مشكلة تحتاج إلى حل سررييييع ((الفزعة!!))

[أبو حسين]

بسم الله الرحمن الرحيم السلام عليكم ورحمة الله وبركاته أخواني الفزعة واحد من أصحابي مسوي مصيبة في سيارته السوبارو ليجاسي موديل 2002 قير عادي وطبعا الأخ كان راجع من العمل ومخلص الدوام إلا قبل مايوصل بيته لقى واحد من ربعه وأصر على إنه يسوي قومة معه لانه الأخ ركب شي بالسيارة ويبي يجربها طبعا الرجال قام وعشق الأول وعشق الثاني والثالث بنجاح لكن لما وصل لأقصى سرعة دوران جا بيعشق عالرابع ولكنه بالغلط عشق عالثاني فعداد الأر بي إم طاف لتحت ال8000 دورة بشكل يهول وأعتقد وصل الـ10000 أو الـ11000 دورة بالدقيقة إلا السيارة سوت رجة قوية جدا وطلعت دخان وطرطش الزيت وتناثر على القزاز الأمامي والرجال وداها الوكالة طلعوا تصليحات بقيمة 25 ألف للمكينة مع شغل اليد الخلاصة المكينة راحت فييييها وطي تقول طالعة من حرب عالمية ونبي مكينة تشليح بحالة ممتازة وتبع موديل 2002 وورش ممتازة للسوبارة الفزعة أخواني و السلام عليكم ورحمة الله وبركاته .. :(

[cruiser2000]

طيب ليش يبا يداعس

أقلها بيتعلم مرة ثانية ما يداعس


بس شوف لك تشاليح يابانية بتحصل عندهم

بس 2002 ليقاسي يمكن صعبة شوي

والله يوفقك ان شاء الله


بس 25 ألف وايد غالية الوكالة ليش كل هذا؟ على شو ؟

[infiniti]

:D

ايام كانت عندي البريميرا كنت اتمنى تصير معاي نفس المشكله عشان اشتري نص سياره وارد اليابان بالتحديد بلوبيرد تيربو و اقلب السياره تيربو الشغله سهله كلها فك و تركيب :D

على العموم متوفر بالدمام نص سياره سوبارو ليجاسي موديل على ما اعتقد 93 تون تيربو و السعر تقريبا 6000 ريال و في نص سوبارو لاكن ما اذكر الموديل بس اتوقع 97 سنقل تيربو و السعر تقريبا 5000 ريال يشتريها و يدخلها الورشه و كلها يومين فك و تركيب و تطلع سيارته تيربو :D او يدور في التشليح مكينه نفس موديل سيارته و يريح باله لان التوضيب راح يكلف كثير و انا اتوقع اللي صار عنده ان الكامات تطعجت و البلوف تكسرت و البساتم اكيد تأثرت بسبب البلوف و التصليح راح يكون سعره اكثر من سعر التوضيب في هذي الحاله .


صدقني احسن حل انه يشتري نص سياره وارد اليابان و يريح نفسه :D

[ابوداحم 98]

انا قد صارت لي نفس القصه بالماكسيما

بس الحمدلله ماشفت شي من كذا


الله يعينك انت وصاحبك ويسهل عليكم

[أبو حسين]

السلام عليكم أشكركم على وقفتكم يا جماعة لكن الدمام نصها سوبارو قديمة والسيارة موديل 2002 يعني وش الحل من فين أجيب نص السيارة وارد اليابان؟؟ صاحب السيارة الحين يقبل بأي مكينة عشان يدور مال موديل 2002 تشليح عشان يحصلها بعد فترة ويركبها..لكن الحين وده يمشي حاله عشان ورا شغل وأشغال ويوح بلموزين ((تاكسي :knight: ))

او يدور في التشليح مكينه نفس موديل سيارته و يريح باله لان التوضيب راح يكلف كثير و انا اتوقع اللي صار عنده ان الكامات تطعجت و البلوف تكسرت و البساتم اكيد تأثرت بسبب البلوف و التصليح راح يكون سعره اكثر من سعر التوضيب في هذي الحاله .

ياخوي المكينة رااااااااااااااااحت مامنه أمل توضبه حتى الوكالة قالت مالك إلا مكينة جديدة بخمسة وعشرين ألف والله لو تشوف المكينة :( تقول ماهو مكينة

كلمة على جنب: هل مكينة البورش يركب على السوبارو بصفتها مكينة إنبطاحية Boxer ؟؟؟ :knight:

[راعي الايفو]

نصيحه مني
اذا عندك وقت طير الى الكويت وشوف سيارات التشليح هناك والله انك تضرب فوق راسك حتى سيارات 2005 موجود
روح المنطقة إلي هناك وراح تلاقي ان شاء الله
انا مارحت لكن اخوي راح وقال لي كل إلي شافه
يقول قطعة تشليح كل مرسيدس ولي وراها بي ام ولي وراها اودي ولي وراها تويوتها ويقول السيارات مصاففه على بعضها بعض ولي تبيه هم يبرزونه لك وشرط بعد بسعر رخيص
احنا طارت من عندنا فتحة السقف لسيارتنا وانا إلي كنت اسوق فلما رحت اسال في وكالة البحرين عن سعرها قالوا لي سعر الزجاج بروحه 180 دينار وانا محتاج الزجاج فقط ولكن المبلغ كان وايد غالي مجنون انا اشتري زجاج 180 دينار فطرشت اخوي الى الكويت وشراها من منطقة التشليح وبصراحة لو تشوفوها تقول عنها جديده هي بالداينامو بالستاند بالاغطاء حقها كله ب 45 دينار وماعندهم جديده لان السيارة كانت 93 هوندا سيفيك
انصحك انت تروح الكويت

[الكبريت]

روح جده واسئل في تشليح النهدي او تشليح اللي في بريمان واكيد حتجد عندهم مكينة ليجاسي

كلمة على جنب: هل مكينة البورش يركب على السوبارو بصفتها مكينة إنبطاحية Boxer ؟؟؟

مستحيل تركب لان البورش مكينه خلفي وطريقتها تصنيعها مختلف تماما عن السوبارو حتى لوقلنا ان انها تتشابه في انها منبطحه,, سيارت كثير V8 ومعا ذالك ما نقدر نركب مكائنها في سيارات بنفس شكل المحرك الا بشق الانفس.

وهذا شكل المكينه الخلفي ومن الصعب تحويله امامي

http://members.aol.com/redbat01/web/rear_engine_fiat_600_sectioned_300.gif

[infiniti]

اخوي لكزس افضل الحلول اذا يحب يركب نفس مكينة الوكاله و نفس الموديل مالك الا تشليح الرياض او تشليح الكويت في منطقه اسمها ام غرة .
على حسب علمي هذي المنطقه على امتداد الدائري السادس بالكويت.
و اذا مستعجل خله يتوكل على الله و يركب مكينة تيربو وارد اليابان نص سياره كامله الشغله كلها فك و تركيب يومين او ثلاث في الورشه وهي جاهزه.

[كراون فكتوريا]

اخوي لكزس افضل الحلول اذا يحب يركب نفس مكينة الوكاله و نفس الموديل مالك الا تشليح الرياض او تشليح الكويت في منطقه اسمها ام غرة .
على حسب علي هذي المنطقه على امتداد الدائري السادس بالكويت.
و اذا مستعجل خله يتوكل على الله و يركب مكينة تيربو وارد اليابان نص سياره كامله الشغله كلها فك و تركيب يومين او ثلاث في الورشه وهي جاهزه.

اخوي المنطقة في الكويت اسمها انقرة

[أبو حسين]

مشكورين أخواني على التفاعل..

والأخ خلاص شرى سيارة موديل قديم 2500 ريال متسوبيشي جلنط 82 والحلو فيها إنه المكيف لسه عايش :D بسم الله ماشاء الله كل هذا عشان يمشي حاله وأعتذر عن شغله وبيسافر الدمام يومين ويرجع عشان يحصل مكينة موديل 2002 لانه دور على كل محلات التشليح الصناعية ماحصل إلا وحدة موديل 99 ومارضى عليها قعدنا بالصناعية 6 ساعات عشان ندور على المكينة :ranting: وأبشركم السيارة كمان طلبت سلف وسيور وكلتش يعني شر البلية مايضحك أدعوا لأخونا بالله له بالتوفيق..

8
8
8
نسيت أذكركم إن الميتسوبيشي 82 سيارة مؤقتة

[سنـاري]

بسيطة

مرة خبطت علينا مكينة كيا

ركبت عليها مكينة متسوبيشي مستعملة كلفني الشغل مع التركيب 2100 ريال بس

[silver]

8
8
8
هيونداي و متسوبيشي وكرايسلر (وممكن بعض سيارات كيا )... مكاينها تقريباً وحده

infiniti
تخبر تشليح عنده نص EVO 5 أو كليبس عليهم 4G63 T ??? :D

[أبو حسين]

بسيطة

مرة خبطت علينا مكينة كيا

ركبت عليها مكينة متسوبيشي مستعملة كلفني الشغل مع التركيب 2100 ريال بس


أصلا الكيا تستعمل مكائن الشركات الثانية..مثل الهونداي سوناتا مكينتها متسوبيشي..

فيه واحد عنده كيا كرنفال خبطت المكينة عليه وركب عليه مكينة الماكسيما ومشى عليه بدون أي مشاكل..

من الأخبار الجديدة..وصول الأخ صاحب سيارة للدمام..والسيارة لسة واقفة :damp:

[infiniti]

8
8
8
هيونداي و متسوبيشي وكرايسلر (وممكن بعض سيارات كيا )... مكاينها تقريباً وحده

infiniti
تخبر تشليح عنده نص EVO 5 أو كليبس عليهم 4G63 T ??? :D



سلفر اتصل على هذا الرقم و ان شاء الله يقدر يوفر لك نص سياره

الدمام
8381219
جوال
0500827683
0505646313
مركز الاعجاز

[AnGlOpHiL]

:D عاش infiniti و يبقى كراون فكتوريا..يا جماعه اسم المنطقه الي فيها السكراب (التشليح) امغره مو ام غره ولا انقره :D

و يا جماعه انا لحد الان ماشفت سوبارو ليجاسي بالكويت...سياره شبه معدومه بالكويت...في سيارات منتشره حيل بالسعوديه بس مالها اي ذكر بالكويت مثل الليجاسي والسيات ليون..وكيلهم عندنه واحد و الصراحه تعبان

[أبو حسين]

السلام عليكم

أخونا لقا مكينة سوبارو موديل 2003 نص السيارة نظيفة جدا جدا جدا وطالب عليها 10 آلاف ريال..

تقولون السعر زين :confused:

[infiniti]

اذا نص سياره بهذا السعر و هذا الموديل اقوله توكل على الله بس اذا هذا سعر المكينه لوحدها قول حق صاحب التشليح حامض على بوزك :D