View Full Version : باركوا لي شباب شريت سيارة .. هالمرة غيير..
تابعوا الصور وبوافيكم بتقرير ان شاء الله بعد تجربتي لها بالتفصيل..
نبذه عن السيارة..
صناعة شركة كيوشو اليابانية..
اول سيارة في العالم تحتوي على محركين سعة 26 سي سي .. اقوى محركات ستوك...
نظام اير فلتر فوق ... عادتا تاتي داخل البودي يعني مع المكينه مما تتسخ بالاتربه بسهوله..
لاول مرة عادمين خلفيين لكل محرك..
السرعة القصوى 65 كم دفع رباعي متواصل..
نظام جير بوكس 3 جي تروونيك .. مالرمسيدس ههه .. اقصد ب3 سرعات...
جهاز يحتوي على 4 قنوات... قناتين للانحناء وقناة للسير امام وقناة الرجوع للخلف...
تحكم بتعشيق الجير من خلال الجهاز... يعني فيه N وفيه D وفيه R ...
بوافيكم بالتجربة ان شاء الله قريبا... واترككم مع الصور...
http://www.kyosho.de/shop_image/product/6836a20b6df5c5ffd6ca21efc995ba96.jpg
http://www.kyosho.de/shop_image/product/fe18bfa9e4bae1e461fcf9eb6c42aaa5.jpg
http://www.kyosho.de/shop_image/product/a5156143bb326613293f0c63689bce8e.jpg
http://www.kyosho.de/shop_image/product/d81702250d7e0edbb027d6038cb38a4e.jpg
http://www.kyosho.de/shop_image/product/17ab16b4a42aa93b3b0668b3f8ce144a.jpg
http://www.kyosho.de/shop_image/product/43b5f17172efffcb7bb512162f41bb2e.jpg
وحاضرين لاي سؤال:)
SLR
الماني
17-08-2005, 07:16 PM
روعة اخوي
يعطيك خيرها ويكفيك شرها خخخخ
بس ما خبرتنا كم سعرها ؟
مؤيد اف1
17-08-2005, 07:19 PM
الصراحه حلوه مره السياره :D
بس ماقلت لنا كم السعر ووين تنباع
وكيف صيانتها :D
مشكوريين شباب وماقصرتوا...
طبعا السعر بالدرهم الاماراتي 2900 بعد الخصم..
بالاضافة الى 2 جالون بترول نسبة احتراق 20% الاقوى.. بسعر 70 درهم لكل جالون..
سعر السيارة يشمل الريموت كنترول باربعه موجات.. والشواحن وعدة الصيانه بالاضافه الى قطع غيار ولاتنسى السيارة طبعا...
وعن مكاان البيع والصيانه .. اكيد معروف لددى الكل مركز الهوايات في دبي .. معرض ضحم ومحترم واسعارة والخدمات جدا مرضيه... يعني شغل نظيف ومحل شرح ,, وهذا هو موقع المحل في الويت سايت... ولاتنسون عندده جميع وكالات الشركات اللي تنتج هالنوع من الاجهزة...
بالاضافة الى القوارب والزوارق وسيارات الطرق وسيارات الدفع الرباعي والطائرات والهليكبترات...
والمحل صاحبه الجزيري... هو نفس صاحب وكالة اللمبرغيني في الامارات...
http://www.hobbycentre-uae.com
تحياتي
Supra_Rider
17-08-2005, 09:38 PM
مبروك عليك اخوي
بس تحمل لا يخالفونك عالمخفي العاكس :D
مبروك عليك اخوي
بس تحمل لا يخالفونك عالمخفي العاكس :D
ههه بدينا نشمت:)
لاتحاتي .. بتحمل المخالفات لكن منو يجرأ يوقف هذي ويخالفها....!!!! شو هال500 درهم اللي بتجني على شرطي يجرأ يخالف هالعملاق ههههههههه
SLR
uae speed
17-08-2005, 10:01 PM
والله حلوة .. بالبركة اخوي .. :)
بسألك أخوي عن البترول .. هل تستخدم بترول خاص ؟
ولا اي بترول عادي من المحطات ؟
بالبركة والله فرحنا لك...
تصدق ليه فترة افكر جدياً في وحدة!
بس المشكلة مالها صيانة عندنا - على حد علمي- على العموم بالبركة عليك مرة كامن:-)
بس سؤال : انت وين تمشيها؟
يعيني تطلعها اماكن في طعوس وشغلات زي كذا ولا كيف؟
red_RPM
17-08-2005, 10:15 PM
مبروك ويعطيك من خيرها
شكلها ممكن تمشي علي الماي ؟
والله حلوة .. بالبركة اخوي .. :)
بسألك أخوي عن البترول .. هل تستخدم بترول خاص ؟
ولا اي بترول عادي من المحطات ؟
هلا اخوووي UAE Speed
والله يبارك فيك ويعطيك من ماعطانا...
عن البترول ... محركات هالسيارات وبشكل عام لازم تكون خاصه...
يعني تحتوي على نسب احتراق خاصة تعتمد على حسب القوة اللي تريدها.. يعني في محركات اللي تقاس بمقدار 18 سي سي فما فوق تتحمل الى 20% نسبة احتراق ولكن مع زيادة الاحتراق تزيد الصرفيه... وفي سيارات اللي تحت ال18 سي سي حدددها بالكثير بترول نسب احتراق 15%,... وطبعا اللي يستخدمونه بشكل رسمي 10% ولونه ورددي اما ال15% والعشرين لونه اصفر يكون...
باختصار... البترول خاص لانه يحتوي على زيت بما ان المكينه مافيهها اييل يعني يكون مخلوط بترول واايل وطبعا مش اي بترول... والبترول سعرة بسيط .. لو اتشوف جلن الكلوركس الكبير ينباع بالجالون يعني الجالون الواحدد كثر بسعر 80 درهم... ويالله يكفييك وااايد يعني مالعشر رحلات هذا اذا كنت تلعب وايد يعني لاتحاتي الصرفيه....
وعمل السيارة بالضبط نفس المحرك الاصلي اللي في سياراتنا يعني نفس الفكرة بس مصغره.. وهناك قطع تزويد خاصة وكل الاكسسوارات... يعني السالفه حلوة وعجبتني .. مع اني قبل كنت امارس هواية الطيارات.. وكنت امتلك هليكبتر... بس صعبه وايد فاستغنيت عنها بسيارة... وانشاء الله في مشروع المارين:) زورق سريع ... بس اللي ضايقني انه لو وقف وتعطل لازم اسبح واييبه :(
حاضرين لاي سؤال...
SLR
بالبركة والله فرحنا لك...
تصدق ليه فترة افكر جدياً في وحدة!
بس المشكلة مالها صيانة عندنا - على حد علمي- على العموم بالبركة عليك مرة كامن:-)
بس سؤال : انت وين تمشيها؟
يعيني تطلعها اماكن في طعوس وشغلات زي كذا ولا كيف؟
الله يبارك فييك اخووي WRX ...
وعن مشاكل الصيانه .. حط فبالك ان المحركات ذات السعة فووق ال 18 سي سي غالبا ماتكون اعطالها قليله ... ولاتنسى مع كل طلعه تحمل يدخل رمل في الاير فلتر او المكينه اثتاء تغيير البلكات... هواية حلوة تقدر تستعرض عضلاتك فيها بدل ماتخاطر بنفسك وانته فيها...
وعن اماكن المشي.. انا افضل الاوف رود كارز امثال هذي لانها ممكن تمشي عالمكانين وبسرعه جنونيه يعني كانت في الطريق العادي او الوعر والطعوس بعد بس انا افضل امشيها عالبحر:) ادلعها... ودام انها فورويل وبلاث سرعات بالاضافة الى خاصية الرجوع للخلف بنفس قوة السير للامام لاتحاتي شي يوقفها.... شكلها شر ياخوي مش سيارة طبيعيه... وبوافيك بتقرير لو قدرت بس المشكلة ماشي مواد خام وميديا واجهزة تصوير ... بس بحاول ونا مشكلتي هيز وايد ماتحرك هههه... والسموحه..
SLR
مبروك ويعطيك من خيرها
شكلها ممكن تمشي علي الماي ؟
مشكووور والله يبارك فييك اخوي Red RPM...
بخصوص الماي بصراحة ماجربت بس غميضه ادخلها في الماي شلها اول ماتدددددخل بيدش ماي من الكزوز وعلى طوول بتبند ويالله نظف المكينه:)...
SLR
grandv8
17-08-2005, 11:13 PM
السلام عليكم ورحمةالله وبركاته
ماشاء الله بالبركة اخوي
الله يعطيك خيرها ويكفيك شرها.
بس ماصورت لنا بالرمل كيف وبالشارع.
هل تقدر تزود المحرك.
وين المحل الي اشتريت منه.
شكرا لك
:D
sayedco
18-08-2005, 02:26 AM
أول شي توقعت سيارة عادية ،،، لكن بعد ما شفت 26 سيسي !! أقول هاذي سيارة تاريخية و مالت زمان أول :D
بس طلع ريموت فريكونس
المهم بالنسبة للستوك ماتدري جم حصان ؟؟ كأنه القديم 3 حصا إنت ركب هيدرز و إكزوز سيستم بيصير 6 حصان يمكن
هاي اللي قالولي عنه ، بس إنت و فنك :D
و بالنسبة للسعر ممتاز جداً خاصة مع كل هالمواصفات مثل القير و الريوس و بارك
و مشكور على الصور و نبي صور طبييعية و السيارة تركب حجرة كبيرة (بالنسبة لها :D
lumina
18-08-2005, 02:46 AM
الله يعطيك خيرها ويكفيك شرها .. حلوة واااايد .. وانا من محبي هذي السيارات بس ايام قبل على قوم بو البطاريات البيض لوووووووووووووول ..
قلق و رجه
18-08-2005, 04:04 AM
مبروك على السيارة الحلوة
وعقبال التوين تيربو عليها
قد شفت محل في ستي سنتر فية زي هالسيارات في الطابق السفلي الجديد عند انتظار التكسي
فيه انزو على ما اظن قالي 4 حصان
وعندهم غيرها
بس احس سعرها غالي شوي
يعطيك العافية
TOP-SECRET
18-08-2005, 04:35 AM
اوووووه طلعت عندك نفس الهوايه
انا عندي سافاج Ss
هذي السياره اول مره اشوفها شكلها قويه
والقير اول مره اشوف 3 نمر وبهالطريقه
بالنسبه لسعرها ممتاز ومقارب للسافاج
وسعرها ممتاز جدا
عقبال التزويد
كم حجمها
لان فيه احجام فيه حجم متوسط انا ناسي المقاسات بس فيه 1/8 هذا الحجم الكبير على ما اعتقد
السلام عليكم
اول شئ الف شكر على الرد عيوني
الصراحة انا كنت ناوي على السبورت زي الأنزو الي قال عنها توب سيكرت...
بس عندي مشكلتين زي ما قلت لك الصيانة وراح تنحل انشاء الله اول ما الاقي واحد في جدة ((والله يعينني على المشوار:-())
والثانية دوبها جات في بالي.....وييييييييين راح امشيها!
لأن سمعت عن واحد اشترى سيارة من هل النوع وقاعد يجربها في ساحة كبيرة عندنا "محل مصلى العيد" مساحة كبيييييييرة ومزفلته فجئة تفائجة بواحد بجيب ((كبسولة)) جاي طاير من بعيييييييييييييد ((يستخف دمه وطلع فوووقها وعدهما له)) :(
عموماً الف شكر لك بس استفسار بسييييييييييط كمان اتمنى انك تستحملني فيه
كل كم تقريباً السيارة تحتاج للصيانة؟ :think:
HAMANN.de
18-08-2005, 09:16 AM
الله يقطع ابليسك وانا اقول ايش السياره ذي طلعت ذي :)
bashar_255
18-08-2005, 09:35 AM
يبيلك دبات فلوماستر :D
TOP-SECRET
18-08-2005, 05:20 PM
WRX هلا اخوي
بالنسبه لي انصحك تشتري بق فووت
لان تقدر تسوي اشياء كثير فيها
بالبر تقدر تضرب طعس وتستعرض فيها
وحتى في الشارع حلوه سواقتها وتقدر تشيل فيها
بالنسبه للسبور ماراح تعجبك كثير لان بس حق سباق واي ضرب تجيها راح تصير لك مشاكل
البق فووت عمليه اكثر
وانصحك بسيارة الاخ او تشتري سافاج 25 تقريبا هم اخر سيارتين بق فوت نزلوا الخليج وقوتهم ممتازه
فيه نوع ثالث بق فوت بس ناسي اسمه للاسف
لو بغيت افلام حق السافاج تضرب طعس ضيفني عالايميل وفالك طيب
ولو بغيت تزيد من ثقافتك للهوايه
زور منتدى قطر سبيد فيه قسم للسيارات والطائرات اللاسلكية
وبالتوفيق
الصور ياجمااعه... حصلت اثناء التنظيف .. بخصوص القيادة ماحصلت فرصة يعني حد معاي يقدر يصور... ماقدر اصور وانا اسوووق:)
http://www.alamuae.com/upload/Folder-4/1124385492_CIMG1151.jpg
http://www.alamuae.com/upload/Folder-4/1124385602_CIMG1153.jpg
http://www.alamuae.com/upload/Folder-4/1124385820_CIMG1155.jpg
http://www.alamuae.com/upload/Folder-4/1124385875_CIMG1156.jpg
http://www.alamuae.com/upload/Folder-4/1124385901_CIMG1161.jpg
http://www.alamuae.com/upload/Folder-4/1124385925_CIMG1166.jpg
http://www.alamuae.com/upload/Folder-4/1124385955_CIMG1168.jpg
http://www.alamuae.com/upload/Folder-4/1124385983_CIMG1170.jpg
http://www.alamuae.com/upload/Folder-4/1124386005_CIMG1173.jpg
http://www.alamuae.com/upload/Folder-4/1124386035_CIMG1175.jpg
http://www.alamuae.com/upload/Folder-4/1124386062_CIMG1177.jpg
http://www.alamuae.com/upload/Folder-4/1124386087_CIMG1179.jpg
http://www.alamuae.com/upload/Folder-4/1124386157_CIMG1180.jpg
http://www.alamuae.com/upload/Folder-4/1124386184_CIMG1181.jpg
http://www.alamuae.com/upload/Folder-4/1124386209_CIMG1183.jpg
http://www.alamuae.com/upload/Folder-4/1124386234_CIMG1186.jpg
http://www.alamuae.com/upload/Folder-4/1124386263_CIMG1187.jpg
http://www.alamuae.com/upload/Folder-4/1124386287_CIMG1189.jpg
http://www.alamuae.com/upload/Folder-4/1124386314_CIMG1191.jpg
http://www.alamuae.com/upload/Folder-4/1124386347_CIMG1192.jpg
http://www.alamuae.com/upload/Folder-4/1124386372_CIMG1196.jpg
واسف اذا الصور مش واضحه... لان المصور اي شي طلع ... فشله... <<<
مبروك الف الف مبروك .... على السياره ....
واحلى شي Mini-z من شركه كيوشو :D تويوتا فيتز :D
http://www.mini-z.jp/modules/catalog/photos/8.jpg
[QUOTE=ERT]مبروك الف الف مبروك .... على السياره ....
واحلى شي Mini-z من شركه كيوشو :D تويوتا فيتز :D
مشكوووور اخوي ERT:)
بخصوص الميني ترى كلها اجزاء بعده بس الهيكل يختلف... وفيه كل انواع السيارات حتى الكروزر والكرايزلر 300 سي.. لو اتزور السايت الاصلي للشركة بتشوف العجب هناااك:)..
SLR
SLR.... مبروك
أخوي بغيت أسألك عن الموديلات الموجوده ... في أنواع Off Road بس سنقل مب 4X4 ... و مركز الهوايات هل لهم فرع في بوظبي؟ .. الصراحه حمستني يوم شفت الموضوع ..
و سؤال أخير عن ال CLS مال أخوك .. بكم شراه و يا ريت تقولي رايك فيه .. هل آخذ CLS ولا أنتظر ال S اليديد ... لأنه ال CLS شبابي أكثر عن البودمعه .. و شكراً
SLR.... مبروك
أخوي بغيت أسألك عن الموديلات الموجوده ... في أنواع Off Road بس سنقل مب 4X4 ... و مركز الهوايات هل لهم فرع في بوظبي؟ .. الصراحه حمستني يوم شفت الموضوع ..
و سؤال أخير عن ال CLS مال أخوك .. بكم شراه و يا ريت تقولي رايك فيه .. هل آخذ CLS ولا أنتظر ال S اليديد ... لأنه ال CLS شبابي أكثر عن البودمعه .. و شكراً
اخوي سياف ...
مشكووور عالمشاركة ..
بخصوص طلبك.. بتحصل هالنوعية من السيارات حسب موديلاتها يعني هناك الماد فورس قويه على شكل شاحنه نفس اللي اتشوفه وسنجل وبتحصل سيارات على نفس الشكل فورويل .. الكل قوي .. بس ميزة الفوريل انه لو علق عليك فوق مكن يطلع اما السنجل يغرز بس ماقصد انه مش قوي بس صعب انه يغرز بفعل قوته .. وعن مركز الهوايات اذكر كان واحد يخبرني انه كان موجود في مركز المارينا في بوظبي بس بندو المحل من 3 سنوات يمكن... والمحل اللي في دبي محل ضخم يعني مش محل عادي كانه 10 محلات في بعض مفتوحه تحت اسم مركز الهوايات.. يعني كفايه زيارتك له بتحس فدنيا ثانية .. موديلات واشكال حلوة والوان واكسسوارات يعني شي خيالي مش محل..
وبخصوص السي ال اس.. اسمع اخوي.. هذا فئة والاس كلاس فئة ثانية..
والاس شكل جديد الكل يتطلع لرؤيته.. بس لو بتاخذه راح يكلفك اكثر عن السي ال اس..
والسي ال اس ممكن بقيمه الاس كلاس لو نويت عليه ممكن تاخذه بزوايد AMG وكفايه انه يكون 500 مثل اللي عندنا.. يعني قوي ولاتنسى الاكزوزات تسوي دور في القوة يعني جربناه مع اس ال 500 بس طلع اقوى اللي عندنا بحكم الوزن لاتنسى مقارنه مع الاس ال...
والخيار بين الاثنين صعب..
لو انقول سعر ىالاس كلاس 370 الف...
بهالسعر ممكن اخذ سي ال اس مميز بزوايد amg نفس ماقلت لك... ولا اني اخذ سيارة ستاندرك.. وماجهل ميزة الاس كلاس اكيد بيكون شي مبهر... بس كشكل مازلت افضل السي ال اس كونه صالون وكوبي يعني شبابي بحت وجذاب شكله وااايد يخطف الانظار في الشارع...
وسعره كلفه تقريبا بالضبظ مع الزوايد 340 الف تقريبا...
وحاضر لاي سؤال...
تحياتي لك..
SLR
ما قصرت الغالي ... كلامك حلو و منطقي .. بس أخوي ما تحس أنه ال CLS بيكون متخلف تقنياً شوي عن ال S ؟ .. أنا وايد أحب التكنولوجيا .. على فكره حمستني بسعر ال CLS .. و أحس كل فلس حلال فيه ..
عالعموم بعدني أفكر في الموضوع و مشكور و ما قصرت الشيخ ..
ما قصرت الغالي ... كلامك حلو و منطقي .. بس أخوي ما تحس أنه ال CLS بيكون متخلف تقنياً شوي عن ال S ؟ .. أنا وايد أحب التكنولوجيا .. على فكره حمستني بسعر ال CLS .. و أحس كل فلس حلال فيه ..
عالعموم بعدني أفكر في الموضوع و مشكور و ما قصرت الشيخ ..
من ناحية التقنية... ترى السي ال اس نفس اوبشن الاي كلاس الفل...انا لاحظت ان سعره مبالغ فيه... بس والله على شكله احس هو اللي شايل السعر...
وعن تكنولوجيا الاس كلاس الجديدة فعلا جديدة اشوفها في عالم السيارات...
وصحيح امتلاك سيارة الكل يطمح لرؤيتها شي في غاية الروعه..بس اخوي اذا اتحس انك بتحط دم قلبك في سيارة يديدة ماتعرف شو مشاكلها كونها اول سنه لها .. ابتعد عنها يعني اتريا الجيل اللي بيكون عقب سنه اكيد بيكون مطور بعد مايكتشفون الاخطاء المصنعية من قبل الزبائن الاوائل لهذي الفئة..
انا اشوف السي ال اس خاصة في هالفترة وموديل 2006 بيكون مطور اكثر ومعدل على موديل 2005 ... وصدقيني السيارة لها هيبه وشكلها مش طبيعي وهي في الشارع... بالاحرى جذابه وبتلاحظ من كل صوب الكل يصدد عليك... لان شكلها غييير ومميز... خاصة لو يكون عليها AMG وسلامي مابينقصك شي... الا بيزيدك من عقبها :)
SLR
بروك عليك السيارة.........
بروك عليك السيارة.........
الله يبارج علييك اخوي SM_زيرو_SM
king GT-R
19-08-2005, 11:23 PM
انا عندي سيارت wild degger وكانت اول سياره عليها محركين لكن السيارت تشتغل على الكهربه (محب للبيئة)
بس هل تعرف مواقع لمثل هذي السيارت عشان اشتري قطع
انا عندي سيارت wild degger وكانت اول سياره عليها محركين لكن السيارت تشتغل على الكهربه (محب للبيئة)
بس هل تعرف مواقع لمثل هذي السيارت عشان اشتري قطع
اخووي:) صحيح الكهربائية لازم تكون بمحركين امامي وخلفي عند كل دفريشن... علشان القوة بس المشكلة انها تفضي الطاقه بسهوله...
وعن تجربتي للسيارة كان فيها عيوب... اللي هيه:
بخصوص العادم الخلفي اثناء انقلاب السيارة يطيح..
بس قررت اني الحمه ولكن بتوسيع العادم واطوله زيادة يعني بيريح المكينه وبيعطي قوة اكبر..
المهم اثناء تجربتي لها ماخليت مكان ماسرت... يعني صعدااات جدا حادة وماكانت صعيبه عليها .. بس منظرها مغري كانها حقيقيه وتكذب العين مجرد رؤيتها وهي تصعد التلال..
تحيااتي...
SLR
المشــرووع الاول...
تركيب اكزوز مطول وذات فتحات اوسع ....
http://www.alamuae.com/upload/Folder-5/1124956472_DSC00400.jpg
http://www.alamuae.com/upload/Folder-5/1124956572_DSC00401.jpg
http://www.alamuae.com/upload/Folder-5/1124956599_DSC00402.jpg
النتجيه...
1- صوت رياضي اقوى وبنغم اجمل عن قبل.
2- الدخان والزيت اصبح بعيد عن جسم السيارة مما يؤدي الى عدم الاتساخ والقاء الزيت بعيد.
3- واخير القوة لدرجة ان السيارة اصبح صعب السيطرة عليها وذلك نتيجه اعطاء المحرك المساحه الكافيه لاستخراج اقوى ضغط يقدر عليه .
تم عمل ذلك بقطعه المنيوم وتم تلحيمه بجهاز خاص لتلحيم الالمنيوم في احدى شركات الخراطه.
وبصراحة تعبت لين ماحصلت هالشركة خصوصا ان المعدن المنيوم مش حديد..
تحياتي ..
SLR