View Full Version : مطلوب نصيحة في شراء جيب صغير
Sunny2000
25-09-2005, 10:13 PM
بسم الله الرحمن الرحيم
السلام عليكم ورحمة الله وبركاته
أخوي يبي يشتري سيارة و وده بجيب صغير وسعره زين ..
هو عاجبه البرادو ... بس زي ما سمعت أن الـ 4 سلندر يكون موب قوي ...
غير ان سعره أقل شي 95 ألف ريال سعودي ..
ولما شفت الـ فورتشنر قلت له نسأل عنه ونشوف .. إذا كان فيه أحد مجربه ويمدحه ...
سألت عن سعره طلع الـ GX1 طبعا اربعه سلندر بـ 84100 ريال
وفيه GXR2 .. فرق عن الأول بـ air bags ... وأشياء ثانية ما أذكرها (يمكن حساسات) .. وسعره 88100 ريال
طبعا كلها قير أتوماتيكي ..
أما الستة سلندر اللي هو الـ VX1 سعره 99100
وال VX2 سعره 104800 :confused:
الزبدة إذا بيشتري بيشتري برادو أقل نوع ... أو فورتشنر .. واحد من الأربعه سلندر
وفيه خيار ثاني ... اللي هو جيب الهوندا الـ CR-V ...
الفل مقاعد جلد سعره 88000 ريال
و فل مقاعد مخمل سعره 83000 ريال ..
والأقل مواصفات .. جنوط فولاذ .. وقير اتوماتيك سعره 77000 ريال
هذي السيارات اللي أشوفها مناسبة ...
أحتاج آرائكم في السيارات الثلاث ... و إذا أحد يقترح علينا سيارات أخرى من نفس الفئات
وسعرها معقول .. أكون شاكر له ......... بس غير الأمريكي ..
في إنتظار ردودكم ....
grandv8
25-09-2005, 10:19 PM
السلام عليكم ورحمة الله وبركاته
عرض لفورنتشر حلو بعد شي منها 4 و6 سلندر.
بس ماادري كيف السيارة .
هوندا سي آر في حلوة ومحرك جديد عليها 2400 سي سي.
وشي راف فور بعد.
سوزكي فيتارا الجديدة.
بالتوفيق اخوي
:banana:
Sunny2000
25-09-2005, 10:25 PM
نسيت أذكر الموديلات ... البرادو والفورتشنر .. موديلاتها 2006 بينما الهوندا 2005
شكرا أخوي grandv8
أنا أشوف الفورتشنر ضيق ... والراف فور أصغر منه بكثير .. يعني أضيق منه ..
الفيتارا طرت في بالي .. لكن .. سوزوكي .. أحسها رايحة فيها :D
MuGeN
26-09-2005, 12:11 AM
السلام عليكم و رحمة الله و بركاته
ليش أخوي وش فيه الأمريكي ؟؟
كان أنصحك بالبليزر أو شيروكي ...
شوف المتسوبيشي الباجيرو ...
أو لاند كروزر مستعمل ؟؟
بالتوفيق ....
uae speed
26-09-2005, 12:24 AM
والله يالغالي عندك الباجيرو باب واحد أسود ..
وعندك راف 4 بس انتظر الشكل الجديد ..
bahrainlove
26-09-2005, 12:29 AM
عندك الهوندا MRV حجمها معقول ومحركها قوي ومجربينها ممتازة وسعرها في البحرين 10500 دينار
رفجة عرب
26-09-2005, 12:39 AM
جرب الباثفيندر أو الاكس تريل ..
وعلى فكرة الباثفيندر الجديد نزل في الامارات ..
ومحركه 4.0 ..
King 4x4
26-09-2005, 04:29 AM
خذ لك نيسان باثفايندر.
قوه لا توصف.
تقريبا 280 حصان بمكينته الجديده. :banana:
وشكله عصري بكثيييييير من منافسيه. :sleep:
مؤيد اف1
26-09-2005, 06:34 AM
خذ لك نيسان باثفايندر.
قوه لا توصف.
تقريبا 280 حصان بمكينته الجديده. :banana:
وشكله عصري بكثيييييير من منافسيه. :sleep:
أرمادا صغير :D
لون الليل
26-09-2005, 03:50 PM
عند الرانجلر + الراف 4
بس اسعارهم مرتفعة شوي :think:
sayedco
26-09-2005, 04:53 PM
الفورتشنر آنا شفته في الوكالة ، شكله مسوينه حق ظروف صعبة حق التغاريز و ما شابه
لنه مرتفع أكثر عن البرادو و الكروزر و الراف فور
و لا أنصحك بالراف فور سعر كثيييييييير على سيارة ما تسوى :headshak:
عندك هيونداري توسان و سانتافي اثنينهم حلوية و قواي و رخاص و يستاهلون
لكن إن اخترب من بين قائمتك أظن الهوندا أفضل لكن إن كان الحجم يهم البرادو أكيد
Sunny2000
27-09-2005, 10:25 PM
الله يعطيكم العافية جميعا
آسف لتأخير الرد لكن ما كان عندي انترنت ..
وحاولت امس ادخل من الآي ميت عشان ارد عليكم
وكتبت رد طويل عريض .. جلست اكتبه أقل شي ثلث ساعة
وفي الأخير ما ادري اش ضغطت بالغلط .. وتقفلت صفحة النت :confused:
وراح كل اللي كتبته :cry1:
عموما .. برد عليكم من جديد ...
والله يعين ..
=============================
سدرك ..
شكرا أخوي على الاقتراح .. لكن الهونداي ما فكرت فيها ..
لأن جودتها مش ولا بد ..
وسعرها مو رخيص إلا عشان الجودة
و احيانا تتعطل عليك وحتى الوكالة ما تعرف تصلحها ..
مرة لقيت واحد في ورشة وكالة هونداي .. يبي يصلح سيارته
وسمعته يقول اني طفشت وانا كل مرة اجيبها لكم وتقولون صلحتوها وتطلع لي نفس المشكلة
يوم سالته وش السيارة .. طلعت السيارة السيدان الفخمة .. ما اتذكر وش اسمها ..
إذا كانت ذي افخم شي .. كيف الباقي ..
.. وشكرا لك اخوي ..
=========================
Sunny2000
27-09-2005, 10:32 PM
MuGeN
وعليكم السلام ورحمة الله وبركاته
والله الأمريكي زين .. لكن أخوي ما يبيه
وبصراحة ذكرتني بسيارات ميتسوبيشي .. راحت من بالي
الباجيرو .. والناتيفا ..
ما أدري وش رايكم فيها .. تعرفون احد مجربها ويمدحها ؟؟
مرة ركبت الباجيرو في الوكالة .. وحسيت ان البلاستيك حق الطبلون و الأشياء الداخلية مو قد كذا :think:
وشي ثاني اللي هو قطع الغيار .. سمعت انها غالية ... هل هذا صحيح ؟!
انتظر رد من الشباب حول تجاربهم مع سيارات ميتسوبيشي (باجيرو - ناتيفا ) .. من ناحية :
1- جودة السيارة ( سواء المكينة او داخل السيارة او الأجزاء الميكانيكية .... الخ)
2- اسعار قطع غيارها
3- راحة الركوب
4- صرفية البنزين
وبالنسبة للاندكروزر المستخدم .. بصراحة فكرة جيدة .. وبقول لاخوي يشوف الاسعار إذا تناسبه ولا لا . .
وشكرا لك أخوي MuGeN
Sunny2000
27-09-2005, 10:40 PM
uae speed
:D
صراحة ضحكت من ردك .. لإنك حددت السيارة وكم باب واللون .. شكلها عاجبتك مرة :D
بس أخوي متزوج وعنده عائلة صغيرة ........ يعني أبدا ما ينفع ..
وبالنسبة للراف فور .. فهو ضيق شوي .. وسعره غالي زي ما قالوا الشباب ..
ويعطيك الف عافية اخوي سرعة الامارات ( الله يكفينا واياكم جميعا شر السرعة )
=============================================
bahrainlove
صراحة انا شفت السيارة .. وهي ممتازة جدا جدا
حتى اخوي عجبته ..
لكن سعرها غالي شوي .. ارخص نوع MRV موديل 2005 سعره تقريبا 103000
وبعدين سمعت ان الهوندا ياخذون نسبة في الاقساط اكثر من تويوتا وبعض الشركات الثانية ما ادري الكلام هذا صحيح ولا لا ..
وشكرا لك اخوي ..
==========================================
Sunny2000
27-09-2005, 10:44 PM
رفجة عرب
شكلك تحب النيسان ..
كانت اول سيارة تقريبا اقترح على اخوي يشتريها الـ باثفايندر
لكن لما سال عنها قالوا تصرف بنزين
وبالفعل ما دام محركها سعته كبيرة .. اكيد تصرف
و الرجال مو محتاج قوة كبيرة .. لأنه ما رح يطعس ولا شي .. :D
وعموما رح نشوف الجديدة .. يمكن تناسب .. سمعت انه ممكن تضيف صف مقاعد ثالث ..
اما بالنسبة للاكس تريل .. فهو اصغر من اللازم .. كأنه هوندا HR-V
ومشكور اخوي ...
Sunny2000
27-09-2005, 10:55 PM
King 4x4
و
مؤيد اف1
شكرا لكم ..
والرد عليكم نفس الرد على اللي قبلكم .. :)
=================================
لون الليل
مشكور على الاقتراح .. ويمكن عرفت الرد عليك من الردود اللي على اللي قبلك
:)
=======================
sayedco
الفورتشنر مرتفع أكثر عن البرادو و الكروزر :confused: صراحة ما ركزت لما شفته
و على قولتك: الراف فور سعر كثيييييييير على سيارة ما تسوى
((هيونداري توسان و سانتافي اثنينهم حلوية و قواي و رخاص و يستاهلون ))
الصراحة ما ادري عنها .. ما جربتها ولا اعرف احد عندها زيها ..
وودي لو الشباب يفيدوني بمعلومات عنها ... وهل ينصحون بشراء مثلها ؟!
وشكرا لك شركة سيد .. :D
وما زلت في انتظار مشاركات الاعضاء الآخرين ... واقتراحاتهم و آرائهم ... على سيارات أخرى أو على السيارات المطروحة حتى الآن ....
شاكرا لكم جميها ...
TOP-SECRET
27-09-2005, 11:48 PM
الباجيرو والباثفايندر ممتازين للعايلات الصغيره
الأنصاري
28-09-2005, 07:49 PM
اشوف ان احسن خيار لك الباجيرو او لاندكروزر مستعمل والسيارتين معروفتين
Third Eye
29-09-2005, 01:31 AM
صراحة الباجيرو الربع مررة جيد مواصفات حلوة
بس سعره فوق 100 في السعودية وشي ثاني الشكل تقدر تقول قريب يتفير
أنا برأيي أنك تشوف السوزوكي وتجربه إمكن يعجبه
ولو أني أميل فورتشنر في6 بيكون ممتاز لأنه دوبه نازل و جديد
والمكينة الي عليه جيدة
B4_STI
29-09-2005, 05:41 AM
شوف السوزوكي الجراند فيتارا الجديد كليا ترى مرررررة ابداع واحلى من القديم بمرااااحل.......
zeez