View Full Version : الأن يكشف النقاب عن لكزس LS الجديدة كليا......
أنا يالس اشوف المؤتمر الصحفي مباشر من ديترويت وبانتظار الصور
http://www.lexus.com/autoshow/iframes/livecam/detpressstockvideoframe.htm
روعة مميزات السيارة
انا قاعد اتابع وياك :D
فيها ميزة انها توقف لحالها :smart:
بكرة راحين يعروضوا الكامري الجديدة :eek:
1000 1000 مبروك علينا جميها السيارة الجديدة المواصفات كالتالي
محرك 8 اسطوانات 4.6 ليتر بقوة 380 حصان
انطلاق في اقل من 5.5 ثواني
مواصفات رهيبه سيكشف عنها في جنيف
19 سماعة موسيقية لأول مرة في العالم
كراسيها الخلفية مثل المايباخ بالضبط !!!!!!!!!!!!!! الفئة الطويلة ال
ستتوفر في خريف 2006
abumhdi
08-01-2006, 09:57 PM
1000 1000 مبروك علينا جميها السيارة الجديدة المواصفات كالتالي
محرك 8 اسطوانات 4.6 ليتر بقوة 380 حصان
انطلاق في اقل من 5.5 ثواني
مواصفات رهيبه سيكشف عنها في جنيف
19 سماعة موسيقية لأول مرة في العالم
كراسيها الخلفية مثل المايباخ بالضبط !!!!!!!!!!!!!! الفئة الطويلة ال
ستتوفر في خريف 2006
بهذه المواصفات راح تكون منافس قوووي للـ S 2006
RamAir
08-01-2006, 10:23 PM
19 سماعة على الفاضي
اركب مسجل وسمعات من الغرابي ما تكلفني ولا 2000 واتحدا ابو 19 سماعه بالله هذي ميزه شي عادي
والتسارع 5.5 يعني مستوها مثل الكديلاك STS والكرايسلر C300
وصلت الصور
http://automobilemag.com/auto_shows/naias_2006/0601_lexus_ls460_01_900.jpg
http://automobilemag.com/auto_shows/naias_2006/0601_lexus_ls460_02_900.jpg
http://automobilemag.com/auto_shows/naias_2006/0601_lexus_ls460_03_900.jpg
http://automobilemag.com/auto_shows/naias_2006/0601_lexus_ls460_04_900.jpg
http://automobilemag.com/auto_shows/naias_2006/0601_lexus_ls460_05_900.jpg
كرمبع
08-01-2006, 10:35 PM
مزيج من BMW وهايونداي سوناتا من الخلف ....
احس اللكزس والله تغش العالم وبالعافيه تريد تكسح سوق الالمانيات...
بس بتظل هيه Toyota اللي اعتدنا على صناعتها...
وبصراحة انا اشوف شكلها عادي وممل نفس اللكزس الحالي يعني ماله اي رهابه...
وجهة نظر وتعبير عن رأيي الشخصي فقط...
اتمنى محد يضايق وكل واحد له راية الشخصي...
UAEnos
08-01-2006, 11:13 PM
بصراحة شكل جميل ومواصفات اجمل .. بشكل عام هذه السيارة مخصصة للرفاهية .. يعني مش شرط ان يكون تسارعها افضل من الكرايزلر 300C ..
ما قصرت مشرفنا :-)
http://www.lexus.com/2007ls_preview/assets/lsPrev_img_main_1.jpg
http://www.lexus.com/2007ls_preview/assets/lsPrev_img_main_4.jpg
http://www.lexus.com/2007ls_preview/assets/lsPrev_img_main_5.jpg
http://www.lexus.com/2007ls_preview/assets/lsPrev_img_main_6.jpg
http://www.lexus.com/2007ls_preview/assets/lsPrev_img_main_7.jpg
http://www.lexus.com/2007ls_preview/assets/lsPrev_img_main_8.jpg
http://tyt.tnpv.net/Image/2006/01/TYT2006010642157_PV.jpg
http://tyt.tnpv.net/Image/2006/01/TYT2006010612606_PV.jpg
http://tyt.tnpv.net/Image/2006/01/TYT2006010649230_PV.jpg
http://tyt.tnpv.net/Image/2006/01/TYT2006010619326_PV.jpg
http://tyt.tnpv.net/Image/2006/01/TYT2006010696895_PV.jpg
http://tyt.tnpv.net/Image/2006/01/TYT2006010634008_PV.jpg
http://tyt.tnpv.net/Image/2006/01/TYT2006010631078_PV.jpg
http://tyt.tnpv.net/Image/2006/01/TYT2006010682600_PV.jpg
http://tyt.tnpv.net/Image/2006/01/TYT2006010632937_PV.jpg
http://tyt.tnpv.net/Image/2006/01/TYT2006010662476_PV.jpg
http://tyt.tnpv.net/Image/2006/01/TYT2006010605970_PV.jpg
http://tyt.tnpv.net/Image/2006/01/TYT2006010661013_PV.jpg
http://tyt.tnpv.net/Image/2006/01/TYT2006010603483_PV.jpg
http://tyt.tnpv.net/Image/2006/01/TYT2006010660645_PV.jpg
الماني
08-01-2006, 11:23 PM
تريدوا الصج؟ الحالية احلى. بعدين مو كأنه الشكل تغير بسرعة ؟
انا بصراحة معجب جدا بها وراح تكون منافس خطير للسيارات الفخمة في أمريكا ......صحيح انه أحب الفئة أس لكن اذا بغيت أشتري سيارة راح أشتري ال اس كفاية انها سيارة ما تعور راسك لا مشاكل تقنية ولا تكاليف صيانة عالية ولا شيء بس أكيد الجيل الجديد من ال اس راح يكون غالي
B4_STI
08-01-2006, 11:53 PM
والله سياره ماعليها اي كلام ممتازة جدا جدا
uae speed
09-01-2006, 12:35 AM
بصراحه حلوه ، ومواصفاتها قويه ..
ننتظر نزولها في الخليج عشان نقارن سعرها مع السيارات اللي تنافسها .
ES 300
09-01-2006, 01:17 AM
مدري ليه احس صناعتها رديئة .. كأنها سيارات هيونداي ... بالغصب تصير فخمه .. احس الشكل الحالي اجمل .. بس اذا سعرها صار فوق الـ 300 الف صراحه أفضل الألمانيات وبقوة ..
رفجة عرب
09-01-2006, 01:27 AM
والله حلوه ..
بس كنت انتظر مستوى احسن من كذا!!!
RED Chevy
09-01-2006, 01:42 AM
لحالي شكله أحلى بمراحل وفيه هيبة أكثر هذي مسوينه رياضي زيادة عن اللزوم واشوفه كلش عادي، المواصفات ماعليها كلام والكراسي الخلفية راحااااااااااااااااااااااات :banana: هذي الميزة الوحيدة اللي فيه :o
السيارة حلوة مرة
بس S-Class غير والله غير
الشي اللي تحيي فيه لكزس هو عدم استخدام نظام شبيه بالاي درايف و القير اللي بالدركسون
muh_2000
09-01-2006, 02:09 AM
شوفوها من الجنب ما فرق بينها وبين البي ام
لكزس تقليد اعمى
غريب السيف
09-01-2006, 02:18 AM
من الخارج ليست مبهرة ابدا الا من الجنب مع انها مشابهه للبي ام
والديكور الداخلي ميل واحلى شي انهم ما قلدوا البي ام ولا المرسيدس والجير في مكانه الطبيعي
المحرك قوي جدا ومنافس لمحرك الاس 500 اللى تسارعه 5,4 ثانية
لكن بصراحه اكيد سعرها ما بيساعدها على المنافسه لان الحالية تنباع ب 275 الف درهم وهو سعر غالي بالنسبة لها لانها يابانيه مش المانيه
هذي كم راح يوصل سعرها :confused:
320 الف :confused:
الله يستر بسسسسسسسس :o
توربو
09-01-2006, 02:35 AM
وش اقول ... ولا اسكت احسن :D
الماني
09-01-2006, 02:36 AM
عيب والله عيب! :ranting: شوفوا الشبه! :blink:
هذا ان دل على شيء فيدل على نجاح الفئة السابعة لان المرسيدس اخذت الديكور الداخلي واللكزس الخارجي! والله يعين التالي من ؟
http://automobilemag.com/auto_shows/naias_2006/0601_lexus_ls460_01_900.jpg
http://www.rsportscars.com/foto/09/bmw760li06_02.JPG
أبو حسين
09-01-2006, 02:54 AM
أنا والله مدري وش سالفتكم لكزس قلدت ذيك وهاذيك وأنا ماأشوف أية وجهة تشابه :confused:
وحتى لو سعره تعدى الـ400 ألف سعر ولا أحلى لانه إذا الـS350 سعره 480 ألف والله مادفعت هالمبلغ عشان سيارة 6 سلندر وقدامي فخامة المايباخ 8 سلندر وبسعر أقل!!
ولكل الناس أذواق :cool:
اللكزس غغغغغغغغغغغييييييييييييييييييييررررررررررررررررررررر
sayedco
09-01-2006, 02:56 AM
في ألأداء بتفرق بقوووووووووة
من 290 إلى 380 يعني فرق كبيييييييييييير
الشكل عاجبني خاصة مع الزينون الجديد و الكراسي و الفخامة فيه
بس هذا ما يوقف في وجه ال 300C طبعاً إذا نويت على سيارة فخمة
غريب السيف
09-01-2006, 03:02 AM
والله الشبه واضح جدا بين السيارتين
لكن عني انا افضل سيارة عندي من الفخمات كانت ولازالت الالمانية بنت المانيا اودي A8 وطبعا المرسيدس والفئة السابعة تأخذ كل احترامي
لكن عندما ابحث عن سيارة فخمة جدا راح تكون المانية لان الالمان ملوك الفخامة
:banana:
أبو حسين
09-01-2006, 03:04 AM
سيدكو حراااام عليك الـ300C سيارة جديرة بالإحترام ولكن مرة مايوقف جنننننننننبها!!!!!!
TOP-SECRET
09-01-2006, 03:11 AM
اخوي الماني ممكن تذكر شنو وجه الشبه في الصورتين الي حاطهم؟
-----------------------
مميزات قمه في الروعه الصراحه وحبيت اشارك فيه
واسجل اعجابي بالسياره المميزه
مميزات قمه في الروعه بصراحه
وماشوف اي وجه تشابه مع اي سياره ثانيه
-----------------------
واعتقد واحد من الاخوان ذكر 19 سماعه عالفاضي
يعني لو جات سياره مركبين لها 4 سماعات وهي فخمه انتقدتوها
ولو وفرت اشياء مميزه فيها انتقدتوها
يعني شالمطلوب تحط سماعات على حسب رقبة الي بيشتري السياره
وماعتقد واحد بيشتري سياره فخمه وبالمبلغ الفلاني وبيروح وبيركب لها سماعات
هذي من الاوبشين في السيارات مش سياره ستاندرد عشان يضيف فيها
أبو حسين
09-01-2006, 03:16 AM
ماشا الله 11 عضو يتصفح بالموضوع :D
boahmed4ever
09-01-2006, 03:20 AM
والله حلوة ياجماعة
وعلى فكرة لوشفتوا الردود القديمة على الشكل الغير نهائي كان غير ... http://www.swalif.net/sforum1/showthread.php?t=211831&highlight=%E1%DF%D2%D3
معظم المشاركين قالوا الشكل بيطلع حلوا والحين تقولون مش حلوا :ranting:
على العموم وجهات نظر :think: وكل عام وانتم بخير :D
BoSaLem
09-01-2006, 03:25 AM
عمري ما توقعت كل هالتحامل علي اللكزس من بعض الاعضاء صدقوني لو السياره بس عليها شعار غير لكزس جان قالوو حلوو ورووعه ومن هالكلام ؟؟
انا ودي اعرف الي يقول الكزس تقليد اعمي وين وجه الشبه بينه وبين اي سياره ؟؟
لا من الخارج ولا من الداخل وبالنسبه للمواصفات كافي 19 سماعه احد سواها ؟؟ كافي 8 سرعات
احد سواها ؟؟ وين التقليد الاعمي ؟؟ وطبعا غير المواصفات الي ما عرفناها الي الان
طبعا المكينه جباره ما عليها كلام التسارع كافي انه يقارع سيارات سبورت
وفوق هذا كله : لكزس : يعني مافيها مشاكل ولا عوار راس
انا بس اتمني الي الي ماعاجبه اللكزس بس لمجرد انه تيوتا انه يقتني السياره
ويشوف سواقتها ومتانتها بعدين يحكم علي الشركه
ويعطيك العافيه AMg وكلامك عين العقل :cool:
1100R
09-01-2006, 03:29 AM
مبهرة مع انها تشبة البي ام شوية........
الان نقدر نقول ان لكزس تقدر تنافس الالمانيات :D
شكلها ضربة قوية لجميع الالماني تصحيهم من جد----->راي شخصي
مع اني متعصب للالماني بس اللكزس طلعت طلعة قوية :banana:
760IL
09-01-2006, 04:00 AM
الله يعطيك ستين الف عافيه اخوي AMG على التغطيه الرائعه :p
المزروعي
09-01-2006, 05:03 AM
بصراااااحه روووووووووووووووووووعه ماشالله
واللكزس كل مايالها قامت اتصير احسن واحسن واكيد راح تكون منافس قوي وانا معا كلام اخوي AMG بس الله يعين بالسعر اذا عدت الثلاثمئه افضل الالماني :cool:
ومشكور يامشرفنا :-)
Dreams_Maker
09-01-2006, 05:40 AM
عمري ما توقعت كل هالتحامل علي اللكزس من بعض الاعضاء صدقوني لو السياره بس عليها شعار غير لكزس جان قالوو حلوو ورووعه ومن هالكلام ؟؟
انا ودي اعرف الي يقول الكزس تقليد اعمي وين وجه الشبه بينه وبين اي سياره ؟؟
لا من الخارج ولا من الداخل وبالنسبه للمواصفات كافي 19 سماعه احد سواها ؟؟ كافي 8 سرعات
احد سواها ؟؟ وين التقليد الاعمي ؟؟ وطبعا غير المواصفات الي ما عرفناها الي الان
طبعا المكينه جباره ما عليها كلام التسارع كافي انه يقارع سيارات سبورت
وفوق هذا كله : لكزس : يعني مافيها مشاكل ولا عوار راس
انا بس اتمني الي الي ماعاجبه اللكزس بس لمجرد انه تيوتا انه يقتني السياره
ويشوف سواقتها ومتانتها بعدين يحكم علي الشركه
ويعطيك العافيه AMg وكلامك عين العقل :cool:
صحيح...أشوف الكثير من الاعضاء متحاملين على لكزس...
لا وبعض الاعضاء يقولون ردئية الصنع؟؟؟ :headshak: ..اللحين اللكزس رديئة الصنع؟
وبعضها تقليد للبي ام؟؟.... يعني عشان غيرت من شكل الاسطب شوي..صارت تقليد للبي ام؟؟...
ذاك اليوم واحد من الشباب يكلمني يقولي جنوط الGS430 تقليد للبي ام M6 :D .سلامات ..
جيب شي واضح مثل وضوح الشمس...مثل ما المرسيدس قلدت البي ام في الكنسول الامامي.. :D ...(نسخ ولصق) :D
صراحة اشوف اللكزس قدرت تاكل السوق أكل بسبب جودة سياراتها وجمال وتنوع تصاميمها وسعرها العقول بالنسبه للمواصفات الجباره اللي فيها...وخدمة مابعد البيع المتميزة فيها وبقوة...
كلمة أخيره...
"لكزس أحييك من كل قلبي :shy: "
الميشيغاني
09-01-2006, 06:44 AM
مشكور اخوي على الصور
يعطيك ربي الف عافيه
لكن ما تلاحظون انها تشبه الكامري الجديده من الخلف اكثر من الامام
opel005
09-01-2006, 07:13 AM
الصراحه ماهو هذا مانطمح فيه من لكزس ... الصراحه ما اقارنها بالالمانيات ابدا
من الجنب تقليييييد للبي ام بشكل واضح .. ومن قدام وورا :headshak:
من جوا حلللوة ووسائل الراحه :banana: ... والمكينة :knight:
عموما ننتظر شكلها على الطبيعه ممكن تتغير النظرة خاصه الشكل الخارجي !!! نتمنى ذلك :think:
Mustang
09-01-2006, 11:19 AM
احط كل فلوسي في هالموتر .. :D .. قلنا فخم من داخل .. وشكله من برع اقل من المقبول .. الحالي سعره 270 الف ريال تقريبْا .. هاي كم بيصير 350 الف ريال .. عشان الـ19 سماعه :D ..
مالك الا الكرايسلر 300 سي .. عطه رنجات 22" . واكزوست سستم .. وغير الشبك .. بيطلع بنص قيمة اللكزس وبفخامه اكبر بوايد :cool: .
واخوي اي ام جي تقول اخذها بدال الاس كلاس عشان تقنيات وهالسوالف .. بس بقولك ان للحين ما سمعنا حد اشتكى من الاس كلاس الجديد :p
واصلا في حد جرب هاللكزس عشان تحكمون عليها من الحين انها بدون خرابات وبدون عوار راس .. الله يهداكم بس :-)
مشكور
نفس الكلام سمعناه من الشباب أول ما قدمت لكزس جي اس العام الماضي اللي مدحها واللي ذم فيها وشوفها اليوم في شوارعنا رغم سعرها المرتفع يعني بالمختصر المفيد المسألة مسألة ذوق
بن غالب
09-01-2006, 12:19 PM
:cry1: يا اخوان والله بصيح,,, طول الوقت و انا حاط في بالي ال جي اس :knight: 430 ,,, الله يسامحك يا اي ام جي قمت من النوم و سبحت و ييت اجيك النت الا انت حاط لي هالموضوع :ranting: ,,,فريت راسي فرررررررر :confused: ...الحين خلاص ضربت في راسي ال LS والله انها تنافس الألمانيات و كرأي شخصي انها وصلت لمستواهم بنسبة 98% :smart: ,,, لكزس شركة مو عادية و سياراتها ابدا مب عادية,,جربت منها 3 سيارات من بين السيارات اللي قدتها جمالهن أخاذو جودتها عالية و خراباتها بسيطة و قطع غيارها رخيصة نسبيا :cool: ... :cry1: راح ال GS430 من بالي و الحين انت ياي تخسرني اكثر :sss: ..بس يلا..مب خسارة على اللكزس والله و صدق يوم قال حبيبي الشاعر :think: :
(( :eek: وحتى لو سعره تعدى الـ400 ألف سعر ولا أحلى لانه إذا الـS350 سعره 480 ألف والله مادفعت هالمبلغ عشان سيارة 6 سلندر وقدامي فخامة المايباخ 8 سلندر وبسعر أقل :m: !!))
الهداف
09-01-2006, 12:29 PM
الشكل عادي و الخلفية خلفية بي ام اما من الداخل فما فيها هاذيك الفخامة
بن غالب
09-01-2006, 12:47 PM
الشكل عادي و الخلفية خلفية بي ام اما من الداخل فما فيها هاذيك الفخامة
:sss:
VENOM 11
09-01-2006, 01:10 PM
بعد رجعنه لسالفة التقليد :ranting:
وين التقليد مانشوف تقليد ؟؟؟ :bomb:
شوف الفخامة والتقنية العظيمة الي فيها :banana:
والله احسن من الـ S Class الجديد بألف مرة مع احترامي له...
19 سماعة تخليك تحس انك في سينما...
جير 8 سرعات يعدل مشي السيارة بمراحل هذي غير انه يزيد عمر المحرك ويريحه...
فخامة داخلية وعدة شاشات عرض واناقة في التصميم الخارجي والداخلي :knight:
وبعد يطلع لك واحد متعصب ويقولك التصميم كريه وبايخ والي يقولك هيونداي ومادري شنو ؟؟؟
كلمة اخيرة :::
اللكزس كانت ولا زالت افضل شركة في فئتها ولا يمكن للمنافسين مقارعتها :black:
===================
VENOM
ابوداحم 98
09-01-2006, 02:11 PM
بالنسبه لي اشوف تصميمها الخارجي اكثر من عادي ولا فيه اي شي يشد الواحد
لكن اذا جينا للمواصفات فهي من جد تميزت عن غيرها
القير الجديد ب8 سرعات
وال19 سماعه
والتصميم الداخلي المبتكر والجميل
المراتب الخلفيه واللي شكلها بس يخلي الواحد يسوي كذا :eek:
المحرك الجديد والقوي
هذا اللي عرفناه الى الان والباقي اعظم....
بالنسبه لمسأله السعر اقول لو انه بنص مليون بتلقاه ينتشر في الشوارع لان الزين يفرض نفسه ولو كان غالي
تحياتي :)
XenonX®
09-01-2006, 02:12 PM
سلمت يداك يا ملك المشرفين اخوي AMG .....فأنت لم تأت بجديد ولكن هذا هو استمرار لإبداعاتك التي لاتنتهي ما شاءالله عليك ..... لا فض فوك !
و أحب أن أذكر كل من شكك في أن لكزس LS لا تستطيع أن تنافس المرسيدس الجديد S بقوة قبل فترة ....فهاهو الواقع أمامك فقل خيراً أو اصمت ...!
لكل من يحاول التقليل من شأن LS باستخدام أعذار مستهلكة وعيوب مصطنعة لا ينطق بها إلا المحطمين والمنهزمين ......وكأن السيارة مجرد مظهر بلا جوهر .....يسكب جام غضبه على شيء معين ويتناسى كل شيء لأنه لا يملك القدرة على سرد ما سطرته وأبدعته لكزس في تحفتها التكنولوجية الجديدة .....
حظاً أوفر لهؤلاء ........فلا عزاء للحاقدين ولا للمنهزمين الذين مازاوا يعيشون في الزمن الغابر وتناسوا أن لكل زمن دولة ورجال ....
أنتم لم تشاهدوا شيئاً ...........فالمواصفات لم تنتهي .......وعن قريب سنرى ...!
BRABUS
09-01-2006, 02:46 PM
السلام عليكم
طبعا لا شك إن لكزس تشكل خطر على الالمانيات يمكن من ناحية المواصفات والشكل لكن مستحيل تقارنها بالمرسيدس من ناحية الجودة (رأي شخصي لا تضاربوني) :black:
وأما للي يقول ان ال S 350 سعرها 480 ألف تراك غلطان ..
أنا اشتريت ال S 350 والسيارة راح توصل خلال 10 أيام ان شاء الله وأتحدى أي واحد يقارن (مواصفاتها) باللكزس من غير المحرك طبعا لانها راح اتكون مقارنة غير عادلة.
والسعر 340 ألف فقط لا غير ومستعد أحطلكم الفاتورة لو حبيتوا
ملاحظة : صورة من صور معرض دبي للسيارات شفتها في المنتدى كانت مرسيدس S Class BRABUS المحرك 8 سلندر من برابوس طبعا والسيارة كاملة المواصفات وكانت ب 550 ألف. كيف ال S350 اتكون ب 480 :think:
وعيدكم مبارك
سلام عليكم
XenonX®
09-01-2006, 03:18 PM
لكن مستحيل تقارنها بالمرسيدس من ناحية الجودة
اخوي من جدك تتكلم ؟؟ :D
أنت طعنت في (شرف) لكزس بالكلام هذا :D
وأتحدى أي واحد يقارن (مواصفاتها) باللكزس
أكيد إذا كانت 430 ....لكن 460 اسمح لي إلا تتقارن و ستين ....هذا ومواصفاتها ماطلعت شلون لو طلعت كان الله يعيننا نستوعب الهوايل ..... :D
لكزس تقول (عند الكشف عن تفاصيل أخرى عنها) أن الجميع سينبهر بمواصفات الأمان المتطورة والإبتكارات التكنولوجية الجديدة .....وننتظر !
تحياتي
الأنصاري
09-01-2006, 03:29 PM
شي مسكت بكل المقاييس :)
مبروك لكزس نجاحج المقدم
ومشكوره على هذه السياره المسكته
والله الواحد ماقادر يوصف الشكل ولا المميزات ولا المكينه
رغم اي انتقاد لها ترد على اي واحد وتقول انا فايزه :)
BRABUS
09-01-2006, 03:33 PM
أخي XenonX®
نصبر وانشوف أخي الكريم
ومن وجهة نظري ان اللكزس جدامها مشوار طويل شوي عشان توصل لمستوى المرسيدس.
وعلى فكرة لو تقرا كتيب الـ S class والتكنلوجيا الجديده اللي فيها صدقني يبالك شهر عشان اتخلص.
أنا ما أقلل من مستوى اللكزس كل سيارة لها ناسها وعشاقها وهاي وجهة نظر شخصية
ولولا اختلاف الاذواق لبارت السلعة
cruiser2000
09-01-2006, 03:39 PM
صراحة انا دايماً اكون صريح
شكلها من الخارج مب داخل مزاجي
ال LS430 أشوفها أحلى
بس من داخل
تسكت بالقو
ليتها من الخارج شكل 430 مانبا شي ثاني :)
تسلملي والله عمر على الخبرية والموصفات
XenonX®
09-01-2006, 03:50 PM
كل سيارة لها ناسها وعشاقها وهاي وجهة نظر شخصية
وأنا أحترم رأيك .........! :-)
تحياتي
شو رايكم نأجل الكلام عنها الين ما تطرح لكزس كافة المعلومات عنها بعد شهرين وأيضا ننتظر اطلاق LS600h في نيويورك
غريب السيف
09-01-2006, 05:57 PM
هدوا اللعب شباااااااااااااااااااب :D
مناقشات حادة بين محبي اللكزس والبي ام والمرسيدس
انا قلت الشبه واضح بين البي ام واللكزس ..المفروض الكلام هذا ما يزعل عشاق اللكزس
يوم نزل المرسيدس اس كلاس وشفنا الديكور الداخلي المشابه للفئة السابعة انتقدت
التقليد الاعمى للبي ام في شكل الطبلون والجير
يعني مسألة اقتباس التصاميم صارت شي عادي بين الشركات (وانا عن نفسي في الاول كنت ارفض هالشي بس الامر صار واقع ولاتوجد شركة في العالم حاليا لاتقتبس اشكال من شركات اخرى ) والاسباب عديدة منها:
- نجاح التصميم
- انتقال المصممين الى شركات منافسة
- مصممين يعملون لحسابهم الشخصي
مثال الانوار الخلفية الدائرية الشكل كانت موجودة على السكايلاين قديما والكورفت والان سيارات كثيرة تحمل نفس الشكل في الانوار (من الداخل)
انا بس بنتظر نزول اللكزس للخليج والامارات خاصه وبنشوف المواصفات اللى بتنزل واسعارها ونقارنها مع الاودي والمرسيدس والبي ام
وعيدكم مبارك للكل محبي اللكزس ومحبي الاماني
BoSaLem
09-01-2006, 06:05 PM
احط كل فلوسي في هالموتر .. :D .. قلنا فخم من داخل .. وشكله من برع اقل من المقبول .. الحالي سعره 270 الف ريال تقريبْا .. هاي كم بيصير 350 الف ريال .. عشان الـ19 سماعه :D ..
مالك الا الكرايسلر 300 سي .. عطه رنجات 22" . واكزوست سستم .. وغير الشبك .. بيطلع بنص قيمة اللكزس وبفخامه اكبر بوايد :cool: .
واخوي اي ام جي تقول اخذها بدال الاس كلاس عشان تقنيات وهالسوالف .. بس بقولك ان للحين ما سمعنا حد اشتكى من الاس كلاس الجديد :p
واصلا في حد جرب هاللكزس عشان تحكمون عليها من الحين انها بدون خرابات وبدون عوار راس .. الله يهداكم بس :-)
مشكور
يا رجال انت وين واحنا وين شجاب الثري للثريا تدري السياره هذى كنت افكر اشتريها بس يوم ركبتها حسيت اني راكب انفوي
والله مافيها اي فخامه تذكر ولا تقارن موصافاتها بالكزس :black:
BoSaLem
09-01-2006, 06:30 PM
شو رايكم نأجل الكلام عنها الين ما تطرح لكزس كافة المعلومات عنها بعد شهرين وأيضا ننتظر اطلاق LS600h في نيويورك
:51:
خلفيات هدية لكم
1 (http://www.netcarshow.com/lexus/2007-ls_460/1024x768/wallpaper_01.jpg)
2 (http://www.netcarshow.com/lexus/2007-ls_460/1024x768/wallpaper_02.jpg)
3 (http://www.netcarshow.com/lexus/2007-ls_460/1024x768/wallpaper_04.jpg)
4 (http://www.netcarshow.com/lexus/2007-ls_460/1024x768/wallpaper_05.jpg)
5 (http://www.netcarshow.com/lexus/2007-ls_460/1024x768/wallpaper_0d.jpg)
6 (http://www.netcarshow.com/lexus/2007-ls_460/1024x768/wallpaper_0e.jpg)
7 (http://www.netcarshow.com/lexus/2007-ls_460l/1024x768/wallpaper_02.jpg)
8 (http://www.netcarshow.com/lexus/2007-ls_460l/1024x768/wallpaper_03.jpg)
9 (http://www.netcarshow.com/lexus/2007-ls_460l/1024x768/wallpaper_07.jpg)
10 (http://www.netcarshow.com/lexus/2007-ls_460l/1024x768/wallpaper_08.jpg)
11 (http://www.netcarshow.com/lexus/2007-ls_460l/1024x768/wallpaper_11.jpg)
12 (http://www.netcarshow.com/lexus/2007-ls_460l/1024x768/wallpaper_0f.jpg)
أبو حسين
09-01-2006, 08:01 PM
احط كل فلوسي في هالموتر .. :D .. قلنا فخم من داخل .. وشكله من برع اقل من المقبول .. الحالي سعره 270 الف ريال تقريبْا .. هاي كم بيصير 350 الف ريال .. عشان الـ19 سماعه :D ..
مالك الا الكرايسلر 300 سي .. عطه رنجات 22" . واكزوست سستم .. وغير الشبك .. بيطلع بنص قيمة اللكزس وبفخامه اكبر بوايد :cool: .
واخوي اي ام جي تقول اخذها بدال الاس كلاس عشان تقنيات وهالسوالف .. بس بقولك ان للحين ما سمعنا حد اشتكى من الاس كلاس الجديد :p
واصلا في حد جرب هاللكزس عشان تحكمون عليها من الحين انها بدون خرابات وبدون عوار راس .. الله يهداكم بس :-)
مشكور
بصفتي مجرب 300C أقدر أرد عليك..
السيارة رائعة بكل ماتعنيه الكلمة من معنى ولكن من ناحية الفخامة إسمحلي عاد فهى عادية جدا بس اللهم اللي فيها الجلد وشاشة بس والباقي الله الله..
الزبدة نفسها لاتقارن بمرسيدس الفئة E وأنت تجي تقارنها بلكزس الجديدة؟؟
وأرجوا تقبل ردي وتحياتي برحابة وسعة صدر..
وأما للي يقول ان ال S 350 سعرها 480 ألف تراك غلطان ..
غلطة بسيطة.....((عفوا قيمة اللمرسيدس 400 ألف ريال ))
سعر الـS350 LWB فل كامل المواصفات لكن بدون نظام الرؤيه الليليه و بدون نظام Distronic Plus و مع جنط 18 بقيمة 398 الف ريال..وأنا بنفسي رحت الوكالة وسألت هناك وسلام..
و أحب أن أذكر كل من شكك في أن لكزس LS لا تستطيع أن تنافس المرسيدس الجديد S بقوة قبل فترة ....فهاهو الواقع أمامك فقل خيراً أو اصمت ...!
لكل من يحاول التقليل من شأن LS باستخدام أعذار مستهلكة وعيوب مصطنعة لا ينطق بها إلا المحطمين والمنهزمين ......وكأن السيارة مجرد مظهر بلا جوهر .....يسكب جام غضبه على شيء معين ويتناسى كل شيء لأنه لا يملك القدرة على سرد ما سطرته وأبدعته لكزس في تحفتها التكنولوجية الجديدة .....
حظاً أوفر لهؤلاء ........فلا عزاء للحاقدين ولا للمنهزمين الذين مازاوا يعيشون في الزمن الغابر وتناسوا أن لكل زمن دولة ورجال ....
أنتم لم تشاهدوا شيئاً ...........فالمواصفات لم تنتهي .......وعن قريب سنرى ...!
كلامك عين الصواب :p
Mustang
09-01-2006, 08:25 PM
التعصب عندكم كبير .. عشان حديد يصير هالتعصب ..
وانتو كلتوني عشان قلت الـ300 سي فخامته اكبر .. انا ما مسكت كل واحد منكم وحطيت راسه بماي حار قلت له اشتري الموتر او قلت له قول ان الـ300 سي افخم .. الي في قلبي على لساني .. والي في قلبي في المرفقات .. :D ..
أبو حسين
09-01-2006, 08:33 PM
Mustang
حبيبي لاتعصب ولاشي وأنا مثلك مايستاهل تعصب عشان حديد بس وأنا أخوك قوية تقارن سيارة أحلامك باللكزس الجديدة شوف مواصفات السيارتين بالصور وأحكم عليها بنفسك وركز على المقاعد الخلفية وتحياتي ولاتزعل يا عسل :banana:
Mustang
09-01-2006, 08:45 PM
لا يخوي شدعوه ما بينا زعل . وثاني شي هذي مب سيارة احلامي لا تخاف لو بغيت اطلعها اطلعها .. لا تنسى الـSRT-8 تقريبْا سعره 175 الف ريال .. ومحرك 6.1 لتر بـ 425 حصان .. وتخيل 100 الف اقل من اللكزس ..:-) ولا تخاف المقاعد الخلفيه ما تهمني .. بس سكر الموضوع ولا ترد علي عشان السالفه ما تكبر ويجون بعض الناس من التعصب الزايد يطلعون لي من الشاشه :D
بن غالب
09-01-2006, 08:54 PM
أخي XenonX®
نصبر وانشوف أخي الكريم
ومن وجهة نظري ان اللكزس جدامها مشوار طويل شوي عشان توصل لمستوى المرسيدس.
وعلى فكرة لو تقرا كتيب الـ S class والتكنلوجيا الجديده اللي فيها صدقني يبالك شهر عشان اتخلص.
أنا ما أقلل من مستوى اللكزس كل سيارة لها ناسها وعشاقها وهاي وجهة نظر شخصية
ولولا اختلاف الاذواق لبارت السلعة
الغالي..صدقني..تحسب لكزس ماتدري بالمرسدس عشان توصل لها...لو تبغي جان وصلت من زمان...لكن..من الاكيد فيها اشياء يديدة عن غيرها و هاذي خطة الشركة..و مشوارها مب طويل...مشوارها عشان توصل المرسدس ( و تتعداه) جدا قصير...و الأيام بتثبت ان شاء الله.. :m:
ح ب ي 300
09-01-2006, 11:38 PM
حسب خبرتي وإمتلاكي لي سيارة لكزس 2003
أنصح أي شخص يحب يشتري سيارة فخمة يبعد عن اللكزس والله هذا الكلام صحيح خذ بي إم أو مرسيدس أفضلك.
وأكبر عيب أنها مهما كانت فخمة هي تويوتا ، جرب قيادة كامري أو أفالون أو صالون في إكس آر من تويوتا ثم جرب قيادة لكزس إي إس أو جي إس أو صالون لكزس أو آر إكس لا تجد فرق أبداً أبدً
إلا في زيادة أزرار ما لها داعي وبهذه الطريقة لا تخسر تويوتا كثيرا في لكزس لأن أكثر قطع لكزس تستخدم أيضاً في تويوتا و أتحدى أي شخص ينكر ذلك.
و أزيدكم من الشعر بيت ، قاعدة العجلات في اللكزس ES300 و RX330 هي نفسها قاعدة العجلات
في الكامري مديل 2003 فما فوق (كامري كامري كامري).
واللي يقول لكزس قوية هذا الكلام غير صحيح ، أنا سيارتي لها الآن عندي سنتين ونصف تقريباً
خاسر عليها أكثر من 7000 ريال قطع و الآن محتاجة فحص لوجود مشاكل الله أعلم وش هي وكم بتكلف.
لا تضحك عليكم لكزس وتأخذ فلوسكم
وأي سؤال أنا مستعد.
فديت الامارات
10-01-2006, 12:01 AM
:blink: عجيب
بصراحه الفطيم بيقصكم :D
اقل من 300 الف مستحيل :D
أبو حسين
10-01-2006, 01:52 AM
حسب خبرتي وإمتلاكي لي سيارة لكزس 2003
أنصح أي شخص يحب يشتري سيارة فخمة يبعد عن اللكزس والله هذا الكلام صحيح خذ بي إم أو مرسيدس أفضلك.
وأكبر عيب أنها مهما كانت فخمة هي تويوتا ، جرب قيادة كامري أو أفالون أو صالون في إكس آر من تويوتا ثم جرب قيادة لكزس إي إس أو جي إس أو صالون لكزس أو آر إكس لا تجد فرق أبداً أبدً
إلا في زيادة أزرار ما لها داعي وبهذه الطريقة لا تخسر تويوتا كثيرا في لكزس لأن أكثر قطع لكزس تستخدم أيضاً في تويوتا و أتحدى أي شخص ينكر ذلك.
و أزيدكم من الشعر بيت ، قاعدة العجلات في اللكزس ES300 و RX330 هي نفسها قاعدة العجلات
في الكامري مديل 2003 فما فوق (كامري كامري كامري).
واللي يقول لكزس قوية هذا الكلام غير صحيح ، أنا سيارتي لها الآن عندي سنتين ونصف تقريباً
خاسر عليها أكثر من 7000 ريال قطع و الآن محتاجة فحص لوجود مشاكل الله أعلم وش هي وكم بتكلف.
لا تضحك عليكم لكزس وتأخذ فلوسكم
وأي سؤال أنا مستعد.
أخوي وش هالكلام؟؟؟ كلامك فيه الكثير من التناقض!!
أولا الـRx ليست على قاعدة عجلات الكامري!!
ثانيا الخامات المستخدمة بالتويوتا أقل جودة من الخامات المستخدمة باللكزس وهذا كلام من واقع تجربة!!
ثالثا اللكزس الآن تركت تصنيع السيارات بشاصيات التويوتا منذ دخول سنة 2005!! وخير الدليل الجي إس الجديدة شاصيتها مستقلة ولاتستخدم قطع التويوتا!! وأنت تقول شاصيتها تويوتا؟؟؟
إسمحلي أخوي أنت سيارتك يا فيها حالة شاذة أو رجلك حارة..
لانه معي اللكزس 400 له تقريبا 10 سنين ولاتزال متمسكة..
وعلى شهادة الكثيرين جودة اللكزس ممتازة..ولايعلى عليها!!
وعمى عنده لكزس 430 ولا إشتكى منها..
وأخيرا!! ممكن أعرف شنو الموديل اللي عندك؟؟
وتقبل تحياتي برحابة وسعة صدر!!
RamAir
10-01-2006, 01:58 AM
نا عن نفسي ما راح اقتنع فيها الا اذا شفت خادم الحرمين الشريفين الملك عبدالله او احد حكام العالم يتنقل في لكزس .
لكزس سيارة حلوة وسيارة مصنوعة بعناية شديدة محد يقدر يختلف في الناحية هذي وسبب كثرة انتشارها معروف بسبب ان سعرها بالنسبة لموصفاتها معقول تقريباً لأن المرسيدس الـS500 او 745 من بي ام غاليه وهذا يرجع لأسمها الكبير فالواحد يقتني لكزس لأن فيها تقريباً نفس الموصفات وبسعر اقل وكشخة للي ما يقدر على البي ام او المرسيدس . انا في صف الي يقولون ان لكزس ما زالت ضعيفة بالنسبة للمرسيدس والبي ام وحتى الاودي لأن شركة تويوتا ما زالت جبانه واتحدا ان تطرح احد سياراتها قبل بي ام او مرسيدس تنتظر وتشوف ماذا سيفعل الكبار ومن ثم تأتي من بعدهم ، اعرف ان البعض بيقول هذا الصح انك تشوف اخطاء غيرك وتصححها لكن الواقع يقول ان الطريقة هذي حيلة الضعيف :cool:
دكتور / مجنون
10-01-2006, 02:19 AM
السياره عجبتني اللا الخلفيه.. خلفيتها عاديه جداً
بن غالب
10-01-2006, 09:12 AM
أخوي وش هالكلام؟؟؟ كلامك فيه الكثير من التناقض!!
أولا الـRx ليست على قاعدة عجلات الكامري!!
ثانيا الخامات المستخدمة بالتويوتا أقل جودة من الخامات المستخدمة باللكزس وهذا كلام من واقع تجربة!!
ثالثا اللكزس الآن تركت تصنيع السيارات بشاصيات التويوتا منذ دخول سنة 2005!! وخير الدليل الجي إس الجديدة شاصيتها مستقلة ولاتستخدم قطع التويوتا!! وأنت تقول شاصيتها تويوتا؟؟؟
إسمحلي أخوي أنت سيارتك يا فيها حالة شاذة أو رجلك حارة..
لانه معي اللكزس 400 له تقريبا 10 سنين ولاتزال متمسكة..
وعلى شهادة الكثيرين جودة اللكزس ممتازة..ولايعلى عليها!!
وعمى عنده لكزس 430 ولا إشتكى منها..
وأخيرا!! ممكن أعرف شنو الموديل اللي عندك؟؟
وتقبل تحياتي برحابة وسعة صدر!!
:o كفيت ووفيت الغالي...انا عندي لكزس ال اكس 470 موديل 2000 ليومك ما غيرت الا الايل و الجير ايل و السفايف..لا أعطال ولا اية مشاكل واجهتها و السيارة اروع من الروعة..ليش؟؟..لان استعمالي لها كان استعمال المحافظ..اشتر سيارتين من نفس النوع و عطهن لاثنين واحد محافظ وواحد طايش...شوف من سيارته راح تعمر و من سيارته راح تتدمر,,, أول سبب و أهمم سبب لخراب أي شي في السيارة يعتمد على السائق ( و دفاشته ) في السواقة...
بن غالب
10-01-2006, 09:15 AM
التعصب عندكم كبير .. عشان حديد يصير هالتعصب ..
وانتو كلتوني عشان قلت الـ300 سي فخامته اكبر .. انا ما مسكت كل واحد منكم وحطيت راسه بماي حار قلت له اشتري الموتر او قلت له قول ان الـ300 سي افخم .. الي في قلبي على لساني .. والي في قلبي في المرفقات .. :D ..
يعجبني تمسكك بمحبوبك ال 300 سي يا Mustang ... :eek:
ميكانيكي
10-01-2006, 02:35 PM
اخ موستنج
والله لو يخيروني بين اللكزس هذي وال 300 سي كرايزلر
اخذ الكرايزلر وانا مغمض
ياخي شوف شكل اللكزس ..بصراحة شديدة... كوري ...
خلونا صريحين حتى الشكل الحالي اجمل من هذا
قارنوا ديكورها الداخلي مع ديكور المرسدس 2006 ..او مع ديكور البي ام ..او ..السي 300
وااله كلهم يتفوقون عليها في الجمال الداخلي والخارجي ...
ادري انها مسألة اذواق
لكن الحقيقة تنقال ..هذي اللكزس ....عادية جدا مافيها شي يلفت :m:
\
وبعدين الاخ لكزس يقول ان الخامات المستخدمة في تويتا اقل جودة من المستخدمة في لكزس
وهذا غير صحيح
شوف طراز vxr من تويوتا وقارنه بطراز الفورويل من لكزس ..
.هل في فرق في الخامات بينهم ؟؟؟
(( نفس السيارة بالضبط ...... اللهم شوية تفاهات )) والفرقية خيالية :)
انا بصراحة الافالون عجبني وهذا حق
لكن هذي بصراحة ماتنافس الاوروبيات
قلق و رجه
10-01-2006, 04:19 PM
يعجبونك ماخذين من كل بحر قطرة
مجمعين تصاميم السيارات كلها في وحده (كوكتيل)
كل جزء من السيارة يذكرك بسيارة ثانية
لكن هذا شي طبيعي ومتعودينه من اللكزس من يوم طلعت :D
يعطيك العافية
kaser annassr
10-01-2006, 04:37 PM
بسم الله الرحمن الرحيم
السلام عليكم ورحمة الله وبركاته
أولا كل عام وانتو بخير
ثانيا كل عام والمسلمين اجمعين بخير
ثالثا نسأل الله العظيم رب العرش العظيم ان لا يأتي العيد القادم إلا وفلسطين محررة
الحين نجي لسالفة السيارة
أولا اشوف شكلها جدا غبي وفيها تقليد اعمى من مرسيدس ( مايباخ ) وبي إم دبليو وحتى الأودي
ثانيا ياشباب قصة الكراسي وهالكلام هذا شي بسيط اي شركة في العالم تقدر تسويه
كل القصة تتعاقد مع شركات اثاث سيارات راقية وتشتري منهم الكراسي وعلى قد فلوسك خذ
ثالثا التحدي الحقيقي يجي في الثبات والجودة والسلامة
يعني وين لكزس واودي وبي إم دبيليو من ( مرسيدس بنز ) في مجال الثبات
وينهم من نظام ( بريسيف )
وينهم من نظام ( ESP )
وينهم من السقف البانورامي
وينهم من السقف المصنوع من الفولاذ المضغوط لأول مرة في العالم
وينهم من السيارة التي صممت ابوابها بحيث تفتح بسهولة في حالة الصدام والتصادمات بحيث لا يبقى السائق محبوس ضمن السيارة
وينهم من السيارة الي زودت بكتيب انقاذ واماكن مضعفة ( بالمقارنة مع باقي هيكل السيارة ) من أجل القص في حالة التصادم لاخراج السائق ( طبعا كل التضعيف ولسه يباله قص )
وينهم من نظام ديسترونك لحفظ المسافات وينهم من نظام الفرملة الأوتوماتيكي وينهم من نظام active body control ( ABC )
وينهم من المحركات الي نزلت سواءا العادية او الرياضية
وينهم من s500 الي صار تسارعه اقوى من تسارع البي إم دبليو 760 الي 12 اسطوانة
وينهم من نظام الرؤوية الليلية ( حتى الي طلع في البي إم دبليو ما كان بنفس الدقة رغم أنه بعده )
وينهم من نظام الحساس الي يرصد بزاوية انفراجها 80
وغير هذا كله يا اخوان الي الله سبحانه وتعالى اكرمه بدل ما يدفع 400 ألف بلكزس ياباني خله يحطها بمرسيدس ولو 6 اسطوانات
مرسيدس السيارة الي يركبها الملوك والرؤوساء والشيوخ
واللي كل الناس تعرف مكانتها وقوتها وجودتها والي لا نزال نرى سياراتها من عام 1950 تمشي بالشارع
رأي شخصي بحت ولكل ذوقه
ولا حد يزعل
كمان نسيت اقول لكم ما لي خلق على الطق توها يدي ملتحمة بعد الكسر
:D :D :D :D :D :D :D
رفجة عرب
10-01-2006, 04:38 PM
راح تغيرون كلامكم بعد ماتشوفونها قدام عيونكم !! :eek:
بن غالب
10-01-2006, 05:37 PM
بسم الله الرحمن الرحيم
السلام عليكم ورحمة الله وبركاته
أولا كل عام وانتو بخير
ثانيا كل عام والمسلمين اجمعين بخير
ثالثا نسأل الله العظيم رب العرش العظيم ان لا يأتي العيد القادم إلا وفلسطين محررة
الحين نجي لسالفة السيارة
أولا اشوف شكلها جدا غبي وفيها تقليد اعمى من مرسيدس ( مايباخ ) وبي إم دبليو وحتى الأودي
ثانيا ياشباب قصة الكراسي وهالكلام هذا شي بسيط اي شركة في العالم تقدر تسويه
كل القصة تتعاقد مع شركات اثاث سيارات راقية وتشتري منهم الكراسي وعلى قد فلوسك خذ
ثالثا التحدي الحقيقي يجي في الثبات والجودة والسلامة
يعني وين لكزس واودي وبي إم دبيليو من ( مرسيدس بنز ) في مجال الثبات
وينهم من نظام ( بريسيف )
وينهم من نظام ( ESP )
وينهم من السقف البانورامي
وينهم من السقف المصنوع من الفولاذ المضغوط لأول مرة في العالم
وينهم من السيارة التي صممت ابوابها بحيث تفتح بسهولة في حالة الصدام والتصادمات بحيث لا يبقى السائق محبوس ضمن السيارة
وينهم من السيارة الي زودت بكتيب انقاذ واماكن مضعفة ( بالمقارنة مع باقي هيكل السيارة ) من أجل القص في حالة التصادم لاخراج السائق ( طبعا كل التضعيف ولسه يباله قص )
وينهم من نظام ديسترونك لحفظ المسافات وينهم من نظام الفرملة الأوتوماتيكي وينهم من نظام active body control ( ABC )
وينهم من المحركات الي نزلت سواءا العادية او الرياضية
وينهم من s500 الي صار تسارعه اقوى من تسارع البي إم دبليو 760 الي 12 اسطوانة
وينهم من نظام الرؤوية الليلية ( حتى الي طلع في البي إم دبليو ما كان بنفس الدقة رغم أنه بعده )
وينهم من نظام الحساس الي يرصد بزاوية انفراجها 80
وغير هذا كله يا اخوان الي الله سبحانه وتعالى اكرمه بدل ما يدفع 400 ألف بلكزس ياباني خله يحطها بمرسيدس ولو 6 اسطوانات
مرسيدس السيارة الي يركبها الملوك والرؤوساء والشيوخ
واللي كل الناس تعرف مكانتها وقوتها وجودتها والي لا نزال نرى سياراتها من عام 1950 تمشي بالشارع
رأي شخصي بحت ولكل ذوقه
ولا حد يزعل
كمان نسيت اقول لكم ما لي خلق على الطق توها يدي ملتحمة بعد الكسر
:D :D :D :D :D :D :D
:sss: :D وينها مرسدس عن ال 8 غيارات :D ...انا معاك اخوي كاسر النصر لكن...تعتقد ان لكزس ما تقدر تسوي كل هذا؟؟؟ الا تقدر..لكن صدقني الشركة لها سياسة و خطة تتبعها.. و سترى المزيد و المزيد من لكزس.... لكن لا تقول اخي عن شكل السيارة انه غبي..بالعكس..شكلها حلو..((وفيها تقليد اعمى من مرسيدس ( مايباخ ) وبي إم دبليو وحتى الأودي)) :m: خل السيارة تنزل و شوف شكلها الفعلي و لاحظ..انه بيكون غير شوي عن الصور,,, و ايضا عن السيارات اللي ذكرتها..
BRABUS
10-01-2006, 06:46 PM
بن غالب
معذرة أخي الكريم .. لكن اذا لكزس صدق عندها هالسياسة اللتي تتكلم عنها وللحين ما شفنها يعني سياستها فاشلة (وحقيقة أنا ما أشوفها سياسة فاشلة) بالعكس السيارة تثبت وجودها بين فترة وفترة وما أستبعد انهم يتفوقون على المرسيدس بس لازم كل شركة يكون لها رد على الشركات الثانية.
وأنا مب من النوع اللي يقول السيارة سرقت تصميم وخذت وقلدت .. السوق مفتوح والذكي والمبدع بس اللي راح يقدر يستمر.
لكن أنا متأكد إن في هالموديل بالذات المرسيدس راح اتظل متفوقة على اللكزس حتى اشعار آخر.
ولعلمك إن الوكيل نفسه هو اللي راح يحطم وضع السيارة في السوق .. المرسيدس تفصلها تفصيل (كأنها كندورة العيد :cool: ) أما اللكزس فهذا هو الموجود .. إذا عجبتك خذها واذا ما عجبتك الباب يفوت جمل.. النقطة هذه بالتحديد كفيلة بأنها تحطم سيارة عريقة مثل اللكزس يوم اتقارنها مع المرسيدس والبي ام.
المرسيدس مزودة بنظام لو انته ضايع في مثلث برمودا راح يطلعونك :glasses2:
560SEL
10-01-2006, 06:47 PM
بسم الله الرحمن الرحيم
بصراحه السياره تسجل لها عدة ايجابيات و عدة سلبيات في نفس الوقت
نبدأ بالسلبيات لأنها هي الاهم :D
1) التصميم الجانبي يكاد يكون مطابق لل BMW الفئه السابعه
2) تصميم الوجه و بالذات الشمعات مسروق عن بكرة أبيه من ال CL القادم و اذا اعلن عنه بتتذكرون كلامي زين و انا مرفقه في صوره
3) فكرة الجير أبو 8 سرعات من وين جابوها ؟؟؟ هي بس عباره عن زيادة في عدد السرعات على الفاضي و لا فكروا فيها الا بعد طرح ال G7 Tronic
4) تصميم الكبوت نفس تصميم كبوت ال S Class
5) طبعا ما فيه داعي نذكر من وين جابوا فكرة التعليق الهوائي !
6) بالنسبه للخلفيه فهي قريبه جدا من خلفية الكامري الجديده
7) لو دققتوا في اللتصميم الداخلي بتلقون ان الدرج هو نفسه اللي موجود في ال S Class القديم W220 و الحالي W221
8) دواسة البنزين نفس دواسة المرسيدس في كافة أجياله بالضبط !!!
9) الساعه اللي بين فتحات المكيف الوسطى توحي بأنك راكب كامري تكسي
10) الشاشه اللي في وسط الطبلون مأخوذه من ال Audi و ال VW
11) أماكن أزرار شاشة المعلومات متخلف
12) تصميم المقاعد الخلفيه سرقه عيني عينك بل تصميم المنطقه الخلفيه كله سرقه عيني عينك
بالنسبه للايجابيات :
1) جودة لكزس المعتاده في كل الامور ميكانيكيا و اليكترونيا
2) راحة الركوب المعتادة في اللكزس
3) التمسك بتقاليدها و عدم اللجوء الى النظام العالمي الجديد التمثل في ال I Drive أو Command و الجير المخفي
4) أفضل من غيرها بكثير
5) أفضل حل في حالة عدم المقدره على الالمانيات
560SEL
10-01-2006, 06:53 PM
http://bilder.autobild.de/bilder/1/45294.jpg
مؤيد اف1
10-01-2006, 07:22 PM
راح تغيرون كلامكم بعد ماتشوفونها قدام عيونكم !! :eek:
مااعتقد :D
انا شخصياً ماتعجبني السياره الا الي احس المهندسين تعبو عليها وحطو كل شي من مخيلتهم ولا التفتو الى غيرهم من المصنعين..حتى لو كانت السياره اسوء سياره لكن مالها علاقه بغيرها من السيارات راح اكون معجب بها :p
أبو حسين
10-01-2006, 07:29 PM
اخ موستنج
والله لو يخيروني بين اللكزس هذي وال 300 سي كرايزلر
اخذ الكرايزلر وانا مغمض
ياخي شوف شكل اللكزس ..بصراحة شديدة... كوري ...
خلونا صريحين حتى الشكل الحالي اجمل من هذا
قارنوا ديكورها الداخلي مع ديكور المرسدس 2006 ..او مع ديكور البي ام ..او ..السي 300
وااله كلهم يتفوقون عليها في الجمال الداخلي والخارجي ...
ادري انها مسألة اذواق
لكن الحقيقة تنقال ..هذي اللكزس ....عادية جدا مافيها شي يلفت :m:
\
وبعدين الاخ لكزس يقول ان الخامات المستخدمة في تويتا اقل جودة من المستخدمة في لكزس
وهذا غير صحيح
شوف طراز vxr من تويوتا وقارنه بطراز الفورويل من لكزس ..
.هل في فرق في الخامات بينهم ؟؟؟
(( نفس السيارة بالضبط ...... اللهم شوية تفاهات )) والفرقية خيالية :)
انا بصراحة الافالون عجبني وهذا حق
لكن هذي بصراحة ماتنافس الاوروبيات
على طاري الخامات الداخلية ((الديكور)) أبغى أفهم أنا كلامي مبني على تجربة وأنت برضك تعارض ليه؟؟ :blink:
وعلى أية أساس إنك حكمت عليها بأنها كوري؟؟...
بل وعلى أية أساس إنك حكمت الكوري؟؟؟؟ أليس الكوري في تقدم مستمر؟؟
أخوي أتمنى (((أنت))) يكون كلامك من واقع تجربة!!
وتقبل تحياتي :-)
أبو حسين
10-01-2006, 07:44 PM
560SEL
خلنا نكون صريحين..
الإسطبات الأمامية فلكس واجن فيتون وليس مرسيدس..
والإسطبات الخلفية بي إم الفئة السابعة..
أما العيوب اللي ذكرتها:...
((التصميم الجانبي يكاد يكون مطابق لل BMW الفئه السابعه ))
لاأرى أية شبه ممكن تعلمني ماهي وجه الشبه؟؟
((الساعه اللي بين فتحات المكيف الوسطى توحي بأنك راكب كامري تكسي))
((بالنسبه للخلفيه فهي قريبه جدا من خلفية الكامري الجديده))
هذا ماهو عيب أبدا!!! والمسألة مسألة ذوق :p
((أماكن أزرار شاشة المعلومات متخلف ))
على أية أساس؟؟.. :confused:
وتقبل تحياتي مرسيدس :-)
760IL
10-01-2006, 08:20 PM
بالنسبه للايجابيات :
4) أفضل من غيرها بكثير
ياخي هالايجابيه تخليني اشتري السياره وانا مغمض :D
بن غالب
10-01-2006, 08:37 PM
بن غالب
معذرة أخي الكريم .. لكن اذا لكزس صدق عندها هالسياسة اللتي تتكلم عنها وللحين ما شفنها يعني سياستها فاشلة (وحقيقة أنا ما أشوفها سياسة فاشلة) بالعكس السيارة تثبت وجودها بين فترة وفترة وما أستبعد انهم يتفوقون على المرسيدس بس لازم كل شركة يكون لها رد على الشركات الثانية.
وأنا مب من النوع اللي يقول السيارة سرقت تصميم وخذت وقلدت .. السوق مفتوح والذكي والمبدع بس اللي راح يقدر يستمر.
لكن أنا متأكد إن في هالموديل بالذات المرسيدس راح اتظل متفوقة على اللكزس حتى اشعار آخر.
ولعلمك إن الوكيل نفسه هو اللي راح يحطم وضع السيارة في السوق .. المرسيدس تفصلها تفصيل (كأنها كندورة العيد :cool: ) أما اللكزس فهذا هو الموجود .. إذا عجبتك خذها واذا ما عجبتك الباب يفوت جمل.. النقطة هذه بالتحديد كفيلة بأنها تحطم سيارة عريقة مثل اللكزس يوم اتقارنها مع المرسيدس والبي ام.
المرسيدس مزودة بنظام لو انته ضايع في مثلث برمودا راح يطلعونك :glasses2:
والله يا اخي الكريم لكل شركة سياسة بها و نحن لا نعلم ما يدور وراء الكواليس :D سينما كار خخخخخ...انا معاك الغالي ليش ما تمشي شغلها من البداية...لكن هم ماندري...و كلامك عن المرسدس و الكندورة حق.. و انا معاك.. :think: ,, و بالنسبة لبرمودا.. :D اقول لو نسير سياحة مب احسن...بنلاقي طيارات و سفن و و و الخ... :m: تعال ترى يقولون الجو هناك جميل..روح انت الاول و انا بلحقك ان شاء الله :black:
XenonX®
10-01-2006, 08:38 PM
والله العظييييييييييم مادري من أرد عليه ................ :(
والله مساكين اللكزس الجديدة لعبت فيكم لعب ...والواحد مو قادر يستوعب الصدمة لسبب بسيط هو أنها جاءت فقط لتأكل السوق على المرسيدس الجديد ......... :banana:
ياشباب فكروا في المنطق ولا أحد يتعصب ............
على العموم المواصفات ماطلعت كلها والباقي في الطريق ........
أولا اشوف شكلها جدا غبي وفيها تقليد اعمى من مرسيدس ( مايباخ ) وبي إم دبليو وحتى الأودي
هذا رأيك عزيزي ...........بس نسيت فلكس واجن وميزراتي وساب وبيجو وسيتروين وسيات :D
ثانيا ياشباب قصة الكراسي وهالكلام هذا شي بسيط اي شركة في العالم تقدر تسويه
أكيد لأنه لكزس سوتها ......صارت شيء بسيط وأي واحد يسويها !!
وينهم من نظام ( ESP
اخوي نظام ESP نظام مغبر وقديم ويعتمد على نظام وفكرة قديمة .........طور عقلك بنظام VDIM .
وينهم من s500 الي صار تسارعه اقوى من تسارع البي إم دبليو 760 الي 12 اسطوانة
اخوي هذا المحرك 4.6 لتر نفس قوة محرك S500 اللي مزعجيننا فيه وسعته بعد 5.5 لتر <<< شف فرق السعة ونفس القوة عشان تعرف وش معنى شيء اسمه تقنيات محرك ياحلو ......والتسارع اللكزس أسرع لأن المرسيدس 5.5 ثواني واللكزس أقل (بدون تحديد حتى الآن).
وينهم من نظام الرؤوية الليلية ( حتى الي طلع في البي إم دبليو ما كان بنفس الدقة رغم أنه بعده
يوووووووه هذا غبار بحاله ....... :D ....نظام الرؤية الليلية موجود في التويوتا من 2002 في اليابان يعني النظام عند اللكزس قديييييييييم ياعزيزي :D ...وهو موجود في LX 470 المباع في أمريكا من عام 2003 والمرسيدس أخذوا النظام بالنصصصص ومانسوا بعد ياخذون الاسم Night View والله حالة :D .........وعلى فكرة نظام الهوندا الليلي (إذا أصلاً فيه أحد يدري إن هوندا عندها) أفضل نظام رؤية ليلية في العالم أفضل من المرسيدس والبي إم واللكزس..............مشكلة البعض إنه يعيش في المرسيدس وبسسسسسس ولا يطور تفكيره .
وينهم من نظام الحساس الي يرصد بزاوية انفراجها 80
الحساسات حركة قديمة مادري وش جابها هنا ؟؟؟ على العموم انتظر نظام الوقوف الذكي في اللكزس (إذا تم تطبيقه) وبعدها سلم لي على الحساسات :D
باقي المواصفات ................ننتظر طرح المواصفات كاااااااااااااااملة ...
1) التصميم الجانبي يكاد يكون مطابق لل BMW الفئه السابعه
كل واحد جايب لي سيارة .. :D .....ولكن هناك شيء مشترك وهو الصدمة من صاروخ لكزس الجديد :-)
3) فكرة الجير أبو 8 سرعات من وين جابوها ؟؟؟ هي بس عباره عن زيادة في عدد السرعات على الفاضي و لا فكروا فيها الا بعد طرح ال G7 Tronic
درس مجاني في التعصب :-) .......أجل منين جابوا فكرة 7 سرعات ؟؟؟ لأنهم يبي يطورون أبو 6 سرعات ؟؟ طيب أبو 6 سرعات ؟؟؟ لأنهم يبي يطورون أبو 5 سرعات :D :D ......شفتوا كيف التعصب :-)
4) تصميم الكبوت نفس تصميم كبوت ال S Class
حتى أنا لاحظت إنه مسمار الكفر الخلفي يشبه تصميم مسمار الأودي تبع الكفر الأمامي ...
شفتوا كيف التشبيهات الدقيقة التي تستخرج بالمنقاش :-)
ياخي كل كلامك تقليد × تقليد ومسوي عيوب الله يهديك بس .....يعني معجبك (نسخ لصق) المرسيدس للـ BMW ???
انا شخصياً ماتعجبني السياره الا الي احس المهندسين تعبو عليها وحطو كل شي من مخيلتهم ولا التفتو الى غيرهم من المصنعين
ونسيت سبب مهم ........إن السيارة ماتكون من تويوتا ولكزس :-)
حطوا 8 سرعات و 19 سماعة وهارديسك 8 جيجا و فئتين ومحرك خطير بسعة قليلة وقوة كبيرة <<< مواصفات حتى الآن ..........ومع ذلك كلها جايبينها من غيرهم ...والله مافيه أمل تعجبكم لو خلوها تطييييييييييييييييير ....
على العموم أنا أقدر الصدمة التي يعيشها البعض .....ولكن وش نسوي هذي هي لكزس وصدماتها المتلاحقة والله يعينكم على تجاوزها :D
تحياتي
مؤيد اف1
10-01-2006, 08:42 PM
بالنسبه للانظمه ومسمياتها كل شركه تسمي اسم جديد لنظام الESP عشان توهم نفسها بشيء جديد :eek:
SKYLINE GTR
10-01-2006, 09:29 PM
بسم الله الرحمن الرحيم
بصراحه السياره تسجل لها عدة ايجابيات و عدة سلبيات في نفس الوقت
نبدأ بالسلبيات لأنها هي الاهم :D
1) التصميم الجانبي يكاد يكون مطابق لل BMW الفئه السابعه
2) تصميم الوجه و بالذات الشمعات مسروق عن بكرة أبيه من ال CL القادم و اذا اعلن عنه بتتذكرون كلامي زين و انا مرفقه في صوره
3) فكرة الجير أبو 8 سرعات من وين جابوها ؟؟؟ هي بس عباره عن زيادة في عدد السرعات على الفاضي و لا فكروا فيها الا بعد طرح ال G7 Tronic
4) تصميم الكبوت نفس تصميم كبوت ال S Class
5) طبعا ما فيه داعي نذكر من وين جابوا فكرة التعليق الهوائي !
6) بالنسبه للخلفيه فهي قريبه جدا من خلفية الكامري الجديده
7) لو دققتوا في اللتصميم الداخلي بتلقون ان الدرج هو نفسه اللي موجود في ال S Class القديم W220 و الحالي W221
8) دواسة البنزين نفس دواسة المرسيدس في كافة أجياله بالضبط !!!
9) الساعه اللي بين فتحات المكيف الوسطى توحي بأنك راكب كامري تكسي
10) الشاشه اللي في وسط الطبلون مأخوذه من ال Audi و ال VW
11) أماكن أزرار شاشة المعلومات متخلف
12) تصميم المقاعد الخلفيه سرقه عيني عينك بل تصميم المنطقه الخلفيه كله سرقه عيني عينك
لا تعليق
يكفي ان لكزس تتبع مبدأ الكايزن وهو الابتكار وهذا هو الملاحظ في هالسيارة بالذات
التشابه صار شي مألوف في الاشكال الخارجية ومن اسبابه هو انتقال كبار المصممين من شركة الى اخرى
BRABUS
10-01-2006, 10:18 PM
اخواني
نصبر وانشوف المبيعات والانتشار في السوق أعتقد انه راح يكون اكبر دليل على مدى نجاح السيارة
وأنا مب ضد اللكزس .. أنا أقر واعترف ان اللكزس قاعدة تثبت وجودها سنة عن سنة. لكن وبصراحة ومن غير زعل انا اشوفها متخلفة جيل كامل عن المرسيدس.
في ناس دخلوا موضوع ضعاف نفوس وماعرف شو .. انا احس مافي داعي لهالكلام .. شي طبيعي ان كل واحد راح يكون منحاز لسيارة تعجبه (السبال في عين امه غزال)
بس اعيد واكرر لا كلام محبين المرسيدس ولا كلام محبين اللكزس .. السوق اللي راح يحسم.
عيدكم مبارك وكل عام وانتوا بخير
سكروا عالموضوع .. الأخ عمر شكله ندم انه فتح الموضوع :cool:
بن غالب
10-01-2006, 10:27 PM
:banana: انا معاك برابوس في تسكير الموضوع... يكفي لحد الان و لما تنزل ينفتح..
سبحان الله وصل الموضوع الى 4 صفحات أغلبه هجوم على السيارة وهم بعدهم لا ذكروا مواصفاتها ولا حد شافها على الشارع بس لحظه عندي سؤال
ليش لكزس هي السيارة الفخمة الأولى في أمريكا وسنويا تحصد جوائز رضا الزبائن والجودة وووووو؟؟؟؟
المرسيدس على عيني وراسي وسيارة فخمة للغاية وكنت حاطنها في راسي بس قلت أنتظر أحسن الين ما تنزل لكزس لكن من كثر هذا الهجوم شكلي بعافها وبدور عن سيارة مختلفة تماما
Mustang
10-01-2006, 10:32 PM
تعصب مب صاحي فيكم :D والله تذكروني في ايام الطفوله لما كنا نتهاوش على الـكافي :D
الحلو في الموضوع انه كله نقاش وهذا الهدف اللي نبغي نوصل له :knight:
Mustang
10-01-2006, 10:57 PM
وين نقاش ياخوي AMG .. انا اعرف النقاش بهدوء .. هني جنك داخل حرب .. وهذا يتكلم والثاني يرد هذا مقلدين بيئم وهذا مب مقلدين هذا تسميه نقاش !؟ :
ميكانيكي
11-01-2006, 12:28 AM
على طاري الخامات الداخلية ((الديكور)) أبغى أفهم أنا كلامي مبني على تجربة وأنت برضك تعارض ليه؟؟ :blink:
وعلى أية أساس إنك حكمت عليها بأنها كوري؟؟...
بل وعلى أية أساس إنك حكمت الكوري؟؟؟؟ أليس الكوري في تقدم مستمر؟؟
أخوي أتمنى (((أنت))) يكون كلامك من واقع تجربة!!
وتقبل تحياتي :-)
كوري مجرد تشبيه قلته
ومثل ماشفت بنفسك كثيرين غيري انتقدوا التصميم الخارجي
لانه عادي جدا صراحة وتوقعنا شي افضل من هذا بكثير ..
ثم اي تجربة انت تتكلم عنها ؟؟
انا اقولك اللكزس يستخدم نفس الخامات اللي تستخدمها سيارات تويوتا العادية
واتحداك تثبت العكس .. :)
وسبق وعطيتك مثال
ال vxr من تويوتا وال lx470 من لكزس
هل في فرق بينهم في الخامات ؟
طبعا مافيه فرق ..بس روح وشوف الفرق في السعر ..
....بالتالي الخامات وحده في تويوتا او لكزس ...
ممكن توضح لنا ( من واقع تجربتك ) كيف اكتشفت ان خامات اللكزس افضل من التويوتا !!! :m:
مؤيد اف1
11-01-2006, 12:36 AM
أنا وياك صحيح في هالشي..اشياء تافهه وبسيطه الفرق بين تويوتا ولكزس والفرق كبير في السعر..والي يبي يتأكد يشوف قطع الغيار نفسهم بس العلبه مغيره والسعر مدبل :knight:
عموماً اللكزس صحيح عمليه وسياره لايستهان بها لكن الكبير كبير ومرسيديس شيخة السيارات..مرسيديس تقول ان لو في شركة تصنع سيارات مثلنا احنا بنوقف نصنع سيارات..ولو تشوفو خطوات تطوير الفئه اس بالصور او الفيديو راح تعرفو كيف الالمان يشتغلو وكيف هم متفوقين على غيرهم ببساطه مجانين وعباقره قليله فيهم :p
أبو حسين
11-01-2006, 01:44 AM
كوري مجرد تشبيه قلته
ومثل ماشفت بنفسك كثيرين غيري انتقدوا التصميم الخارجي
لانه عادي جدا صراحة وتوقعنا شي افضل من هذا بكثير ..
ثم اي تجربة انت تتكلم عنها ؟؟
انا اقولك اللكزس يستخدم نفس الخامات اللي تستخدمها سيارات تويوتا العادية
واتحداك تثبت العكس .. :)
وسبق وعطيتك مثال
ال vxr من تويوتا وال lx470 من لكزس
هل في فرق بينهم في الخامات ؟
طبعا مافيه فرق ..بس روح وشوف الفرق في السعر ..
....بالتالي الخامات وحده في تويوتا او لكزس ...
ممكن توضح لنا ( من واقع تجربتك ) كيف اكتشفت ان خامات اللكزس افضل من التويوتا !!! :m:
أهلين ميكانيكي..وعقبال ماتصير مدير المهندسين :smart:
أولا اللاندكروزر vxr مع الموديل الجديد صاير نفس السعر للكزس لانه الحين زاد مواصفاتها وأصبحت متقاربة..أما الموديل العام فكان سعره الفل 205 ألف والفرق طبعا ناقص بالمواصفات و30 ألف ريال!!
ثانيا!! الكامري مختلف 100% عن اللكزس ES مع إنه نفس الشاصية!! قير أوتو 5 سرعات بينما قير الكامري 4 سرعات!! طبعا هذا غير المقصورة الداخلية إللي تلفى فيها عمرك ماتلقاها بالكامري!! مع مراعاة الفرق بالسعر!!
وإذا تبي أكثر أنا مستعد :cool:
ومسألة تشبيهك السيارة بالكوري هذا رأيك وأنا أحترمه بس حطها في بالك إن الناس إنتقدوها للتعصب لاغير..
وتقبل تحياتي :-)
BoSaLem
11-01-2006, 01:49 AM
سبحان الله وصل الموضوع الى 4 صفحات أغلبه هجوم على السيارة وهم بعدهم لا ذكروا مواصفاتها ولا حد شافها على الشارع بس لحظه عندي سؤال
ليش لكزس هي السيارة الفخمة الأولى في أمريكا وسنويا تحصد جوائز رضا الزبائن والجودة وووووو؟؟؟؟
المرسيدس على عيني وراسي وسيارة فخمة للغاية وكنت حاطنها في راسي بس قلت أنتظر أحسن الين ما تنزل لكزس لكن من كثر هذا الهجوم شكلي بعافها وبدور عن سيارة مختلفة تماما
لو راح تشتري سياره علي ذوق الاعضاء ما راح تشتري :D
أخوي انتظر السياره لما تنزل بالوكاله وروح شوف شكلها واركبها وشوف مواصفاتها ساعتها
انت تقرر هل تستاهل اني انسا كل الكلام الي انقال عنها او لأ
وشكرا :cool:
أبو حسين
11-01-2006, 01:54 AM
نصبر وانشوف المبيعات والانتشار في السوق أعتقد انه راح يكون اكبر دليل على مدى نجاح السيارة
أتفق معاك نصبر ونشوف كيف إقبال السيارة لانه مافي داعي نمدح فيها أو ننتقدها من الحين!!
غريب السيف
11-01-2006, 02:00 AM
شباااااااااااب بسألكم سؤال ؟؟؟؟
منو فيكم مدير شركة لكزس؟؟؟
منو فيكم مدير شركة مرسيدس ؟؟؟؟
منو فيكم مدير شركة بي ام دبليو ؟؟؟
:D :D
اللي قاعد اشوفه كنه مناقشات بين رؤساء الشركات :D
R32 HPA
11-01-2006, 02:51 AM
شباااااااااااب بسألكم سؤال ؟؟؟؟
منو فيكم مدير شركة لكزس؟؟؟
منو فيكم مدير شركة مرسيدس ؟؟؟؟
منو فيكم مدير شركة بي ام دبليو ؟؟؟
:D :D
اللي قاعد اشوفه كنه مناقشات بين رؤساء الشركات :D
حلوه منك :D انا دخلت وشدني عدد الردود قلت لازم نكمل الـــ100 :D
الله يعينكم ياشباب انصحكم بالبايسن عشان تكملوا السهره :D
ولاتنسوا الهيونداي سنتنيال الجديده في الطريق :D
VENOM 11
11-01-2006, 03:00 AM
شباااااااااااب بسألكم سؤال ؟؟؟؟
منو فيكم مدير شركة لكزس؟؟؟
منو فيكم مدير شركة مرسيدس ؟؟؟؟
منو فيكم مدير شركة بي ام دبليو ؟؟؟
:D :D
اللي قاعد اشوفه كنه مناقشات بين رؤساء الشركات :D
آنه مدير اللكزس :D
RED Chevy
11-01-2006, 04:02 AM
حتى لو السيارة كل شي فيها 10 على 10 يضل اسمها تويوتا....
البي ام يضل بي ام اللي له تاريخ من قبل ما ينولد ابو اكبر عضو فينا
المرسيدس نفس الكلام
الكدلك واللنكن نفس الكلام
سيارات لهم تاريخ يشيلهم...
مثال اعطيكم تشلسي فريق قوي وكل مقومات النجاح عنده بس ماله تاريخ بس له هيبة واسم قوي بين الأندية ومشجعينه مايوصولون لعدد مشجعي مانشستر وليفربول مع ان الليفر كمثال انقطعت عنه الألقاب لفترة طويلة جداً ومع ذلك جمهوره موجود...
حطوا في بالكم ان التاريخ يلعب دور كبير فرق بين انك راكب مرسيدس اللي ماتم امير وملك ماركبها وانك راكب لكزس حالك حال غيرك :cool:
RamAir
11-01-2006, 04:12 AM
RED Chevy ردك الصراحة في الصميم والمثال حق تشلسي اهو واقع لكزس للأسف , فيه فرق بين شي له ماضي وحاضر وفرق بين الي ماله الا حاضر فقط عمر لكزس ما يتجاوز 15 سنة فلماذا تشبة بالاسطورة :headshak: اي نعم ابدعت لكن ابداعها عادي جداً كل شي فيها متشابه مع من سبقوها :m:
SKYLINE GTR
11-01-2006, 04:15 AM
فيه ناس عندهم حساسية من كل ما هو ياباني
الله يكون بعونهم
ميكانيكي
11-01-2006, 04:26 AM
سكاي لاين
هذي ليست حساسية
الياباني له حسناته وله عيوبه
الياباني عملي واقتصادي وخراباته قليلة وهذي حقائق
لكن بصراحة ( ماله في الفخامة والترف )
يحاولون في كل سنة ويحاولون وبرضو لما تركب سياراتهم تلاحظ ان الاوروبيات والامريكيات افضل ومتفوقين من ناحية ( الراحة والفخامة والديكورات )
..
ثم كفاية علينا ان نعرف ان معظم انظمة اللكزس منسوخة من الاوروبيات :cool:
ولاحظ شي اهم
نظرا لاعتمادهم الكبير على التقليد في الشكل الخارجي للاوروبيات
فهذا يجعل سياراتهم تظهر احيانا بمظهر باهت وغير ملفت
والسبب انهم مايعتمدون على انفسهم ولايبدعون في التصميم الا نادرا
نظرا لاعمادهم على اشكال السيارات الاوروبية
ميكانيكي
11-01-2006, 04:42 AM
أهلين ميكانيكي..وعقبال ماتصير مدير المهندسين :smart:
أولا اللاندكروزر vxr مع الموديل الجديد صاير نفس السعر للكزس لانه الحين زاد مواصفاتها وأصبحت متقاربة..أما الموديل العام فكان سعره الفل 205 ألف والفرق طبعا ناقص بالمواصفات و30 ألف ريال!!
ثانيا!! الكامري مختلف 100% عن اللكزس ES مع إنه نفس الشاصية!! قير أوتو 5 سرعات بينما قير الكامري 4 سرعات!! طبعا هذا غير المقصورة الداخلية إللي تلفى فيها عمرك ماتلقاها بالكامري!! مع مراعاة الفرق بالسعر!!
وإذا تبي أكثر أنا مستعد :cool:
ومسألة تشبيهك السيارة بالكوري هذا رأيك وأنا أحترمه بس حطها في بالك إن الناس إنتقدوها للتعصب لاغير..
وتقبل تحياتي :-)
لما شبهت التيوتا بالكوري انا ماغلطت
لعلمك الشخصي ان بداية تويوتا كانت مثل بداية الكوري
في السبعينات كان الناس يسخرون منها ويتعبرونها شي جديد ومايصلح
لكن شوف مع الوقت كيف صارت ..الكوري له نفس البداية ايضا وممكن جدا يتطور
....
عموما هذا مو موضوعنا
انت تكلمت عن فرق السعر بين تويوتا ولكزس
من ناحية الvxr انت بنفسك اعترفت ان سعره اصبح مقارب جدا للكزس lx470 والسبب ان المواصفات متقاربة جدا
اذن مالفرق ؟؟
نفس الخشب اللي تلقاه في اللكزس راح تلقاه في الكروزر ونفس الفتحة ونفس الجلد ونفس الشاشه ونفس الديكور ونفس الشاصي
الفرق بينهم (مجرد تفاهات ) اذن اللكزس هو تويوتا ( بس مدلع شوي ) هذي كل السالفة
حتى ال es ( نفس شاصي الكامري )
تخيل يعني لو عندك لكزس تكون انت وراعي الكامري في شاصي واحد :D
لا وابشرك الكامري لو تاخذه ( جراندي ) كامل المواصفات جلد وفتحة وديكور خشب وسي دي ومكينه 6 اسطوانات
راح تشعر بالبؤس اكثر لما تاخذ es ( لانه شبيه بالكامري بس مدلع شوي ايضا ) :)
BoSaLem
11-01-2006, 04:55 AM
حتى لو السيارة كل شي فيها 10 على 10 يضل اسمها تويوتا....
البي ام يضل بي ام اللي له تاريخ من قبل ما ينولد ابو اكبر عضو فينا
المرسيدس نفس الكلام
الكدلك واللنكن نفس الكلام
سيارات لهم تاريخ يشيلهم...
مثال اعطيكم تشلسي فريق قوي وكل مقومات النجاح عنده بس ماله تاريخ بس له هيبة واسم قوي بين الأندية ومشجعينه مايوصولون لعدد مشجعي مانشستر وليفربول مع ان الليفر كمثال انقطعت عنه الألقاب لفترة طويلة جداً ومع ذلك جمهوره موجود...
حطوا في بالكم ان التاريخ يلعب دور كبير فرق بين انك راكب مرسيدس اللي ماتم امير وملك ماركبها وانك راكب لكزس حالك حال غيرك :cool:
السالفه مو بالعمر !! ممكن اجيب لك واحد عمري 20 سنه عقله اكبر من ابو 50 !!
الكزس جم عمره 16 سنه وشووف وين ووصل ووين وصلت مبيعاته وبالذات بأمريكا الي تقول انها
سيارتها فخمه دام جذي ليش سيارات الامريكان اقل مبيعا في سووقهم ؟؟
انا اعتبره انجاز صراحه من لكزس الي دشت المنافسه بعمر قصير
والسلام ختام :smart:
الشرقاوي
11-01-2006, 05:06 AM
اقول هدو اللعب :D :D :D
وتحيه لشركة انجبت سياره في عام 1988والاان مافيه فرق بينها والسيارات اللي لها اكثر من قرن :D
ياناس صدقوني شوي شوي اليابانين راح يحكمون العالم وابفهم ليش السياره سعرها مايكون غالي يمكن فيها حاجات احسن من المرسدس :think:
وبعدين اذا كانت فيه المواصفات والسعر الاقل هذا يكون بصالح السياره مو ضدها
بس ملاحظه اخيره تشوفون ان لكزس راح تغيير شكل كل موديلاتها لاحظو معاي الشكل الخارجي يذكرني بالجي اس يعني كنها اختها الكبيره واكيد الاي اس بتلحقهم والمفاتيح زي بعض :think:
باختصار بتصير زي فئات المرسدس والبي ام كللها تتشابه :m:
أبو حسين
11-01-2006, 06:38 AM
لما شبهت التيوتا بالكوري انا ماغلطت
لعلمك الشخصي ان بداية تويوتا كانت مثل بداية الكوري
في السبعينات كان الناس يسخرون منها ويتعبرونها شي جديد ومايصلح
لكن شوف مع الوقت كيف صارت ..الكوري له نفس البداية ايضا وممكن جدا يتطور
....
عموما هذا مو موضوعنا
انت تكلمت عن فرق السعر بين تويوتا ولكزس
من ناحية الvxr انت بنفسك اعترفت ان سعره اصبح مقارب جدا للكزس lx470 والسبب ان المواصفات متقاربة جدا
اذن مالفرق ؟؟
نفس الخشب اللي تلقاه في اللكزس راح تلقاه في الكروزر ونفس الفتحة ونفس الجلد ونفس الشاشه ونفس الديكور ونفس الشاصي
الفرق بينهم (مجرد تفاهات ) اذن اللكزس هو تويوتا ( بس مدلع شوي ) هذي كل السالفة
حتى ال es ( نفس شاصي الكامري )
تخيل يعني لو عندك لكزس تكون انت وراعي الكامري في شاصي واحد :D
لا وابشرك الكامري لو تاخذه ( جراندي ) كامل المواصفات جلد وفتحة وديكور خشب وسي دي ومكينه 6 اسطوانات
راح تشعر بالبؤس اكثر لما تاخذ es ( لانه شبيه بالكامري بس مدلع شوي ايضا ) :)
أنا والله الصراحة مدري كيف أتناقش معاك؟؟!!! الصراحة إحترت معاك!!!
أحاول أفهمك فيه أشياء باللكزس مختلفة عن التويوتا لكنك مصر على رأيك!! :confused:
تذكر إنك كنت تحاول تقنعني إنه الـlx470 نفس اللاندكروزر Vxr وقلت إنه فيه فرق بالسعر أوكيه؟؟ :smart: لاتنسى إنك قلتها!!
السعر والمواصفات صحيح متقاربة..لكنني أراهن أنك لم تسمع بمواصفات اللاندكروزر الجديدة 2006 الحين صار فيه نافقيشن وتخشيب أصلي!! أول سنة 2005 كانت ماتجيب اللكزس ولو تبيض ذهب التخشيب ماهو تخشيب لكزس وماكان فيه شاشة!! لكن الحين اللاندكروزر تغير ولم يصبح مثل اللكزس إلا حديثا!! أما بقية سيارات تويوتا فمواصفاتها بعيدة عن اللكزس!! هذا هو المقصود!!
بعدين وش فيها التويوتا أليست سياراتها ذات جودة رائعة وممتازة؟؟
من جهة أخرى...............................
من متى الجراندي توقف جنب الـES???? بحكم إنها نفس الشاصية؟؟؟؟
الـES فيه مسخن المراتب بينما الجراندي مافيه!! وغيرها من المواصفات مثل المفتاح الذكي!!
كلمة أخيرة ولن أرد عليك بعدها..
لاتحكم السيارة من إسمها أو مظهرها بل جرب السيارتين فالتجربة خير البرهان
مؤيد اف1
11-01-2006, 09:05 AM
أوكي لكزس أكثر سياره فخمه عملية وتقريباً ارخصهم بس مو الافخم ولافضل والاترف هذا الي يبي يوصل له اكثر العالم :D
هذا سبب انتشارها مشرفنا AMG
:p
انا اتفق معاكم في أنه اليابانيين ما عندهم روح الابتكار في تصاميم السيارات يعني نادرا ما نشوف سيارة يابانية جميلة عدا انفينيتي اف اكس ونيسان جي تي ار مؤخرا والزد لذلك يقتبسون بعض تصاميم الأوروبيين في سياراتهم :)
الأنصاري
11-01-2006, 11:54 AM
طبعا انا ما احب اتناقش يوم ماتكون في حياديه
بس في نقطه وحده حبيت اقولها :)
بخصوص التاريخ :) بصمه يتركها اي واحد في الحياه وهو شي يتذكرونك فيه الناس ولكن التاريخ يصير في مستقبل مجرد تاريخ مو شي ينوزن عليه الحاضر
في يوم من الأيام كانت الحضاره الإسلاميه من اقوى الحضارات ولكن الحين هل شفع لها تاريخها
روسيا في يوم من الأيام كانت اقوى دوله في العالم ولكن هل شفع لها تاريخها
امريكا الحديثه الجديده الي بدون تاريخ حاليا اقوى دوله في العالم
يوم نزلت سيارات تويوتا في باديتها وكان الأمريكي لاعب في السوق في تره بسطيه خسرات وانمحت من الوجود ماركات امريكيه عريقه وحتى الى ما انمحى تخبط وضاع وخسر مثل كدلك ودوج والحين يحاولون يرجعون على اكتاف الآخرين
التيوتا الي الكل مستهين فيها هي الصانع الثاني على العالم او الثالث مو متبع الإحصائيات بس في شركات وايد اعرق منها ماشفناها قربت منها
دوام الحال من المحال انا ما اقول ان الكزس احسن من المرسدس ولا احسن من البي ام
الي ابي اقوله بكل حياديه ان السياره الي في الصوره سياره ناجحه وراح تكستح السوق بدون شك وفيها مميزات حلوه
عموما ما ابي اطول بس اقول الي يحب ينتقد لازم يكون انتقاده بناء بس مجرد دش كلام لا راح ولا جيه ما اشوف له دعاي
المشكله اغلب الإنتقادات الي من هذه النوعيه ماترتبط بالواقع بصله 90% من السيارات الي بنتقدون شكلها في المنتدى اشوفها اكثر سيارات انتشار في العالم
ومن الطريف ان كل ماتنزل سياره تويوتا يقولون انها قبيحه تكون نسبه المبيعات فيها الأولى على العالم
بن غالب
11-01-2006, 01:12 PM
و بعدين يا شباب بالنسبة للكروزر و السيارات اللي تجي من الخارج تحسبون الخشب و الزينه من عند الوكالة!!! روحوا لمحلات التنجيد و التخشيب و اسألوهم من وين الخشب..وشوفوا الشركة وين مكانها...بتتفاجاون انها مو من عند الوكاله نفسها,,,انا اتكلم عن التويوتا و بعض الشركات وليس اللكزس...مثلا الكروزر و الكامري و و و و ...كلها من عندنا زينتها :ranting: هاللي خبرني اياه اكثر المحلات..في شركة تسوي التخشيب للوكالات... :p لكن بالنسبة للكزس و السيارات الالمانية..هاذي خشبها ياي من الوكالة نفسها...يعني مافي داعي نسوي حشرة على زينة التويوتا و تشبيهها باللكزس... :think:
مؤيد اف1
11-01-2006, 02:52 PM
يوم نزلت سيارات تويوتا في باديتها وكان الأمريكي لاعب في السوق في تره بسطيه خسرات وانمحت من الوجود ماركات امريكيه عريقه وحتى الى ما انمحى تخبط وضاع وخسر مثل كدلك ودوج والحين يحاولون يرجعون على اكتاف الآخرين
الكاديلاك رجعت بقوه..كفاية 3 سيارات كاديلاك في قائمة افضل 10 سيارات فخمه مبيعاً :cool:
http://www.ultimatecarpage.com/images/gallery/naias2006/721.jpg
http://www.ultimatecarpage.com/images/gallery/naias2006/722.jpg
http://www.ultimatecarpage.com/images/gallery/naias2006/723.jpg
http://www.ultimatecarpage.com/images/gallery/naias2006/725.jpg
http://www.ultimatecarpage.com/images/gallery/naias2006/726.jpg
http://www.ultimatecarpage.com/images/gallery/naias2006/727.jpg
http://www.ultimatecarpage.com/images/gallery/naias2006/729.jpg
http://www.ultimatecarpage.com/images/gallery/naias2006/730.jpg
kaser annassr
11-01-2006, 03:45 PM
بسم الله الرحمن الرحيم
السلام عليكم ورحمة الله وبركاته
أولا أخواني
أخي الكريم XenonX®:
أحسك شوي معصب الشغلة كلها ما يبالها
الحين قلي
كل شي حورته وفصلته بكيفك ,.,,,,, اسمحلي
يعني نظام ESP مادري شفيه مب عاجبك أخوي للعلم يكفيك برآءات الإختراع للمرسيدس
يعني الحين انت لازم تدور منو الي بدا كل هالتقنية وترد عليه فضلها من بعد الله سبحانه وتعالى
الأخ الي يقول ان اللكزس ما ظهرت إلا من 1988 أخي الكريم
اللكزس قامت على قواعد تويوتا وتويوتا شركة قديمة ........... ( بس على الفاضي )
يعني عمر لكزس أهو من عمر تويوتا وازودي على قولة البداوى
أخي الكريم لا تنسى ان كثير شركات قامت على أكتاف مرسيدس بنز
يعني الحين انا وانت وهالشباب الي في سوالف لو عندنا 100 مليار دولار وبينيا مصنع في أي دولة وجبنا كم من مهندس ورحنا تعاقدنا مع شركة اثاث سيارات وقلنا لهم نبي فرش احسن من الي في المايباخ نفسها وين الخلل
اقلك ابنطلع سيارة عالمية أكثر من المايباخ بس ليش رح نجي نشوف ان مرسيدس مخترعة ESP نشيله ونحطه بروحه على السيارة
نجي ونحط لها محرك 16 اسطوانة وخلاص
نجي لنظام ABS ونلصقه مثل ما هو تماما
يعني هذه هي كل السالفة برمتها
أرجع لاخوي XenonX®:
أخي الكريم
اشوف انك قريت نقاط ونقاط يمكن ما مريت عليها
اخي ليش ما تكلمت عن نظام (pre safe)
ليش ما ابديتنا انقاداتك في نظام ABC الي مو بس لكزس عاجزة عنه لا وبعد البي إم دبليو والأودي والجاكوار والكاديلاك
ليش ما عطيتني رأيك في نظام السقف البانورامي
ليش ما عطيتني رايك في نظام كوماند
ليش ما عطيتني رأيك في نظام الفورماتيك الي ماسوته لكزس للحين
ليش ما عطيتني رأيك في نظام السقف المصنوع من الفولاذ المضغوط لأول مرة في العالم
ليش ما عطيتني رأيك في الجير سباعي النسب الأوتوماتيكي
ليش ما عطيتني رأيك في نظام ( بريك اسيست ) مساعد الفرملة
كمان يبدو انك نسيت تقولي تصريح بخصوص رأيك في نظام الهيدروليك التعليق حق الفئة إس كلاس الي لكزس ومن وراها البي إم دبليو ومن وراها اودي وكل هالمجموعة ما وصلو له
ليش ما عطيتني رأيك في نظام الحساس ولأنه صار من مرسيدس صار قديم وماله داعي اخي الكريم حساس يرصد 150 متر بزاوية انفراج ثمانين يمكن انك ما قدرت تتخيلها
وين رأيك من نظام ( ديسترونيك ) لحفظ المسافات بين السيارات
وين رأيك من نظام البريك الأوتوماتيكي التلقائي
وينك من السقف الي زودت الشركة مواقع الإنترنت والوكالات بكتيبات إنقاذ لتدل فرق الإنقاذ على أماكن القص لقوته وصلابته
أخي الكريم وين لكزس وبي إم دبليو وغيرها عن محركات مرسيدس بنز الأكثر تعميرا وجودة على الإطلاق
أخي الكريم كل هالأنظمة ما تكلمت عنها واغفلتها تماما ولا كأن لها اي فائدة فقط لأن مرسيدس هي الصانعة لها
بالنسبة لمحرك اللكزس والتسارع اقول لكم
تسارع اللكزس هو 5.5 ثانية
تسارع المرسيدس S500 هو 5.4 ثانية يعني الفرق لمرسيدس بنز
وغير كذا انت تغفل الوزن هل تعلم انو وزن المركبة الصافي لمرسيدس يفوق 2000 كيلو يعني طنين
ووزنها الإجمالي أكثر من 2500 كيلو يعني طنين ونص
وين
وين وزن اللكزس جيبوه وقارنوه ما في سيارة لها هذا التسارع ومع هالوزن الهائل جدا
بالنسبة لقصة نظام الرؤية الليلية حق الكامري وما دري شو انا ما قلت ان المرسيدس او من اخترعه لا اتوقع كاديلاك اول من اخترعه
بس لا حصلت بجودة ودقة المرسيدس تعال قلي هنا بالمنتدى حتى حق البي إم دبليو الي طلع بعد المرسيدس ما جا بنفس الدقة والجودة والوضوح واتوقع الإنترنت مليان بصور من هالقبيل ممكن ترجع لها وتتأكد بنفسك اخوي
560SEL
11-01-2006, 04:02 PM
والله العظييييييييييم مادري من أرد عليه ................ :(
والله مساكين اللكزس الجديدة لعبت فيكم لعب ...والواحد مو قادر يستوعب الصدمة لسبب بسيط هو أنها جاءت فقط لتأكل السوق على المرسيدس الجديد ......... :banana:
ياشباب فكروا في المنطق ولا أحد يتعصب ............
على العموم المواصفات ماطلعت كلها والباقي في الطريق ........
هذا رأيك عزيزي ...........بس نسيت فلكس واجن وميزراتي وساب وبيجو وسيتروين وسيات :D
أكيد لأنه لكزس سوتها ......صارت شيء بسيط وأي واحد يسويها !!
اخوي نظام ESP نظام مغبر وقديم ويعتمد على نظام وفكرة قديمة .........طور عقلك بنظام VDIM .
اخوي هذا المحرك 4.6 لتر نفس قوة محرك S500 اللي مزعجيننا فيه وسعته بعد 5.5 لتر <<< شف فرق السعة ونفس القوة عشان تعرف وش معنى شيء اسمه تقنيات محرك ياحلو ......والتسارع اللكزس أسرع لأن المرسيدس 5.5 ثواني واللكزس أقل (بدون تحديد حتى الآن).
يوووووووه هذا غبار بحاله ....... :D ....نظام الرؤية الليلية موجود في التويوتا من 2002 في اليابان يعني النظام عند اللكزس قديييييييييم ياعزيزي :D ...وهو موجود في LX 470 المباع في أمريكا من عام 2003 والمرسيدس أخذوا النظام بالنصصصص ومانسوا بعد ياخذون الاسم Night View والله حالة :D .........وعلى فكرة نظام الهوندا الليلي (إذا أصلاً فيه أحد يدري إن هوندا عندها) أفضل نظام رؤية ليلية في العالم أفضل من المرسيدس والبي إم واللكزس..............مشكلة البعض إنه يعيش في المرسيدس وبسسسسسس ولا يطور تفكيره .
الحساسات حركة قديمة مادري وش جابها هنا ؟؟؟ على العموم انتظر نظام الوقوف الذكي في اللكزس (إذا تم تطبيقه) وبعدها سلم لي على الحساسات :D
باقي المواصفات ................ننتظر طرح المواصفات كاااااااااااااااملة ...
كل واحد جايب لي سيارة .. :D .....ولكن هناك شيء مشترك وهو الصدمة من صاروخ لكزس الجديد :-)
درس مجاني في التعصب :-) .......أجل منين جابوا فكرة 7 سرعات ؟؟؟ لأنهم يبي يطورون أبو 6 سرعات ؟؟ طيب أبو 6 سرعات ؟؟؟ لأنهم يبي يطورون أبو 5 سرعات :D :D ......شفتوا كيف التعصب :-)
حتى أنا لاحظت إنه مسمار الكفر الخلفي يشبه تصميم مسمار الأودي تبع الكفر الأمامي ...
شفتوا كيف التشبيهات الدقيقة التي تستخرج بالمنقاش :-)
ياخي كل كلامك تقليد × تقليد ومسوي عيوب الله يهديك بس .....يعني معجبك (نسخ لصق) المرسيدس للـ BMW ???
ونسيت سبب مهم ........إن السيارة ماتكون من تويوتا ولكزس :-)
حطوا 8 سرعات و 19 سماعة وهارديسك 8 جيجا و فئتين ومحرك خطير بسعة قليلة وقوة كبيرة <<< مواصفات حتى الآن ..........ومع ذلك كلها جايبينها من غيرهم ...والله مافيه أمل تعجبكم لو خلوها تطييييييييييييييييير ....
على العموم أنا أقدر الصدمة التي يعيشها البعض .....ولكن وش نسوي هذي هي لكزس وصدماتها المتلاحقة والله يعينكم على تجاوزها :D
تحياتي
الله يهديك يا أخوي انت تتكلم بعواطفك الجياشه ناحية لكزس
بالنسبه للتقليد حق مرسيدس فسبق و وضحت النقطه هذي و لك انت خصيصا ان التصميم الداخلي مهوب تصميم لا مرسيدس و لا BMW انما هو تصميم SIEMENS و لا تصير كذا خفيف و معصب :D
نظام VIDM : مجرد تغيير تسميه يا أبو الشباب عشان يقال انهم هم اللي طوروا النظام فأيضا لا تصير منقاد خلف الدعايه :D
بالنسبه للتسارع شف وزن اللكزس كم و وزن المرسيدس كم ؟؟ هذي أمور ما تقدر تهملها أبدا
بالنسبه لنظام الرؤيه الليليه فهذا ما فد سمعنا عنه قد و اذا عندك أدله هاتها
هالحين صار النزول من المرسيدس للتويوتا هو التطور في التفكير :D ما أقول الا الله يصلحك :D
يا أخي و الله مشكله نظام الوقوف الذكي .. بيدمر ال Distronic Plus و بالذات ان نظام الوقوف الذكي ما طلع على ال X5 قبل ما تفكر فيه تويوتا :D
صاروخ لكزس :D ما أقول الا الله يصلحك انت و لكزس حقتك :D
أجل لأنهم بيطورون ال 6 سرعات و ال 6 سرعات يبون يطورون ال 5 سرعات و ال 5 سرعات يبون يطورون ال 4 سرعات
المشكله ان تطوير الجير من 5 سرعات الي 6 سرعات أخذ وقت طويل و لكن أبو 8 سرعات طلع مثل البرق بعد ال G7 Tronic و ال SGM-7 يا أخي ركز شوي في كلامك لأنك قاعد تقول كلام ينم فعلا عن تعصب و عاطفه جياشه تجاه تويوتا :D
طبعا معجبني النسخ و اللصق حق مرسيدس لأنه مو تصميم BMW مثل ما ذكرت و انما هو تصميم شركه ثانيه هو SIEMENS و لو كان فعلا على كلامك نسخ و لصق كانت BMW سوت بلاوي أو على الاقل تشمتت في مرسيدس ... يا أخي عندك عقل فكر فيه شوي قبل ما تطلع الكلام بالطريقه العشوائيه هذي :D ... الله يصلحك بس :D
صدمة ايش و خرابيط ايش هذي تويوتا و ما تسوي تنتظر التصاميم و الاختراعات و تاخذها على الجاهز
حتى شكل الجير ما رحموه مسروق من مرسيدس من أيام التسعينيات بالنص :D
انا ما فيه شئ بيني و بين تويوتا و لكن كلامك و تعصبك اللي زايد عن حده يخلي الواحد يرد عليك بطريقه مش و لا بد :D
احترامي لك و ل تويوتا حقتك
الله يهديك بس :D
kaser annassr
11-01-2006, 04:06 PM
بسم الله الرحمن الرحيم
السلام عليكم ورحمة الله وبركاته
عفوا حبيت اضيف بعض النقاط
أخوي الكريم
بالنسبة لغير المرسيدس السباعي النسب الأمامية
يقتصد في صرف الوقود بكمية لا بأس بها
يزيد سرعة القومة
يساعد في حالات الفرملة المفاجئة
لأنه يسمح لك بنقله من الغير السابع للخامس أو الرابع دون ان تمر بالغير السادس والخامس مثلا
شي ثاني بعد
قلي وين لكزس وانفينيتي وجاكوار وبي إم دبليو وأودي ( مع أني من محبي الأودي ) وكاديلاك من
طلاء الوبيم لمرسيدس
طلاء مرسيدس المعدني غير القابل للخدش
كوابح معمرة بعمر السيارة من السيراميك
كفالة من الصدأ عمر السيارة
أخي الكريم مرسيدس شركة عملاقة ما هي هينة تقارنها باللكزس
أخي الكريم
وين كل هالشركات من مرسيدس من كل النقاط الي ذكرتها
فقط يجون ويحطون كم زر ويقولون هذي اوبشن غير متوفرة بالمرسيدس
خلهم يطلعون المراجل في الميكانيك وفي التقنيات الثبات والسلامة
وفي المحركات
أنا معاك ان محرك المرسيدس اكبر عن محرك اللكزس بحوالي 1 لتر
بس في طراز اخر من محركات مرسيدس بنز الثمانية أسطوانات
هو
460 الي نزل حاليا على الفئة G والي رح ينزل إن شاء الله قريبا على الفئة S
هذا بنفس سعة محرك اللكزس بس قوته اقل 340 حصان
يعني الفرق واضح لصالح اللكزس بس الشغل العدل عند عزم الدوران اخوي ووعند التسارع من فوق المئة وفي السرعة القصوى يعني عزم دوران ال S500 يصل إلى حوالي 530 نيوتن متر
تتوفر ما بين 2800 إلى 4800 يعني ما تحتاج تزيد الضغط على المكينة أبددددد
وعزم دوران ال GL460 هو 460 نيوتن متر تتوفر ما بين 2700 إلى 5000 دورة في الدقيقة يعني ما تحتاج دوران زائد للمحرك
مثلا ال S500 تتسارع من ال 60 إلى 120 خلال 5.6 ثواني
يعني ليس فقط التسارع المهم اهو من 0 إلى 100 لان التسارع الي يبغاله شغل أكبر اهو من فوق المئة يذوب الثلج ويبان المرج (( مثل من سوريا ))
وفي الختام تقبل خالص اماني لك بقضاء عيد سعيد اعاده الله علينا ونحن إليه أقرب
أخوكم :p
kaser annassr
11-01-2006, 04:21 PM
بسم الله الرحمن الرحيم
السلام عليكم ورحمة الله وبركاته
خلاص جبت لكم وزن المرسيدس S500
الوزن يبلغ 2565
فقط
ننتظر وزن اللكزس
كرمبع
11-01-2006, 04:28 PM
بسم الله الرحمن الرحيم
السلام عليكم ورحمة الله وبركاته
عفوا حبيت اضيف بعض النقاط
أخوي الكريم
بالنسبة لغير المرسيدس السباعي النسب الأمامية
يقتصد في صرف الوقود بكمية لا بأس بها
يزيد سرعة القومة
يساعد في حالات الفرملة المفاجئة
لأنه يسمح لك بنقله من الغير السابع للخامس أو الرابع دون ان تمر بالغير السادس والخامس مثلا
شي ثاني بعد
قلي وين لكزس وانفينيتي وجاكوار وبي إم دبليو وأودي ( مع أني من محبي الأودي ) وكاديلاك من
طلاء الوبيم لمرسيدس
طلاء مرسيدس المعدني غير القابل للخدش
كوابح معمرة بعمر السيارة من السيراميك
كفالة من الصدأ عمر السيارة
أخي الكريم مرسيدس شركة عملاقة ما هي هينة تقارنها باللكزس
أخي الكريم
وين كل هالشركات من مرسيدس من كل النقاط الي ذكرتها
فقط يجون ويحطون كم زر ويقولون هذي اوبشن غير متوفرة بالمرسيدس
خلهم يطلعون المراجل في الميكانيك وفي التقنيات الثبات والسلامة
وفي المحركات
أنا معاك ان محرك المرسيدس اكبر عن محرك اللكزس بحوالي 1 لتر
بس في طراز اخر من محركات مرسيدس بنز الثمانية أسطوانات
هو
460 الي نزل حاليا على الفئة G والي رح ينزل إن شاء الله قريبا على الفئة S
هذا بنفس سعة محرك اللكزس بس قوته اقل 340 حصان
يعني الفرق واضح لصالح اللكزس بس الشغل العدل عند عزم الدوران اخوي ووعند التسارع من فوق المئة وفي السرعة القصوى يعني عزم دوران ال S500 يصل إلى حوالي 530 نيوتن متر
تتوفر ما بين 2800 إلى 4800 يعني ما تحتاج تزيد الضغط على المكينة أبددددد
وعزم دوران ال GL460 هو 460 نيوتن متر تتوفر ما بين 2700 إلى 5000 دورة في الدقيقة يعني ما تحتاج دوران زائد للمحرك
مثلا ال S500 تتسارع من ال 60 إلى 120 خلال 5.6 ثواني
يعني ليس فقط التسارع المهم اهو من 0 إلى 100 لان التسارع الي يبغاله شغل أكبر اهو من فوق المئة يذوب الثلج ويبان المرج (( مثل من سوريا ))
وفي الختام تقبل خالص اماني لك بقضاء عيد سعيد اعاده الله علينا ونحن إليه أقرب
أخوكم :p
والله انا اؤؤيدك فهالكلام... وبالضبط هالكلام اللي ابغي اذكره...
مادري احس الكثر مش فاهم بالسيارات يوم يشوف ازرار ومادري شو يقول انها خلاص كسحت الالمانيات...
صدقوني ياجماعه هالازرار صارت عادة جديمة يعني السيارة سيارة بميكانيكياتها "التحدي الحقيقي " مش السيارة ريموت كنترول رسيفر والا تلفزيون علشان انضيف عليها مليون زر...
احس عادت الازرار شغل هنود يعني شي سخيف رغم ان التقنية الجديدة في عالم السيارات التقليل من مواضيع المفاتيح والازرار اللي ممكن تكون كل هالازرار اللي اتشوفونها في مفتاح واحد فقط...
وبالفعل مثل ماذكر كاسر...
تحدي الالمانيات مش بالالكترونيات... التحدي الحقيقي في عالم السيارات الميكانيك... اقصد في ذلك الثبات والتعليقات والسلامة في وقت الحوادث يعني معظم التجهيزات اللي اتشوفها فالسيارات الالمانية عادة... هذا التحدي الحقيقي لو بتقارن سيارة باخرى... فكر انته في شارع معرض للخطر في اقل من ثواني من كل النواحي... فماراح تفيدك هالازرار... غير التجهيزات الخاصة بالسلامة اللي يتقنها الالمان ويقهرون العالم بانبهاراتهم في هالمجال.
لا اقلل من فخامة لكزس... ولكن من وجهة نظري... احس اللكزس سيارة السواقين الكسلاء اللي مايحبون حتى يسمعون انههم يسوقون سيارة او يشعرون بها ومايحبون انهم يحسون بقساوة الطريق من نعومه السيارة ومايحبون يعرضون سياراتهم عالصيانة الدورية الا عقب عشرين سنه... ناهيك عن السائقين اللي يطمحون للفخامة بس بسعر اقل "مايدري ان الفشخره تبغي دراهم من الوزن الثقيل"
اذا انته من محبي اللكزس فانت منهم بالضبط....
وجهة نظر وتعبير عن رأي شخصي بحت...
المغتر بنفسه:)
كـــرمــبــــع :knight:
ما خلصتوا انتوا :(
خلاص يا جماعة
لكل سيارة محبينها :D
هدوى اللعب الشوي
في ناس تقول اللكزس احسن وفي ناس تقول المرسيدس احسن وفي ناس تقول البي ام احسن وفي ناس تقول الكورلا احسن وهكذا دواليك :sleep:
كرمبع
11-01-2006, 06:27 PM
ما خلصتوا انتوا :(
خلاص يا جماعة
لكل سيارة محبينها :D
هدوى اللعب الشوي
في ناس تقول اللكزس احسن وفي ناس تقول المرسيدس احسن وفي ناس تقول البي ام احسن وفي ناس تقول الكورلا احسن وهكذا دواليك :sleep:
وفي ناس تقول السيفيك احسن
وفي ناس تقول الكامري احسن
وفي ناس تقول الهامر احسن
وفي ناس تقول الكورفيت احسن
وفي ناس تقول المشي احسن
وفي ناس تقول الحداق احسن
وفي ناس تقول الطيران احسن
وفي ناس تقول الركض احسن
وفي ناس بتاخذ كل حاجة مع انها مش محتاجه:)
مع احترامي لكل الناس واحسن الناس :eek: :knight:
الاحسن دوم:)
كـــرمــبـــع والعالم
big block
11-01-2006, 06:29 PM
اللكزس يستهبل :eek: :eek: :knight: :knight:
kaser annassr
11-01-2006, 06:30 PM
بسم الله الرحمن الرحيم
السلام عليكم ورحمة الله وبركاته
يا شباب أبغى اقولكم حاجة مهمة وأهي بخصوص عمر السيارة
الحين يا شباب مايباخ كانت موقفة أكثر من 64 سنة تقريبا أو ما دري كم على وجه الخصوص
جت مرسيدس وصنعتها تحت اسمها وبهندستها وبملكيتها كمان
صارت موديل 2002
هل نستطيع الآن ان نقول أن عمر ما يباخ هو 4 سنوات أو عمرها من بدايتها إلى الحرب العالمية الثانية + من 2002 إلى 2006
بالتأكيد لا
ليش لأن الي صنعها هو مرسيدس الشركة الي عمرها أكثر من 100 عام أول سيارة في العالم
يعني لا نستطيع الآن ان نقول أن مايباخ شركة عمرها 3 سنوات أو 4 سنوات تغلبت على مرسيدس بنز وعلى بي إم دبليو وعلى أودي وعلى رولز رويس
لا لا
لا يمكن لأن تقنيات المايباخ جات من شركة عمرها أكثر من 100 عام
إذن عمر مايباخ التقني أكثر من 100 عام (( علاقة طردية ))
ولو كانت الأشياء تقاس بمفهومكم كان كل الناس قالوا ان مايباخ هي أفضل سيارة في العالم لأنها تغلبت على كل من ( رولزرويس , مرسيدس بنز , بنتلي , اودي , كديلاك ...إلخ ) وعمرها لم يتجاوز 4 سنوات فقط يعني لسة طفلة بالقياس لمرسيدس وبي إ م دبليو ورولزرويس وهالشلة هاذي
شي ثاني
لعلمكم أحد أهم الأسباب الي خلت تويوتا تفتح فرع ثاني تحت مسمى لكزس أهو شيئين
1 أن تتخلص من الزيادات الضريبية التي ترتبت عليها حيث ( كلما زاد الإنتاج زادت الضريبة ) مبادئ ربوية من النظرة الشرعية ,,,,,,
مثلا
كل ألف سيارة عليها (( قلت مثلا )) 100 ألف دولار
طبعا ما بين 1 إلى 20000 ألف سيارة
لكن كل ألف سيارة ما بين 20000 و 40000 عليها 200 ألف دولار
يعني الحين لما هينتجون 40000 سيارة هيدفعو ( مثلا )
عن ال 20000 الأولى مبلغ قدره 100 ألف دولار × 20
= عشرين مليون
عن ال 20000 الثانية هيدفعو
200ألف × 20 = أربعين مليون (( طبعا هذا مثال والأرقام قد تكون غير حقيقية ))
فلما تويوتا صارت شركتين صارت تنتج 40000 سيارة ولكن 20000 من تويوتا و20000 من لكزس (( مثال ))
وبالتالي هتدفع عن كل 1000 سيارة 100 ألف دولار هنا وهناك
بدل ما تدفع عن 20000 ألف بسعر 100 ألف لكل 1000 سيارة عن ال 20000 سيارة
وتدفع عن كل 1000 سيارة من الي بين 20000 - 40000 هتدفع عنهم 200 ألف دولار عن كل 1000 سيارة
أما الحين لا
خلاص الدولة تحاسب تويوتا على 20000 سيارة
وتروح لعند لكزس يقولون لا حنا شركة بروحنا ومالنا خص بتويوتا ويعطوهم ضرائب عن 20000 سيارة الي عندهم
طبعا مثال والأرقام ربما تكون غير حقيقية
واضح قصدي
2 النقطة الثانية هو انو تنزل سيارة حملت خصيصتين
أ . ==== حين الحاجة إلى الاسم فإنها تويوتا مطورة وبالتالي لها تاريخ
ب. ==== عند عدم الحاجة إلى الاسم سيقولون هي سيارة مختلفة تماما نشأت عمام كذا و تأسست في سنة كذا
وبالتالي
جعلو للكزس فرع الفخامة من جهة وهي مختلفة عن تويوتا ( حسب قولهم )
وأيضا في نفس الوقت حين يريدون ان يعرفوك بالسيارة سيقولون الا تعرفها أنها سيارة الملايين حول العالم إنها تويوتا (( والنعم والله ......... :eek: :eek: ))
ولكن لماذا لم تسمى تويوتا ...X على غرار تويوتا كريسيدا أو تويوتا كراون
سيقولون لك لانها مختصة بالترف والفخامة
وبالتالي ما راح تلاقون اخطر من اليابانيين في الأمور
خذوها مني أخوكم الفقير إلى ربه كاسر النسر
وكل عام وانتو بخير إن شاء الله
:banana: :banana: :banana: :banana: :banana:
أبو حسين
11-01-2006, 07:32 PM
قد يكون أسلوبي فيه شوي لكن أقترح بإغلاق الموضوع فأصبح النقاش ضائع ولا هدف منه سوى إثبات أن الفلاني أحسن من العلاني وسلامتكم!! :(
^^^^^
والله انك صادق
كل واحد يبي يثبت ان السيارة الي يحبها ومتعصب لها هي الاحسن
وانا اقول لكم وش الاحسن
السيارات الصينية :D
grandv8
11-01-2006, 07:51 PM
السلام عليكم ورحمة الله وبركاته
الحين كل واحد نزل رأيه وتقول السيارة عنده وانه مجربه او انه خلاص عجبته
اخواني ترى التجربة للسيارة الجديدة ترى اكبر برهان على دقة تفاصيلها مواصفاتها.
ولاتنسوا مواصفات اللي تجي بالخليج اقل مواصفات من كل دول العالم.
وخاصة السيارات اليابانية مواصفاتها اقل شي.
كل واحد نزل بي ام ديليو ومرسيدس وسيارات ثانية.
في سيارات لها فخامة لاتحسد عليه وانه على مرور السنين طورتها اكثر فااكثر
عكس السيارة اللي جت من فترة قصير واخذت التكنولوجيا من السيارات.
يعني وين التطور يعني كوبي وبيست فقط.
اخواني كل واحد يفكر صح قبل ماتحكم على سيارة
نتظر وصول السيارة للخليج ونحكم عليه من خلال ملاكها للسيارة.
جزاكم الله خير
:smart:
BoSaLem
11-01-2006, 08:04 PM
الصراحه الصور الاخيره الي حطها اخونا Amg تتكلم عن نفسها وتقول وين الي ينفاسني
:D مشكور اخوي والله ابهرتني هالسياره والكلام كله ضايع ننتظر نزول السياره ونشوف
مواصفاتها :banana:
560SEL
11-01-2006, 08:10 PM
قد يكون أسلوبي فيه شوي لكن أقترح بإغلاق الموضوع فأصبح النقاش ضائع ولا هدف منه سوى إثبات أن الفلاني أحسن من العلاني وسلامتكم!! :(
أخوي لكزس كلامك و ما قلنا فيه شئ
و الانتقادات اللي حطيتها حطيتها مجرد وجهات نظر مبدئيه و قد تتغير و كن مثل ما شفت بعض الناس الله يهديه صار يرد بهمجيه و لا يفكر في الكلام اللي يقوله و طبعا لكل فعل ردة فعل مساويه له و الاتجاه و أشد منه قوه :D
و انت أدرى واحد هنا انه ما فيه شئ بيني و بين لا لكزس و لا غيرها :-)
UaE Nightmare
11-01-2006, 08:55 PM
لو كنت ادري بس اني بسبب لكم هالمشااكل
كنت ببيع الشركتين :ranting:
خليتوني اندم اني عطيتهم التصريح يعرضون اللكزس :D
على العموووم مانقدر نحكم عليها الا لما نشوفها على الوااقع لان حتى الحين
مواصفااتها غير معلن عنها :sss:
مابقووول رأي في اللكزس انا اخااف ياكلوني بعض النااس :cry1:
سي يو لييطر
:knight:
ميكانيكي
11-01-2006, 09:18 PM
^^^^
قول رايك ولاتخاف من حد
كلنا قلنا وجهات نظرنا
اجل ليش سجلت في المنتدى اساسا لو كنت راح تحاتي فلان وعلان ..
انا شخصيا ما ضايقني غير بعض الردود ( الهامشية اللي مالها داعي)
يعني اشوف الموضوع ارتفع اتوقع ان فيه رد مهم راح يوضح لنا شي جديد
واخرتها اكتشف انه مجرد رد للتعليق على ردود الاعضاء في الموضوع
يا اخوان لامانع من خفة الدم ..لكن لكل شي حدود واحنا هنا في نقاش جدي
او يجيك واحد يطالب باغلاق الموضوع !!
اللي مو عاجبه الموضوع يستطيع بكل سهولة انه يتجنبه ويشوف موضوع غيره
EL_3grab
11-01-2006, 09:35 PM
والله امركم عجيب ..
أنا يودت راسي يوم شفت الموضوع 6 صفحات .. قلت شي مستوي ..
ياخي أنا أموت في اللكزس وأموت فالمرسدس ..
لا تقارنون شركه بشركه ..
أذا عيبتني سيارة لكزس خذيتها .. وأذا عيبتني مرسدس خذيتها ..
ليش بالشين عماركم واايد .. تقول حد هاتك عرضك ..
كمثال آخذ الـ IS ولا آخذ الـ C ..
وسلامي
لتوضيح المعلومات لكزس الأن لها معارض خاصة في اليابان تحت اسم لكزس وما راح تكون تحت ظل تويوتا ومنافساتها انفينيتي وأكيورا هم أيضا بدوا ينفصلون عن الشركة الأساسية يعني احتمال انه نشوف سيارات أكيورا عندنا وارد جدا خصوصا انه أكيورا راح تدخل السوق الياباني في 2008 كسيارة منفصلة عن هوندا ليش ما تكلمتوا عنها وانفينيتي ليش ما صارت ضجة عليها مثال (أرمادا وكيو اكس 56) :sleep:
abunahhar
11-01-2006, 11:00 PM
أخوي AMG كم أتوقع سعرها
وشكراً
XenonX®
11-01-2006, 11:08 PM
[QUOTE]اشوف انك قريت نقاط ونقاط يمكن ما مريت عليها
أنا ذكرت في آخر كلامي أننا ننتظر المواصفات المتبقية في اللكزس حتى أقدر أحكم .....!
تسارع اللكزس هو 5.5 ثانية
تسارع اللكزس (( أقل )) 5.5 ثواني <<< هذا ماذكرته لكزس بدون تحديد حتى الآن.
الله يهديك يا أخوي انت تتكلم بعواطفك الجياشه ناحية لكزس
اللحين أنا اللي أتكلم بعواطفه وتعصبه ولا أنت ؟ :D
بالنسبه للتقليد حق مرسيدس فسبق و وضحت النقطه هذي و لك انت خصيصا
كلامك هذا غير مقتنع فيه لا سيمنس ولا غيره ......أجل فيه شركة عريقة وحريصة على سمعتها راح تسمح لشركة أخرى تصمم لها مقصورة (منسوخة) من شركة ثانية ........؟؟؟؟ وش الهبال هذا ؟؟ :D
نظام VIDM : مجرد تغيير تسميه يا أبو الشباب
النظام VSC هو نظام ESP .....والـ VSC اللحين صار في الأفالون والكامري الجديدة :D ...وهو نفسه نظام VSA في الأكورد ......الـ VDIM شيء ثاني ياليت تروح وتقرأ وتتعرف عليه عن كثب .
بالنسبه لنظام الرؤيه الليليه فهذا ما فد سمعنا عنه قد و اذا عندك أدله هاتها
أكيد ماراح تسمع عنها لأنك جالس على المرسيدس وتظن أنها هي مصدر الإختراعات الوحيد في عالم السيارات .... :-)
يا أخي و الله مشكله نظام الوقوف الذكي .. بيدمر ال Distronic Plus و بالذات ان نظام الوقوف الذكي ما طلع على ال X5 قبل ما تفكر فيه تويوتا
لازم تشوف حل وتطلع من (بوتقة) مرسيدس :D .....وش دخل نظام الديسترونيك بالوقوف الذكي ؟؟ :D ......اخوي هذا النظام يجعل السيارة توقف نفسها في الموقف بدون تدخل منك إلا في الفرامل ......أجل X5 ...وش دخل هذا بعد :D
فعلا عن تعصب و عاطفه جياشه تجاه تويوتا
أجل الكلام اللي قلته هذا تعصب لفولفو ولا ساب ؟؟؟ تعصب احترافي بعد لمرسيدس ...أجل طوروا 8 سرعات عشانهم شافوا 7 سرعات ؟؟ :D :D ...الله يصلحك ويجزاك خير ...قل آمين بس . :D
حتى شكل الجير ما رحموه مسروق من مرسيدس من أيام التسعينيات بالنص
أنت وصلت فيك المواصيل إن الكبوت هو نفس كبوت المرسيدس ...تبي يعوق معك قير ؟ :D
انا ما فيه شئ بيني و بين تويوتا و لكن كلامك و تعصبك
وأنا مالي ومال مرسيدس ؟؟؟ ......إلا سالفة الكبوت والـ 8 سرعات اللي مو عاجبتك ....والله حالة :D
تحياتي لك
وسلامتكم .......
السعر يتوقع ان يكون بين 60 الف و 65 الف دولار وسوف يكون أرخص من منافساتها
abunahhar
11-01-2006, 11:22 PM
السعر يتوقع ان يكون بين 60 الف و 65 الف دولار وسوف يكون أرخص من منافساتها
أشكر سرعة أستجابتك
بن غالب
12-01-2006, 01:10 AM
بسم الله الرحمن الرحيم
لعلمكم أحد أهم الأسباب الي خلت تويوتا تفتح فرع ثاني تحت مسمى لكزس أهو شيئين
1 أن تتخلص من الزيادات الضريبية التي ترتبت عليها حيث ( كلما زاد الإنتاج زادت الضريبة ) مبادئ ربوية من النظرة الشرعية ,,,,,,
مثلا
كل ألف سيارة عليها (( قلت مثلا )) 100 ألف دولار
طبعا ما بين 1 إلى 20000 ألف سيارة
لكن كل ألف سيارة ما بين 20000 و 40000 عليها 200 ألف دولار
يعني الحين لما هينتجون 40000 سيارة هيدفعو ( مثلا )
عن ال 20000 الأولى مبلغ قدره 100 ألف دولار × 20
= عشرين مليون
عن ال 20000 الثانية هيدفعو
200ألف × 20 = أربعين مليون (( طبعا هذا مثال والأرقام قد تكون غير حقيقية ))
فلما تويوتا صارت شركتين صارت تنتج 40000 سيارة ولكن 20000 من تويوتا و20000 من لكزس (( مثال ))
وبالتالي هتدفع عن كل 1000 سيارة 100 ألف دولار هنا وهناك
بدل ما تدفع عن 20000 ألف بسعر 100 ألف لكل 1000 سيارة عن ال 20000 سيارة
وتدفع عن كل 1000 سيارة من الي بين 20000 - 40000 هتدفع عنهم 200 ألف دولار عن كل 1000 سيارة
أما الحين لا
خلاص الدولة تحاسب تويوتا على 20000 سيارة
وتروح لعند لكزس يقولون لا حنا شركة بروحنا ومالنا خص بتويوتا ويعطوهم ضرائب عن 20000 سيارة الي عندهم
طبعا مثال والأرقام ربما تكون غير حقيقية :banana: :banana: :banana: :banana: :banana:
:( دوختني ياخي,,,ما قدرت اكمل الكلام اللي انت كاتبه... :m:
مؤيد اف1
12-01-2006, 01:44 AM
لولا اختلاف الاذواق لبالت السلع
560SEL
12-01-2006, 02:03 AM
:D [QUOTE]
أنا ذكرت في آخر كلامي أننا ننتظر المواصفات المتبقية في اللكزس حتى أقدر أحكم .....!
تسارع اللكزس (( أقل )) 5.5 ثواني <<< هذا ماذكرته لكزس بدون تحديد حتى الآن.
اللحين أنا اللي أتكلم بعواطفه وتعصبه ولا أنت ؟ :D
كلامك هذا غير مقتنع فيه لا سيمنس ولا غيره ......أجل فيه شركة عريقة وحريصة على سمعتها راح تسمح لشركة أخرى تصمم لها مقصورة (منسوخة) من شركة ثانية ........؟؟؟؟ وش الهبال هذا ؟؟ :D
النظام VSC هو نظام ESP .....والـ VSC اللحين صار في الأفالون والكامري الجديدة :D ...وهو نفسه نظام VSA في الأكورد ......الـ VDIM شيء ثاني ياليت تروح وتقرأ وتتعرف عليه عن كثب .
أكيد ماراح تسمع عنها لأنك جالس على المرسيدس وتظن أنها هي مصدر الإختراعات الوحيد في عالم السيارات .... :-)
لازم تشوف حل وتطلع من (بوتقة) مرسيدس :D .....وش دخل نظام الديسترونيك بالوقوف الذكي ؟؟ :D ......اخوي هذا النظام يجعل السيارة توقف نفسها في الموقف بدون تدخل منك إلا في الفرامل ......أجل X5 ...وش دخل هذا بعد :D
أجل الكلام اللي قلته هذا تعصب لفولفو ولا ساب ؟؟؟ تعصب احترافي بعد لمرسيدس ...أجل طوروا 8 سرعات عشانهم شافوا 7 سرعات ؟؟ :D :D ...الله يصلحك ويجزاك خير ...قل آمين بس . :D
أنت وصلت فيك المواصيل إن الكبوت هو نفس كبوت المرسيدس ...تبي يعوق معك قير ؟ :D
وأنا مالي ومال مرسيدس ؟؟؟ ......إلا سالفة الكبوت والـ 8 سرعات اللي مو عاجبتك ....والله حالة :D
تحياتي لك
وسلامتكم .......
يا أخي و الله انك مسلي مره :D
و ليه شركة عريقه مثل لكزس تستعين ب DENSO و BOSCH الي تمتلك مرسيدس فيها 80% مرسيدس تستعين بسيمنز اللي هي شركة رائده في مجال التكنولوجيا و هي لها السبق في تصميم ال I Drive و الجير المخفي و المقصوره كامله في ال BMW .. فالله يخليك ادرس ردودك قبل ما تطرحها الله يهديك و اذا كنت غير مقتنع ابحث بنفسك و تأكد لأني منيب مكلوف بك أقنعك و اذا ما ودك تقتنع فهي مشكلتك و أيضا انا منيب مكلوف بك أقنعك :D
زين انك اعترفت انهم آخذين نظام ESP و ال ABS اللي من ابتكار مرسيدس :D
ثاني مره أقولك و لكن الله يهديك انت منتب لراضي تقتنع ... تبيني أطلع من بوتقة مرسيدس و أنزل لبوتقة تويوتا ؟؟ :D يا أخي بالله عليك فكر شوي :D و حاول ترتقي من تويوتا
نظام الوقوف الذكي أول من طلعه BMW و كان في عام 2003 على سيارة X5 و جابوا حلقه كامله مفصله عنه في برنامج Motor Vision فياليت توسع مداركك و ترجع لها و تعيد تأسيس معلومات شوي :D
اللهم آمين ... الله يهدي الجميع :D
فعلا مرسيدس هي مصدر الاختراعات و لكزس مبنيه عن بكرة أبيها على معامل مرسيدس و لا تنسى ان مرسيدس هي أول من اخترع التالي
الايرباق ال SRS اللي ما شاء الله ما وفرته تويوتا في كل سياراتها
ABS اللي فرحانين فيه تويوتا و حاطينه أحد المواصفات الاختياريه و هو قياسي في المرسيدس من سنه 1978
ال ESP في 1994
النوافذ الكهرباء
محرك ال V8
ال Auto Climate control اللي ما شاء الله لكزس ما تستعمله أبدا
الرديتر الشرايح من سنة 1914 و أشوف لكزس ما تستعمله
ال تعليق الهوائي اللي لكزس فرحانه فيه و تعتقد انت انهم مخترعينه
البخاخات
محرك ال V8 و ال V12 اللي يقفل نصفه
هاه تحب أكمل و الا لا ؟ :D
خلك على تويوتا و لا يكثر هرجك لأنك لو حطيت مرسيدس في بالك بتدخل متاهات ما لها أول و لا آخر
الله يصلحك بس ... قل آمين :D
أبو حسين
12-01-2006, 02:43 AM
الايرباق ال SRS اللي ما شاء الله ما وفرته تويوتا في كل سياراتها
فيها باللاندكروزر :confused:
760IL
12-01-2006, 03:12 AM
سبحان الله وصل الموضوع الى 4 صفحات أغلبه هجوم على السيارة وهم بعدهم لا ذكروا مواصفاتها ولا حد شافها على الشارع بس لحظه عندي سؤال
ليش لكزس هي السيارة الفخمة الأولى في أمريكا وسنويا تحصد جوائز رضا الزبائن والجودة وووووو؟؟؟؟
المرسيدس على عيني وراسي وسيارة فخمة للغاية وكنت حاطنها في راسي بس قلت أنتظر أحسن الين ما تنزل لكزس لكن من كثر هذا الهجوم شكلي بعافها وبدور عن سيارة مختلفة تماما
مو بس في امريكا ...انا عندي مجلة توب قير اخر عدد واللكزس اخذ المركز الاول ظمن 36 شركة
والمرسيدس اخذت المركز 32!! يعني اللكزس الشركه رقم واحد في بريطانيا... شوف الفرق العضيم !!وبعدين انا بصراحه مااهتم مين يقلد مين اهم شي سياره توفر لك اخر ماتوصلت اليه التكنولوجيا وباعلى مقايس (الجودة) وبارخص سعر !!والجوده هذي علم مستقل ومو اي شركه تتقنه
Porsche GT2
12-01-2006, 04:33 AM
راح أقول نفس الكلام اللي قاله مشرفنا في بداية الموضوع .. المرسيدس تعجبني جداً جداً لكن لو بشتري راح أشتري لكزس لأنها ببساطة :
سيارة فخامتها معقولة جداً ..
جودتها ممتازة جداً وصيانتها مريحة ..
وفيها تقنيات كافية ما يهمني كمشتري من وين جابتها ولا من مين سرقتها لأني مو محامي للشركات الأخرى ..
أعتقد ان هذي هي الأسباب اللي خلت اللكزس تتربع على عرش أكثر السيارات الفخمة مبيعاً في أمريكا والعالم ..
أنا عارف ان المرسيدس فيها أكثر من 20 نظام أمان ( العدد مو صحيح لكن لتوضيح الفكرة ) لكن كمشتري ما أحتاج كل هذي الأنظمة يكفيني نظامين أو ثلاثة لأنها أريح في الصيانة و 3 أنظمة الكترونية أكيد راح تكون صيانتها أسهل من 20 نظام الكتروني ..
هذا السبب اللي يخليني أختار اللكزس مع اني أحب المرسيدس لكن اللكزس عرفت تلعبها صح وعرفت ان 80% من المستهلكين ما يحتاجون كل هذا التعقيد لكن يحتاجون سيارة فخمة بتقنيات معقولة والأهم صيانتها قليلة ورخيصة ..
المزروعي
12-01-2006, 04:37 AM
ماشالله الموضوع كله ضرابه :D
انا بخليييكم في حالكم تضاربون بس عندي سؤال مادري بجوفونه ولابيضيع بين المعركه :blink:
متى تقريبا موعد نزولها ؟؟؟؟
وهل تتوقعون يوصل سعرها 300 ألف درهم ؟؟
نزولها في خريف 2006 واكيد سعرها راح يوصل 300 الف او اكثر