سيارة [ لانسيا ] الفخمة في وكالة فيات في دبي ( تقرير مصور ) !

[uae speed]

السلام عليكم :)

قمت بزيارة وكالة فيات في دبي قبل عدة أيام ، وصورت سيارة لانسيا الايطالية والتي تعتبر من السيارات الفخمة ، مع ان تصميمها غريب قليلاً .. !

السيارة تعتبر نادرة في شوارع الامارات والخليج أيضاً ، والاسباب معروفة طبعاً لعدم معرفة جودتها ، ولقلة قطع الغيار ، وربما عدم ملائمتها لجونا الحار نسبياً ، وأيضا عدم ثقة المستهلك الخليجي في السيارات الايطالية ، مع ان سعرها الذي يبلغ 155 الف درهم يعتبر متوسط تقريبا وغير مبالغ فيه نظراً لما تحتويه السيارة من مواصفات ممتازة وفخامة رائعة :)


مواصفاتها كالتالي :

المحرك يتكون من 3 لترات .. 6 سلندر و 24 صمام ..
وقوتها تبلغ 158 واط على سرعة 6300 rpm ..
وعزمها 263 على 5000 rpm ..
القير من 5 سرعات ..

تتوفر بهايدروليك و8 ايرباقز ( 4 في الامام و 4 في الخلف ) ..
باي زينون و مع مشاش لغسيل الاسطابات :D
تتوفر بثلاث وضعيات الكترونية لتحريك المقاعد ..
البريكات تأتي بأقراص مهواه مع ABS ..
مقاس الرنقات 16 انش ..
تحكم بالصوت والبيبانات من المقود ..
مع وجود هاتف و نظام ملاحة GPS بالاضافة الى شاشة تلفزيون ..

والان اقدم لكم الصور :

http://www.alamuae.com/upload/Folder-4/1124144049_1.jpg

http://www.alamuae.com/upload/Folder-4/1124144102_2.jpg

http://www.alamuae.com/upload/Folder-4/1124144206_3.jpg

http://www.alamuae.com/upload/Folder-4/1124144304_4.jpg

http://www.alamuae.com/upload/Folder-4/1124144471_5.jpg

http://www.alamuae.com/upload/Folder-4/1124144560_6.jpg

http://www.alamuae.com/upload/Folder-4/1124144600_7.jpg

http://www.alamuae.com/upload/Folder-4/1124144682_8.jpg

http://www.alamuae.com/upload/Folder-4/1124144766_9.jpg

http://www.alamuae.com/upload/Folder-4/1124144852_10.jpg

http://www.alamuae.com/upload/Folder-4/1124145369_11.jpg

http://www.alamuae.com/upload/Folder-4/1124145470_12.jpg

http://www.alamuae.com/upload/Folder-4/1124145536_13.jpg

أتمنى أن ينال الموضوع على اعجابكم ، جميع حقوق الصور محفوظة :)
وترقبتوا مفاجآتي القادمة والحصرية على سوالف السيارات :)
تحياتي للجميع ، أخوكم عبدالله :)

uae_speed@hotmail.com

[الماني]

سيارة روعة بس ما ادري ليش ما لها شعبية!
وشكرا اخوي على المجهود

http://alzadjali.jeeran.com/alzadjali.gif

[SmLo]

مشكووووووووووور

والسيارة شكلها الخارجي مو قد كدا..........بس من جوه فخمة مو مرررة بس فخمة

[ERT]

السياره حلوه وسعرها مناسب جدا والسيارات الايطاليه تجذب الانظار

[الرشيق]

والله من برع الشكل غريب شوي لكن من الداخل حلوه والله وفخمه وفيها كثيير من الميزات مشكور اخوي على مجهودك الرائع :banana:

[RED Chevy]

من برى بايخة وقبيحة لكن من داخل روعه وماعليه كلام، بس مدري ليش تذكرني بالروفر....

[abumhdi]

صراحة .. شي ..

[دكتور / مجنون]

شكلها شبه الجاكوار من الامام تقريباً و من الداخل حول الجاكور S


من الخلف لو الاسطبات لونها أحمر .. كانت اكثر فخامه

[760IL]

السياره فخمه مره وسعرها مناسب لاكن السبب في عدم انتشارها هو الوكيل نفسه...يعني انا ماعمري شفت لها اعلان واحد

[cruiser2000]

والله من برع الشكل غريب شوي لكن من الداخل حلوه والله وفخمه وفيها كثيير من الميزات مشكور اخوي على مجهودك الرائع :banana:


same same

احب اضيف

شكلها الأمامي غريب ويعود للستينات ايام قوم بوعين

[رفجة عرب]

ركبتها في الوكالة وصراحة كانت غير مريحة اطلاقاَ ..

ومن الداخل تشبه ديزاين مرسدس S-CLASS بشكل غريب ..

شكرا لك اخوي عبدالله على التقرير الرائع والبسيط ..

[TOP-SECRET]

يعطيك الف عافيه عبدالله على التقرير الروووعه

مشاء الله كامل والكامل الله

سعرها ممتاز

من الداخل فخمه وروعه من الخارج شكلها كلاسيكي بس زياده عن الزوم

محركها المفروض يكون اكبر واقوى لانها من فئة السيارات الفخمه

بشكل عام السياره روعه بس بالنسبه لي من الداخل روعه ومن الخارج تحتاج اعادة نظر

والمحرك يحتاج تغيير او تزويده بشاحن عشان يعطي مستوى مقبول للسياره

وشفتها في شوارعنا مرتين بس وحده سوده ووحده بيضه

وننتظر تقرير الجاي ان شاء الله

[king_prelude]

تسلم اخوي على الموضوع

بس السيارة هذي غريبة الصراحة وشكلها من الخارج لك عليه

[WRX]

السلام عليكم


الصراحة تقرير رااااااائع يستحق التثبيت...

شكل السيارة من قدام مااااااااااااااله داعي بس من ورى ينبلع...


انا اشوف ان يبغالها شوية دعاية ويمكن تشتغل شوية لأن مواصفاتها حلوة وسعرها مناسب ليش ماتشتغل؟


ويالله مشكووور عيوني مرة كمان...

[lumina]

سبارة من الداخل ماعليها كلام لكن من الخارج يبالها إعادة تهيئة وتصميم .. و أشكرك اخوي على التقرير الرائع والله يوفقك و ننتظر المفاجئه

[uae speed]

شكراً شباب على المشاركة ، وان شاء الله أقدم لكم كل ما هو جديد وغريب :)
وانتظروا مفاجأتي القادمه :)

[opel005]

انا معجب بالسيارة هذه .. واشوف انها قمه بالفخامه
والسيارة اشوف ان سعرها جدا مناسب على مواصفاتها
بس مشكلتها غير معروفه وصيانتها صعبه شوي خاصه في عندنا بالخليج

مشكوور على الصور والمعلومات اخوي uae speed

[grandv8]

السلام عليكم ورحمةالله وبركاته

ماشاء الله عليك اخوي عبدالله كفيت ووفيت وجزاك الله خير

بالنسبة للسيارة ماحاولت تجربه عندهم .

شكرا لك
:banana:

[الهاوي جروب]

من الداخل فظيعه من الخارج غير جميله

[saymyname]

بصراحة الوجهية..... ماتنهضم بالمرة.....

فيها من الروفر شوي.....لكن بصراحة تذكرني بالاوبروس ليش ماادري مع ان الشبه مو قريب...

لكن الحق ينقال من الخلف جيدة.....ومن الداخل روعة بصراحة....

يعطيك العافية أخوي عبدالله على التقارير الرائعة والغريبة... :D

[saymyname]

على فكرة مافي شي مميز في الخلف....!