جي ام سي اسطوره لن تنتهي (موضوع)

[comondor--GTSR]

السلام عليكم ورحمة الله جميعا


بعد غيبة ليست بالطويلة اعود اليكم


طبعا انا موجود بس اشوف المنتدى من بعيد لبعيد وبدون مشاركة لكن حبيت اخوض في موضوع او يعتبر رد على كلام اخوي المحبب الي جدا S8
المتناقض جدا عن سوبربا ويكون وجي ام سي عموما (الاسطورة )

يكثر الكلام عن الاسطورة ويكثر ويكثر ويطول ولكن مهما يقال تبقى هذه العلامة المفضلة دوما لدى جنرال موتورز نفسها ولدى اهل الخليج خصوصا
وعلى مر العقود تبقى شامخة وقوية في ضد جميع المنافسين ونحن نعلم ان الجي ام سي تعتبر تقريبا تصنع فقط للخليج وامريكا بحكم كثرة المبيعات وكثرة الطلب عليها

كل شركة ولها عيوبها وامتيازتها ولكن الاسطورة سوبربان تبقى الافضل والاقل عيوبا وختى المفضلة بعيوبها



ظهر الفورد بمنافس جديد قبل اكثر من 4 سنوات ولكن لم يستطع الوقوف في وجه الاسطورة
http://memimage.cardomain.net/member_images/12/web/168000-168999/168547_102_full.jpg

بقيت المبيعات والطلب على السوبر بان مرتفعة وقوية

http://memimage.cardomain.net/member_images/6/web/234000-234999/234155_2_full.jpg

http://memimage.cardomain.net/member_images/1/web/793000-793999/793264_3_full.jpg

وردا على كلام اخي اس 8 باحتمال تصنيع جم سي سوبربان باستراليا او المانيافالموضوع لايقلل ابدا من هيبه هذي الاسطورة فاكاديلاك الان تصنع في المانيا بلد المحركات

وبخصوص المنافسة مع المارد اليابني الدخيل على السوق ارمادا فالمنافسة مازالت مبكرة والى الان الاسطورة صامدة ومستمرة http://memimage.cardomain.net/member_images/4/web/2056000-2056999/2056971_1.jpg

ويبقى السوبربان والجي ام سي صامدا في وجة المنافسين جميعهم

http://memimage.cardomain.net/member_images/10/web/682000-682999/682590_18_full.jpg

http://memimage.cardomain.net/member_images/10/web/682000-682999/682590_21_full.jpg

تحياتي :cool:

[saymyname]

أهلا بك من جديد...وحياك الله معانا..

مشكور على الموضوع.. :-)

[رفجة عرب]

عفوا أخالفك الرأي بالنسبة للأرمادا ..

ماحد ينكر دخول هذا الوحش على الساحة بقوة ..

وشكرا لموضوعك ..

[comondor--GTSR]

الارمادا صحيح دخل الى الساحة بقوة وسيارة يعتمد عليها لكن التاريخ والارقام تشهد للجي ام سي

الارمادا صحيح ممتاز وانا معجب بشده فيه لكن ليس على حساب تاريخ السوبربان


شكرا لمشاركتك اخوي

[TOP-SECRET]

مشكور عالموضوع اخوي

انت راعي الكمارو؟

عالعموم موضوع حلو

لكن السوق يختلف

والارمادا صار له نازل في الخليج اعتقد من سنة 2004

يعني جديد عالسوق

ولو تجي قطر بتشوفه بشكل كبير ومنافس للسوبر بان

المقصد انك قلت ان مافيه من هالسيارات استطاعت الوقوف في وجه جمس ..

بس كلامك خطأ والدليل يوم اروح شركة المانع نيسان في قطر

قالو لي ان الحين مش متوفر الارمادا وحتى في الحجز بيبدأ الطلب عليه بعد 6 شهور

بس عشان تحجز تنطر 6 شهور

لان الدفعات الجايه كلها محجوزه

بالنسبه لفورد مادري عنهم والله

[RamAir]

اخوي TOP-SECRET حتى الكورولا لين رحت للوكالة يقولك بالطلب ;) نصابين الوكالات يبون يرغبون الزبون اكثر :)

[TOP-SECRET]

اخوي RamAir لو كل وكاله قالت تنطر 6 شهور ماشفنا سيارات في الشوارع

هالشي يهرب الزبون ويخليه يشوف سيارات ثانيه من نفس الفئه

حتى لو مش راغب فيها بنفس السياره الي كان يبغيها بياخذها

لانها تأدي الغرض

وسئلت عن الكورولا وقالو موجوده:>

[RED Chevy]

صحيح الجمس له تاريخه..

لكن الارمادا الصراحة يسكت وماعليه كلام...

تدري ليش؟

لأنه امريكي..

مواصفات وايد+قوة+رحابة+شكل رهيب=سعر رخيص
وهو يتميز بأنه يوفر كل هالأشياء لكن بمقايس جديدة وبنظري تفوق على الجمس في الرحابة والقوة وحتى المميزات وتقدر تقول السعر اذا قارنته بالسوبر لكن باليوكن لا وهو بينهم...

لكن انا اقول لك لاتحكم من احين عطه وقته وخل ينزل الجمس اليديد وذاك مابيحتاج فترة عشان تتأقلم الناس عليه، سيده بيحكم السوق من يديد وانتظر لي 2007 اذا الله احيانا نشوف السوق لمن عقب واللعبة بنتصحر بين الجمس والنيسان الباقي من احين اقول لكم (( برى اللعبة))

[560SEL]

:D GMC RULEZ :laugh:


:knight: :knight: :knight:

[HaKeM]

بصراحه الي يعرف انه الجمس حيتغير عام 2007 حيفكر الف مره قبل مايشتريه

لأنه 2006 حيكون أخر موديل لشكل الحالي و2007 في الغالب أول موديل يتغير فيه الشكل يكون فيه خرابات ومشاكل

وانا متوقع نجاح كبير للأرمادا

[مؤيد اف1]

الارمادا ناجح لان اسلوبه جديد فقط لاغير مو عشان انه افضل من الGMC وسياره توها نازله السوق بتجذب الزباين لانهم يبغو شي يتميزو فيه وغير ان نيسان شركه قويه بغض النظر عن اصل السياره..

[SmLo]

GMC
في الصدارة ولا يعلا عليه في المتانة والقوة والأداء وكلو...............GMC 100%

[lumina]

موضوع معروفه نهايته .. سلام .

[ميكانيكي]

الجمس وانا اخوك تظل له مكانته الكبيرة وهيبته في كل الخليج
شوف كيف منتشر بشكل كبير جدا في الخليج وبالذات السعودية
انتشاره كبير جدا ..
وهذا يدل على حقيقة واضحة وهي قوة سيارات الجمس وجودتها
وانها مرغوبة بقوة خصوصا للعائلات وحتى للافراد :)
هذي سيارات عريقة جدا ومكانتها ثابتة وشهرتها كبيرة :)
ولا احد يقدر انه ينكر هذا الشي نظرا لان الحقائق اللي جدامنا في الاسواق تشهد بنجاحها الكبير على مر السنين .

[mits_stiggy]

صحيح كلامك اخوي ميكانيكي وانا معك بس ما تشوف انه اذا كان فيه بديل ف خلاص !
يعني ما وقفت الاّ على امريكي :sleep: ياخي قاطعوا !


وبالمناسبه الصوره قبل الاخيره بالفعل روعه .... من جد منظر ساحر وخضره جميله !!!