View Full Version : رادار دبي بحلة جديدة؟؟!
grandv8
25-09-2005, 10:22 PM
السلام عليكم ورحمة الله وبركاته
اليكم مرفق من جريدة الامارات اليوم وبهد خبر عن حلة جديدة للرادار ومعرض جيتكس.
ونتظر آراكم
:D
TOP-SECRET
25-09-2005, 10:57 PM
هذا المفروض انه يصير
مو الي يحطه ورى نخله ومادري شو
ويعطيك العافيه عالخبر الحلو الصراحه
Crackjas
25-09-2005, 11:31 PM
هاذي موجوده بالكويت من زمان
يحطون اعلان تحذير بوجود الكاميرا قبل 1 كم تقريبا في بعض الطرق السريعة
ما فيه امل يجي في السعوديه
كرمبع
26-09-2005, 12:07 AM
اخلاق شرطة دبي عاليه الصراحة فيها احترام للجماهير.. بعكس شرطة الامارات الاخرى.. هدفها والله مالي عيني عينك... يعني نحاسه وتفنن كيف انهم يصيدون جيبك قبل سيارتك وهيه مسرعه...
والله انا احترم اللي شفته فوووق رغم اني اسرع بس مجرد ماشوفها الواحد يحس بخجل مع نفسه ويحترم القانون لانه مفروض باحترام مثل ماهو موضح فووق...
1100R
26-09-2005, 12:38 AM
في السعودية:
يحطو الرادار داخل العلبة البرتقالة بحيث مايظهر
منو ولا جزء
ويكتبو علية من الخارج السرعة المحدده 100
ويوم تمشي 100 كلها ثواني وامن الطرق موقفك :eek: :eek: :eek:
uae speed
26-09-2005, 12:58 AM
والله زيييين ، الحين تقدر تشوف الرادار من بعيد وتخفف سرعتك :)
على فكره ترى زادو الرادارات في دبي ، اتحملوا يا شباب !
على شارع الخوانيج و شارع الامارات و شارع النهده في الطوار ..
UAEnos
26-09-2005, 11:02 AM
عقبال شرطة بوظبي ان شا الله .. وللعلم شرطة بوظبي موقفين الرادارات المتحركة من فترة .. والحمدلله الواحد صار يمشي بدون خوف الحين :D ..
ما قصرت يا بو جاسم :-)
قلق و رجه
26-09-2005, 11:48 AM
والله خطوه رهيبه
وديما شرطة دبي تعودنا على الشي الزين
وبعدين سالفة المتحرك في ابوظبي بعدها موجوده
قبل اسبوعين شايف متحرك في العين بعد البريمي
®Lumina ss 2002
26-09-2005, 12:28 PM
زين وصلنا....... انا الحين ابا اعرف الرادارت شارع الامارات وشارع جبل على في دبي على سرعه كم يصورك رادار ؟ في ناس قالو 160 فهل هذا صحيح ام نفس اول 140 :confused:
قلق و رجه
26-09-2005, 01:43 PM
اللي اعرفه من ابوظبي الى سيح شعيب 160 بس من حدود دبي ما اظن الا اذا استجد شي
لون الليل
26-09-2005, 03:43 PM
يا سلااااااااااااامي عليهم
هذا الاحول بيشووفه :D
صدق اسلووب حضاري :cool:
sayedco
26-09-2005, 05:10 PM
يا سلاااااااااام على التنظيم و يساعدون الشعب شوي ، إذا اهو غرضهم فقط تخفيف السرعة و ليس المال فمالفروض يخلون لك بعد ، الشارع مراقب بالرادار :smart:
عشان الشارع هذا محد يسرع فيه ، مع وجود هذه اللافتة في البحرين إلا أني لم أر قط أي رادار في هذه الشوارع :sleep:
و الصراحة بغيت أقول إنه في السعودية أخس نظام شفته مع احترامي للسعوديين لكن المرور عندكم على كيفه يحكم :
مرة آنا و عمي رحنا السعودية ، قرنا من الإشارة و فجأت صارت حمرة فوقفنا بسرعة >> متعودين ما قط أطوف إشارات آنا) ، فوقفنا المرور على صوب و يقول إنتوا كنتوا ناويين تطوفون الإشارة :eek: صج حمار! :bomb:
فقلنا ما يصير نجي وياك و السيارة تكون في الشارع ، جان يقول خله يسوق اهو (آنا ما كنا عندي ليسن ) فعادي عنده ىنا أسوق و خطا إننا نوقف و الإشارة حمرة! و نيتنا نطوف :sss:
الله يبارك فيكم أهل دبي و الله يساعد الجميع :p
grandv8
26-09-2005, 10:33 PM
السلام عليكم ورحمة الله وبركاته
كل دولة او بلدة تسوي له رادار شي ثاني والاستغلال المادي اهم شي.
شكرا لكم اخواني على تعليقاتكم ومعلومات حلوة منكم
:D :banana:
HaKeM
27-09-2005, 01:22 AM
حركة حلوة
انا عمري ماشفت رادار في حياتي لا في بلد ولاخط سريع
كلها سيارات أمن طرق في الخطوط السريعة
:m:
B4_STI
27-09-2005, 02:29 AM
يا سلااااااااااااامي عليهم
هذا الاحول بيشووفه :D
صدق اسلووب حضاري :cool:
.
SLR55
27-09-2005, 07:03 AM
الحينة الرادار المتحرك في بوظبي موقف بس مرات يحطون الرادار في السيارات :cry1:
هذا الكلام في العين
أما بخصوص شرطة دبي مسوين حركة حلوة
أربع رادارات و واحد منهم شغال أما الباقي تخويف :black:
سلااااااااااااام
lumina
27-09-2005, 08:17 AM
التطور في دبي ماشاء الله و انا شفت هذي الحركه البارحه يوم كنت على شارع الشيخ زايد ..
وعلى فكره الرادارات المتحركه في دبي كثيره وانا قبل فتره صورني واحد منهم :ranting: الشارع اللي بعد دوار الحمريه المؤدي إلى القصيص .. :cool: ..
UAEnos
27-09-2005, 03:59 PM
في العين ما زالت الرادارات المتحركة موجودة .. وكل يومين اشوف واحد وخاصة على الطريق من السكن الجامعي الى الجامعة عشان يصورون الطلاب :D ... وللأسف صورني واحد من اسبوعين :cry1: ..
بس في ابوظبي موقفة حاليا وما عادوا يحطون رادارات متحركة ابدا ..
السرعة القصوى على جميع طرق ابوظبي اصبحت 160 .. ( ابوظبي - العين ) .. ( أبوظبي - سيح شعيب ) .. اما طرق دبي ما عندي فكرة عنها ..
حاليا طبقت هذا القرار إمارة الفجيرة حسب علمي .
grandv8
27-09-2005, 07:41 PM
السلام عليكم ورحمة الله وبركاته
مشكورين اخواني
دبي وضعت الحين 152 رادار كل مكان بس من يقدر يسرع وزحمة وايد بالشوارع والله يعين.
ورادار متحرك مشكلة من اسبوع مسكني واحد على شارع بيروت بعد نفق المطار ورايح للراشدية.
والله مصيبة
:D