سؤال عن تركيب الهيدرز .. ارجو الرد السريع شباب

[Lorinser]

مرحبابكم اخوان شمه...

... عندي مرسدس E320 مديل 2004 وأبا أركب عليه سستم هيدرز كامل من المنفول الى الدبات الاخيرة من شركة فوكس الألمانية مع ضمان 3 او 5 سنوات من مادة ستاين ستيل .. ( موجودة في الشارقة وبوظبي ) .. اللي اقصده اني اريد بس الموتر يهدر يعني صوت مرتب .. فشو رايكم .. أو اني أركب من النص ألى اخر شي ... ( قياس 2.5 انش )؟؟ يعني مالي خص بالمنفول ... ردوا عليه شباب بسرعة لاني ناوي اركب ...... هل يؤثر عالموتر بعدين ... شو نصيحتكم ؟؟ :knight: :cool: :think: :smart: :m:

[مؤيد اف1]

6 سلندر بالكثير تحط عليها 2.5 انش ..اتوقع راح تخسر عزم من السياره على دورات منخفضه اذا ركبت اكبر

[king_prelude]

ركب لك من البداية عشان يطلع الصوت الحقيقي للسيستم وبيعطيك قوة أفضل ...

وما أعتقد يضر السيارة

[Lorinser]

....
pls update us more information ..

[قلق و رجه]

اخوي 2.5 كثييييير على سته سلندر

واذا تبي صوت حلو صلح سستم كامل من الهيدرز الى اخر شي

بس ترى السته سلندر ما يطلع فيه صوت حلو مثل الثمانيه

واعتقد عندهم شي جاهز لسيارتك

وعندي ملاحظة ترى شركة فوكس مشكوك فيها كثير

يعني ترى اللي يصلحونه مب في المانيا تصنيع محلي والمواد من برى

كنت ابقولك خبرتهم مب ذاك الزود لكن بما انك بتعدل في مرسيدس اعتقد عندهم خبره

بس في الامريكي ؟؟؟

وفيه محل ثاني رهيب ومشهور وارخص اذا تبغاه عطني خبر

[الطايش]

راس الهيدرز خليه 1.5 عقب يتجمع ويصير 2.5 .. هذا احسن شي لل 6 سلندر

[big block]

جرب تركب اقزوز سستم كامل وشوف الصوت شلون يصير
واحد من الشباب ركب على اودي ّA8 وطلع الصوت مجرم
روح شكره فوكس واستشيرهم و بالتوفيق

[Lorinser]

shukran ya shabab 3ala alrdood ...

w esm7oole .. tara el computer ma yekteb 3arabee.. :shy:

a'7ooy qalaq ow rajah ... momken ta36eene esm elma7al ow wain ?? :banana:

wa ashkorkom mara thanya ... :-)

[قلق و رجه]

هلا اخوي

المحل اسمه اكزوز الخليج

في صناعية الراشدية

جنب اشارة البيبسي
صاحب المحل على ما اظن اسمه عمران هندي

شغله محترم

[Lorinser]

teslam bin 3amme :banana:

[سدرك]

وش وظيفة الهدرز؟؟؟

[قلق و رجه]

^
^
^
الهيدرز هو المنيفول

وهو اول شي يطلع من المكينة لخروج الهوى

والصورة في المرفقات تبين لك اكثر

[Prelude 4 Life]

الهيدرز او ال exhaust manifold هو اللي ياخذ غاز العادم من سلندرات المكينة ويجمعها في بيب واحد

[سدرك]

طيب وش الفرق بينه وبين القزوز

[Prelude 4 Life]

طيب وش الفرق بينه وبين القزوز

القزوز (exhaust) هو نظام العادم بكامله واليدرز هو جزء من القزوز

[RED Chevy]

حبيب قلبي روح الوكالة خذ سستم AMG وريح روحك مافي صوت احلى منه لي دست :black:+بيكون مضمون من الوكالة وماظن يطيح الضمان او يسبب مشاكل :banana:

[SLR55]

بخصوص فوكس فشغله حلو يستخدم الإستانس ستيل بس اخوي قلق ورجة خوفني منه

بخصوص محل إكزوز الخليج ... تعرف حد جرب يفصل إكزوز للكابريس أو اللومينا ؟؟؟ بدون منفول

وعلى كم يفصله لأن فوكس تقريبا ياخذ 3400 درهم للإقزوز سيستم بدون هدرز

وشو يستخدم حديد ولا ستانس ستيل ؟؟

وإسمحلي على كثرة الأسئلة :shy:

سلاااااااااااااااااااااام :knight:

[قلق و رجه]

فوكس كثيرين شتكون منه لان بعض الاحيان بعد مايركب السيستم تشوف لمبات تولع عليك في الطبلون واحيانا يكون شغله مظبوط .

فيه واحد اعرفه مركب سيستم ودبات على جولف ويمدحه وواحد ثاني على موستنغ يذمه .. وعموما اكثر اللى يركبون من عنده يذمونه وخصوصا على غلاء سعره .

اما اللومينا فيه واحد كان مركب عند فوكس سيستم اقزوز 2.5 انش ودبتين وبعدين قال معد فيها عزم اللهم صوت بس حتى عزمها قل ويوم راح عند اقزوزت الخليج لقى السيستم عرضه 1.7 انش تقريبا .. وبعد ماركب جرب السياره ولقاها خفيفه ومعد تطلع اصوات من تحت (( من عند الاقزوز )) والصوت يطلع مع الدعس وهذا على حسب الدعس .

اما المواد فهم مايستخدمون ستانلس ستيل هم يستخدمون المنيوم ستيل وهذا بالنسبه لي افضل .. وعليه ضمان مده سنتين والدبات عليها ضمان سته شهور واكثر بعد لوتتفاهم معه .

[قلق و رجه]

معليش نسيت السعر

تقريبا في حدود 2800 درهم وتقدر تتفاوض معه

والهيدرز لحاله ممكن يوصل الى 1800 درهم

[SLR55]

Thanx for your answer

now 2800 for Exhaust system with headers or without ?? and what the best size 2.5 or 1.7

slaaaaaaaaam :knight:

[قلق و رجه]

لا 2800 باك سيستم بس
الهيدرز تقريبا قيمته 1800

والحاجه الثانيه

الرجال مركب في فوكس على انه 2.5 بس يوم راح ل كزوز الخليج صار 1.7 تقريبا عشان كذا حس ان السيارة مكتومه شوي

واحسن شي 2.5