سوالف للجميع - مشكلة عند تشغيلي للسيارة

sanaa

05-12-2005, 02:47 PM

السلام عليكم
املك سيارة 190 مرسيدس وعند تشغيلي لها في الصباح لا تشتغل من اول مرة ولكن تحتاج الى ثلاث الى اربع مرات مع الضغط على دواسة البنزين , المشكلة هذه فقط تكون في اول ما تشتغل السيارة اما في المرات اللاحقة فهي تشتغل بسرعة ايش المشكلة ارجوكم ساعدوني

CL-Class

05-12-2005, 03:17 PM

اللي حاصل يا سنا ان السيارة بارده وهذا أمر طبيعي في حال تشغيلها الصباح بل وطبيعي أكثر اذا كان نظام تلقين البنزين هو ( كربوريتور ) ويجب مع الكربوريتور دعس البنزين اكثر من مره قبل البدء بالتشغيل ومع التشغيل ايضا..

اما اذا كان بخاخ فالموضوع يتغير ... يجب زيارة اقرب ورشه لعمل وزن لضغط الهواء للمكينه
او يكون مثلا هناك شوائب في صفاية البنزين..... كل هذا وارد

تحياتي

king_prelude

05-12-2005, 03:31 PM

عادي أخوي شيء طبيعي خصوصا إن الجو هاليومين بارد

صارت مع في E300

أول ما تشغل السيارة إضغط بنزين خفيف وحاول إنك تثبت رجلك ولا تخاف (( ما أي مشكلة ))

sanaa

06-12-2005, 10:46 AM

شكرا الف شكر شباب

sanaa

28-12-2005, 12:17 PM

المشكلة جالسة على حالتها يا شباب
ارجوكم ساعدوني كيف يمكن ان احل هذه المشكلة

sanaa

28-12-2005, 02:24 PM

للرفع :shy:

عقاب

28-12-2005, 02:31 PM

اعتقد ان البطارية لها دور في المشكلة

او عند اطفاء المحرك اخر مرة يجب ان نضغط على البنزين بقوة شوية وبعدين تطفا السيارة .

بس لازم نشيك على البطارية .

grandv8

28-12-2005, 05:14 PM

السلام عليكم ورحمة الله وبركاته

اخي الكريم

افحص كهربائ السيارة او البخاخات او يحتاج للتنظيف

bahrainlove

28-12-2005, 07:05 PM

اعتقد ان اسلاك الكهرباء اللي من الديلكو الى spark plugsتحتاج تغيير ... صارت معاي مره هالحركة ويوم غيرتهم كل شي صار تمام.

until the end

28-12-2005, 07:23 PM

والله ياخوي انا عندي الحل الاكيد لا بواجي ولا غيره
صارت عندي وهاذا نص كلام المهندس (حلوه هذي نص كلام)

في نوعين من السيارات في سيارات فيها دبه تجمع بخار البانزين وهذي في السيارات القديمه وهذا البخار يساعد في التشغيل الصباحي وليس له اي تاثير عندما تكون السياره حاميه او يكون الجو حار والمشاكل لهذا النوع اما احدى التوصيلات مقطوعه او ان الدبه هذي يكون فيها اوساخ
النوع الثاني هو سينسر التشغيل الصباحي وموجود في السيارات تقريبا" من موديل 1995 فمافوق وهذا النوع يساعد على التشغيل الصباحي بايعاز الي الكومبيوتر ليعطي ايعاز الي الطرمبه لضخ البانزين وفتح السدادات
اعتقد ان سيارتك من النوع الاول سهل التصليح
والله ياخوي ما اعرف انزل الصور كان رفقت الشرح بالصور
واي سؤال تراني جاهز

mercedes sportline

28-12-2005, 07:30 PM

صايرة نفس الحركة مع اخوي بال300E بس مشكلة اخوي ان البخاخات خربانة من يوم ما راح فيها على مصر وعباها بنزين تعبان وشكرا

Dreams_Maker

28-12-2005, 07:32 PM

مع إحترامي لجميع الشباب والحلول المطروحه...

لكن هنا الشباب قاعدين يعطونك حلول ربما تكون لمشكلة ثانية لها نفس الاعراض ..اللي هي مثل ماتفضلت...السيارة تنطفي لين تجي تشغلها الصباح او بداية تشغليها في اليوم..

الأحل الأمثل...أنك تشوف ميكانيكي هو اللي يقدر يفيدك لانه هو اللي راح يعاين السيارة ويشوف وش فيها من مشاكل...

إحترامي :)

sanaa

13-01-2006, 01:56 AM

المشكلة ان المكنيكية الذى عندنا لا يفهموا شي للاسف :(
وانا متوكل على الله ثم عليكم

ويا ريت القي حل عندكم لهذه المشكلة

والمشكلة بالتفاصيل كالتالي
او ما اشغل السيارة ما تشتغل من او مرة يحتاج لها اربع او خمس مرات والغريب :cry1:
ان السيارة في بعض الاحيان تشتغل بسرعة
وعلى فكرة شباب تطلع عندى اول ما اشغل السيارة في اسفل العدادت في الطبلون في اقصي اليمين اشارة حمراء على ما اظن كتب عليها EXTIMP وهي بالون الاحمر تقعد شوي وتروح الاشارة في بداية كل تشغيل للسيارة
ارجوكم شوفوا لي حل في هذه المشكلة

النجمه الثلاثيه

13-01-2006, 06:19 PM

المشكلة ان المكنيكية الذى عندنا لا يفهموا شي للاسف :(
وانا متوكل على الله ثم عليكم

ويا ريت القي حل عندكم لهذه المشكلة

والمشكلة بالتفاصيل كالتالي
او ما اشغل السيارة ما تشتغل من او مرة يحتاج لها اربع او خمس مرات والغريب :cry1:
ان السيارة في بعض الاحيان تشتغل بسرعة
وعلى فكرة شباب تطلع عندى اول ما اشغل السيارة في اسفل العدادت في الطبلون في اقصي اليمين اشارة حمراء على ما اظن كتب عليها EXTIMP وهي بالون الاحمر تقعد شوي وتروح الاشارة في بداية كل تشغيل للسيارة
ارجوكم شوفوا لي حل في هذه المشكلة
المشكله دائما في تشخيص العطل

اناعندي مرسيدس E٣٠٠وكانت عندي نفس المشكله

غيرت السلف

ثم البطاريه

والبواجي (البلاكات) كذلك

واخيرا ال Disributor cap + Distributor rotor وهم هللي حلوا المشكله

موجودين على راس الماكينه ولاحظ نهاية اسلاك البلاكات اللي طالعه من الماكينه بكونوا موجودين هناك

اسباب اخرى

الكربوريتر او الانجيكترات فيهم وسخ او فلتر ابنزين لازم تبديله

وممكن يكون ما في مشكله اساسا
يعني مثل ما قالوا الاخوان نتيجة الجو البارد خصوصا في الصباح

وحاضرين للطيبين

مؤيد اف1

13-01-2006, 07:16 PM

انا اقول اعمل صيانه شامله وفك عمرك..لان هالمشكله في لها مليون سبب وكلها من قطع استهلاكيه او كربريتر وسخان :D

تحياتي

560SEL

13-01-2006, 08:50 PM

انا اقول اعمل صيانه شامله وفك عمرك..لان هالمشكله في لها مليون سبب وكلها من قطع استهلاكيه او كربريتر وسخان :D

تحياتي

:banana:

sanaa

14-01-2006, 12:08 AM

وارجع واقول جزاكم الله الف خير النجمه الثلاثيه
والاخوة الباقيين وجزاكم الله الف خير
وشكرا الف شكر
وانا سوف احاول الي ان اصلح السيارة يعلم الله يشباب انى دفعت فيها دم قلبي وتدينت و خلوها على الله

وحسبي الله ونعم الوكيل :cry1:

مؤيد اف1

14-01-2006, 02:16 AM

وسع صدرك هذي آله وحط بالك انها راح تعطل او تحتاج صيانه :-)

sanaa

15-01-2006, 11:41 PM

اخي النجمة الثلاثية
اذا تكرمت ايش اسمها بالعربي Disributor cap + Distributor rotor
وانا اسف على ازعاجكم

مؤيد اف1

15-01-2006, 11:45 PM

غطا الدلكو وعموده :-)

sanaa

15-01-2006, 11:49 PM

ايش اقول لك يا مؤيد اف 1
الله يرحم والديك وايديك من عنده يا كريم يا عظيم
جزاك الله الف خير :shy: