View Full Version : سؤال في كنداسة الصوت
R32 HPA
14-12-2005, 10:17 PM
السلام عليكم ورحمة الله وبركاته
احكي قصتي المأساوية :cry1: رحت اغسل السيارة بستم من تحت كامل وبعد الغسيل ولله الحمد بسم الله شغل السيارة ماتشتغل تدق سلف ماتشتغل عرف انا جا موية على الكهربة اوالدلكو :( استنيت دقايق و مافي فايدة نتعناها ومافي فايده :mad1: المهم وقفتها على جنب ودست بنزين كذه مره ورا بعض إلا واسمع انفجار ذري اوتقدروا تقولوا هزه ارضية :D والله نقزت من مكاني وطلع من الكنداسة دخان اسود توقعت انه بوجي ضرب :headshak: ناديت الميكانيكي قلي خليها ساعة وشغلها او اذا مستعجل نشف الدلكو وتعال ماشي فاستنيت لانه المغسلة جنب البيت استنيت ساعتين كمان :D معلش طفشتكم معايا بس من القهر :D بعدين لما شغلتها طلع صوت غريب صوت وحش :black: اللي متابع القصة ايش سبب الصوت الرياضي المعدل من شركة جريدي :D طبعا انا قلت يمكن دخلت مويا مع الشكمان وفي نفس الوقت الصوت طرب بسطني :D رحت للشكمانات وطلع للأسف :cry1: الكنداسة انفقعت من الأطراف
طولت عليكم الشاهد انه اذا مالحمتها مافي ضرر على عزم السيارة وغيره وغيره ويكون مزعج الصوت فقط نرجوا الجواب الشافي :smart:
شاكرين ومقدرين
grandv8
14-12-2005, 11:29 PM
السلام عليكم ورحمة الله وبركاته
اخوي صوت الانفجار هذا من ديلكو السيارة
ام كنداسة الي عندك لازم تغيرها بيكون عزم السيارة مكتوم بسبب عدم خروج من العادم ويكون مضغوط الهواء بالداخل وبعد مدة بيزيد الصوت
.
ان شاء الله اخوان بيفدون بعد
:)
R32 HPA
15-12-2005, 01:33 AM
مشكور اخويا جراند ماقصرت اتشرف انك اول واحد رديت :p
الصور المرفقة توضح انه الدائر كلها اتفتحت للأسفل فصار العادم يطلع من هذي الفتحة المؤشر عليها بالسهم فالسؤال هل لو ماغيرتها او لحمتها تأثر على مشي السيارة وعزمها و الأشياء الميكانيكية من ناحية تدفق الهواء الخارج من العادم ابغى جواب علمي بس الصوت عاجبني كنداسة رياضية بلاش :D
http://www.w6w.net/upload2/14-12-2005/w6w_2005121416251114455a4d.jpg
مشكورين
sayedco
15-12-2005, 01:59 AM
بالنسبة للدبة
صارتلي من قبل في كامري ، و لحمتها و راحت المشكلة و كان عزم السياراة راجع كما كان في السابق
لكن بعد مدة من الكرف و العناء :D ، تبطل اللحام من أول و اضطريت أغير الدبة كامل بدال اللحام
إذا تبي صوت ركب دبة جديدة رياضية على الأقل ما تفقد عزم السيارة و لا تتأثر المكينة ، لأنك بمواصلتك لهذي الحركة بالدبة الخربانة بتسلم على المكينة < إلا إذا برمجت الكمبيوتر على هالوضعية و هذا نادر و طبعاً لا يصيدك المرور
أما إذا ما تبي صوت بركب دبة عادية حده حده 100 ريال مع اللحام
فباختصار و بدون كلام زايد ركب دبة يديدة سوا كانت رياضية أو عادية كاتمة للصوت
EL_3grab
15-12-2005, 07:38 AM
هيه نعم .. شي عادي يالطيب ولا تحاتي .. لحام مرة ثانيه وخاصه لمساحه كبيرة .. ما أنصحك .. بعد فتره من المشي بيتبطل اللحام .. عندك خيارين ..
يا أنك تغير الدبه لوحدة جديدة ..
ولا تشوفلك دبه محترمه .. أمثال بورلا ولا داينو ماكس .. هذا أذا حبيت صوت ويمكن تغير في السرعه النهائيه .. لأنك ما بتلاحظها وايد وانته تمشي عادي ..
وبالمرة فلتر .. وهدرز .. وبلكات .. :D :D
abumhdi
15-12-2005, 10:32 AM
انا ما اتوقع اللحام ينفع معاها .. لانه بعد فترة راح تنفتح معاك مرة ثانية ..
لازم تغيرها .. وتريح بالك .. ومشان عزم مايتغير عندك ..
وبالتوفيق ،،
R32 HPA
15-12-2005, 10:45 AM
مشكورين ياشباب على تفاعلكم وتجاوبكم معايا :p بس يعني افهم انه لوسبتها كده مفتوحة تأثر على المكينة :cry: هاذا كلام منطقي علمي ميكانيكي :anger: ولاكل واحد قاعد يرمي معلومات من كيسه :D لأنه ملاحظ مافي فرق بالعزم الله يستر
المهم تعرفه اخر الشهر والحالة جيم = جفاف في الجيب :D
يعني يبغالها ميزانية لوركبت دبة من شركات عالمية كم تكلف تقريبا :think:
EL_3grab
15-12-2005, 11:07 AM
بالكثييييييييييير .. بالكثير .. 600 درهم ..
EL_3grab
15-12-2005, 11:11 AM
صح وأي وحدة اللي ضربت معاك ..
اللي في الوسط .. ولا الأخيرة ..
R32 HPA
15-12-2005, 11:12 AM
مشكور يا EL_3grab :p
EL_3grab
15-12-2005, 11:15 AM
وين ما رديت عليي
sayedco
15-12-2005, 11:22 AM
آنا أقولك عن شي علمي يعني ما أألف عليك
و مب لازم تركب من شركة غالية و بورلا تعتبر من أغلى الدبات
في نيتتو عادة يكون حدود 400 ريال
في حتى 100 ريال تحصل و عليهم صوت حلو بعد :p << صناعة بحرينية :D
و إذا تبي تجرب فلوماستر (عادة يركبونه على موستنق) يمكن صوت الهوندا شوي يتغير بشكل طفيف و يكون مميز جداً عن الباقي
EL_3grab
15-12-2005, 11:27 AM
شوف .. هاي ..
http://www.dynomax.com/ultrafloss.stm
وتقدر تحمل كتلوجها من مني ..
http://www.dynomax.com/documents/ultrafloss_specs.pdf
..
ثانيا .. سيارتك 4 ولا 6 .. اللي هو .. ما بتحتاج أكثر عن 2 أنج دخله و2 طلعه للدبه ..
وأذا حطيت دبه أكبر عن حاجة السيارة .. بتفقد عزم في البداية .. بس في بيكون عندك مشي في العالي ..
..
أنا شاري دبة فلو ماستر سيريس 50 ألترا فلو .. بـ375 درهم ..
..
هاي الدبه ما بتكلفك اكثر عن 500 درهم مع التركيب .. وأهم شي التركيب .. لا يتفلسف وايد عليك .. قوله لحام عدل وشغل مزبوط ..
..
وثلامي
R32 HPA
15-12-2005, 11:44 AM
مشكور يا اي ال ممعليش ماانتبهت شكلوا ردينا في نفس الوقت :D
سيارتي سيفيك موديل 2000 واللي ضربت الدبة الأخيره واي سؤال انا حاضر :p
وايش الفرق بين الدبة العادية الستوك تبع السيارة والرياضية ابو رخيص اللي طلع صوت وتصنيع محلي :D وايش الفلوماستر وبأيش تتميز وكم سعرها المتوسط وبالنسبة للعزم يهمني كثير ابغى مايفرق عن بلده واذا زاد العزم في الخط فيكون احلى :banana:
ودايما اللي يجي من المصنع كم انش وكل ماقلت مساحة الدبه صغرت او قل الأنش تطلع صوت ولها صلاح بالعزم تقلنا عليك مشكور
في حفظ الله
R32 HPA
15-12-2005, 11:51 AM
مشكور سايدكو :p صحيح ابغى اسئل ايش فائدة الدبة الاخيرة بس عشان تصفي الصوت ولا فيها فلترة كمان وهل لوانفكت وحطينا ماصورة بدالها تزيد من العزم ولامالها صلاح في العزم
EL_3grab
15-12-2005, 12:00 PM
ههههههههههه .. مره وحده ..
المهم شي حلو .. ما أعرف ليش كنت مفكر سيارتك كامري ..
سيفك .. وما أدراك ما السفك ..
عندها سوالف جاهزة تركبها دايركت .. بس لو تعطيني النوع .. المكينه .. القير ..
..
الفرق بين العاديه والرياضيه .. من الداخل فرق أكثر .. البيبات فتحاتها أكبر .. الديزاين من داخل غير .. يعني .. الرياضيه تنسم على المكينه أكثر .. يعني تقلل من الضغط شوي .. بحيث ما يأثر على العزم في الار بي ام المنخفض ..
..
أبتعد عن المحلي والخربطان .. تقدر تاخذ دبه بـ50 مب 100 بعد .. بس أنته شوفها وبتعيفها ..
..
الفلو ماستر .. بورلا .. داينو مكس .. وغيرها وايد .. شركات عالمية للكنداسات ..
..
واللي أيي من المصنع يفرق من سيارة لسيارة .. شوف سيارتك كم ..
..
EL_3grab
15-12-2005, 12:01 PM
ولسؤالك الأخير ..
دائما الدبة اللي بالنص هي اللي تنضف هواء العادم .. والأخيره هي اللي تكتم على الصوت ..
EL_3grab
15-12-2005, 12:03 PM
حبيت أزيد .. الدبة الرياضية ما تأثر أذا كان أختيارك صحيح للحجم ..
يعني مب تسير تاخذلي دبه 3 انج لسيارة 1.5 لتر ..
طبعا هاي الرمسة كلها للسيايير الستوك .. مب عدله المكينه ..
EL_3grab
15-12-2005, 12:29 PM
لحام بو عبود .. نعم ينفك ..
واللحام فن .. مب أي واحد يتقنه .. هالهنود أيونك من بلادهم ما يعرفون شي ..
فيعني حاسب يوم بتسير تلحم
R32 HPA
15-12-2005, 03:47 PM
مشكور يا اي ال على النصائح :p
المكينة عندي 1.5 لتر والكود اظن D15Z4 :-)
كم انش تفضل يكون مقاس الدبة بحيث يكون مناسب في العزم والخط :black:
EL_3grab
15-12-2005, 04:51 PM
سيارتك فتك ..
قوتها 115 .. زين .. تقدر تخليها 2 أنج دخله و2.5 طلعه .. وبيكون شي حلو أن شاء الله ..
R32 HPA
15-12-2005, 05:09 PM
لا يا اخويا مو فتك عادية 105 حصان شكلي غلطان بالكود :(
EL_3grab
15-12-2005, 05:12 PM
عادي الطيب ما فرقت .. بس قبل لا تركبها خله يجيك كم بالضبط عرض الأقزوز .. وبعدين خله يسويلك أياها براغي تنفك وتتركب .. مب لحام دايركت .. يعني يركبلك فلنجتين وحدة للبيب ووحدة للدبه .. وخله يرص البراغي عدل .. :D
R32 HPA
15-12-2005, 05:41 PM
يعطيك الف عافية اخويا وماقصرت معانا :29: ولك مني بوسة :D