View Full Version : ترشيح افضل سياره عمليه في العالم
الكبريت
23-10-2005, 01:34 AM
السلام عليكم ورحمة الله وبركاته
بصراحه بغيت كل واحد من الاعضاء يرشح لنا افضل سياره عمليه اقتناها واقصد بالعمليه يعني
سياره حقت كرف وطلبها قليل بالنسبه لقطع الغيار
بشرط ان السياره تكون من تجربة شخصيه يعني انتم جربتوها بنفسكم
والشرط الثاني تكون من موديل 2000 الى 2005
والشرط الثالث انها تكون مشت 100 الف كيلو او استخدمت لمدة سنتين
وكذا ح يرشح كل واحد سياره معينه وراح نستفيد من هذا الترشيح لمعرفة السيارات العمليه واقلها
طلب لقطع الغيار.
ملاحظه: ياليت ياشباب تذكرو السياره وموديلها وكم مشت وايش العيب اللي فيها (يعني قطعه معينه تطلبها باستمرار او جودة هذي القطعه اللي في سيارتك قليله)
مع تحيات اخوكم
الكبريت
CAMARO4EVER
23-10-2005, 01:53 AM
انا جربت فورد فوكس موديل 2004 ...
سياره ممتازه في صرفيه البترووووول ...
والقطع الغيار اللي احتجناها بس اهيه الشوزات ( الفرامل + الديسكات حق البريك ) .. لاغير ماشاء الله ..
والسياره ماشيه 90000 الف
وهذه اللي عندي
تحياتي
قلق و رجه
23-10-2005, 02:02 AM
والله عن تجربه في اكثر من سياره جربتها
اولا اليوكون 2004
ماشي الان 116 الف
واستعمال اكثر من سيئ من الوالد الله يهديه
ماشاءالله اعتمادي لاخر درجه وما يطلب قطع مع المواصفات اللي فيه
الخراب الوحيد هو رصاصات الدبل تستهبل ووديناها الوكاله وسوو اعادة برمجه وصلحت
والسياره ثانيه
هوندا سيتي 2002
استعملتها ثلاث سنوات ومشت فوق 160 الف الى ان انقلبت
اعتماديه لاخر درجه (لكن بدون مواصفات)
ما تطلب قطع والقطع تصبر ولا تخرب بسرعه
وفيه هوندا اكورد موديل 97 الله يذكرها بالخير مشت 280 الف او اكثر وزي العسل
الى ان صارت تحت تريله والله سلم الوالد من هالحادث
وفيه الكورلا 2001 حقة اخوي الله يرحمه
مشت 240 الف وزي العسل الى ان صار الحادث
ما تحسون انه دايما نهايات سياراتنا مأساويه وانشالله ما تستمر هالقاعده
انا ارشح اليوكون لانه مع المواصفات والكمبيوتر اللي فيه كل هذا وبدون خربات
موضوعك رهيب اخوي
جزاك الله خير
رفجة عرب
23-10-2005, 04:31 AM
الكامري وبقوة .. << طبعا الكل يعرف ليش مايحتاج شرح ..
للأسف أقول الكامري
كان معي موديل 2000
والله شي السيارة
لكن أنا ما تعجبني لأنها منتشرة وشكلها مو حلو لكن بصراحة حقت كرف
والفكتوريا عندنا موديل 2004
راعي الكورفت C6
23-10-2005, 07:22 AM
أنا كان عندي راف4 موديل 99 مشيت حوالي 130 ألف كم
ظلت وياي 5 سنوات وشيء
الصراحة كرفتها كرف والصرفية ممتازة ( 4 سلندر )
وأخرتها بعتها لأن صارلي مشكلة في القير وغيرته بعدا صار ليك في السكان
( ستيرنج بوكس )
:knight:
EL_3grab
23-10-2005, 10:52 PM
لاندكرورز بنظري .. موديل 2000 وماشيه 212000 ..
سفايف ودسكات البريك والشمعات ..
cruiser2000
23-10-2005, 11:00 PM
تويوتا تيرسل
موديل 98
ومشت 220 الف
وماشاء الله عليها تنفع حق كراف
حتى لو كانت خربانة ما تقول لا
المحرك تبديله مع كل التضبيطات ب 500 درهم فقط !!!!!!
ربيعي عنده التيرسل والحمدلله ماشية تمام ماشاء الله عليها :)
الامير الاحمر
23-10-2005, 11:23 PM
هوندا سيفك
:banana:
جميلة من كل النواحي
خاصة الصرفيه
جداوي كول
24-10-2005, 12:02 AM
والله لا كامري ولا فورد
الهوندا بصفه عامه بس العيب قطع الغيار
Wild CRX
24-10-2005, 12:21 AM
والله لا كامري ولا فورد
الهوندا بصفه عامه بس العيب قطع الغيار
:glasses2:
Dark Shadow
24-10-2005, 12:24 AM
أحسن موتر في الأعتمادية هي الهمبرته.
MuGeN
24-10-2005, 12:46 AM
أحسن موتر في الأعتمادية هي الهمبرته.
:D
أحسن سيارة في نظري الأكوورد ...
صاحبي يملك أكورد ..... 97 << جار الزمن :D
الكل يسوقها و كل حوادث و سرعة و تفحيط ... و مع ذلك السيارة بعدها بخير :D ... و الله يعينها باقي عليها كم شهر و تقضي عمرها الإفتراضي مع إنها ماشية حدود ال 310 آلاف .....
و واحد أعرفه عنده أكورد 97 ماشية 320 ألف ... تشوفها تقول ماشية 100 ألف ....
و غيرها الكابرس .....
تمشي 300 ألف ولا تقول بس :) ....
واحد من أصحابي عندهم كابرس 91 قضى عليه الدهر من كثر ما ينراح به مكة ... ماشي فوق ال 300 ألف .. و بعدها بخير :) ...
DeSeRt
24-10-2005, 02:13 AM
معي مازدا 626 موديل 99 الى الآن ماشالله معي وماشيه قريب 200000 كلم بعد التغيرات البسيطه مثل طرمبة البنزين وتلاجة المكيف والحمدالله بحاله جيده
مؤيد اف1
24-10-2005, 01:05 PM
انا اقول الكراون فكتوريا
قليلة اعطال او حتى الحين منعدمة الاعطال :banana:
قطع رخيصه وفي كل مكان
اقتصاديه
مرييييييحه وواسعه
قطعها الاستهلاكيه تطول
بس عيبها طولها
تحياتي
black scorpion
26-10-2005, 05:24 AM
السيارة اللي تستعملها بشكل جيد و متزن و تحافظ عالصيانة تعيش معاك وقت اطول بغض النظر عن السيارات اللي اساسا مشاكلها كثيير
:D
جداوي كول
26-10-2005, 05:55 AM
:glasses2:
:shy: :shy:
comondor--GTSR
26-10-2005, 06:33 AM
كوريلا 2001 تبع واحد من الشباب ماشاء الله تبارك الله فوووووووووووووووووووووووووق ال 350 الف كلم
والقطع انساهاااااااااااااا لدرجة انك تتمنى :D تزور الشركة تشتري قطع
بشكل عام سيارات تويوتا الصغيرة عملية
بس للاسف ماتناسبني :headshak:
سنـاري
26-10-2005, 11:48 AM
انا ارشح تويوتا لاندكروزر عندنا اكثر من واحد
بس اللي يستاهل الذكر عندنا واحد ماشي يمكن 700 الف كم ماشاء الله ملعون جدفه مدهوك دهك الحمير
و طبعا الكوريلا و الكامري
و ايضا اللكزس اي اس 300
و الهوندا اكورد و السيفك
و بالنسبة للامريكي مافي غير الفورد كراون فكتوريا مافيه تعقيد و اي واحد يقدر يتعامل معاه
اما اللي ماله نصيب هو الميتسوبيشي محركات جبارة بس وكيل تعبان
FuLL MoOoN
27-10-2005, 07:49 AM
السلام عليكم
بصراحه انا معاي هوندا اكورد 2002 v6 ومرتاح منها لابعد درجه والله بنت حلال :shy:
سيارتي ماشيه 90الف ومثل ماقالو الاخوان ماغيرت لها الا فرامل وانتو خابرين القطع الاستهلاكيه من فلالتر وزيوت اما من ناحيه الخرابات ماشاء الله عليها ولا اشتكت من شي مع انها معاي اكثر من ثلاث سنوات وكل نهاية اسبوع اسافر فيها من الرياض للشرقيه وفوق ال 220 يعني الطبلون 240 واحاول اترك هالعاده :(
تشاااااااااااو
الشرقاوي
27-10-2005, 09:10 AM
الاي اس حقتي 2003بصراحه كل مافكرت ابيع هالسياره اسأل نفسي سؤال .....ليش ابعيها وايش اشتري غيرها وليش؟؟؟؟؟؟
السياره روووووووعه بس عيبها الناس لازالو يعتقدون انها زي الكامري :think:
السياره ماشيه 70000والحين بالوكاله ادعو انها تقوم بالسلامه بس البلا من رجلي مو منها عشان سالفه طويله عريضه راجعوا هاللنك اذا تبون تعرفونها :D http://www.swalif.net/sforum1/showthread.php?t=213094