسأل الله العليّ القدير اننا نكون وفقنا في طرح التجربة ولاتنسونا من دعائكم جزاكم الله خير

560SEL

24-07-2005, 09:22 PM

السلام عليكم و رحمة الله و بركاته

ألف شكر يات أخوي زورو على التجربه الرائعه فعلا السياره هذي غيرت نظرت الكثير حول كرايزلر

و لكن الشئ اللي فعلا لاحظته ان السياره فيها كثير من أنظمة مرسيدس

saymyname

24-07-2005, 09:29 PM

ماشالله الموضوع مرتب وسهل القراءة...والمعلومات منسقة بشكل جميل...

في معلومات مهمة عرفناها عن السيارة بذات المعلومة حق ال4 سلندر حق الاستعنال العادي وال8 للاستعمال القوي..

ومثل ماقلتم الخلفية لم تكن بمثل قوة المقدمة من حيث التصميم..

حبيت اعرف شنو الفروق والملاحظات الي لاحظتوها مابين هالسيارة والسيارت السابقة الي جربتوها: الافالون , الشيروكي, الرنج سبورت...

ويعطيكم الف عافية على التجربة....

SmLo

24-07-2005, 10:05 PM

مشكووووووريين ع الموضوع

والسيارة تمام وما تقصرو والله

لكن طفاية الحريق اللي ورا مشوهه السيارة مالها مكان تاني؟؟؟؟؟؟؟؟؟؟؟؟؟؟؟؟؟

cruiser2000

24-07-2005, 11:01 PM

يعطيكم العافية اخوي خالد ومحمد على التجربة . . . . .

هذا اللي كنا ننتظره بصراحة . . . . . والحين انا تأكدت عن السلندرات وشغلها

بس للتأكيد بخصوص السلندرات وعملهن حسب كلام راعي الوكالة
قالي ان 4 سلندرات يشتغلن حتى سرعة 120 أو 140 ومن بعدها يشتغلن ال 8 سلندرات كلهن

هل هذا صحيح؟

sayedco

25-07-2005, 12:48 AM

بس للتأكيد بخصوص السلندرات وعملهن حسب كلام راعي الوكالة
قالي ان 4 سلندرات يشتغلن حتى سرعة 120 أو 140 ومن بعدها يشتغلن ال 8 سلندرات كلهن

هل هذا صحيح؟

أكيد مو صحيح :D
لو كانت تشتغل أول شي أربع جان كانت قومتها ضعيفة و ما تطوف الإس إس و لا الكامري بعد :D

مثل ما قال أخونا المشرف هذا الصح

sayedco

25-07-2005, 12:51 AM

و مشكورين مشرفينا على التجربة

لكن توقعت أكثر الصراحة.. وين مافي فيديو ؟؟ و لا تسارع؟؟

الصور تمللنا منها في الإنترنت و المعلومات بعد...

نبي انطباعاتكم ، الراحة قالوا إنها ضعيفة في السيارة صحيح؟؟

ناقل الحركة يحد كثيرا من رغبات السائق وسبب ذلك التأخر في تبديل السرعه عند التسارع بأقوى عزم للسياره هذا ما افقد هذه السياره رونق

هذا ممكن تشرحه بالتفصيل؟؟ لأنه مو داش مخي !:D

غذا قصدك التاخر و وصول الدورات إلى الخط الأحمر فهذا للحصول على القوة القصوى

مادري إذا قصدكم شي ثاني ؟؟

الرشيق

25-07-2005, 12:54 AM

مشكورين على الموضوع اللي كنت انتظره ابفارغ الصبر لاني من محبين كرايسلر ومشكورين على جهودكم بس ما عليكم امر اتكملون الموضوع بالفيديوهات للسياره ومشكورين :banana:

زورو الامارات

25-07-2005, 01:09 AM

و مشكورين مشرفينا على التجربة

لكن توقعت أكثر الصراحة.. وين مافي فيديو ؟؟ و لا تسارع؟؟

الصور تمللنا منها في الإنترنت و المعلومات بعد...

نبي انطباعاتكم ، الراحة قالوا إنها ضعيفة في السيارة صحيح؟؟

هذا ممكن تشرحه بالتفصيل؟؟ لأنه مو داش مخي !:D

غذا قصدك التاخر و وصول الدورات إلى الخط الأحمر فهذا للحصول على القوة القصوى

مادري إذا قصدكم شي ثاني ؟؟

الي حاب اوصله ان السياره لما تبدل من الجير الثاني للثالث ينزل دوران المحرك بشكل كبير لدرجة انك تفقد قوة السيارة او تحس كأن احد ماسكها ماتعطيك القوه الي موجوده فيها

واغلب الظن ان المشكله بالجير فيه شي تباديله مب طبيعية استأنا منها كثير انا ومحمد

الكابرس الاستراليه ماتسوي هالحركه

760IL

25-07-2005, 01:16 AM

يااااااااااسلام تجربه رائعه جدا ...بس عندي كم سؤال
كم سعر السياره
ليه النظام الملاحي مايجي عندنا

uae speed

25-07-2005, 01:21 AM

تسلمون والله على التجربة .. :)

بخصوص النظام اللي يفتح اربعة سلندر وبعدين ثمانية ، اعتقد حسب الأر بي أم .. كلما زاد الدوران فتحت السلندرات !
وهالشي ممتاز ، للي يحب يتمشى بالموتر على راحته وبدون صرفية بترول زايده !

طفاية الحريق مكانها غلط ومشوهه المنظر ، حتى اللي يكون قاعد ورى في النص ما يقدر يمد ريوله عدل !
المحرك ممتاز 8 سلندر هيمي ، ما عليه كلام والقوة 340 حصان حلوة ..
الفخامة والرحابة دائما تمتاز بها السيارات الامريكية ..

ولكن بخصوص القير ، يمكن انه ناعم زيادة عن اللزوم ، مب رياضي !
علشان جي يمكن ما ارتحتوا للنقلات ، وبالتالي التسارع يتأثر !

يعطيكم العافية وما قصرتوا ، ونبا الفيديوات :)

SLR55

25-07-2005, 01:48 AM

أعتقد إن السرعات إلي في القير طويلة عشان تاخذ راحتها في الخط

يعني القيور طويلة و الدفريشن مب كبير وايد فإذا كبرنا الدفريشن بتكون حالة السيارة أحسن

على العموم السيارة ماشاء الله عليها حلوة من كل شيء بس من داخل لا باس فيها

أهم شيء أحسن عن الكابريس ^_^

ومشكورين على التجربة
^_^

سلاااااااااااااام

300C

25-07-2005, 01:52 AM

يا سلام عليكم يا شباب والله هل المرة جبتوها في الصميم

mr.lamborghini

25-07-2005, 02:00 AM

مشكووووووريين ع الموضوع

والسيارة تمام وما تقصرو والله

لكن طفاية الحريق اللي ورا مشوهه السيارة مالها مكان تاني؟؟؟؟؟؟؟؟؟؟؟؟؟؟؟؟؟

مثل ما انا قلت والله

الطفاية مو خوش مكان حاطينة :(

يعطيكم الف عافية مشرفينا ((زوروا الامارات....قراندv8)) على الموضوع الجميل

و ننتظر تجربة المبرغيني الي قلتلكم عنها :ranting:

ERT

25-07-2005, 02:07 AM

الموضوع اكثر من رائع !!!! والصور ايضا :) لكن عندما ترى السياره من خلال عينيك اي على شوارع المدينه تشبه دودج شارجر

lumina

25-07-2005, 02:16 AM

ماشاء الله .. تجربه حلوه لهذه السيارة الرائعه ..

العيوب مثل ماقالو الإخوان : طفاية الحريق , و تبديل الجير .. أمره غريب.. بس بوجه عام السيارة لاقيه إقبال كثير وهذا اللي اشوفه في الشوارع .. وجزاكم الله خيراً ..

RED Chevy

25-07-2005, 03:31 AM

ماشاء الله .. تجربه حلوه لهذه السيارة الرائعه ..

العيوب مثل ماقالو الإخوان : طفاية الحريق , و تبديل الجير .. أمره غريب.. بس بوجه عام السيارة لاقيه إقبال كثير وهذا اللي اشوفه في الشوارع .. وجزاكم الله خيراً ..
+سمعت ان ناس تشتكي من الوكيل هني كل مايدخلونه صيانة يطلع بعلة ومتوهقين معاه..

silver

25-07-2005, 04:04 AM

مشكورين قراند8 و زورو على التجربة
عندي سؤال ... بغض النظر عن شكل السيارة الخارجي وقوة المحرك ... هل فيها شيء داخلي أو أنظمة تخليها تستحق سعر 150 ألف ؟ ... بالنسبة لي ركبتها في الوكالة يمكن قبل سنة وماشفة فيها شيء يبهر من الداخل ... أحس أن الـ m300 أفخم ... كذلك أحس إن المساحة الداخلية أصغر مما تبدو عليه من الخارج ... أيش رايكم أنتوا ؟

الرشيق

25-07-2005, 04:05 AM

اخوي بالنسبة للوكيل عندنا في الدوحه انا اشوف مافي عليه اي كلام
اول شي اي شي في السياره يخترب يتبدل على طول السفايف تحت 20 الف كيلو يتبدلون اببلاش وبعدين عندك5 سنوات ضمان اي شي يخترب اللمبة الجامه الخ.. من هالاشياء وادخل السياره حق السيرفس اطلعها اليوم الثاني انا اقول هالشي عن تجربه فقط هو صحيح في مشاكل عاديه لازم اي سياره يصير فيها مشاكل

SeSo2003

25-07-2005, 12:02 PM

السلام

موضوع حلو وتجربه حلوه
وكل شي واضح

بس ما قلت لنا الاسعار

TOP-SECRET

25-07-2005, 12:29 PM

مشاء الله عليك بوجاسم موضوع وتقرير مميز

وتجربه موفقه

والسياره رووعه

بس الطبلون من داخل مو داخل راسي

بس بشكل عام بالنسبه لسعرها سياره روعه

كم وصل سعرها عندكم؟

واختيار موفق للسياره المميزه

grandv8

25-07-2005, 03:35 PM

السلام عليكم ورحمة الله وبركاته

560SEL
هلا اخوي الكريم،صدقت الاجهزة اكثرية من مرسيدس وخاصة نظام العازلية والقير من مرسيدس وتحس ناعمة بالمشي ,

saymyname
هلا اخوي حسام
بالنسبة للخلفية تحس انه اصغر من الامام ومع ان بالطبيعه احلى شوي.
بالنسبة لمقارنة بالتجارب كلها،حسيت ان محركات 8 سلندر صارت اريح والين من قبل,تحس العزم ماشاء الله مسيطر على السيطر بااي طريقة.
قوة التسارع والتباديل ونعومة بتابديل القير الي يؤدي الى قوة بالسيارة وراحتها.

SM_0_SM
انا استغربت بطفاية الحريق بالخلف وهذا مكانه لازم يكون تحت الكرسي بجانب السائق.

cruiser2000
نظام الي به اخوي خالد هو: مجهز بنظام الازاحة يقوم باابقاء 4 اسطوانات غير نشطة خلال عمليات التسارع المحدودة او لدى السير عند سرعات معتدلة مما يؤدي الى تحسين كفاءة استهلاك الوقود بين 5 الى 20%

sayedco
قومتها حلوة اخوي بس ماادري تحس ان ابطئ من قوة المحرك وليس من قومة كامري لها.
بالنسبة للتسارع ماضبطت معانا وخاصة بالقومة العادية او بتبترونك.
تحس اخوي يوم تقوم السيارة اول شي انه ثقيل وخاصة عند تضغط عليه اكثر شي.
احس ان السيارة الي تم تجربتها من الوكالة به خلل على مااعتقد.

الرشيق
حياك الله اخوي وهالمرة مكشلة انا مصورنا التجربة بالفيديو،كاميرة الي عندي فيها شي خلل.

760IL
السعر للسيارة145 الف درهم ،نظام الملاحة يجي اختياري منك ،موديلات 2006 سوف تجي عليها نظام ملاحي.

uae speed
هلا اخوي عبدالله معلوماتك حلوة وصح
بالنسبة للطفاية مكانها غلط اصلا.
اعتقد القير مب رياضي او نظام الي به مايعطيك قوة اكثر من اللازم عند الضغط لها.
مع ان بالخطوط تحس مريح وتسحب بقوة على اي سرعه تبغيها.

SLR55
هلا اخوي صلاح
انا اعتقادي للقير يكون للسرعات العالية تناسب اكثر من القومة لانه تسارعها على خطوط حلو ومريح جدا ويسحب ويتبادل القير كل مغضط عليه اونت بسرعه عالية.

300C
اكيد بالصميم اخوي :D

mr.lamborghini
الله يعافيم اخوي وطفاية الحريق وهذا شي بسيط وتقدر تخليه اي مكان.
تجربة لامبرغيني ماعدنا احد يعطينا سيارة ونجربها :D

ERT
هلااخوي عبدالعزيز
بالنسبة لدوج جارجر فرق كبير عنه اخوي بالنسبة للشكل وخاصة من الامام والخلف

lumina
هلا اخوي واكيد اقبال كبير ولاتنسى المشروعات التجارية لفطيم خدمتهم ممتازة وصيانة عالية .
اكيد الشهرة.

silver
هلا اخوي بالنسبة لاام 300 شكلها غير اصلا والمحرك لها كان تعبان جدا وخاصة الشكل من الامام عادي ،والشكل الجديد احلى واجمل وخاصة المحرك الجديد اقوى والقير بعد.
من الداخل مااذكر شي من ام 300

الرشيق
الوكيل عدنا بعد معروف ومشهور وصيانة عالية وجميلة من عندهم واحسن راحة لكل الافراد.

SeSo2003
السعر 145 الف درهم

TOP-SECRET
بالنسبة للطبلون حلو وتحس انه كلاسيكي اكثر واجمل ولها طابع السيارة الفارهة اكثر من رياضية.
سعرها 145 الف درهم.

شكرا لكم اخواني
حياكم الله

sayedco

25-07-2005, 04:28 PM

مسامحة يا مشرفينا شوي تماديت و تكلمت زيادة :(

و ترا قومة السيارة لأنه التراكشن مأثر لو تغلقونه تصير منفلتة!
و حتى بدون تراكشن بعد يودها الكمبيوتر شوي

حتى آنا عندي القومة تحس كأنه شي ميود السيارة

و اعذرني أخوي زورو الإمارات

مشكورين مرة ثانية على التجربة و الله يوفقكم

grandv8

25-07-2005, 04:47 PM

مسامحة يا مشرفينا شوي تماديت و تكلمت زيادة :(

و ترا قومة السيارة لأنه التراكشن مأثر لو تغلقونه تصير منفلتة!
و حتى بدون تراكشن بعد يودها الكمبيوتر شوي

حتى آنا عندي القومة تحس كأنه شي ميود السيارة

و اعذرني أخوي زورو الإمارات

مشكورين مرة ثانية على التجربة و الله يوفقكم

هلا اخوي
نحن جربنا مع تراكشن وبدون تراكشن وحسينا فرق بسيط اخوي

:D

abumhdi

25-07-2005, 06:18 PM

أعتقد إن السرعات إلي في القير طويلة عشان تاخذ راحتها في الخط

يعني القيور طويلة و الدفريشن مب كبير وايد فإذا كبرنا الدفريشن بتكون حالة السيارة أحسن

على العموم السيارة ماشاء الله عليها حلوة من كل شيء بس من داخل لا باس فيها

أهم شيء أحسن عن الكابريس ^_^

ومشكورين على التجربة
^_^

سلاااااااااااااام

نعم .. نعم ..

وانا اايد رأي الاخوان في موقع طفاية الحريق .. موقعها .. مو خوش .. !

غريب السيف

25-07-2005, 07:38 PM

اخيرا شفنا التجربة لهذي السيارة التحفة

انا تعجبني السيارة وايد بس عندي ملاحظات عليها بعضها قالوها الشباب

- من الداخل مبالغين وايد في البساطه والمكيف الخلفي المفروض يكون له ازار للتحكم مثل السيارات لفخمه الاخرى ممكن الطبلون يليق بالدودج تشارجر ولاكنه لايليق بسيارة رائعه مثل هذي .

- لاتوجد حساسات في الامام

-بخصوص القيادة هل مقعد السائق مريح وخاصة للاشخاص الطوال ؟؟
-وهل يوجد نظام للذاكرة في مقعد السائق ؟؟
- وهل المقاعد الامامية بها نظام للتدفئة والتبريد ؟؟
- ونظام التعليق كيف اتقيمونه؟؟
- وهل الموسيقى الصادرة من الهيمي مسموعه داخل المقصورة اما لا؟؟

وسؤال اخيرا ؟؟ فيه تصوير بالفيديو ؟؟

وشكرا لكم اخواني والله يوفقكم دائما ويجعلكم من عباده الصالحين

grandv8

25-07-2005, 10:36 PM

اخيرا شفنا التجربة لهذي السيارة التحفة

انا تعجبني السيارة وايد بس عندي ملاحظات عليها بعضها قالوها الشباب

- من الداخل مبالغين وايد في البساطه والمكيف الخلفي المفروض يكون له ازار للتحكم مثل السيارات لفخمه الاخرى ممكن الطبلون يليق بالدودج تشارجر ولاكنه لايليق بسيارة رائعه مثل هذي .

- لاتوجد حساسات في الامام

-بخصوص القيادة هل مقعد السائق مريح وخاصة للاشخاص الطوال ؟؟
-وهل يوجد نظام للذاكرة في مقعد السائق ؟؟
- وهل المقاعد الامامية بها نظام للتدفئة والتبريد ؟؟
- ونظام التعليق كيف اتقيمونه؟؟
- وهل الموسيقى الصادرة من الهيمي مسموعه داخل المقصورة اما لا؟؟

وسؤال اخيرا ؟؟ فيه تصوير بالفيديو ؟؟

وشكرا لكم اخواني والله يوفقكم دائما ويجعلكم من عباده الصالحين

هلا اخوي علي
مقعد مريح اخوي وحتى لو كان طويل وتحس براحة ماشاء الله

بالنسبة للذاكرة مااتذكر واكيد فيه مستحيل من غيره مايكون له ذاكرة.

مافي نظام التدفئة للسيارة

نظام التعليق حلو ومرن وخاصة للمناورات والسرعات

وهل الموسيقى الصادرة من الهيمي مسموعه داخل المقصورة اما لا؟؟
مافهمت السؤال قصدك موسيقى ولا صوت المحرك

هالمرة ماصورنا فيديو للسيارة اخوي

حياك الله اخوي
:D

زورو الامارات

25-07-2005, 11:13 PM

السلام عليكم واقول للشباب ماقصرتوا يكفينا شرف انكم تتابعونا وتدعولنا بالدعوات الطيبه جزاكم الله خير

واستاذي محمد جراند ماقصر رد على كل الاسئله وزياده

الاخ غريب فهمتك قصدك صوت هدر المحرك والله ماكان عالي يعني تسمعه بشكل شبه عادي ومثل ماقال جراند العزل في السياره عالي لكن مالاحظت والله اعلم ان لها صوت نغمه محدده

clk 230

26-07-2005, 03:19 AM

لا تزعلو مني بس يريت كان s8 معاكم في التجربه كان التقرير حيكون افضل من كدا بكتيررررررررر
يعني مو كلو بس صور ممكن اي احد يحصل عليها من الانتر نت
على العموم ما قصرتو ا :ranting: :ranting:

grandv8

26-07-2005, 06:12 AM

لا تزعلو مني بس يريت كان s8 معاكم في التجربه كان التقرير حيكون افضل من كدا بكتيررررررررر
يعني مو كلو بس صور ممكن اي احد يحصل عليها من الانتر نت
على العموم ما قصرتو ا :ranting: :ranting:

اخي الكريم مب شرط يكون التقرير كامل او انقل من النت او انا كتبت
الاسئلة بعض الشباب الي يقدر يعرف بالسيارة يقدر يسال كثيرة.

ياما كتبنا تقرير كامل عن السيارة ماحصلنا الا كم رد.

وهالمرة نحن نكتب مختصر ونخلي الصور هي الي تتكلم عن التجربة اخوي.
تركيز على الصور خير برهان للتجارب.

اخونا ماجد يكون معانا او انت حاضرين اخوي بالخدمة ونجرب مع بعض.

اذا كانت هي التجربة ماعجبتك عشان التقرير مب كامل او منقول من الانترنيت او تقرير ناقص من عندي او من خلال الاسئلة من الاخوان؟
لايدل ان الموضوع غير متكامل اخوي.
اسئلة الاخوان هي تدل ان الاسئلة من الاخون عرفوا الموضوع ولا :)

شكرا لك اخوي

غريب السيف

26-07-2005, 01:20 PM

هلا اخوي جراند ومشكور على ردك للاسئلة

بخصوص موسيقى الهيمي ...كان قصدي صوت المحرك وقت ما تدعس على الريس هل الصوت مسموع من داخل السيارة ...

لان اللى عارفه ان محركات الهيمي لها زمجره مميزة وضعتها شركة دودج لتضفي متعه في القيادة
ولما اشوف انا السيارة وهي تدعس ..اسمع صوت محرك الهيمي وهو يزمجر وما ادري اذا كان الصوت مسموع من المقصورة الداخلية

grandv8

26-07-2005, 10:39 PM

هلا اخوي جراند ومشكور على ردك للاسئلة

بخصوص موسيقى الهيمي ...كان قصدي صوت المحرك وقت ما تدعس على الريس هل الصوت مسموع من داخل السيارة ...

لان اللى عارفه ان محركات الهيمي لها زمجره مميزة وضعتها شركة دودج لتضفي متعه في القيادة
ولما اشوف انا السيارة وهي تدعس ..اسمع صوت محرك الهيمي وهو يزمجر وما ادري اذا كان الصوت مسموع من المقصورة الداخلية

اكيد مسموع وصوته حلو عند تغط عليه،تحس نغمة موتر رياضي :banana:

حاضرين اخوي

SLR

28-07-2005, 11:33 AM

تسلمووون شباب والله ماقصرتوا:)

هذي التجااارب اللي الواحد يشتهي يشوفها ولابلاااااش....

بس من خلال قيادتي لهذي السيارة الاحظ ان صرفيه البترول عاليه تكون في حالة الضغط والعزم لاقصى حد...

مادري ليش مافي شي كامل في عالم السيارات...

grandv8

28-07-2005, 04:40 PM

تسلمووون شباب والله ماقصرتوا:)

هذي التجااارب اللي الواحد يشتهي يشوفها ولابلاااااش....

بس من خلال قيادتي لهذي السيارة الاحظ ان صرفيه البترول عاليه تكون في حالة الضغط والعزم لاقصى حد...

مادري ليش مافي شي كامل في عالم السيارات...

حياك الله اخوي

بالنسبة للضعط على السيارة انا ماجفت صرفية منه ،وكان عادي ويمكن يصرف على سرعات عالية وعلى الخطوط السريعه ،بس من خلال الدوس والغط عليه والمكيف شغال وماحسيت انه يصرف كثير من غيره من سيارات ثانية

شكرا لك اخوي
:D

SLR

28-07-2005, 06:08 PM

حياك الله اخوي

بالنسبة للضعط على السيارة انا ماجفت صرفية منه ،وكان عادي ويمكن يصرف على سرعات عالية وعلى الخطوط السريعه ،بس من خلال الدوس والغط عليه والمكيف شغال وماحسيت انه يصرف كثير من غيره من سيارات ثانية

شكرا لك اخوي
:D

اكييد مابتلاحظ اخوووي:)

بس اتعرف... تزيد الصرفية يوم المؤشر مالبترول يوصل للنص.. يعني الموتر اذا كان فل معباي مايصرف ..

مادري اذا عندك تعليق...

grandv8

29-07-2005, 12:12 PM

اكييد مابتلاحظ اخوووي:)

بس اتعرف... تزيد الصرفية يوم المؤشر مالبترول يوصل للنص.. يعني الموتر اذا كان فل معباي مايصرف ..

مادري اذا عندك تعليق...

انا الي اعرفه من خلال تجربة للسيارة كانت اقل من النصف واكثر
وضغطنا عليه والمكيف شغال وكنا واقفين مدة طويلة
مؤشر نزل شي بسيط .
يمكن الي انت جربته بعده تحت التجربة والسيارة مب ماشي وايد

كم كانت السيارة ماشية يوم انت جربت السيارة

شكرا لك

SLR55

29-07-2005, 02:11 PM

بكم تعبي التانكي إذا كان فاضي ؟؟

SLR

29-07-2005, 02:23 PM

انا الي اعرفه من خلال تجربة للسيارة كانت اقل من النصف واكثر
وضغطنا عليه والمكيف شغال وكنا واقفين مدة طويلة
مؤشر نزل شي بسيط .
يمكن الي انت جربته بعده تحت التجربة والسيارة مب ماشي وايد

كم كانت السيارة ماشية يوم انت جربت السيارة

شكرا لك

يعني كملت حدود على ماعتقد مالـ 18 الف....

المهم اللي بياخذ هالنوعية من السيارات مابيفتكر في البترول اصلا:)...

شو بخصوص وضعية الجلوس اللي هيه اهم شي... يعني السيارة اشوفها رزه وهل يلستها تعدل وضعية الجلوس يعني اني اكون Fit في السيت بكل واضح ومرتفع؟؟؟

انا حسيت فيه شي غلط بخصوص المسند... يعني كانه مش منسجم مع ابعاد المقعد ...

grandv8

30-07-2005, 04:53 PM

يعني كملت حدود على ماعتقد مالـ 18 الف....

المهم اللي بياخذ هالنوعية من السيارات مابيفتكر في البترول اصلا:)...

شو بخصوص وضعية الجلوس اللي هيه اهم شي... يعني السيارة اشوفها رزه وهل يلستها تعدل وضعية الجلوس يعني اني اكون Fit في السيت بكل واضح ومرتفع؟؟؟

انا حسيت فيه شي غلط بخصوص المسند... يعني كانه مش منسجم مع ابعاد المقعد ...

اسمحلي اخوي على التأخر بالرد عليك

بالنسبة للجلسة
تحس اذا كنت طويل تحس راسك يضرب بالسقف،واذا من الحجم الكبير دخلت شوي صعبة.

وانت تقصد المسند الي بالنصف او على اطراف الابواب

أكورد

01-08-2005, 04:46 AM

واووووووووو

انا معجب بالمرة بهاي السيارة

أول ماشفتها توقعت أنها منافسة للرولز رويس لأني أحسها من برا تاخذ منها هيبتها

بس انصدمت لين رحت الوكيل بالاحساء

قال لي بـ 150 ألف ريال بس !!

بس صدمني في شي ثاني

قال لي انو جميع هالموديل انحجز والكمية محدوده ولاراح يجيبون زياده لأنو كل وكيل له كمية محددخ ومافي الا تستنى السنة القادمة للموديل القادم

السيارة ممتازة بس من الخارج يعني للي يبي يرتز ( يكشخ ) أمام خلق الله

الداخلية دمااااااار مقارنة بشكلها الخارجي وأحس انو مافيها مواصفات

مرة من المرات شفتها في الجامعة
وقلت شكل هالطالب ولد نعمة الي شاري سيارة بالملايين ، ماتوقعت أنها بـ 150 ألف بس !!!

زورو وغراند وش نوع هالكاميرا الي مصورين بيها وكم سعرها

زورو الامارات

01-08-2005, 12:50 PM

هلا اكورد

الكاميرا كانون

350 دي