ربيعي ناوي على سياره ويبا رايكم كلكم يا شباب

[الرشيق]

السـلام عليكم ورحمة الله وبركاته .
ربيعي ناوي على سياره ويبا رايكم كلكم يالشباب..
قولو لي عيوبها ومميزاتها .. وتنصحونه فيها ..
الموتر مديل 2002 وارد امريكا وانفحصت في الشارجه
السعـر 65 الف درهم.
وهذي صور للسياره .
كاديلاك :black: .


الصور في المرفقات :sleep:

[ra3y_v8]

100000000000000 % زينه....
ماعرفت حد اشتكي منها واعتقد سعرها مناسب....
واكيد فيها شاشه ونظام ملاحه وتلفزيون :-) :-)

[الرشيق]

49 واحد شايف الموضوع . والردود 1
:knight:

[بن ممدوح]

انا اشوف انها سيارة زينة

بس سعرها غالي شوية

يمكن لانها نظيفة

بس كم ماشية

واذا موب ماشية وايد قوله توكل على الله

ومبروك مقدماً لربيعك

ولاتنسى تحط لنا صور السيارة اللي بياخذها


ويعطيك العافية ....

[مؤيد اف1]

سعرها زين لاتنسو انها كاديلاك ونظيفه واستخلام امريكي يعني محافظ عليها :D


من ناحية الجودة السياره ماخذه 4 من 5 في جي دي بور في الجودة الكليه.. :p


http://www.edmunds.com/used/2002/cadillac/deville/19033/ratings_jdpower.html


تحياتي

[STS4ever]

السياااره روووعه من ناحية الاستخدام حتى لو مافي اهتمام لان ماعمري اهتميت الا في شهورها الاولى ولاشفت منها اي شي مو طبيعي الا شي واحد والى الحين ماعرفت احل مشكله

المكيف مرره مرره تعبان مو من ناحية البروده لا بس من ناحية دفع الهوا لانه يجي ضعيف مره ولا عرف وش حل هالمشكله

وقطع الغيار معقوله الا المساعدات شوي غاليه

وماادري بصراحه وش اللي تبي تسال عنه بالضبط لاكن اي سؤال انا حاظر بحكم تجربتني معاها

[علي عبدالله]

حلووووة
بس يقولون وارد امريكا مكيفه ..لك عليه شوي ..
يعني لو يجرب السيارة ..اذا امكن .. يكون افضل :)
وهذا الموديل بالذات اعرفه فيه حساسات في الخلف فقط ..مادري ليش ماوضعوها جدام وخلصونا :D
,,,
بس بشكل عام السيارة اووكي
والله يوفقه :)

[خالد الناصر]

وشكلها نظيفة حيل

وشكلها بالمره حلو ، وأنيق ، ورسمي ، " وبتاع كله " على قول أخواننا المصريين

ولكن إنظر إلى الجانب المظلم للكاديلاك



قطع الغيار ناااااااااااااااااااااااااااااااااار

مو أي ورشة ممكن تعمل لك صيانه

الوكاله وأسعارها ،،،،،،،،،،،،،، حدث ولا حرج

إسأل بنفسك عن قطع الغيار وتوفرها في غير الوكالة وتعرف معنى كلامي

ومو أي قطعة تحتاجها راح تلقاها في الوكاله

لا بد من كلمة " نجيبها طلبيه من برا "

راح تسمعها كثير هالكلمة

يعني مو كل من شراء الكاديلاك قادر على صيانته أو على متطلباته

نظره شخصية

وعندك الخيارات كثيرة في السوق

لا تضيق على نفسك الخناق وأنت في سعه من أمرك

وبهالسعر تقدر تشتري شبح موديل 98 فل أبشن

وما راح تقدر تقارن الشبح بالكاديلاك من أكثر من ناحيه

وجهة نظر شخصية

الله يكتب لك كل خير يا غالي

وتحياتي

[cruiser2000]

المشكلة الكهرباء حسب ماخبروني الشباب عنها دوم خربانة

بس تقدر تزيد على السعر وتاخذلك مرسيدس بودمعه 99 او 2000


يمكن اقدم بس على الاقل
تقدر ترتاح فقطع الغيار ولاتنسى ترا البودمعه تقدر تصلحه في الصناعية
وحتى في ورشات متخصصة في المرسيدس

وقطع الغيار دايماً موجودة في الوكالة او حتى تجارية تلقاها في قطع الغيار

رأي شخصي فقط

والشباب بيفيدونك

بالتوفيق اخوي

[sayedco]

عمي عنده واحد موديل 2001 و ما قط اشتكى منه

طبعاً صيانة الوكالة و ، فيها ميزة في شاشة في الطبلون تذكرك بمواعيد الصيانة و إذا مثلاً مستوى الماء ناقص في الراديتر يكتب لك ضيف كمية إلى الخزان

و سستم الصوت :cool: خاصة البيس الخلفي يهز الكراسي :D

و المكينة بعد قوية قوية مع إن السيارة ثقيلة

أنصحك بالسيارة ، لكن ما أعرف السعر إذا تمام أو لا

[RED Chevy]

السعر اشوفه مناسب والموتر مبين عليه نظيف خل يتوكل على الله بس فحصوه كامل اول عن الحوادث والمكينة والقير :banana:

[أبو حسين]

السيارة زينة بس تأكد من خلوها للسمكرة أو الرشة أو الصيانة والتوضيب..

[gsxr1000]

والله السيارة في الصوره شكلها ممتازه بس انه باعطيك موقع تقدر اتطلع تاريخ السياره اذا اهي مثل ماقلت وارد أمريكا تقدر اتعرف السيارة شنو كان تاريخها عن طريق هذي الموقع لئنه في ساعات سيارات اتكون سيارة أجره بس لازم اتعرق الرقم الي يكون موجود عند الزجاج الاماي ناحية السايق او اتدخله في الموقع او اعتقد بتحصل معلومات عن السياره.

أو بتوفيق اخوي

او هاذي الموقع:

http://www.autocheck.com/consumers/gatewayAction.do

[الهاوي جروب]

توكل على الله

[أبو حسين]

والله السيارة في الصوره شكلها ممتازه بس انه باعطيك موقع تقدر اتطلع تاريخ السياره اذا اهي مثل ماقلت وارد أمريكا تقدر اتعرف السيارة شنو كان تاريخها عن طريق هذي الموقع لئنه في ساعات سيارات اتكون سيارة أجره بس لازم اتعرق الرقم الي يكون موجود عند الزجاج الاماي ناحية السايق او اتدخله في الموقع او اعتقد بتحصل معلومات عن السياره.

أو بتوفيق اخوي

او هاذي الموقع:

http://www.autocheck.com/consumers/gatewayAction.do

كاديلاك أجرة :confused: إللي أعرفه إنه هناك بأمريكا كوابريس وكراون فكتوريا وأحيانا سيارات قديمة مو سيارة بـ200 ألف؟؟؟؟

[gsxr1000]

ليش مايصير كل شي أيصير في امريكا اكو في لنكن ليموزين أجره هذي اعتقد اتصير اكتر من 200ألف .

[المثالي المنحرف]

واحد من الزملاء معه زيها لونها حمرا موديل 2000 غير فيها طرمبة او لي زيت الدركسون وصينها بـ5000 ريال بس مدري كيفها معه

[أبوالزين]

حلوة

و مبروك مقدماً, لأنه الكاديلاك ما عليه كلام, بس بالإهتمام و المحافظه اسليارة راح تكون عسل