View Full Version : ماكيفية عمل الرادييتر بالسيارات الألمانية؟؟
أبو حسين
06-01-2006, 06:18 AM
السلام عليكم
قبل كل شيء أحب أن أقول أنه لدي رغبة بإحدى سيارات الأودي وهي الـA6 بس مشكلتها دفع أمامي :ranting: ولاتتناسب مع شخصيتي :mad1: ويوجد دفع رباعي ولكن سعرها يتعدي الـ200 ألف :cry1:
المهم سمعت عن السيارات الألمانية ومشاكل الحرارة مع الظهر وشمسها وحرها ولواهيبها :knight: يمكن ماتصدقون كلامي لكن أنا لما شريت المرسيدس واجهت مشكلة بسيطة بالحرارة وبسببها بعتها من التخوف المستمر!!
فلماذا السيارات الألمانية لاتتحمل الحرارة مثل الياباني؟؟ أم أنا غلطان؟؟؟؟؟؟؟؟؟؟؟ :confused:
هل بسبب تركيبة الرادييتر مختلف؟؟ أم بسبب صغر حجمها؟؟ أم لانها بدون تماتيك المراوح أو كلج المروحة؟؟ أريد إجابة سريييييييييييييعة!!!!
بعض مالكي السيارات الألمانية يقولون إنهم لايواجهون مشكلة بالحرارة!! ويقولون هذه مجرد إشاعات والبعض الآخر يقولون نعم فهذه السيارة غير مصممة لأجوائنا مثل التويوتا والنيسان!!
المهم لدي سؤالين..ماكيفية عمل الرادييتر لدى السيارات الألمانية سمعت إنه تركيبته مختلفة عن الياباني!!
والسؤال الثاني أريد رأي مجرب حول الأودي A6 أو أياً من موديلاتها وللعلم السيارة ستكون للإستعمال الشخصي يعني روحة ورجعة من الشغل مع باقي مشاوير بسيطة بالليل وأبشركم ماراح يلمسها السواق لاني بذبحه ومابخليه يخرب سيارتي مثل مايخرب سيارات الناس :ranting: ويفضل أن يكون الرأي من مجرب وذات تجربة شاملة مع الأودي!!
والفزعة يالنشامى!!
GT 02
06-01-2006, 08:14 AM
السلام عليكم
حبيبي أنا عندي تجربة مع سيارات الفلكس واجن(5 سيارات) والأودي
بالنسبة للفلكس ماوجهت أي مشاكلة مع الحرارة الا في سيارتي بسبب أن المروحة خربة عندي وبس غيرتها رجعة كما هي على النص ماترتفع أبد
الأودي و هي A8 W12 يعني التوب و أكبر مكينة عند الأودي و فيها 4 مراوح
خربة مرة أحد المراوح والمكيف تأثر بس لكن حرارة السيارة ثابته و في عز الحر
وبالنسبة للرديتر أعتقد أنها مثل باقي السيارات ما أحس مافي فرق
1100R
06-01-2006, 04:37 PM
مشاكل الحرارة كانت في موديلات الثمانينات وانتهت في بداية التسعينات
في اغلب السيارات الالمانية...
اذا كل شي سليم اضمن لك ان الحرارة ما تطلع ابد..
ولا حتى في عز الصيف...
بالنسبة للاودي:
الي يخوفك منها:
-الوكيل تعبان
-قطع غالية((لان الوكيل محتكرها))
- اغلب مشاكل الاودي تكون في القير وتظهر بعد سنتين من الاستخدام تقريبا ((بس يمديك تلحقها وتصلحها عالضمان))
560SEL
06-01-2006, 05:18 PM
السلام عليكم ورحمة الله وبركاته
أخوي 1100R حتى في موديلات الثمانينات ما كان فيه أي مشاكل في الحراره
اذا ارتفعت معاك الحراره فاعرف انه فيه خلل في أحد مكونات نظام تبريد السياره و غالبا الرديتر أو الثرموستات هذا اذا ما كان فيه تهريب من طبات المكينه أو أحد الخراطيش
و انا مرفق لكم صوره توضح وضع المرسيدس اللي معي على السرعات العاليه كان الحراره ترتفع بشكل رهيب و الى مستويات يكون بين المكينه و التخبيط شعره و كل اللي في الورش يقولون 560SEL طبيعي توصل الحراره 100 مع المكيف و الدعس و طبعا هذ1ا كلام غلط في غلط ... المهم اتخذت القرار الحاسم و قررت أفحص نظام التبريد بالكامل في أحد الورش ((المتخصصه في المرسيدس)) و كل اللي سويته هو :
غيرت الرديتر + الثرموستات
من يومها و الحراره على 80 في كل الاوقات لدرجه انه جاني شعور ان المروحه الكهربائيه خربانه أو فيها فيوز ضارب :D لأنها ما صارت تشتغل على الاطلاق الا مره وحده فغي عز الظهر الحراره تعدت ال 80 بمقدار شعره و اشتغلت و بعدها بدقيقه طفت لأن الحراره رجعت للمستوى الطبيعي
و هذي صوره توضح الوضع الطبيعي للحراره
http://www.500sec.com/images/speedopix/new/272.jpg
560SEL
06-01-2006, 05:35 PM
و هذي صور توضح بعض الامور الصغيره اللي ممكن تؤثر على الحراره
1) حساس درجة الحراره و هو يعطي الاذن للمروحه الكهربائيه انها تشتغل بمجرد ما توصل درجة الحراره ل 85
http://img.carjunky.com/live/G105016387HEL.JPG
و متى نعرف انه خربان ؟
اذا صارت المروحه ما تشغل خير شر أو صارت تشتغل على كيفها يعني تلقا الحراره مثلا على ال 60 تلقا المروحه اشتغلت
2) الثرموستات و يسمى بالعاميه "بلف الحراره"
http://img.carjunky.com/live/G400115462WAH.JPG
و هو طبيعي يفتح بمجرد ما ترتفع درجة حراره المحرك لأعلى من 80 درجه عشان يحرك الماء في المحرك
اذا خرب بتلاحظ ان الحراره ترتفع فوق ال 80 و ممكن توصل 90 أو اكثر مع ان المروحه شغاله و الرديتر سليم أو ما فيه أي تهريب
3)طرمبة الماء و يجي منها نوعين ... نوع مع الوجيه و نوع تشتريه و تشتريه الوجيه معه
http://img.carjunky.com/live/G300030140LAS.JPG
http://img.carjunky.com/live/G300030140GRA.JPG
و النوع الاول هو الاصلي و هذي الوجيه حقته
http://img.carjunky.com/live/G304036848ELR.JPG
و لكن ما يمنع أبدا ان النوع الثاني جيد و لا فيه مشاكل و لكن النوع الاول هو المعتمد ... طبعا خرابها واضح التهريب نتيجة الصدأ أو الانسداد نتيجة تراكم الاملاح
و لا تنسون الاسيارات الالمانيه ما ينفع تحط لها مويه عاديه أبدا لأنها تدمر الدنيا فيها لازم تحط لها مويه مقطره الى جانب موية الرديتر الاصليه :D
أبو حسين
06-01-2006, 06:29 PM
GT 02
أهلين أخوي مشكور على التعقيب وهذا إللي كنت خايف من الألماني واللي هي الحرارة!! لكن ماشاء الله 4 مراوح في الـW12 :blink: الحين زادت ثقتي بالأودي!!
1100R
أهلين أخوي بس سيارات المرسيدس موديلات الثمانينات سيارات تتحمل الحرارة واحد من أصحابي معه مرسيدس S280 ولم يكن يعاني من شيء..
وعلى طاري الأودي..
ماعمري سمعت مشاكل من الوكيل خدماتهم جيدة وتعاملهم جيد ولكنها تتأخر في بعض الأوقات ((مو مثل الجميح كأنك في مخفر ويعاملونك مجرم))
560SEL
ماشاء الله عليك شكلك عندك شهادة دكتوراه للمحركات وحنا مانعرف :D
ماقصرت يالغالي وبارك الله فيك..والجو عندك مايقصر 50 درجة مئوية :D
بس من بعد كلامك صرت أشك في أنظمة تبريد سيارتي لانه الحرارة منخفضة زيادة عن اللزوم!!!!!!!!!! خاصة في هاليومين من البرد المفروض مايتغيير الحرارة!!!
وسلامي لك وللأعضاء :-)
560SEL
06-01-2006, 06:42 PM
560SEL
ماشاء الله عليك شكلك عندك شهادة دكتوراه للمحركات وحنا مانعرف :D
ماقصرت يالغالي وبارك الله فيك..والجو عندك مايقصر 50 درجة مئوية :D
بس من بعد كلامك صرت أشك في أنظمة تبريد سيارتي لانه الحرارة منخفضة زيادة عن اللزوم!!!!!!!!!! خاصة في هاليومين من البرد المفروض مايتغيير الحرارة!!!
وسلامي لك وللأعضاء :-)
شئ طبيعي انها تنزل عن ال 80 في مثل هذا الجو :D و بالعكس ما يدل على أي خراب لان نظام التبريد و ظيفته تبريد مهوب تحرير :D يعني ما يرفع درجة الحراره فلازم تنزل الحراره شئ بسيط و لكن اذا كانت مره نازله فممكن يكون الثرموستات مفكوكمن السياره و هذي حركه يسوونها كثير و لا يدرون ان عواقبها أكثر من منافعها هذا اذا كان فيه منافع أصلا من هالحركه
أبو حسين
06-01-2006, 08:02 PM
أخوي مرسيدس..
سيارتي هاليومين حرارته الطبيعية تحت الربع لكن مع البرد المؤشر صاير على الـC بالظبط ومرات يرفع على الربع ومرات ينزل!!!!!!
أنا شاك في إثنين..إما إستشعارات متاتيك المراوح بدأ يخرف لانه المراوح تفتح كثير حتى بالبرد أو الثرمو ستات مفتوح مرة ومايسكر....
وسلام
560SEL
06-01-2006, 08:12 PM
أخوي مرسيدس..
سيارتي هاليومين حرارته الطبيعية تحت الربع لكن مع البرد المؤشر صاير على الـC بالظبط ومرات يرفع على الربع ومرات ينزل!!!!!!
أنا شاك في إثنين..إما إستشعارات متاتيك المراوح بدأ يخرف لانه المراوح تفتح كثير حتى بالبرد أو الثرمو ستات مفتوح مرة ومايسكر....
وسلام
لحظه
وش سيارتك ؟
أبو حسين
07-01-2006, 02:34 AM
لكزس 400 موديل 96
والسيارة فيها 2 تماتيك مراوح واحد يفتح عند حرارة معينة والثاني مايفتح إلا عندما الجو لما يكون حااااااااااار..
وسلام
560SEL
07-01-2006, 03:36 AM
لكزس 400 موديل 96
والسيارة فيها 2 تماتيك مراوح واحد يفتح عند حرارة معينة والثاني مايفتح إلا عندما الجو لما يكون حااااااااااار..
وسلام
و انت الصادق وحده مع المكيف !
على العموم بالنسبه للكزس الوضع هذا طبيعي جدا .... لكن معروف ان حرارة اللكزس تقريبا نفس نظام حرارة الكامري و لكن الاختلاف ان حرارة الكامري طبيعي توصل للنص و تشتغل المروحة التماتيك و تنزل الحراره ثاني الى حول ال C
اما بالنسبه للكزس فلازم يكون أبرد خصوصا في هذا الجو لأنه فيه مروحه مع المكينه غير المراوح الكهربائيه و هذي المروحه طول ما السياره مشتغله تكون شغاله .. فأعتقد ان الوضع طبيعي و لا فيه أي داعي للخوف الا اذا كان أمبير الحراره خربان و ما أعتقد انه خربان بناء على الكلام اللي قلته
:D
EL_3grab
07-01-2006, 05:16 AM
شئ طبيعي انها تنزل عن ال 80 في مثل هذا الجو :D و بالعكس ما يدل على أي خراب لان نظام التبريد و ظيفته تبريد مهوب تحرير :D يعني ما يرفع درجة الحراره فلازم تنزل الحراره شئ بسيط و لكن اذا كانت مره نازله فممكن يكون الثرموستات مفكوكمن السياره و هذي حركه يسوونها كثير و لا يدرون ان عواقبها أكثر من منافعها هذا اذا كان فيه منافع أصلا من هالحركه
عندي بالأستيشن شال الثرمو .. كل الأستيشنات والتويتوا لما يوصل النص تشتغل المروحه .. أنا أضرب خط بوظبي ساير 160 الساعه 2 .. وعلى طوول الدرب الحرارة ما تعدت الـ80 وفوق .. يعني تحت النص بخط ..
ما أدري اشوفه ماله داعي ثرمو .. وخاصه يوم تسير البر .. ودووم حاكر القير في الـ1 والـ2 .. الحرارة طيير في السيايير الباقيه .. بس عندي تمام ..
infiniti
07-01-2006, 05:53 AM
أخوي مرسيدس..
سيارتي هاليومين حرارته الطبيعية تحت الربع لكن مع البرد المؤشر صاير على الـC بالظبط ومرات يرفع على الربع ومرات ينزل!!!!!!
أنا شاك في إثنين..إما إستشعارات متاتيك المراوح بدأ يخرف لانه المراوح تفتح كثير حتى بالبرد أو الثرمو ستات مفتوح مرة ومايسكر....
وسلام
معلومه جديده احب اضيفها
انت تعرف لما يكون عداد الحراره تحت الربع كم تتوقع تكون حراره الماء داخل المحرك ؟؟ :D
تكون تقريبا 75 و كل شرطه في عداد الحراره تعتبر عن 2 درجه مئوية يعني لما يرتفع عداد الحراره ثلاث شرطات النتيجه 75+6= 81 درجه حرارة الماء و أبداء قيس على هذا المبداء لما يوصل عداد الحراره الى حرف H انت راح تلاحظ ان الماء مابعد يفور راح تستغرب و لو حسبتها صح راح تلاحظ ان عداد الحراره عند حرف H = درجه 95 مئويه يعني لسه باقي شوي و يفور الماء .
طبعا الكلام في الاعلى ينطبق على السيارات اليابانيه و بالتحديد تويوتا و نيسان في الغالب اما هوندا ماعندي خبره في سياراتهم .
عموما حراره اللكزس 96 في الشتاء المفروض تكون على الربع و في الصيف على الثلث و انصحك تبدل الثرموستات (كوع الحراره ) لانه في الغالب يكون تجمع عليه الاملاح و صار يفتح لمده اطول و احيانا يكون فاتح بشكل بسيط و السبب انه مصنوع من النحاس مخلوط مع معادن اخرى و النحاس يحب يجمع الاملاح :D
غير الثرموستات و ركب ماء راديتر تويوتا اصلي و ماء مقطر ابو ريالين و راح تشوف حراره سيارتك في الشتاء مرتفعه و الاداء افضل راح تحس السياره خفيفه و الصرفيه اقل .
هذا من واقع تجربتي للكزس و هذا الكلام انا بنفسي مجربه و حسيت بفرق كبير بالسياره .
560SEL
07-01-2006, 06:59 PM
معلومه جديده احب اضيفها
انت تعرف لما يكون عداد الحراره تحت الربع كم تتوقع تكون حراره الماء داخل المحرك ؟؟ :D
تكون تقريبا 75 و كل شرطه في عداد الحراره تعتبر عن 2 درجه مئوية يعني لما يرتفع عداد الحراره ثلاث شرطات النتيجه 75+6= 81 درجه حرارة الماء و أبداء قيس على هذا المبداء لما يوصل عداد الحراره الى حرف H انت راح تلاحظ ان الماء مابعد يفور راح تستغرب و لو حسبتها صح راح تلاحظ ان عداد الحراره عند حرف H = درجه 95 مئويه يعني لسه باقي شوي و يفور الماء .
طبعا الكلام في الاعلى ينطبق على السيارات اليابانيه و بالتحديد تويوتا و نيسان في الغالب اما هوندا ماعندي خبره في سياراتهم .
عموما حراره اللكزس 96 في الشتاء المفروض تكون على الربع و في الصيف على الثلث و انصحك تبدل الثرموستات (كوع الحراره ) لانه في الغالب يكون تجمع عليه الاملاح و صار يفتح لمده اطول و احيانا يكون فاتح بشكل بسيط و السبب انه مصنوع من النحاس مخلوط مع معادن اخرى و النحاس يحب يجمع الاملاح :D
غير الثرموستات و ركب ماء راديتر تويوتا اصلي و ماء مقطر ابو ريالين و راح تشوف حراره سيارتك في الشتاء مرتفعه و الاداء افضل راح تحس السياره خفيفه و الصرفيه اقل .
هذا من واقع تجربتي للكزس و هذا الكلام انا بنفسي مجربه و حسيت بفرق كبير بالسياره .
لكن يا أخوي Infiniti اذا قفل الثرموستات لابد ترتفع الحراره لأنه ما راح يكون فيه تدوير للماء و ما راح تتجدد المويه اللي في المكينه فما أعتقد ان الخلل في الثرموستات
و بالنسبه لدرجة غليان ماء الرديتر فهي أعلا من 95 و بعد أعلى من 100 درجه لأنه فيه مادة Polyethelene Glycol و هذي درجة غليانها توصل الى 120 درجه مئويه
560SEL
07-01-2006, 07:02 PM
عندي بالأستيشن شال الثرمو .. كل الأستيشنات والتويتوا لما يوصل النص تشتغل المروحه .. أنا أضرب خط بوظبي ساير 160 الساعه 2 .. وعلى طوول الدرب الحرارة ما تعدت الـ80 وفوق .. يعني تحت النص بخط ..
ما أدري اشوفه ماله داعي ثرمو .. وخاصه يوم تسير البر .. ودووم حاكر القير في الـ1 والـ2 .. الحرارة طيير في السيايير الباقيه .. بس عندي تمام ..
في مصطلح اسمه Optimum Temperature و يعني درجة الحراره المثاليه اللي يقدم فيها المحرك أفضل أداء .. و تأكد ان المحرك ما راح يعمل بالشكل الطبيعي اذا كانت الحراره أقل من درجة الحراره المثاليه للمحرك و كذلك اذا كانت أعلى منها
جرب شغل السياره الصبح في عز البرد و عشق الجير و امش على طول هي بتمشي مثل ما اذا كانت مكينتها دافيه ..... ؟؟؟