ياصحاب الاكورد 2006 فزعتكم

[الشرار]

السلام عليكم انا شريت اكورد 2006 اربعه سلندر فل اوبشن بس ان فرحتي ماتمت ما امداني طلعتها من الوكاله ومشيت عليها 200 كيلو طلع عندي صوت طقطقه بالعكوس مدري الاذرعه مدري الدركسون الزبده انه اذا لفيت الدركسون على اليمين يطلع الصوت وخفت اوديها الوكاله ويلعبون بالسياره يفكون الاذرعه ويفكون العكوس ولا يلقون فيها شي ووديتها لصيانة الاف ولا قالو شي عن الطقه ولا كلمتهم اذا كان فيه احد صارت عنده هالمشكله بالله يقولي وش الحل

[مؤيد اف1]

وديها تشييك الالف وخليهم يشوفو المشكله الوكاله ماراح يلعبو بالسياره وان لعبو بها اشتكي عليهم في المركز الاقليمي وغصب عنهم بيزبطو السياره :p


عموماً اي سياره جديده عرضه لاي خلل خصوصاً من الشحن ويمكن من المصنع (مشكله تجميعيه) :sleep:



تحياتي

[uae speed]

بالنسبه لي ما واجهت هذي المشكله ، مع ان اللي عندي 2006 ..

شوف أخوي بما ان السيارة تحت الضمان وجديده ، وديها الوكاله خلهم يفحصونها ..
ولا تتأخر أكثر عشان ما تزيد المشكله عندك ..

تحياتي لك ..

[cruiser2000]

يوم تلف بالدركسون تسمع طقطقة


لا اله الا الله

اخوي انا صارت عندي هالمشكلة في سيارة اخرى وسبب هذا كان الأكسل منعوج

روح لهم وخبرهم مستحيل يلعبون بالسيارة وفي كل الأحوال ترا انت المستفيد ان شفت المشكلة بعدها تقدر تشتكي وماعليك من كلامهم وجدالاتهم اشتكي وبتشوف الخير كله انشاء الله

[lumina]

اخوي روح لهم و قول لهم المشكله .. انا سيارتي رافعتلي الضغط موديل 2005 وبعد اكورد والله العظيم إني ناوي عليهم نيه بعد العيد بنفجر هناك :ranting: يا خي الموتر ما ادري به مدعوم ولا مجلوب ومصلح فترات تطلع لي اصوات في الطبلون والمسجل النحس يعلق و الصوت اللي بعد يطلع لي بعد 100 المزعج بسبب الهوا ... واللي رفعلي الضغط انا داعم قبل فتره فيها و الباب الخلفي متعور يوم قلتله عن الطبلون قالي بسبب الدعمه هذا شو اسوي فيه :glasses2: بس قلت يوم التشييك 20 الف انا براويهم وا اخوي لاتنسى سيارتك جديدة و مكينتك جديدة فشوف موضوعها في الوكاله ... و إن شاء الله خير .

[-X-]

السلام عليكم
انا عندي اكورد 2005 والحمد لله مافيها اي مشاكل وقربت تكمل ال20000 كيلو بدون اي مشاكل ولله الحمد
انت غلطان لازم تقول لهم المشكلة لا وتنشب لهم بعد لان السيارة عليها ضمان ومن شروط الضمان انهم يصلحون اي خلل مصنعي بالسيارة

والله يوفقك وتنحل المشكلة بأقرب وقت

[الشرار]

شاكر لكم على اهتمامكم وماقصرتو وبسوي مثل ماقلتو اوديها الوكاله واشوف وش يصير والوعد بعد العيد ياهوندا :black:

[الهاوي جروب]

انصحك تروحلهم في الوكاله وتوديلهم السياره وتقولهم على لاصوت وتركبهم وتسمعهم هو