View Full Version : الامارات ثالثة في الازدحام عالميا؟؟
بندوق
10-11-2005, 01:43 PM
السلام عليكم
uae speed
10-11-2005, 02:33 PM
الاولى هونغ كونق ، الثانية قطر ، الثالثه الامارات !
زحمة الامارات في دبي بس ، اما باقي الامارات زحمتها معقوله .. يعني الشارقه فيها زحمه في الصناعية وعلى حدودها مع دبي بس ..
وابوظبي في اوقات الذروه فقط ، تجدها مزدحمه وخاصة الشوارع القريبه من الكورنيش ..
دبي زحمتهااااا عجيبه وغريبه ، اذا صار حادث خفيف او تعطلت سيارة على احد الجسور على خور دبي مثل جسر المكتوم او جسر القرهود ، فكمل مشوراك مشي أحسن لك ..
حالياً في جسر جديد من 7 مسارات في كل اتجاه بيسوونه بالقرب من جسر القرهود ..
وجسر القرهود الحلط بيهدمونه وبيسون بداله جسر من 6 مسارات في كل اتجاه ..
ودوار الملا بلازا بيتحول الى شبكة جسور ، وونفق القياده بيتوسع وبيسون جسور بعد ..
متى بيخلصون هالمشاريع الله اعلم .. :damp:
Mustang
10-11-2005, 02:40 PM
الاولى هونغ كونق ، الثانية قطر ، الثالثه الامارات !
.............
قطــر الثانيه . :sss: . اي والله زحمه عندنا خاصة يوم العيد .. تمل وانت قاعد تنطر ..
مشكــور على الموضوع ..
وانا احسب الرياض ازحم شي طلع طلعت دبي ازحم
الحمد لله على زحمتنا بس لا تزيد
لون الليل
10-11-2005, 04:14 PM
:blink:
قطر الثانية :think:
و الامارات الثالثة :blink:
مب معقوولة
الشبابي
10-11-2005, 06:00 PM
الاحصائية غير معقولة ...
اتوقع ان الرياض هي الاكثر ازدحام .. وجدة الان صارت ما تنطاق من الزحمة ..
اخوكم الشبابي
الهداف
10-11-2005, 06:39 PM
ما اظن ان الزحمة في دبي وقطر كبيرة مقارنة بدول اخرى في العالم اظن ان الى حط الترتيب مغلط و ما عندة سالفة انا من الامارات الزحمة عندنا في دبي بس مقارنة بدول اخرى ما في مقارنة بالمرة حيث ان هناك مدن مثل القاهرة , بانكوك و بكين فيها زحام ما يتصور زحمة دبي تعتبر نعمة بتلك الزحمة
uae speed
10-11-2005, 07:27 PM
أكيد هم يحسبون الترتيب عالميا بشكل نسبي ، يعني عدد السيارات بالنسبة لعدد السكان ومدى تضخم العدد سنوياً ..
رفجة عرب
11-11-2005, 01:14 AM
والله حاليا في قطر زحمة صح ..
لكن ما ظن تكون أكثر زحمة من شوارع دبي << شي مستحيل ..
mzr603
11-11-2005, 04:40 AM
اتوفع الدراسة دقيقة فطلعو ان دبي في المرتبة الثالثة
الصراحة الزحمة في دبي تطفش طفش عجيب والمدينة غير مهيئة لهاعدد من السيارات انا اول اتوقع ان زحمة الرياض اكثر من زحمة دبي ولكن يوم شفت الواقع اكتشفت ان الرياض افضل تنقل من دبي بالف مررة
red_RPM
11-11-2005, 11:03 AM
والله أنا مع الأخ الهداف
كالعاده جرايدنا إيبون دراسات مادري إمنين
دبي مشكلتها الجسرين اللي علي الخور
هم أساس الزحمه وطبعا خلال مهرجان التسوق من كثرة الناس
بس لو إتشوف الدول الثانيه مثل تايلاند إندونيسيا بريطانيا لوس أنجلوس والله إنقول الحمدلله علي كل حال
مثلا في تايلند وخصوصا العاصمه بانكوك علشان إتوصل أولادك المدرسه لازم تطلع من بيتكم الساعه 5 صباحا ولمن إترجعهم توصل بيتكم الساعه 7 مساءا
يعني الطالب يدوب يوصل البيت إيحط راسه وإينام
durango
11-11-2005, 11:26 AM
الله يكون في عونكم...
EMO
الهاوي جروب
11-11-2005, 12:33 PM
ومصر وين راحت هذي تعتبر الولى في الزحام
أنا ما أعتقد في زحمة زي زحمة مكة في الحج والله لا تكره أم السواقة كلها
وبعدها زحمة القاهرة
بندوق
11-11-2005, 12:57 PM
السلام عليكم
مشكورين اخواني على التعقيب
اكيد كل بلد له زحمة عنده حسب الشوارع وعدد السكان والسيارات
:smart:
mr.lamborghini
11-11-2005, 12:57 PM
:blink:
قطر الثانية :think:
و الامارات الثالثة :blink:
مب معقوولة
اي والله
:D
قلق و رجه
11-11-2005, 01:15 PM
والله ما دخلت مزاجي هالكلام
مدري احسه مب واقعي
وين بكين وين نيورك وين القاهره وين وين وين....
يعني مدن كبيره مشهوره بالزحمه وين راحت
دبي صح فيها زحمه والله يفكنا من زحمتها
بس معقوله يعني لو تجي في اوقات معينه ما تلقى زحمه
يعطيك العافية
UAEnos
11-11-2005, 02:14 PM
انا مع الإخوان .. اعتقد ان التقرير غير صحيح لأنه تجاهل مدن تعتبر من اكثر المدن ازدحاما مثل القاهرة ونيويورك ..
ومكة أيام العشر الأواخر وأيام الحج تكون شديدة الازدحام ولكن اعتقد ان سبب الازدحام هو كثرة الناس الذين يمشون على رجولهم وليس كثرة السيارات ..
وربما يكون كلام اخوي uae speed صحيح .. يعني انهم يحسبون النسبة وليس عدد السيارات فقط ..
Pure_Intimidation
11-11-2005, 02:33 PM
WRONG FOR SURE!!
EL_3grab
11-11-2005, 03:37 PM
شباب شكلكم ولا قريتوا المقال ...
يحسبون الزحمه بتقسم عدد السيارات على الطرق المرصوفه بالدولة .. وأحنا طلعنا 6300 وشويه بالكيلو ..
الأمارات صغيرة .. والمناطق المأهولة أصغر ..
وتحياتي
saeed>motors
11-11-2005, 06:46 PM
الزحمة في دبي ................ :headshak: :headshak: :headshak:
الله يخلي الهنود :D
تشير الاحصاءات أن دولة الإمارات وبالأخص دبي تضم أكبر عدد من الأجانب في العالم :confused: :blink: :m: :think: :mad1:
الله يسلمنا :m:
الصراحة مب ماخذين راحتنا........................... :bomb:
فديت الامارات
11-11-2005, 07:38 PM
:think: بصراحه مب معقول وين راحت الصين :think:
الامير الاحمر
12-11-2005, 03:42 PM
معقوولة ؟!
طيب القاهرة ويت راحت ؟ :think:
ABD 911
12-11-2005, 05:47 PM
شباب شكلكم ولا قريتوا المقال ...
يحسبون الزحمه بتقسم عدد السيارات على الطرق المرصوفه بالدولة .. وأحنا طلعنا 6300 وشويه بالكيلو ..
مشكلتنا أننا أمة لاتقرأ :headshak:
ABD 911
ABD 911
12-11-2005, 05:49 PM
شباب إقروه وبتفهمون الشغلة ... شكله ماخذكم الحماس :D
http://www.swalif.net/sforum1/attachment.php?attachmentid=2005&stc=1
ABD 911
بندوق
12-11-2005, 09:13 PM
السلام عليكم اخواني
مشكورين على الردود
كما قال اخونا ان الاحصائية شملت( عدد السيارات بالكليومتر الواحد من الطرق المرصوفة) :D
abumhdi
12-11-2005, 10:17 PM
ما اتوقع فيها منطقة بتغلب زحمة الرياض .. زحمة مووووت