دروس تعديل السيارات Adobe Photoshop#2كاربون فايبر بونيت ( غطاء المحرك )

[Lorinser300E]

مرحبا شباب

انا ناوي اضيف لكم بعض الدروس لتعديل السيارات على الفوتو شوب
وعندي طلبين
1- لا احد يرد على الموضوع أبدا أبدا
2- ابي الموضوع يتثبت


راح اضيف موضوع واحد تقريبا كل اسبوع او عشرة ايام

الموضوع الأول

إضافه ال Bodykits

- في هذا التدريب إنشاء الله راح اضيف زوائد جانبيه على هذي البيجو 206.
http://www.digimods.co.uk/tutorials/bodykit1.jpg
-الخطوه الثانيه هي انك تقص الجانب الي تبي تضيفه من اي سياره بشرط ان السياره الي راح تقص منها انها تكون على نفس الزاويه وفي هذي الحاله انا قصيت جانب من سيارهPorsche

Hamman car
http://www.digimods.co.uk/tutorials/bodykit2.jpg
- الخطوه الثالثه هي انك تاخذ Lasso tool (L) وترسم حوالي الزوايد الي راح تقصها بعد الانتهاء من الرسم انسخ الجزء المحدد.
http://www.digimods.co.uk/tutorials/bodykit3.jpg
- الخطوه الرابعه انك تلصق الجزء الي نسخته على المكان الي ودك تحطها فيها في البيجو 206 بعدين عدل مقاساتها و عدل زواياها بحيث تصير راكبة عدل مثل الصوره
http://www.digimods.co.uk/tutorials/bodykit4.jpg
http://www.digimods.co.uk/tutorials/bodykit5.jpg
- الخطوه الخامسة : ها مثل ما في الصوره تشوف ان الزوايد مزبطه عدل على البيجو مع ان اللون مو مزبوط لكن راح ازبطه بعدين
المهم الحين نختار المساحه Eraser tool وبهدوء جدا نمسح الجز ء الي بين البودي كت و بين السياره البيجو لين ينمسح تماما مثل هذي الصوره الجايه
http://www.digimods.co.uk/tutorials/bodykit6.jpg
- الحين نضغط Ctrl+Shift+U عشان نشيل اللون
http://www.digimods.co.uk/tutorials/bodykit7u.jpg
- الحين يبي لينا انا نزبط لون البودي كت ( صاير ازرق شويه ) فنروح ل Image>Adjust>Hue/Saturation. ونحاول انا نختار اقرب لون للون السياره
http://www.digimods.co.uk/tutorials/bodykit8.jpg
- الخطوه الاخيره الحين انا في هذي الخطوه رفعت شويه الصوره عشان يمديني بعدين انزل السياره بالكامل (درس قادم ) وعدلت اللون بحيث صار اللون متناسق باني اضفت شوييه اخضر للون وزبطت وهذي الصوره هي الصوره النهائيه للتعديل ها اش رايكم
http://www.digimods.co.uk/tutorials/bodykit10.jpg

اتمنى انكم استفدتم

الاقيكم في درس جاي

[Lorinser300E]

السلام عليكم
درس اليوم راح يكون عن كيف تسوي
كاربون فايبر بونيت ( غطاء المحرك )


بسم الله
انا راح اختار هذي اللكزس الحلوه وراح اعدل غطاء محركها عشان يصير كاربونفايبر
http://www.digimods.co.uk/tutorials/carbonbonnet1.jpg
1- الخطوه الاولى هي انا نروح نسوي باترن وهذا نسويه من انا نروح نفتح مستند جديد مقاسه 12 عرض في 6 عمق او طول بعد ما نسويه نكبر الصوره لأقصى حد ممكن انها تتكبر فيه او انا نضغط ctrl+0
http://www.digimods.co.uk/tutorials/carbonbonnet2.jpg


2- في هذي الخطوة بعد ما تكبر الصوره انك تختار الزاويه العليا اليسرى ( مثل ما هو موضح في الصوره ) بواسطه rectangular marquee tool وبعدين إختار أداة الصبغ المتدرج gradient fill tool ثم الصبغ مثل ما هو موضح في الصوره و تاكد انك تخلي اللون العلوي اسود و السفلي ابيض في مربع الألوان ( مربع أختيار اللون ) .
http://www.digimods.co.uk/tutorials/carbonbonnet3.jpg

3- هذي اهي الخطوه الاخيره في صنع الباترن وهي انك تروح ل Edit>Define Pattern وسميها على كيفك وبعدين اضغط اوكي الحين تقدر تسكر الملف بدون حفظ لان الفوتو شوب اوتماتيكلي حفظ الباترن لما انت سويت له او كي
http://www.digimods.co.uk/tutorials/carbonbonnet4.jpg

4- في هذي الخطوة نروح نفتح الملف الي احنا نشتغل علية ( صورة اللكزس ) وتاكد انك في نفس الطبقه ( اللاير ) الي فيها صوره السياره . ثم بحدر استخدم اداه التحديد polygonal lassoo tool وأختار بحذر حدود غطاء المحرك او (( اي قطعه تبغي تسويها كربون فايبر )) بعدين سوي لها نسخ ( كوبي ) والصقها في طبقه جديده ( لاير جديد ) وبعدين روح اختار ال de-saturated عشان تغمق الصوره شويييه.
http://www.digimods.co.uk/tutorials/carbonbonnet5.jpg

5- في هذي الخطوه نعمل ملف جديد ويكون اكبر من حجم الصوره الي نعدل عليها بانسبة لصوره الي عندي كانت مساحتها 1024*768 و الملف الجديد سويته 1600*1200 وانت عاد قيس على هذا
http://www.digimods.co.uk/tutorials/carbonbonnet6.jpg

6- سوي لك لاير جديده في الملف الجديد وروح لEdit>Fill وبعدين غختار الباترن وإختار الباترن الي سويته
http://www.digimods.co.uk/tutorials/carbonbonnet7.jpg

7- استخدم rectangular marquee tool لأختيار الصوره كامله بعدين سوي لها نسخ و بيست على لاير جديده وتكون ترتيبها فوق اللاير الي انت حددت فيها غطاء المحرك. هذي اللاير راح تكون اكبر من السصوره بشكل كبير فالخطوه الي بعدها انك تاخذ اداة الكف (( الي شكلها مثل اليد ) وتحرك الصوره و زواياها بحيث تكون بنفس الزاويه الي فيها غطاء المحرك وعدل الحجم لين تحسه مناسب

http://www.digimods.co.uk/tutorials/carbonbonnet8.jpg

8- الحين عشان تخلي شكل الكاربون فايبر حقيقي اكثر روح للفلاتر Filters>Distort>Twirl مثل ماهو مبين في الصوره
http://www.digimods.co.uk/tutorials/carbonbonnet9.jpg

9- تحكم بالفلتر مثل ماهو موضح بالصوره
http://www.digimods.co.uk/tutorials/carbonbonnet10.jpg

10- الحين وحده من اهم الخطوات اضغط ctril وانت تختار المكان الي راح تسويه كاربون فايبر الفوتوشوب اوتماتيكلي راح يختار غطاء المحرك بعدين اخدار خصائص بعدين Right click and do select inverse بعدين واحذف الي اخترته (( كل شي غير غطاء المحرك )) مثل ما هو موضح في الصوره .
http://www.digimods.co.uk/tutorials/carbonbonnet11.jpg

11- تاكد انك مختار اللاير (( الطبقه )) الي فيها الكاربون فايبر وبعدين روح للبلندينج مود blending mode و إختار multiply ' مثل ما هو موضح في الصورة
http://www.digimods.co.uk/tutorials/carbonbonnet12.jpg

12 - هنا احنا تقريبا خلصنا ما باقي إلا انا نروح للde-saturate ونغمق او نفتح الصوره على كيفنا لين نحس باللون الي يناسب السياره

http://www.digimods.co.uk/tutorials/carbonbonnet13.jpg

والنتيجه النهائيه :D
http://www.digimods.co.uk/tutorials/carbonbonnet14.jpg

[Lorinser300E]

الرجاء تثبيت الموضوع

[TOP-SECRET]

يعطيك العافيه استفدت كثير من الموضوع :D

بس صعبه الحركه :(

[d7me4ever]

ماشاء الله عليك

مشكور أخوي

تحيتي لك

[سدرك]

ماشاء الله عليك فنان

[B4_STI]

ماشالله تبارك الرحمن وعساك على القوة اخوي.....