View Full Version : اللي عنده مازدا 3 او يعرف عنها يتفضل
bujassim
25-12-2005, 08:10 PM
السلام عليكم
كيفكم يا شباب
الحمدلله توفقت و اشتريت لي مازدا 3 رقم واحد
بصراحة السيارة عاجبتني من برا و ممن داخل
و سواقتها حلوة
محركها 1.6 لتر بقوة 107 احصنة لكن اعتبره جيد بالنسبة لوزن السيارة علماً ان بامريكا و كندا تنزل بحرك لترين و 2.3 لتر
انا فرحت يوم لقيتها بمحرك 1.6 قلت احسن عشان صرفية البترول
لكن....
يا فرحة ما تمت....
انا راجعت الارقام في الانترنت و الكاتالوجات ، كلها تشير الى انها ما تصرف وايد
ما ادري يا جماعة، السيارة تصرف وايد ولا انا اتخيل
السيارة اعيبيها ب 46 لتر تقريباً في المتوسط (12.5 جالون تقريباً)
لكن كم تمشين علماً بأن سواقتي عادية و ما اسابق
تمشيني 370 كيلو داخل المدينة و highway لسرعة 140-160
بصراحة توقعتها تمشيني 400 و فوق داخل المدينة فقط
علماً بان الكورولا 1.8 اعبيها بأقل ، و تمشيني 400-450 كيلو داخل و خارج و نفس السواقة
السيارتين قير اتوماتيك
السؤالاللي عنده مازدا 3 كم تمشيه؟؟ هل يعاني من نفس المشكلة او لأ؟؟؟
طيب في حل؟؟؟ في طريقة
انا سمعت ان المازدا سيارة اقتصادبة و ناس قالوا انها مو اقتصادية
بس الحين اظن انها مو اقتصادية
بصراحة ما حاس بفرق كبير بينها و بين الاكورد
تعليقاتكم
ra3y_v8
25-12-2005, 11:31 PM
الله اعلم....
يمكن في انك تعبي السياره نوع البنزين الغير مخصص لها......
انك تعبيها خالي من الرصاص وهي اساسا ممتاز....مثلا :)
حبيت افيد :shy:
مؤيد اف1
26-12-2005, 01:01 AM
التانكي صغير حقها..هو سبب كونها تمشي اقل من الكورولا بس اكيد تفللها اقل :-)
تحياتي
sayedco
26-12-2005, 03:59 PM
ما أعتقد السيارة صرفيتها عالية
يمكن لأنه التانكي صغير فتحسه يخلص أسرع :D
صرفية ال 2.0 هي 28/35 mpg
الكورولا أقل السيارات الصغيرة صرفية ، مادري عن السيفيك الجديدة بس
الكورولا صرفيتها 32/41
بس ياخي احمد ربك ، لو عندك باترول شتسوي :D
bujassim
26-12-2005, 05:17 PM
يا جماعة تانكيها اكبر من الكورولا
يعني خزانها تقريباً 12 جالون و باللتر 45 لتر
و نوعية البترول انا متأكد منها
سيدكو:: سمعنا عن المشكلة اللي صارت لك و الحمدلله على سلامتك
ابشرك كان عندي باترول و بعته من زمان، رغم صرفيته العالية لكن الشباب يقولون ان اقل صرفية من الباترول اللي عندهم :.
وكان عندي التيما 6 سلندر حاس انها نفس صرفية المازدا3 بس هذي خزانها شوي اكبر (نفس حركة مؤشر البترول و المسافة اللي تمشيني اياها)
الفرق ان المازدا اعبيها ب 52 و الالتما ب 68 درهم الخزان كامل
ونا كنت خايف من صرفية الالتيما، على الاقل هذيك احلى و اكبر و اقوى ::: لكن من طمع طبع
تحياتي لكم
و بانتظار باقي الردود
sayedco
26-12-2005, 06:47 PM
الله يسلمك أخوي و تسلم
بالنسبة للصرفية مالتك ألحين عرفت إنه سيارتك وااااااااااايد تصرف
آنا سيارتي 6 سلندر 3.5 و أعبيها فل 55 لتر ، تمشيني 380 كيلو
إنت 4 سلندر 1.6 و تعبيها ب 50 لتر و تمشيك نفس المسافة !! :shock2:
الله يعينك
بس شوف باقي أصحاب المازدا 3 و شوف هل نفس الشي ؟؟ أو بس سيارتك اللي تصرف كثير !!
grandv8
26-12-2005, 07:30 PM
السلام عليكم ورحمة الله وبركاته
اخوي السيارة الي عندك اتوماتيك ولا عادية
او قومة السيارة بسيارتك تقومها عادي ولاتوقمها قومات قوية
دوران المحرك لسرعه 140 او 120 يكةن آر بي ام على كم دورة.
bujassim
26-12-2005, 09:14 PM
اكيد سيارتك التيما 3.5 انا كانت عندي و صرفيتها داخل المدينة افضل من اللكزس ES300
خزان المازدا 50-55 لتر بس انا اعبيها 42 لتر ،
مهما كان لازم تمشيني اكثر، انا سواقتي هادية جداً الشباب يصفونها بسواقة الشواب (كبار السن)
انا قريت كاتالوج الوكالة و كاتبين ان صرفيتها 36.5 ميل لكل جالون
يعني المفروض تمشيني على اقل تقدير 500 داخل و خارج المدينة
سرعة المحرك عالية على السرعات العالية
140 - 4500
160 -5000+
وهالشي اللي يخليها تصرف في الخط؟؟ طيب يقولون محركها فتك !!! وين راح التحكم بالصمامات؟!!!
شكلي برجع للالتيما
ولو ان هالمازدا ثباتها و روساوتها افضل على الطريق و المنحنيات
bujassim
26-12-2005, 11:29 PM
بصراحة
ماشي فوق محركات التويوتا وو الهوندا في الصرفية
لكن عيب التويوتا تصاميمها
كنت ناوي على xA بس تصميمها الداخل لوعة جبد مو حلو
و برة مقبولة لكن دبتها صغيرة
و حسيتها حق مراهقين
ولا صرفيتها وااااااااااااااااااااااااااااااااااااااااااايد حلوة
حتى اليارس بس اليارس احلى من الxA
sayedco
27-12-2005, 01:22 AM
سرعة المحرك عالية على السرعات العالية
140 - 4500
160 -5000+
وهالشي اللي يخليها تصرف في الخط؟؟ طيب يقولون محركها فتك !!! وين راح التحكم بالصمامات؟!!!
شكلي برجع للالتيما
ولو ان هالمازدا ثباتها و روساوتها افضل على الطريق و المنحنيات
:blink:
5000+ على 160 !!!!!!!!!!! وايد يخي بتهلك المكينة مع إنك تقول استعمالك هادي لكن إذا السالفة جذي بتنكرف أكثر من استعال المراهقين :knight:
<<< بس عشان بعض الشباب يعرفون إن الصرفية ما تعتمد على السعة فحسب ، لازم يوصل لسعة محددة تكون فيه المكينة مرتاحة في الخطوط و ما تصرف وايد و تكون على دورات أقل
بس ياخي لو باحث في المنتدى من قبل في مواضيع التجارب تشوف المازدا 3 معروف إنه على سرعة 100 على سرعة محرك 3500+ و أيضا بعض السلبيات الأخرى
يالله خيرها في غيرها
و بعد تعال: معاك تحقيق ، المازدا أحسن في الرساوة و المنعطفات ؟! :blink: ممكن توضيح :D
حتى على سرعة ال160 المازدا أثبت من الألتيما ؟؟
أرجو الرد على السؤال الأخير بكلللللل صراحة و بدون أي تردد و بكل التفصيل
لو سمحت بس
bujassim
27-12-2005, 03:02 PM
و بعد تعال: معاك تحقيق ، المازدا أحسن في الرساوة و المنعطفات ؟! ممكن توضيح
حتى على سرعة ال160 المازدا أثبت من الألتيما ؟؟
في المنعطفات حسيتها احسن
و امشي فيها بكل ثقة
الالتيما وصلت فيها 255 لكن يوم امشي 160 احس عمري ماشي وايد
في المنعطفات الالتيما تحس انها بتطلع من مسارها (يمكن لانها اكبر و اعرض لان هالاحساس موجود في اللكزس بعد)
لكن الالتيما اهدىء طبعاً
انا استعمل اللكزس و الالتيما (بعت الالتيما) الالتيما تصرف اقل من اللكزس في المدينة و اكثر منها في الخط، يمكن عشان نظام الـVVT-i اللي في اللكزس
مع ان سرعة المحرك نفسها على 160 و نفس حجم الخزان تقريباً
المازدا عشان الجانبينات (المساعدات) اقسى احسن انها اثبت حتى في التجاوزات، ما كنت بالثقة هاي في الالتيما
و معظم مواقع التزويد يقولون ان اول شي تفكر تضيفه على هالسيارة هو الـ Anti-sway bar اللي هو عمود مانع الميلان لان السيارة خفيفة و ضخمة
اللي خلاني اشتري المازدا هو ان عداداتها و السكان تشبه عدادات و سكان الالتيما نوعا ما (ما اكذب عليك بعدي خاطري في الالتيما)
الله يعطيك خيرها و يكفيك شرها
وصل التوضيح؟
اذا في اسئلة ثانية انا حاضر
الهاوي جروب
27-12-2005, 04:45 PM
الي لاحظته في سيارات نيسان انها في المنعطفات غير ثابته لأنه المساعدادت احسها لينه جدا وخطره جدا في المنعطفات
ثاني شي عامود التوازن الخلفي تشوفه مثل المسطره بميلان الكفر اليمين يتأثر اليسار كثير
المازدى ماادري ليه تصرف كثير لكن السياره كل فتره والثانيه يبغالها شد احتمال عشان مابتسرع فيها مكربنه وبكذا بتتحمل فوق طاقتها وبتصرف
DraGGeR
28-12-2005, 01:41 AM
انا عندي مازدا 3 اروح فيها تقريبا كل يوم من الاسبوع من الخبر الى البحرين
تمشيني من 400-420 كيلو للفل
لما أكون داخل المدينة تمشيني 380-399 كيلو (400 ابدا ما أشوفها :bomb: )
سواقتي عادية يعني مرة مهدي و مرة مقلع
أعتقد و الله أعلم هذه هي صرفيتها لأن ماشي فيها حوالي 65000 كيلو و ما تغير شي من ناحية الصرفية
الصراحة مميزاتها تغطي هذا العيب
سلام
bujassim
28-12-2005, 05:03 PM
انا عندي مازدا 3 اروح فيها تقريبا كل يوم من الاسبوع من الخبر الى البحرين
تمشيني من 400-420 كيلو للفل
لما أكون داخل المدينة تمشيني 380-399 كيلو (400 ابدا ما أشوفها :bomb: )
سواقتي عادية يعني مرة مهدي و مرة مقلع
أعتقد و الله أعلم هذه هي صرفيتها لأن ماشي فيها حوالي 65000 كيلو و ما تغير شي من ناحية الصرفية
الصراحة مميزاتها تغطي هذا العيب
سلام
فعلاً مميزاتها تخليك تتردد انك تبدلها (خصوصاً اللي عندي رقم واحد :D )
طيب تمشي فيها من الخبر للبحرين على كم؟؟؟
و داخل المدينة على كم؟
قير عادي و لا اتوماتيك؟؟
CoLd ZeRo
08-03-2006, 07:41 PM
حبيبي انا معي مازدا 3 .. ما اقدر اقدر لك الصرفية بس هذي عادية جداً ..
بس سالفة 140 الضغط 4500 و 160 الضغط 500 واجد ..
بنزل لك مقطع فيديو وانا اسرع 195 و الضغط 5100 في سيارتي .. وسيارتي قير اوتو
عند 140 الضغط 3500 و عند 160 الضغط 4200 تقدر تقول ..
جداوي كول
08-03-2006, 08:43 PM
:damp: واااااااااو
والله تصرف
انا عندي الاكس ايه تانكيها 33 لتر
يمشي 400 الى 420 كيلو ازا كنت حارق
لانو عبيت فل من محطه اللي ي حراء ووصلت ينبع الصناعيه
وتقريبن ماشي 160 الى 170
والله وصلت ينبع الصناعيه اللمبه ولعت :D :D :D
هادا الكلام في الاجازه
:(
لكن صراحه في وسط البلد ما تصرف
علما بانو مكينتها 1.5 ;)