View Full Version : إلى سناري وخبراء الكفرات
Yukon GT
06-11-2005, 05:40 PM
السلام عليكم ورحمه الله وبركاته
عندي سياره حدود ال350حصان والعزم حوالي 450
الكفرات الحاليه منتهيه على الآخر
ابي كفرات تكون ماسكه بالارض وتقلل قدر الامكان من الحرق والتفحيط بالقومه
مو مهم الراحه
مو مهم النقشه
مو مهم الشركه
الجنط 16
ياليت يكون السعر مناسب
وشاكر لكم مقدماً :)
راعي الايفو
06-11-2005, 06:07 PM
اذا تبي نصيحه جرب بيريللي او دنلوب
انا جربت الاثنين وبصراحه عجبني الاثنين ولكن البيريللي عجبني اكثر تحس انه لاصق في الارض واذا سويت درفتنج تحس انه يبي يلصق ما يبي ينقلع من على الارض
وشوف اصحاب الخبرة وان شاء الله يساعدونك
SeSo2003
06-11-2005, 11:02 PM
السلام
اهم شي تحدد نوع سيارك والجنوط كم عرضهم والكفرات الي عليهم ويش مقاسهم والشباب ما بيقصرو معاك
Prelude 4 Life
07-11-2005, 10:48 AM
اذا تبي نصيحه جرب بيريللي او دنلوب
انا جربت الاثنين وبصراحه عجبني الاثنين ولكن البيريللي عجبني اكثر تحس انه لاصق في الارض واذا سويت درفتنج تحس انه يبي يلصق ما يبي ينقلع من على الارض
وشوف اصحاب الخبرة وان شاء الله يساعدونك
نفس الكلام اللي بقوله بالضبط :eek:
دنلوب وبريللي هم الافضل في التماسك
وابعد عن الفالكن, وانلي..... والشلة التعبانة دي
واذا تبي تماسك افضل في القومات خذ لك كفرين street slicks تستخدمهم وقت القومات وتشيلهم بعدين
سنـاري
07-11-2005, 11:20 AM
اهليين اخوب يوكن و حياك الله
ممكن تعطيني نوع سيارتك هل هي سيارة ذات دفع رباعي ام سيارة سيدان و ايش موديلها
و شكرا للاخوان اللي شاركونا بمعلوماتهم القيمة
:p
برليود
07-11-2005, 02:45 PM
السلام عليكم
السياره شنو
كم حجم التاير
وانشاء الله الامر بسيط
Wild CRX
07-11-2005, 04:20 PM
البيريللي
:banana: :banana: :bomb: :banana: :banana:
:corsair: :corsair: :bomb: :corsair: :corsair:
:black: :black:
Yukon GT
10-11-2005, 05:40 PM
الف شكر لكل من عقب على الموضوع
السياره سبورت دفع خلفي (كامارو) الكفرات الي عليها سيئه جدا ماعرف نوعها بغض النظر
الجنط 16 وكل مازاد العرض افضل الإرتفاع مو مشكله عالي او واطي
وانا بإنتظاركم
وشاكر لكم مره اخرى
ت
ت
ت
ت
ت
تحياتي
Pure_Intimidation
11-11-2005, 03:00 PM
اذا كان الجنوط ستوك فهو يقصد: 245/50/16
انا ارشح اذا كان موجود في الوكاله BFgoodrich TKW على ما اظن.
الشبابي
11-11-2005, 03:59 PM
نصيحة ... ميشلان وبس .......
هو الافضل في التماسك والعمر والثبات ...
اخوكم الشبابي
النجمه الثلاثيه
11-11-2005, 07:30 PM
الاخ سناري مشكور على مساعدتك الطيبه في مجال الاطارات و جزاك الله كل خير
الحقيقه انا عندي استفسار بعد
عندي سياره مرسيدس 300E
موديل 1991
سوداء اللون (بس مو للبيع) :d
ومركب عليها اطارات Goodyear F1
صناعه اندونيسيه
المقاس الاصلي للسياره 195/65-R15
المقاس الحالي 205/60-R15
الصراحه Goodyear جيد من ناحية التماسك والثبات ومع انه معدل التاكل 200 الا انه مشاني 50 الف كيلومتر
بس المشكله انه صوته وايد وايد وايد مزعج :ranting:
انا ماضرب خطوط وقيادتي هادئه وما اريده من الاطار
الهدووووووء و الراحه
الامان والتماسك
عمر الاطار مهم ولو يمشي 50 الف كيلومتر ممتاز
بعد معاينه ودراسه و متابعه وجدت اطار جيد وهو من نوع Yokohama-C Drive
معدل التاكل 300
صناعه يابانيه
بس السرعه 99H مع انه المفروض تكون 91V
ارجو النصيحه واذا في اي سلبيات او ايجابيات او اقتراح لاطار اخر
ومشكور ما تقصر
http://www.autoemirates.com/_Images/News/MiddleEast/April%202004/0905YokohamaDesignHP.jpg
مؤيد اف1
11-11-2005, 10:06 PM
نصيحة ... ميشلان وبس .......
هو الافضل في التماسك والعمر والثبات ...
اخوكم الشبابي
ماهو افضل في ولا شي :D
مطبه تشق الكفر ويش هالكفر دا
وتماسكه وثباته متوسطين
والعمر عادي
افضل شي في الثبات البيريللي
العمر والهدوء بريدجستون وبقيمه معقوله
المشلن متوسط في كل شي بس ماهو الاحسن
مؤيد اف1
11-11-2005, 10:09 PM
اليوكوهاما زين ويتحمل..بس صوته شوي عالي + ثباته شوي ضعيف..هذا بالنسبه لل17 الي معاني منه في سيارتي :D
opel005
11-11-2005, 10:42 PM
اذا تبي نصيحه جرب بيريللي او دنلوب
انا جربت الاثنين وبصراحه عجبني الاثنين ولكن البيريللي عجبني اكثر تحس انه لاصق في الارض واذا سويت درفتنج تحس انه يبي يلصق ما يبي ينقلع من على الارض
نفس الكلام جرب بيريللي او دنلوب
الميشلان مشكلته لين واي مطب او حرف يروح عليك الكفر طبعا انا اتكلم عن مقاس 17 وتجربه .. يمكن ال 16 يتحمل معاك شوي ..
مؤيد
احس بمعاناتك لاني مثلك بعد :D
انا جربت ميشلان وبريجستون ويوكوهاما و ون لي والحين دنلوب :D
بس الصراحه اذا تبي نصيحتي ركب دنلوب وبتدعيلي ان شاء الله رخيص وممتاز وهادي
الون لي يتحمل تحمل موب طبيعي بس مزعج جدا .. واليوكوهاما نفس الشي اقل تحمل شوي من الون لي .. الميشلان خكري :D أي طقه يحبل على طول والبريجستون مشكلته املس ويزلق بسرعه اقلهم ثبات وسبب لي حادث
ومبروك الالفين مشاركه :banana:
sayedco
12-11-2005, 01:41 AM
شباب شفيكم تلخبطون في الأمور ؟!
السالفة مو سالفة شركة بيليللي أو شركة بريدجستون
فبريدجستون لها عدة أنواع من الإطارات ، واحدة حق الثبات و التماسك و وحدة حق الراحة و الثالثة حقت البر و كل نوع يفرق عن الثاني كثيييييييييييييييييييييير
عن تجربة : آنا عندي برجستون و صديقي عنده بريجستون
نفس المقاس بالضبط!
لكن آنا إطاراتي مريحة و هو غير مريحة لكنها رياضية و ثابتة >> آنا بعد ثابتة لكن مو مثله
ليش ؟؟ إطاراتي Turanza S30 أظن >> أظن
و هو إطاراته Potenze مادري شنو الكود
و اثنينهم بريدجستون
فما في داعي إن كل واحد يألف له تأليف بدون فايدة إلا إذا عنده مصدر و على الأقل يقول تجربته عن الإطار اللي عنده مع اسمه بالكامل مع الكود فبذلك لا يظلم الإطارات الثانية من نفس الشركة
و أرجو إنه و لا واحد يزعل من كلامي
و أخلى الجواب حق سناري نفسه لأني ما أقدر أحدد أي شركة و نوع و طراز و كود يناسب الأخ بوكن جيتي
سنـاري
12-11-2005, 07:43 PM
ابي كفرات تكون ماسكه بالارض وتقلل قدر الامكان من الحرق والتفحيط بالقومه
في كفرات مخصصة للتسارع المفاجئ و التوقف المفاجئ (( للقومات ))
http://www.v6performance.net/reviews/data/18/5538Potenza_RE_750.jpg
بيرجستون بوتنزا RE750
و سلامتك
=========
اخوي النجمة الثلاثية عجبني اسلوبك في طرح السؤال و حسسني انك فاهم في الاطارات الله يعطيك العافية
بالنسبة لمعدل التآكل فهو لا يعني نفس الرقم بالكيلو ميترات
و لكن طبعا كل ما زاد كل ما كان افضل
عموما انا اختار لك بيرجستون تورنزا GR 50
http://www.user.kcv-net.ne.jp/~tirelandozawa/tz100.jpg
و الاطار هذا راح يمشيك بإذن الله 80 الف
40 الف منها راح تكون الدعسة ناعمة
و اي سؤال او استفسار اتفضل
:p
الشبابي
12-11-2005, 09:34 PM
ماهو افضل في ولا شي :D
مطبه تشق الكفر ويش هالكفر دا
وتماسكه وثباته متوسطين
والعمر عادي
افضل شي في الثبات البيريللي
العمر والهدوء بريدجستون وبقيمه معقوله
المشلن متوسط في كل شي بس ماهو الاحسن
جربنا البريللي على لومينا وحاست على طول وجربنا الميشلين وحاست لكن كان تماسكها افضل ... :D
اخوكم الشبابي
مؤيد اف1
13-11-2005, 01:28 AM
حتى لو كان هالشي صحيح
ماراح اركب كفر كل شهرين يبغا لي اغيره عشان انه مايتحمل شوارعنا :D
infiniti
13-11-2005, 05:35 AM
شباب شفيكم تلخبطون في الأمور ؟!
السالفة مو سالفة شركة بيليللي أو شركة بريدجستون
فبريدجستون لها عدة أنواع من الإطارات ، واحدة حق الثبات و التماسك و وحدة حق الراحة و الثالثة حقت البر و كل نوع يفرق عن الثاني كثيييييييييييييييييييييير
عن تجربة : آنا عندي برجستون و صديقي عنده بريجستون
نفس المقاس بالضبط!
لكن آنا إطاراتي مريحة و هو غير مريحة لكنها رياضية و ثابتة >> آنا بعد ثابتة لكن مو مثله
ليش ؟؟ إطاراتي Turanza S30 أظن >> أظن
و هو إطاراته Potenze مادري شنو الكود
و اثنينهم بريدجستون
فما في داعي إن كل واحد يألف له تأليف بدون فايدة إلا إذا عنده مصدر و على الأقل يقول تجربته عن الإطار اللي عنده مع اسمه بالكامل مع الكود فبذلك لا يظلم الإطارات الثانية من نفس الشركة
و أرجو إنه و لا واحد يزعل من كلامي
و أخلى الجواب حق سناري نفسه لأني ما أقدر أحدد أي شركة و نوع و طراز و كود يناسب الأخ بوكن جيتي
ياسلاااااام عليك يا سيدكو كلام سليم جداا
شاكرلك اخ سناري على تواصلك مع الأخوان
سمعت عن احد انواع كفرات اليوكوهاما ممتاز للقومات ماعندك علم عنه او اي نوع قير البوتنزا
سنـاري
20-11-2005, 04:39 AM
اهلا اخي فالح
هناك نوع اسمه AD07 جديد من يوكوهاما غير متوفر في الاسواق الخليجية
بس ممتاز
برليود
20-11-2005, 06:51 PM
السلام عليكم
بما اني كنت اعمل في الاطارات ولمده طويله ومع الدورات التي التحقنا بها في اندنوسيا وامانيا وتايلند اكتسبن خبرات كثيره وان شاء الله اكون افيد الجميع
بنسبه لكلام سيدكو فهو كلام صحيح وجميل اعجبني
شباب اكون الى حد الصراحه اسمحو الي اكون شفاف واخرج بعض فضائح الشركات ولو كانت على الشركه التي اعمل بها
اطار البوتنزا مرسوم على الاطار اكثر من شغله انه ناعم بدون صوت وقوي في التوقف المفاجى وفي الانحناء لا اذكر بلضبط اسمحو لي ولكن الميزه الحقيقيه التي به هو الثبات في المطر بعد عمل طريقة (الروتيشن) اي لكل اطار جهه معينه تعمل النقشه اسلوب مثل اسلوب القارب وهو يصير في الما المقدمه تشقق الماء
اما عن الصوت فهو يسبب صوت ولا استطيع اقول لكل السيارات لان كل سياره له مواصفات مطلوبه ربما الالبوتنزا لا يتفق معاه خصوصا GR50 هذه موصفات الاطار اعذروني على التقصير
اما الترنزا فهو اطار فعلا محترم يعيش مسافه جيده بدون صوت او مشاكل جيد في الدوران فعلا انا اعجب بهذه الاطار الجيد
معلومه هامه الاطارات الصغيره من 155 الى 14/80/195 اصبحت شركة بريجستون تصنعهم في اندونسيا
بعض الصفات اتمنى ان لا اخيب ضن بعض الاعضاء او اختلف معاهم كثيرا
البريلي عمره طويل ولكنه ليس ناعما وهو كثير الانحناء وهذا الشيى رايته بعيني كانت لدينا جهاز متقدم جدا جدا يستطيع ان يقيم اين المشكله هل هي في الاطار او الجنوط او البلنس نفسه او الاطار يحتاج الى تحريك قليلا
دنلوب ليس كل اطارته جيده اغلب سيزاته ليست جيده
سومتومو مع تويو مع كومهو تقريبا مثل الاداء ونستطيع ان نضيف لهم الدنلوب
الميشلان اصبح عيبه ان الدول المصنعه له كثير ولكن افضلها وهو الاصلي الفرنسي
ومسامحه على التقصير وطول الرد
مع تحياتي
سنـاري
21-11-2005, 09:34 AM
اخوي بريليود
ماشاءالله عليك معلوماتك ممتازة في مجال الاطارات ..
يا حبذا لو تكرمت ان تشاركنا فيها و تكتب تقارير و ميزات و عيوب كل اطار على حده و ياليت بالتفصيل الممل ايضا
:)
النجمه الثلاثيه
21-11-2005, 10:24 AM
ما شاء الله
يعني الشباب سناري و برليود خبره وافاده وجهود جباره
الله يجزاكم الخير
اخوي سناري شكرا على نصيحتك بالنسبه ل Turanaza GR-50
انا اقتنعت فيه ١٠٠٪
بس للاسف ما حصلت المقاس نهائيا
ممكن تشوروا علي باطار اخر له نفس مميزات ال GR-50
مع مراعاة ماذكرته سابقا عن سيارتي و ما اريده من الاطار
و ما تقصروا
infiniti
21-11-2005, 10:43 AM
ماقصرتوا اخواني
سناري و برليود و النجمة الثلاثيه
فيه بريجستون Turanaza GR80 جديد و جربته و اعطى تقريبا نفس نتايج GR50 و يمكن اهداء بفرق بسيط لاكن العمر الى الان ماكمل اكثر من 4 شهور و اشوف النقشه لسه جديده .
احد عنده خلفيه عن هذا الاطار FIRENZA ST-03
انا جربته و الان اكثر من 5 شهور
المقاس 95W 215/55/16 صناعه يابانيه
ثبات جيد جدا اما في المطر ثباته جيد
مريحه لأقصى درجه
مسطح
ما تصدق لو قلت انه اهداء من Turanaza GR50 فعلا اهداء اطار جربته بحياتي و سعره 290 ريال
http://www.stamfordtyres.com/tpl/products_firenza.html
النجمه الثلاثيه
21-11-2005, 12:24 PM
اخوي infiniti
انا سرت الموزع الرئيسي ل بريجيستون في الامارات ناصر السركال
ما عنده GR50 ولا حتى عند التجار
سالته عن ال GR80 يقول ما يجي للرنج ١٥
والمشكله مو محصل اطار على كيفي
واطاراتي الحاليه منتهيه و خطر المشي عليها
يا ليت القى حل قبل لا ينفجر احد الاطارات :cry1:
infiniti
21-11-2005, 12:53 PM
اخوي اذا انت ماتسافر كثير ولا تحب السرعه جرب هذا الاطار متوفر عندكم في الامارات انا شفت محل في الشارقه شارع بي ام لوحه المحل مكتوب عليها FIRENZA و شعار الشركه و انصحك بهذا الاطار FIRENZA ST-03 .
اما اذا تسافر كثير و تحب السرعه صراحه ما اقدر انصحك بشي ثاني بس على فكره انا لما ركبت فارنزا سافرت عليه مرتين الامارات و مره الرياض و مره الكويت و الحمد الله ماعانيت من اي شي مع العلم اني سافرت كل هذي السفرات ايام الصيف عز الحررر و كانت سرعتي بين 170 و 140 .
سنـاري
21-11-2005, 01:10 PM
في الحقيقة اخوي انفنتي اول مرة اسمع بهذه الشركة
انا بتكلم عن النقشة و هي رائعة جدا و باين عليها اطارات هادئة لكن الجودة ما اقدر احكم بحكم اني غير مجرب
:cool:
سنـاري
21-11-2005, 01:13 PM
اخوي النجمة الثلاثية
انصحك بـ بيرجستون B700
و اذا تحب اختار لك من شركة ثانية حاضر
:D
و يا هلا فيك
برليود
21-11-2005, 02:57 PM
البريجستون
B700
يقتصر على السايزات الصغيره فقط يا اخي عموما هو اطار جدا جميل
وهو فقط نزل الى حد 14 80 195
برليود
21-11-2005, 03:09 PM
الفرنزا
انا اول مره اسمع عن هذه الشركه
عموما النقشه ممكن انها تخدمك في الانطلاق يعني انها تمسك في الارض
اما عيبها فهو سريع الانحناء او بلغتنا العاميه (ينعوج)
هذه المعلومه فقط على النقشه استخلصتها
infiniti
21-11-2005, 04:45 PM
شركة FIRENZA تابعه لشركة SUMO و على حسب ما قرأت في الانترنت انها تتبع لشركة فالكن و في موقع اخر قرأت انها تتبع لشركه سوميتومو :confused:
اخي برليود الى حد اليوم مشيت على الكفرات 20 الف تقريبا و مازالت ممتازه و حسب خبرتي البسيطه بعد هذي المسافه تبداء تطلع عيوب الاطارات الله يستر :sss:
برليود
21-11-2005, 04:50 PM
السلام عليكم
اذا كان مثل ما تقول من شركة سومتومو فنقول انها لا باس بها ممكن انها تعيش وتحافض على الهدوء وكل مواصفاته الى مده اطول
ولكن اذا كان فالكن فا لا حول ولا قوة الا با الله
Dreams_Maker
21-11-2005, 06:57 PM
شباب..ممكن مداخلة :(
أنا عندي لومينا SS وكفراتي تعبانين في الخط...وأبغى أبدلهم...
كفراتهم الأصلية هي برجستون مقاس 235/45R17
ماأعرف النوع بالضبط...بس لمن رحت أبلدهم...قالوا لي انه هذا النوع منقطع من السوق :S
فأبغى أعرف إذا فيه نوع تنصحون فيه....
تحياتي
النجمه الثلاثيه
21-11-2005, 07:57 PM
اخوي سناري مبروك المشاركه رقم ٢٠٠٠ :D
مثل ما قال اخوي برليود B700 اكبر مقاس ١٤
وانا مقاس اطاري ١٥
ممكن مقارنه بين
yokohama C-Drive & bridgestone Turanza GR-50
خلني اعرف شو العيوب وليش ما يناسبني
مره اخرى ما اريده من الاطار
الهدوووووووووووء و الراحه
الامان والتماسك
عمر الاطار
ياليت لو احصل Turanza gr-50 :cry1:
برليود
21-11-2005, 08:32 PM
السلام عليكم
اخوي درامس ميكر فعلا هذا هو سايز اللومينا الاس اس لكن لم يقف هذا السايز من الاسواق واطار بريجستون جدا جيد في هذا السايز ربما السبب هو ارتفاع سعره
والله اعلم
برليود
21-11-2005, 08:38 PM
السلام عليكم
اخوي النجمه الثلاثيه ليش مو محصل وبريجستون نزل دا السايز من فئة GR-50
?????ممكن توضح السبب هل من التجار مثلا؟
النجمه الثلاثيه
21-11-2005, 08:59 PM
السلام عليكم
اخوي النجمه الثلاثيه ليش مو محصل وبريجستون نزل دا السايز من فئة GR-50
?????ممكن توضح السبب هل من التجار مثلا؟
المشكله مو بالسايز المشكله في عدم توفر الاطار حتى عند الموزع الرئيسى في دبي
بحثت عن الاطار في المنطقه الصناعيه في الشارقه في اكثر من ٢٠ محل ما شي
والبحت مازال جاري
برليود
21-11-2005, 09:08 PM
دبي مافيها؟؟؟؟؟؟
والشارقه؟
احنى البحرين قوطي ولو تروح اي محل عنده تلاقي
Dreams_Maker
21-11-2005, 09:09 PM
السلام عليكم
اخوي درامس ميكر فعلا هذا هو سايز اللومينا الاس اس لكن لم يقف هذا السايز من الاسواق واطار بريجستون جدا جيد في هذا السايز ربما السبب هو ارتفاع سعره
والله اعلم
سألت أكثر من محل في الدمام...وكلهم قالوا انه مو موجود (نفس الدعسة"النقشة")
راح أسأل مره ثانية..وراح اسأل الوكالة...
والله المعين
تحياتي
برليود
21-11-2005, 09:15 PM
النقشه 530?
Dreams_Maker
21-11-2005, 09:45 PM
ايه نعم B530
Dreams_Maker
21-11-2005, 09:56 PM
حصلت في موقع برجستون أنواع كثيرة تصلح لسيارتي
بالإضافة لي B530
هناك
The Potenza S03 ...يتحمل لين سرعة 270
The Potenza GIII ....يتحمل فوق ال240
...
طبعا كلهم يركبون على مقاس 235/45R17
بس مدري إذا موجوده عندنا بالسوق هذه الانواع
تحياتي
برليود
21-11-2005, 10:10 PM
كلهم موجودين
بس لعلمك شغلتين انا انصحك تبتعد عن الجي ثري
لانه جديد وماتعرف عنه اي شيى
والاس او ثري دا غالي ومادري عن ميزانيتك
عموما نقشت الجي 3 جدا حلوه
ممكن تذكر اليي الرقم المكتوب على الاطارات الي شفتهم كاااااااامل؟
Dreams_Maker
21-11-2005, 10:16 PM
Glll
http://www.bridgestone.com.au/tyres/products/car/treads/gIII.asp
s03
http://www.bridgestone.com.au/tyres/products/car/treads/s03.asp
برليود
22-11-2005, 09:37 AM
السىم عليكم
الافضل
so3
بس بيكون غالي شوي
Dreams_Maker
22-11-2005, 12:37 PM
راح أقارن بينه وبين البيريلي في السعر...
وشكراً
برليود
22-11-2005, 04:39 PM
ما اعتقد في وجه مقارنه في السعر ولا المواصفات
النجمه الثلاثيه
27-11-2005, 07:04 PM
اخوي النجمة الثلاثية
انصحك بـ بيرجستون B700
و اذا تحب اختار لك من شركة ثانية حاضر
:D
و يا هلا فيك
يا ليت
بس ممكن مقارنه بين
Yokohama C-Drive & Bridgestone Turanza GR-50
خلني اعرف شو العيوب وليش ما يناسبني
مره اخرى ما اريده من الاطار
الهدوووووووووووء و الراحه
الامان والتماسك
عمر الاطار
EL_3grab
27-11-2005, 11:41 PM
حبيت أسال ..
سيارتي ستيشن موديل 00 .. لها رنجات 18x9 ..
بنقول السيارة سبورت ومنزله يعني حق الـ Street Performance بس .. اللفات والثبات والسرعه العاليه أهم شي ..
فهل في مقدوري أستخدم أي تاير سبورت مثل المشلان بايلوت .. على الأستيشن .. وشو أثر الوزن على التاير ..
EL_3grab
29-11-2005, 05:19 PM
فووووووووووق
سنـاري
29-11-2005, 07:36 PM
اهلا اخوي العقرب
اذا قصدك تستخدم اطارات المخصصة للسيارات الصغيرة فانت ما تحتاج اصلا لانه في بدائل كثير متوفرة
و في عندك اطارات كثيرة حلوة حق الجيوب تدعم الاداء الرياضي لها
و سلامتك
EL_3grab
29-11-2005, 08:01 PM
هي هذا اللي أقصد .. تواير Low profile مثلا .. 45/315 في 18 ..
يعني عادي تستحمل وزن فوق الطنين ونص ..