بعد المقلب الي اخذته اعلن انسحابي من المنتدى

[طالب جكر]

السلام عليكم ورحمة الله وبركاته
أخواني الاعزاء الحقيقه ان الصدمة والمطب الي انا اخذتة من شباب الشرقية يخليني حاقد مليون
انا دقيت مشوار حوالي 300 كيلو رايح جاي لتجمع وتالي انتظرت حوالي الساعة ومااحد يجي
ولا احد حتى يدق يعتذر

بصراحه قوية


عشان كذا انا قررت الانسحاب من المنتدى
لانه اهم شي ان الانسان يوفي بكلمتة وانا مااحد بهل تجمع معي وفا


ودمتم بخير

[grandv8]

السلام عليكم ورحمة الله وبركاته

اخي الكريم

هدي نفسك اخوي وريح بالك

المدة اللي وضعته للتجمع كان فترة قصيرة ونحن مرات ننزل موضوع قبل التجمع حوالي اسبوعين تقريبا ،وتناقش الامور كيف الوضع الوقت واليوم والتاريخ وظرف كل واحد.

اظن اكثرية الشباب ماجاء يمكن عندهم امتحانات او ظرف،ولاتنسى المنطقة الشرقية كانت اظن الجو ضباب كثيف بالليل.

انا اعذرك اخوي وحاول لاتترك المنتدى.

اخوك محمد

[جامح 998]

السلام عليكم




ياخي قدر الله وما شاء فعل , و ان شاء الله خيرها بغيرها وتتعوض.





شكرا

[Corvette_Stingray]

احنا كم مره يصيدنا نفس الشي ونقول قدر الله وما شاء فعل :banana:

خذها بروح رياضيه :knight:

احنا شنو ذنبنا انك تتركنا :p

[زورو الامارات]

السلام عليكم ورحمة الله وبركاته


احم احم زورو وصل


عزيزي طالب جكر ياخوي اذا الجماعه ماجوكم في الوقت المحدد لاتلومنا احنا

هالشي ماهو ملزم للجميع بالحضور لكن المفروض الي يواعد احد يوفي بوعده وادري ماهي سهله 300 كيلو راحت على الفاضي


لكن في المقابل مالنا ذنب تتركنا ياخي وانت تعز علينا اعتقد ان قرار ترك المنتدى مرفوض ومكانك موجود بينا وحياك الله

[قلق و رجه]

^
^
^
انا معك بكل كلمة

وهونها تهون

[مؤيد اف1]

أنا بصراحه اعتذرت في الموضوع نفسه :shy:


ولا يصير خاطرك الا طيب ولا تزعل...جرب مره ثانيه وانا اول واحد بجي اذا الوقت يناسبني :-)


وسع صدرك


تحياتي

[الهاوي جروب]

لا ماتترك المنتدى ان شاء الله

ادري انها قوييييييييييه لكن في القران الكريم يقولك من عفا فأجره على الله


ولا ماتبي اجر :)

ان شاء اله تبيه يالله خلك معنا طيب زعلان من شباب الشرقيه تزعل من كل الشباب الي في مناطق جده وباقي الدول الخليجيه

[رفجة عرب]

اففففف والله 300 كيلو واجد ..


الله يعينك ياخوي والله مب سهلة هالمسافة ..

بس بيني وبينك المفروض التجمع كان فيه ترتيب اكثر من كذا و وقت اطول ..

وهدي نفسك اخوي ترى ما صار الا خير ..

واتمنى انك تسامح الشباب ..

[ا ح ن 1 0 0]

مع احترامي لك

في أحد في الدنيا يضرب 300 كيلو على اتفاق بذا الشكل !!

يااخي فيه اتصالات وجوالات .. فيه رسايل خاصة تتفق انت والشباب على ذا الشي :blink:

اذكر بالتجمعات اللي بوسط جدة ودايم تتكرر مايطلعوها الشباب الا بعد مايتأكدوا بالجوالات

على الموعد والمكان اللي ممكن يتغير بأقل من لحظة

وخذوا الخبرة من منتدى جدة بويز :cool:

رغم إن المشوار مهو فارق شي عندنا حتى لو اكلنا مقلب

[2k2]

هونها وتهــــــــــــون ...

خيرها بغيرها .... :cry1:

[راعي الكورفت C6]

هدي بالك أخوي :sss:
أدري إن الموقف إللي كنت فيه لا يحسد عليه :bomb:

لكن شيء صار وإنتهى وما تقدر تغيره

والمسامح كريم

[راعي الجيتز]

السلام عليكم و رحمة الله و بركاته

:( :( :( :(

يعني انا ادخل المنتدى و القى عضو نشيط جدا مثلك اخوي طالب جكر يريد الانسحاب شو هالحظ يا اخي :cry1:

اخوي طالب جكر خلني اقولك شئ


اللي ما يتألم ما يتعلم ولا شو رايك :black:


و صراحه 300 كيلو مش بسيطه الغالي لكن اتمنى انك ما تطبق حكم العسكريه علينا اذا اخطات مجموعه الكل يتدبل و الحجز عالجميع و طبعا الزحف اهم شئ :blink: :sss: :mad1:

اتمنى انك تراجع نفسك اخوي و هونها و تهون و كل واحد يتعلم و اكيد انت اخذت درس من هالموقف خصوصا انك ما تقوم بقطع مسافه كبيره مثل هذي بدون ما تتاكد و تقوم باتصالات و تاخذ تاكيد و توكيد على موضوع التجمع من جميع الاعضاء اللي تبي تتجمع معاهم و ان شاء الله بتلقى هالفرصه قريب و تتجمع معاهم


هذا اللي عندي و بالنهايه القرار لك

فاختار .....

[Supra_Rider]

مثل ما قالوا الشباب اذا انت زعلان من شباب الشرقية شو ذنبنا احنا نخسر اخ عزيز علينا

استهدى بالله و خلك معانا

[CL-Class]

يا اخ طالب جكر......

ودي اسألك من الشباب اللي كلمك على الموبايل واتفقت معه ؟؟ وكم واحد ؟؟

جاوبني بصراحه

[cruiser2000]

ياخي لا تتركنا :cry1:

مب ناقصنا بعد أعضاء حلوين ومحترمين ونشيطين نخسرهم والله مب ناقصين

وبعدين انا سويت تعديل على شانك وتم اسبوع وما رديت عليه وما قلت شي

وقت يوم تروح اعطي التعديل لمنو؟
يعني تبا شغلي يروح على الفاضي


http://www.swalif.net/sforum1/showthread.php?t=215902 (http://www.swalif.net/sforum1/showthread.php?t=215902)

[sayedco]

صار لي نفسك و عصبت وقتها وايد

لكن اللي صار هو كان التجمع و اللي أعتقد ليس له علاقة بالتواجد في المنتدى عن الذهاب إلى التجمع

بالعربي اترك التجمعات و المواعيد ، و عليك بالمنتدى الإلكتروني

آنا الصراحة صارت فيني مرتين و نص :D بس لحين ناوي أروح بس عشان واحد أو اثنين أروحلهم

[TerroRx7]

صراحه يا اخوي
اللي يقرأ موضوع التجمع يقول انك بتتجمع لوحدك

ما حددتوا المكان و الزمان الا قبل يوم
و العاده الشباب يجهزوا الخطه و الكروكي من قبل 5 سنوات
و بعدين لو قلت تعالوا الساعه 4 في ناس ما بتجي الا بعد صلاه العشا :D
يعني صراحه من 4 - 4.30 تقول توقيت اختبار مو تجمع و قعده

و المفروض بعد ما حطيت الموقع و الوقت تشوف منهو مستعد يجي


اما تزعل على المنتدى كله ما لك حق

ازعل على اللي قالوا بيحضروا :D :D :D :knight: :D

[MoHaMaD_Q8]

اخوي صحيح موقف يقهر..

لكن زعلك عم علينا كلنا..احنا ما لنا ذنب يالغالي..

يعني علشان كم شخص تترك المنتدى بالكامل

يعني تحل المشكله بالغلط..

ان شاء الله ترجع لصوابك وتنظر للموضوع بشكل عام وبدون استثناء

تحياتي يالغالي

[922]

سؤال خارج الموضوع

من وين ماشى 300 كلم ؟

[جداوي كول]

:blink:
والله كتييييييييييييير 300 كيلو
وربي ما اضرب المشوار هادا لو كان فين ديزل جي التجمع مو كمانه في الشرقيه
:( مشي حالك يا عسل لا تزعل
تعال عندنا جده وانشالله نسويلك تجمع حلو :p

[Dark Shadow]

:blink:
والله كتييييييييييييير 300 كيلو
وربي ما اضرب المشوار هادا لو كان فين ديزل جي التجمع مو كمانه في الشرقيه
:( مشي حالك يا عسل لا تزعل
تعال عندنا جده وانشالله نسويلك تجمع حلو :p

هي 300 كلم وأنعمل بيه مقلب ، تبيه يروح 1200 كلم علشان ينعمل فيه مقلب أكبر!

في الأولى راح يقاطع المنتدى وفي الثانية راح يقاطع الأنترنت :bomb:

[co0oL_bo0oy]

هي 300 كلم وأنعمل بيه مقلب ، تبيه يروح 1200 كلم علشان ينعمل فيه مقلب أكبر!

في الأولى راح يقاطع المنتدى وفي الثانية راح يقاطع الأنترنت :bomb:


Lo0o0o0o0o0o0o0o0o0o0L

هونها وتهوووووووووووووووووووووون :smart:

[oil_HKS_lio]

والله انا من زمان ماشفت مواضيع المنتدى لو ادري انه فيه سالفه تجمع كان جيت والله تشوفني اول الناس تلفلف مكان الحدث هونها وتهون

[B4_STI]

لا يا رجال ما سار الا الخير ...

[ABD 911]

والله مادريت عن التجمع إلا من موضوعك هذا شكلكم رتبتو الموضوع سريع سريع !!

أنا لو داري كان جيت على طول ويكفيني شوفتك والله !

ABD 911