View Full Version : لكزس gs و bmw 530 ايهما افضل
لو خيروك بين ها الاثنين
lexus gs 300
http://us.autos1.yimg.com/img.autos.yahoo.com/ag/lexus_gs300_awd_2006_exterior_2_346x270.jpg
http://us.autos1.yimg.com/img.autos.yahoo.com/ag/lexus_gs300_awd_2006_interior_19_346x270.jpg
المحرك:
3.0L V6, 24 valve, 245@6200hp
BMW 5 Series 530i
http://us.autos1.yimg.com/img.autos.yahoo.com/aic/bmw_5series_530xisedan_2006_450x225.jpg
http://us.autos1.yimg.com/img.autos.yahoo.com/ag/bmw_5series_530xisportswagon_2006_interior_19_346x270.jpg
المحرك:
3.0L I6, 24 valve, 255@6600hp
انا بنظري اشوف البيئم احلى واشيك ومميزاتها اكثر
ومن ناحية السعر بعد ارخص
شوفو نتايج المقارنة اللي سويتها
هنا (http://autos.yahoo.com/newcars/comparison/results.html;_ylt=Amg2fLtzIUhCqayz5UT5V2kOc78F?pagetitle=overview&carid0=16850&carid1=16785&compare=Compare+cars)
الباب مفتوح لكم
RED Chevy
23-01-2006, 12:23 AM
اللكزس فيه مميزات أكقر لكن البي ام احلى وافخم وارز لكن اللكزس عملي وتشتري راحة بالك وياه ويمسك سعره بالسوق :knight:
حيرتني
الحين لكزس ولا بيئم
:confused:
CL-Class
23-01-2006, 12:31 AM
تصحيح للمعلومه .......
البي ام أغلى وليس ارخص :o
ومن ناحية راحة البال >>>>>>> خذ اللكزس ولا تاخذ البي ام
CL-Class
23-01-2006, 12:40 AM
بالمقارنة للمواصفات .....
اللكزس متفوقة بعدة مميزات + موديل حديث وفي اول الجيل ..... + شيك في يدك تبيعها لو بغيت ماراح يطيح منها كثير في السعر
البي ام راح يبقى معك فترة اقل من اللكزس وراح يتغير كجيل + الموديل الحالي سيتغير في وسط الموديل يعني بالمواصفات الحالية سيكون بموقف محرج مع لكزس وصعب انك تسويله تحديث لو فكرت
>>>>>>>>> خذ لكزس
RED Chevy
23-01-2006, 02:17 AM
حيرتني
الحين لكزس ولا بيئم
:confused:
عن نفسي افضل البيئم...
اسمه بيئم مو تويوتا فل اوبشن:19:
هذي الفرق حتى لو تدفع اكثر بس الناس تطالع انت شنو راكب ...
وال540 بعد احسن واحسن يفرق عن ال530 2000 دينار بس 8 سلندر :black:
sayedco
23-01-2006, 03:06 AM
كقوة أكيد البيئم أقوى ، و حق خطوط أحسن
الثبات مو مجرب أي السيارتين بس أحس البيئم أثبت
السعر أكيد اللكزس بيبقى فيه السعر
لكن لو كان في يدي آنا جان اخذت البيئم ، ما أفتكر في سعر السيارة بعد الإستعمال
آنا أقول BMW و شوية تعديلات تسويها M5 :D
الشبابي
23-01-2006, 04:51 AM
لكزس وريح راسك ... مع كرهي لها لكنها عملية واستهلاكها للبنزين ممتاز ...
الفئة الخامسة من بي ام ما ادري ليه احسها ماهي فخمة والوانها الداخلية غبية ....
اخوكم الشبابي
أبو حسين
23-01-2006, 12:00 PM
تبي تريح راسك لاتفكر غير اللكزس :smart:
شيك في يدك تبيعها لو بغيت ماراح يطيح منها كثير في السعر
الواحد ما بياخذله سيارة عشان ثاني يوم يبيعها :knight:
المهم ان السيارة تتم اطول فترة ممكنة بدون عوار الراس :o
CL-Class
23-01-2006, 01:34 PM
بالنسبة للشباب اللي يقول يكفي ان البي ام افضل لان اسمها .... ان اقول كلامك صحيح لو كانت الفئة السابعة
الواحد ما بياخذله سيارة عشان ثاني يوم يبيعها :knight:
المهم ان السيارة تتم اطول فترة ممكنة بدون عوار الراس :o
صحيح كلامك اخوي ........ بس انت ماتدري عن ظروف الزمن وعازاته .....
بعدين أعلمك نقطة .... كمواصفات ايضا راح ترجح كفة لكزس وتصميمها ابداع وعصري
اللكزس هذي بالذات سويتلها تست درايف عنيف من الوكالة .... فعلا حسيتها في التماسك أفضل من الفئة الكبيرة LS .... إلتصاقها قوي لدرجة تشك انها من تويوتا .... ثباتها يضاهي السيارات الألمانية .....السيارة تغيرت ياجماعه وتم تصميمها بمعايير جديدة .........والله بعد مانزلت اخترت لها اسم ..... ( ألماني اليابان )
VENOM 11
23-01-2006, 01:52 PM
اخوي اللكزس من غير تفكير...
مواصفات افضل من البي ام+ سعر اقل + سعر ممتاز عند اعادة البيع+ راحة بال وانعدام الاعطال...
ولا عليك من بعض الناس الي يعرفون روحهم ويقولون لك (تويوتا فل اوبشن) :ranting: مو كأن تويوتا كسرت راس كل الشركات...وبعد يتكلمون :D
الماني
23-01-2006, 02:38 PM
تبي تريح راسك لاتفكر غير اللكزس :smart: .
http://www.nieweg.net/bilder/E60/cockpit2.jpg
طالع المكيف بالشاشة على الزاوية
http://jahreswagen.bmwjwmarhoffer.de/out/oxbaseshop/html/0/dyn_images/2/24448_p2.jpg
كرمبع
23-01-2006, 03:32 PM
راحة بال اللكزس ولاشك:)
فخامة ورزه وشكل واداء وتماسك لاشك البي ام:)
الماني
23-01-2006, 03:38 PM
:banana: بي ام دبليوا وبس!!
لا تنسى اللكزس صيانة كل 5000 كيلوا في حال ان البي ام كل 15 الف واكثر...
غريب السيف
23-01-2006, 03:47 PM
:banana: بي ام دبليوا وبس!!
لا تنسى اللكزس صيانة كل 5000 كيلوا في حال ان البي ام كل 15 الف واكثر...
البي ام صيانتها كل 25000 الف وحاليا بعض السيارات كل 30000 الف كيلو
ولو كنت بالامارات ما تدفع فلس واحد للوكالة حتى السفايف لمدة ثلاث سنوات
انا اشوف جرب السيارتين وخذ اللى يرتاح لها قلبك وعقلك ولا تهتم كثيرا باراءنا لان السيارتين
لايعلى عليهم
BoSaLem
23-01-2006, 04:13 PM
السلام عليكم ..
الكل يقولك ريح بالك وخذ لكزس عشان ما تعطل وشيك في جيبك
انا اقول خذ لكزس عشان الاسباب التاليه :-
شكل توه نازل وملفت للنظر عكس البي ام احس تصميمه عادي
مواصافات اكثر ..
أسرع من البي أم ..
أحلي من الداخل والخارج (من الداخل انوار الطبلون روووووووووعه بمعني الكلمه )
جذاب بشكل مو طبيعي
هدوء داخلي الكل ما يقدر ينكر هالِشي
سياره اعتماديه ولها اسمها بسووق
أخر شي اخوي انصحك تروح تشوف الكزس بالوكاله وتعرف عنها كل صغيره
وكبيره وياليت تقدر تاخذ Gs430 لانه فضيعه , وأحس انها أحلي سيارات لكزس حاليا
والله يووفق الجميع ..
أبو حسين
23-01-2006, 04:39 PM
http://www.nieweg.net/bilder/E60/cockpit2.jpg
طالع المكيف بالشاشة على الزاوية
http://jahreswagen.bmwjwmarhoffer.de/out/oxbaseshop/html/0/dyn_images/2/24448_p2.jpg
السلام عليكم..
ياخوي وش مقصدك؟؟ تراني مافهمتك :confused:
560SEL
23-01-2006, 05:14 PM
بالنسبة للشباب اللي يقول يكفي ان البي ام افضل لان اسمها .... ان اقول كلامك صحيح لو كانت الفئة السابعة
صحيح كلامك اخوي ........ بس انت ماتدري عن ظروف الزمن وعازاته .....
بعدين أعلمك نقطة .... كمواصفات ايضا راح ترجح كفة لكزس وتصميمها ابداع وعصري
اللكزس هذي بالذات سويتلها تست درايف عنيف من الوكالة .... فعلا حسيتها في التماسك أفضل من الفئة الكبيرة LS .... إلتصاقها قوي لدرجة تشك انها من تويوتا .... ثباتها يضاهي السيارات الألمانية .....السيارة تغيرت ياجماعه وتم تصميمها بمعايير جديدة .........والله بعد مانزلت اخترت لها اسم ..... ( ألماني اليابان )
يا سلام :)
هذا عين العقل
الماني
23-01-2006, 05:30 PM
السلام عليكم..
ياخوي وش مقصدك؟؟ تراني مافهمتك :confused:
اخوي انا ما ادري اذا انت ذكرت ان التكييف يدوي في البي ام او غيرك... وانا اثبت العكس! الظاهر انه فيه احد تفشل وراح حرر الرد ماله! وغير الي كتبته انا!
Ascari
23-01-2006, 08:07 PM
لحححححححححححححححححححححححححححححظه
انا ابي اريح لك راسك ............................................
بسم الله الرحمن الرحيم
صار لي فوق السنه اقارن بين الفئه الخامسه والجي اس ومرسيدس إي كلاس وأودي اي 6.... وبالاخير ما اشتريت ولا وحده منهم لأني لقيت اللي احسن منهم كلهم
المهم ما عليك
خلنا في البي ام واللكزس
اللكزس ال 6 سلندر نوعين
175 الف ريال:
- بدون فتحه
- بدون ذاكره للمقاعد والمرايا
- بدون شاشه
- خطوط جانبيه بلون أسود (الفل تجي كروم)
- بدون حساسات
200 الف ريال فل اوبشن بكل الأشياء الناقصه..
بالنسبه للفئه الخامسة:
فل اوبشن بـ 200 الف (الكلام ذا من مده... يمكن تغيرت شوي الحين)
وش الفرق...
والله بالضبط مدري... بس تقريبا المواصفات نفسها...
اذا عندك استفسار معين عن مواصفات السيارتين اسأل
بس اذا انت من النوع اللي يكرف السياره ويوصلها حدها خذ اللكزس
واذا كنت تخاف ان شكل السياره يتغير خذ اللكزس (البي ام باقي له 3 سنين)
اما اذا كنت تدور المتعه في القياده خذ بي ام
اللكزس بارده جدا ولا فيها متعه.. واستجابتها جدا ضعيفه
معليش اخواني لحد يعترض على الكلام لأني مجرب وطول حياتي عايش على اللكزس...
والجديد منه سواء جي اس او ال اس ينطبق عليهم نفس الكلام.. ممله
تعرف الشعور اللي اذا نزلت من السياره ودك ترجع تسوق.... ما احسه في اللكزس ابد... لكن احسها في اي سياره المانيه اسوقها مع انها مو ملك لي... شعورها غير
وعلى فكره هذا مو بس كلامي.... في كثييير من المنتديات والتعليقات في المواقع العربيه والاجنبيه وكذلك تجربة الخبراء كلها تردد نفس الكلام... انها ممله
و في موقع ممتاز للي يبي يشتري سياره وهو www.consumerreports.org
هذا الموقع متميز بـ:
- مصداقيته... حيث انه ما ياخذ دعايات زي بعض المواقع الثانيه اللي ممكن تاخذ دعايات او فلوس وتمدح سياره معينه او شي.. والدليل انك لازم تشترك بفلوس في الموقع
- يسوون اختبارات عنيفه جدا جدا لقياس مدى تحمل السياره واعتماديتها
وهذا الرابط فيه نتائجهم لعام 2005:
http://autos.msn.com/advice/CRArt.aspx?contentid=4023543
لاحظ كلامهم عن الجي اس والفئه الخامسه
وانا عن نفسي افضل الفئه الخامسه... بي ام دبليو غير... وكذلك اعتماديتها ممتازه
والسياره اللي انا اشتريتها احسن منهم كل ابوهم وبسعر منافس جدا جدا جدا جدا جدا جدا
اذا انت جاد وتبي تشتري قل لي وانا ادلك عليها
معليش طولت ... :-)
أبو حسين
24-01-2006, 08:52 AM
اخوي انا ما ادري اذا انت ذكرت ان التكييف يدوي في البي ام او غيرك... وانا اثبت العكس! الظاهر انه فيه احد تفشل وراح حرر الرد ماله! وغير الي كتبته انا!
خلاص الحين فهمتك :D
بس أنا أقصد السويتش إللي تفتح وتقفل المكيفات :)
بس الظاهر كان بيتهيأ لي إنه يدوي..إذا كلامك صحيح بروح الوكالة وبشوف.. :think: عشان أتأكد أكثر..
والله بصراحة أنا أشوف اللكزس فيها متعة بالقيادة :knight: ((وطبعا للناس أذواق :smart: ))
وأحب أقول للرجال صاحب الموضوع تراك ماراح تقتنع أبداً بكلام الأعضاء ولازم تروح الوكالة وتشوف بنفسك :D
ووقتها بتعرف وش اللي يناسبك بالضبط :-)
والقرار قرارك..
B4_STI
24-01-2006, 08:59 AM
ياخي فوجهه نظري اللكزس حلوة ومريحه وقطع غيار تقريبا مناسبه ووكيل ممتاز بس ياخي الالماني والله ممتاز... ههههههه
احس اني توهتك زياده تبغى نصيحتي استخيييير وبس ومبروك مقدما....
BM أشوفها أفضل وأرزن في الشارع ...
760IL
25-01-2006, 02:56 AM
لحححححححححححححححححححححححححححححظه
انا ابي اريح لك راسك ............................................
بسم الله الرحمن الرحيم
صار لي فوق السنه اقارن بين الفئه الخامسه والجي اس ومرسيدس إي كلاس وأودي اي 6.... وبالاخير ما اشتريت ولا وحده منهم لأني لقيت اللي احسن منهم كلهم
المهم ما عليك
خلنا في البي ام واللكزس
اللكزس ال 6 سلندر نوعين
175 الف ريال:
- بدون فتحه
- بدون ذاكره للمقاعد والمرايا
- بدون شاشه
- خطوط جانبيه بلون أسود (الفل تجي كروم)
- بدون حساسات
200 الف ريال فل اوبشن بكل الأشياء الناقصه..
بالنسبه للفئه الخامسة:
فل اوبشن بـ 200 الف (الكلام ذا من مده... يمكن تغيرت شوي الحين)
وش الفرق...
والله بالضبط مدري... بس تقريبا المواصفات نفسها...
اذا عندك استفسار معين عن مواصفات السيارتين اسأل
بس اذا انت من النوع اللي يكرف السياره ويوصلها حدها خذ اللكزس
واذا كنت تخاف ان شكل السياره يتغير خذ اللكزس (البي ام باقي له 3 سنين)
اما اذا كنت تدور المتعه في القياده خذ بي ام
اللكزس بارده جدا ولا فيها متعه.. واستجابتها جدا ضعيفه
معليش اخواني لحد يعترض على الكلام لأني مجرب وطول حياتي عايش على اللكزس...
والجديد منه سواء جي اس او ال اس ينطبق عليهم نفس الكلام.. ممله
تعرف الشعور اللي اذا نزلت من السياره ودك ترجع تسوق.... ما احسه في اللكزس ابد... لكن احسها في اي سياره المانيه اسوقها مع انها مو ملك لي... شعورها غير
وعلى فكره هذا مو بس كلامي.... في كثييير من المنتديات والتعليقات في المواقع العربيه والاجنبيه وكذلك تجربة الخبراء كلها تردد نفس الكلام... انها ممله
و في موقع ممتاز للي يبي يشتري سياره وهو www.consumerreports.org
هذا الموقع متميز بـ:
- مصداقيته... حيث انه ما ياخذ دعايات زي بعض المواقع الثانيه اللي ممكن تاخذ دعايات او فلوس وتمدح سياره معينه او شي.. والدليل انك لازم تشترك بفلوس في الموقع
- يسوون اختبارات عنيفه جدا جدا لقياس مدى تحمل السياره واعتماديتها
وهذا الرابط فيه نتائجهم لعام 2005:
http://autos.msn.com/advice/CRArt.aspx?contentid=4023543
لاحظ كلامهم عن الجي اس والفئه الخامسه
وانا عن نفسي افضل الفئه الخامسه... بي ام دبليو غير... وكذلك اعتماديتها ممتازه
والسياره اللي انا اشتريتها احسن منهم كل ابوهم وبسعر منافس جدا جدا جدا جدا جدا جدا
اذا انت جاد وتبي تشتري قل لي وانا ادلك عليها
معليش طولت ... :-)
ممكن نعرف ايش هي السياراه
Ascari
26-01-2006, 06:27 PM
اكيد ممكن
Cadillac STS
قبل لا احد ينتقد يشوف السياره من كل النواحي...
واللي ما عنده علم زين فيها ... انا مسوي موضوع عليها وقربت أخلصه... وقريب انشالله بحطه في سوالف
وتسلمون
CL-Class
26-01-2006, 08:06 PM
الكادي سيارات محترمه ماقلنا شي عنها ....... لها تقنياتها ولها مواصفاتها ولها حسها المترف في القياده :D
لكن ...
ماتتحمل كرف ....... يبيلها عناية زيادة عن اللزوم بعكس الالمانيات او اللكزس
Ascari
26-01-2006, 09:49 PM
مو قلت لك لا تنتقد قبل لا تشوف الموضوع
الكاديلاك تغيرت والله يا عالم الحين غييييير
انا كنت من اكثر الناس اللي يكرهون الكاديلاك
بس يوم شفت شلون تغيرت... صارت احسن سياره عندي
الله يسلمك الوكاله عندهم XLR فضيه اول موديل ومسوين عليها اختبارات في كذا مكان في العالم ... عدادها تصفر مرتين من كثر ما انكرفت
مبين عليها مكروفه... بس ما شالله عايشه وشغاله مضبوط
غير ال CTS... مع واحد من ربعي... اول موديل... الى يومك وربي ولا مشكله...
مع انه عايش في منطقه عليها شوارع... ما تلقى متر مستوي فيها
والرجال مو راعي تحميه ولا شي.... وتدعيييس... خذ لك
اي كرف اللي ما تتحمله بعد كل هذا
grandv8
27-01-2006, 12:41 AM
السلام عليكم ورحمة الله وبركاته
اخواني الكرام
الموضوع عن بي ام دبليو ولكزس
ولاتدخلو بمتاهات اكثر والواحد ماذكر لاكاديلاك ولامرسيدس
اخوي Ascari اشكرك على ردك الكريم
بس الموضوع باين من عنوانه ويتكفي بالاصل,
جزاكم الله خير
Ascari
27-01-2006, 03:22 AM
انا آسف جدا على الإطاله
بس ما كنت ناوي اتكلم عنها في البدايه احتراما للموضوع
لكن شفت اني احط سياره ثانيه في الحسبان للشخص اللي بيشتري السياره
وانا آسف جدا اذا خرجت عن اطار الموضوع وحقكم علي :-)
CL-Class
27-01-2006, 04:15 AM
السلام عليكم ورحمة الله وبركاته
اخواني الكرام
الموضوع عن بي ام دبليو ولكزس
ولاتدخلو بمتاهات اكثر والواحد ماذكر لاكاديلاك ولامرسيدس
اخوي Ascari اشكرك على ردك الكريم
بس الموضوع باين من عنوانه ويتكفي بالاصل,
جزاكم الله خير
اخوي قراند شفيك معصب الله يهديك ..... الموضوع نقاشي وكلنا قاعدين نستفيد من الردود ...... وبالعكس اشوف الاخ اقترح اقتراح حلو وعطنا معلومات بالفعل جديده على البعض وموب عيب ولا حرام ان الواحد يبدي رأيه والموضوع كله سيارات بسيارت وماصار الا كل خير :D وصدقني احنا كأعضاء نستفيد من الردود بشكل اعمق من المواضيع نفسها وانت شايف هالشي ..... فأتوقع انك تشجع المشاركات بدال ماتحصرها وتضيقها على الموضوع نفسه :m:
شاكرلك وشاكر للشباب اللي يشاركونا الموضوع
الزرعوني
27-01-2006, 04:17 AM
BMW ولا تحتاااااااااااااااااااار
ح ب ي 666
28-01-2006, 08:36 PM
عندي السيارتين ولله الحمد
وبصراحة
مافي وجه مقارنة
........
تتعجبون .. أدري
بالفعل .. تفوقت لكزس بكل المقاييس
البي إم سيئة في التشطيب الداخلي
ولكن تتميز بالشكل الخارجي
اللكزس ... إبداع - راحة - متعة
وأفضل من البي إم في المظهر الخارجي
حتى محركات 300 ... جبارة بمعنى الكلمة
أي أسئلة عن السيارتين أنا حاضر
grandv8
28-01-2006, 09:29 PM
اخوي قراند شفيك معصب الله يهديك ..... الموضوع نقاشي وكلنا قاعدين نستفيد من الردود ...... وبالعكس اشوف الاخ اقترح اقتراح حلو وعطنا معلومات بالفعل جديده على البعض وموب عيب ولا حرام ان الواحد يبدي رأيه والموضوع كله سيارات بسيارت وماصار الا كل خير :D وصدقني احنا كأعضاء نستفيد من الردود بشكل اعمق من المواضيع نفسها وانت شايف هالشي ..... فأتوقع انك تشجع المشاركات بدال ماتحصرها وتضيقها على الموضوع نفسه :m:
شاكرلك وشاكر للشباب اللي يشاركونا الموضوع
الحبيب ان لا معصب ولاشئ :eek:
انا حبيبت يكون الموضوع نفس شي احسن، يعني الواحد يستفيد من لديه هي السيارتين ويكون المقارنة بينهم فقط.
الموضوع اذا طلع من اصله ، يكون غيرممتع اخوي
وحاضرين :D
فديت الامارات
28-01-2006, 09:34 PM
تصحيح للمعلومه .......
البي ام أغلى وليس ارخص :o
ومن ناحية راحة البال >>>>>>> خذ اللكزس ولا تاخذ البي ام
:D كلامك صحيح
بس لو عندك افلوس وما يهمك إلا راحتك البي ام احسن واريح وافخم وكل شي :D
BoSaLem
29-01-2006, 12:30 AM
الله يعطيك خيرهم أخوي ح ب ي 666
صراحه مبين التفوق من الصوره للكزس
وتسلم علي المشاركه ..
Vicster
29-01-2006, 04:24 PM
الأخ ح ب ي 666
ممكن لو سمحت تقارن لنا بين صيانة السيارتين ؟ من ناحية المشاكل (إن كان فيه)؟
من ناحية قطع الغيار ؟
ومشكور مقدماً لك وللجميع
Ascari
30-01-2006, 12:37 AM
الأخ Vicster
اذا بتسأل عن قطع الغيار الاستهلاكيه مثل الفحمات والهوبات والبواجي فهي في البي ام ارخص من اللكزس
لكن القطع الأخرى غير الاستهلاكيه مثل الاصطبات وغيرها فأعتقد انه في اللكزس أرخص (أعتقد)
760IL
30-01-2006, 01:12 AM
عندي السيارتين ولله الحمد
وبصراحة
مافي وجه مقارنة
........
تتعجبون .. أدري
بالفعل .. تفوقت لكزس بكل المقاييس
البي إم سيئة في التشطيب الداخلي
ولكن تتميز بالشكل الخارجي
اللكزس ... إبداع - راحة - متعة
وأفضل من البي إم في المظهر الخارجي
حتى محركات 300 ... جبارة بمعنى الكلمة
أي أسئلة عن السيارتين أنا حاضر
اخيرا هذا هو الرد المنتظر من واحد مجرب السيارتين
لاكن عندي سؤال عن نظام الملاحه بالنسبة للكزس والبي ام ايهما افضل وايضا بالنسبة للمساحه الداخليه من الامام والخلف للسيارتين
وياليت تحط موضوع منفصل عن تجربه لكلا السيارتان
Vicster
30-01-2006, 01:45 AM
الأخ Vicster
اذا بتسأل عن قطع الغيار الاستهلاكيه مثل الفحمات والهوبات والبواجي فهي في البي ام ارخص من اللكزس
لكن القطع الأخرى غير الاستهلاكيه مثل الاصطبات وغيرها فأعتقد انه في اللكزس أرخص (أعتقد)
مشكور على الرد .. لكن
معقولة الفحمات والقطع الاستهلاكية البي ام ارخص؟ :blink:
انا اسمع دايما العالم يقولون قطع البي ام غالية وصيانتها مكلفة جداً
ووكالتها في الرياض (الناغي) دايماً يذمونها الناس
؟؟
560SEL
30-01-2006, 02:30 AM
الأخ Vicster
اذا بتسأل عن قطع الغيار الاستهلاكيه مثل الفحمات والهوبات والبواجي فهي في البي ام ارخص من اللكزس
لكن القطع الأخرى غير الاستهلاكيه مثل الاصطبات وغيرها فأعتقد انه في اللكزس أرخص (أعتقد)
ال BMW قطعها غاليه مره و اللي يزيد الطين بله انها معقده لأبعد حد يعني مثلا لا قدر الله وقفت بك السياره مستحيل تتصرف معها ما لك الا تتصل على الوكاله و يشيلونها هذا غير ان أقل صدمه تجي لل BMW ينعدم شاصيها تماما و يستحيل تصليحه و هذا غير صعوبة التعامل مع نظام I Drive معقد جدا و يحتاج وقت اليبن الشخص يتأقلم معه
اللكزس قطعه غاليه جدا جدا و لكن من ناحية تعقيد فانسى ... أي شخص ممكن يتعامل معها و هذي ميزه ممتازه في اللكزس لابد تنحط في عين الاعتبار ... و لا فيه خوف عليها من الصدمات لأن شاصيها مهوب ألمنيوم ...
Vicster
30-01-2006, 04:01 AM
ال BMW قطعها غاليه مره و اللي يزيد الطين بله انها معقده لأبعد حد يعني مثلا لا قدر الله وقفت بك السياره مستحيل تتصرف معها ما لك الا تتصل على الوكاله و يشيلونها هذا غير ان أقل صدمه تجي لل BMW ينعدم شاصيها تماما و يستحيل تصليحه و هذا غير صعوبة التعامل مع نظام I Drive معقد جدا و يحتاج وقت اليبن الشخص يتأقلم معه
اللكزس قطعه غاليه جدا جدا و لكن من ناحية تعقيد فانسى ... أي شخص ممكن يتعامل معها و هذي ميزه ممتازه في اللكزس لابد تنحط في عين الاعتبار ... و لا فيه خوف عليها من الصدمات لأن شاصيها مهوب ألمنيوم ...
كلامك جميل , أتفق معك في مجمله, لكن :
انا جربت نظام iDrive ومالقيته بذاك الصعوبة , فإذا كان حق البي ام صعب فوش تقول عن حق الرنج روفر أو الكايين ؟؟
اما اذا وقفت السيارة , فشايلها شايلها والله منب عارف احرك شي في المكينة سواء كانت بي ام ولا فكتوريا :D
---
وبالنسبة للبي إم , ما ننسى قضية احتراق السيارة اللي حصلت كم مرة في الفئة الخامسة,,
---
أشكرك أخوي 560SEL على تعقيبك
Ascari
30-01-2006, 08:09 PM
اخيرا هذا هو الرد المنتظر من واحد مجرب السيارتين
لاكن عندي سؤال عن نظام الملاحه بالنسبة للكزس والبي ام ايهما افضل وايضا بالنسبة للمساحه الداخليه من الامام والخلف للسيارتين
وياليت تحط موضوع منفصل عن تجربه لكلا السيارتان
نظام الملاحه حق اللكزس مو ذاك الزود.. يعني يحط لك اعلام وخرابيط والوان مدري... ما شفته مفيد أبدا
حق البي ام احسن شوي من اللكزس
أحسن واحد تبي الصراحه حق الكاديلاك... لأنه يجيك للخليج كله مو بس دولتك و يطلع لك المحلات بأنواعها برسمتها بكل شي... ونوع المطاعم (فرنسي ، ايطالي، صيني) وغيره وغيره.. وازيدك من الشعر بيت... يطلع أرقام تلفونات المحلات... وفيه نظام بحث مو طبيعي....
واحد من ربعي عنده الفئه السابعة وفيها نظام ملاحه.. يوم شاف اللي عندي بالكاديلاك انصرع... يقول ما يسوى حق البي ام قدامه
ما ادري عن حق مرسيدس...
الأخ Vicster
انا حكمت من شي... واحد من ربعي معه GS الشكل القديم... اشترى لها هوبات أربعه... طلعت له بـ 3600 ريال
في حين ان واحد ثاني دخل الفئه السابعه تشييك.. وغيرو فيها الفحمات والهوبات والزيوت كلها والبواجي.... كلها بـ 4000 ريال
وهذا واحد ثاني من ربعي مشتري هوبات مرسيدس E-class 2004 الواحد بـ 300 ريال من الوكاله... طالعه عليه رخيصه لأنها قطعه استهلاكيه... لكن لو تسأل عن الاصطبات الأماميه... بـ 6000 ريال
واتوقع البي ام نفس النظام
Ascari
30-01-2006, 08:14 PM
ال BMW قطعها غاليه مره و اللي يزيد الطين بله انها معقده لأبعد حد يعني مثلا لا قدر الله وقفت بك السياره مستحيل تتصرف معها ما لك الا تتصل على الوكاله و يشيلونها هذا غير ان أقل صدمه تجي لل BMW ينعدم شاصيها تماما و يستحيل تصليحه و هذا غير صعوبة التعامل مع نظام I Drive معقد جدا و يحتاج وقت اليبن الشخص يتأقلم معه
اللكزس قطعه غاليه جدا جدا و لكن من ناحية تعقيد فانسى ... أي شخص ممكن يتعامل معها و هذي ميزه ممتازه في اللكزس لابد تنحط في عين الاعتبار ... و لا فيه خوف عليها من الصدمات لأن شاصيها مهوب ألمنيوم ...
صحيح... انا معك في كل كلمه قلتها
بس انا اتوقع ان القطه الاستهلاكيه في البي ام ارخص... وفقط القطع الاستهلاكيه... مثل الفحمات والهوبات... انا ما تأكدت .. بس اتوقع انها مثل سياسة مرسيدس... القطع الاستهلاكيه رخيصه... والباقي ناااااااااااااااار
ومن ناحية شاصي البي ام كلامك صحيح 100 %
560SEL
30-01-2006, 08:25 PM
صحيح... انا معك في كل كلمه قلتها
بس انا اتوقع ان القطه الاستهلاكيه في البي ام ارخص... وفقط القطع الاستهلاكيه... مثل الفحمات والهوبات... انا ما تأكدت .. بس اتوقع انها مثل سياسة مرسيدس... القطع الاستهلاكيه رخيصه... والباقي ناااااااااااااااار
ومن ناحية شاصي البي ام كلامك صحيح 100 %
المرسيدس فيه قطع معينه غاليه مثل قطع الهيدروليك و المنظمات الكهربائيه و الا الباقي خارج المنافسه (أرخص بكثير من الكل )
بالنسبه للنظام الملاحي اللي في اللكزس أتوقع انه نفس الموجود في ال VX-R و اذا كان هو نفسه فمشكله الوحيده في دقة الالوان اتوقع انهها 65.400K .. أما بالنسبه لتغطيته فهو يغطي كل دول الخليج العربي و دقيق جدا في وصف الشوارع و الاماكن و تحديد المطاعم و محطات البنزين و المستشفيات ... الخ من الخدمات الاخرى
أما بالنسبه لل BMW و المرسيدس فدقة الالوان في الشاشه هي تقريبا ما بين 262K الى 16M و هي دقه عاليه و تتميز بوضوح عالي و عموما هي أكثر تقدم من الموجود في ال VX-R و اللكزس
abumhdi
30-01-2006, 08:38 PM
السلام عليكم ..
الكل يقولك ريح بالك وخذ لكزس عشان ما تعطل وشيك في جيبك
انا اقول خذ لكزس عشان الاسباب التاليه :-
شكل توه نازل وملفت للنظر عكس البي ام احس تصميمه عادي
مواصافات اكثر ..
أسرع من البي أم ..
أحلي من الداخل والخارج (من الداخل انوار الطبلون روووووووووعه بمعني الكلمه )
جذاب بشكل مو طبيعي
هدوء داخلي الكل ما يقدر ينكر هالِشي
سياره اعتماديه ولها اسمها بسووق
أخر شي اخوي انصحك تروح تشوف الكزس بالوكاله وتعرف عنها كل صغيره
وكبيره وياليت تقدر تاخذ Gs430 لانه فضيعه , وأحس انها أحلي سيارات لكزس حاليا
والله يووفق الجميع ..
وانا معاك ..
ح ب ي 666
30-01-2006, 08:42 PM
الله يعطيك خيرهم أخوي ح ب ي 666
صراحه مبين التفوق من الصوره للكزس
وتسلم علي المشاركه ..
تسلم يالطيب .. وتسلم على ردك الراقي
ح ب ي 666
30-01-2006, 08:49 PM
الأخ ح ب ي 666
ممكن لو سمحت تقارن لنا بين صيانة السيارتين ؟ من ناحية المشاكل (إن كان فيه)؟
من ناحية قطع الغيار ؟
ومشكور مقدماً لك وللجميع
أبشر أخوي - المقارنة الكامله قريبا إن شاء الله
لكن مكن ناحية الصيانة
لكزس ازعاج كل 5000 كم ... ويتصلون عليك .. راضي ولا لا... بس يهتمون لك ولسيارتك
البي إم ..... كل 25000 كم ... بس يا إنهم حراميه بالصيانة .. تصور قاموا بسرقة جهاز الملاحة والسيارة جديده .... وقالو أبد .. ما تاخذ الجهاز إلا بـ 26000 ريال ... ههه لكن على مين .. اتصلت على مدير مركز بي إم الاقليمي - دبي .. وحل لي المشكلة .. لكن جلست السيارة شهر بالصيانة
قطع الغيار: البي إم أغلى بفارق بسيط جدا للقطع الخارجية
أما الميكانيكية - أتوقع اللكزس " لم أجرب ولله الحمد "
ولم أواجه مشاكل .. إلا في البي إم وقليلا
ح ب ي 666
30-01-2006, 08:59 PM
اخيرا هذا هو الرد المنتظر من واحد مجرب السيارتين
لاكن عندي سؤال عن نظام الملاحه بالنسبة للكزس والبي ام ايهما افضل وايضا بالنسبة للمساحه الداخليه من الامام والخلف للسيارتين
وياليت تحط موضوع منفصل عن تجربه لكلا السيارتان
أبشر أخوي بموضوع تجربة السيارتين.. وأضف معها GS300
وبالنسبة لنظام الملاحة
اللكزس : نظام ملاحي متطور - ويغطي مدن كثيرة - وبه توجية صوتي " باللغة العربية " - استخدام سهل .. بواسطة شاشة تعمل باللمس - وضوح عالي .
البي إم : نظام ملاحي ... أعتبره متخلف نوعا ما
والمساحة الداخلية
البي إم أوسع - لكن اللكزس تتمتع بنعومة التنجيد الداخلي بعكس البي إم
النظام الصوتي
اللكزس - مارك ليفينسون . نظام صوتي رائع فعلا
البي إم - سيء جدا
560SEL
30-01-2006, 09:02 PM
أبشر أخوي - المقارنة الكامله قريبا إن شاء الله
لكن مكن ناحية الصيانة
لكزس ازعاج كل 5000 كم ... ويتصلون عليك .. راضي ولا لا... بس يهتمون لك ولسيارتك
البي إم ..... كل 25000 كم ... بس يا إنهم حراميه بالصيانة .. تصور قاموا بسرقة جهاز الملاحة والسيارة جديده .... وقالو أبد .. ما تاخذ الجهاز إلا بـ 26000 ريال ... ههه لكن على مين .. اتصلت على مدير مركز بي إم الاقليمي - دبي .. وحل لي المشكلة .. لكن جلست السيارة شهر بالصيانة
قطع الغيار: البي إم أغلى بفارق بسيط جدا للقطع الخارجية
أما الميكانيكية - أتوقع اللكزس " لم أجرب ولله الحمد "
ولم أواجه مشاكل .. إلا في البي إم وقليلا
السلام عليكم ورحمة الله وبركاته
ما شاء الله تبارك الله ... الله يعطيك خيرهم و يكفيك شرهم ... و الله يبارك لك فيهم
بس يا أخوي عندي ملاحظه :think:
أخبرك كنت مرسدساوي :knight:
وراك قلبت علينا :D :D
560SEL
30-01-2006, 09:27 PM
أبشر أخوي بموضوع تجربة السيارتين.. وأضف معها GS300
وبالنسبة لنظام الملاحة
اللكزس : نظام ملاحي متطور - ويغطي مدن كثيرة - وبه توجية صوتي " باللغة العربية " - استخدام سهل .. بواسطة شاشة تعمل باللمس - وضوح عالي .
البي إم : نظام ملاحي ... أعتبره متخلف نوعا ما
والمساحة الداخلية
البي إم أوسع - لكن اللكزس تتمتع بنعومة التنجيد الداخلي بعكس البي إم
النظام الصوتي
اللكزس - مارك ليفينسون . نظام صوتي رائع فعلا
البي إم - سيء جدا
اذا كان النظام الملاحي اللي في اللكزس هو نفس الموجود في ال VX-R فمثل ما قلت يغطي كل دول الخليج
560SEL
30-01-2006, 09:29 PM
أبشر أخوي بموضوع تجربة السيارتين.. وأضف معها GS300
وبالنسبة لنظام الملاحة
اللكزس : نظام ملاحي متطور - ويغطي مدن كثيرة - وبه توجية صوتي " باللغة العربية " - استخدام سهل .. بواسطة شاشة تعمل باللمس - وضوح عالي .
البي إم : نظام ملاحي ... أعتبره متخلف نوعا ما
والمساحة الداخلية
البي إم أوسع - لكن اللكزس تتمتع بنعومة التنجيد الداخلي بعكس البي إم
النظام الصوتي
اللكزس - مارك ليفينسون . نظام صوتي رائع فعلا
البي إم - سيء جدا
اذا كان النظام الملاحي اللي في اللكزس هو نفس الموجود في ال VX-R فمثل ما قلت يغطي كل دول الخليج و فعلا فيه أمر صوتي و نظام تحديد المكان يعني مثلا عند الرجوع للبيت النظام يدلك على أقرب الطرق الؤديه للبيت و غير كذا اكتشاف مناطق الاختناقات المروريه
ح ب ي 666
30-01-2006, 10:05 PM
السلام عليكم ورحمة الله وبركاته
ما شاء الله تبارك الله ... الله يعطيك خيرهم و يكفيك شرهم ... و الله يبارك لك فيهم
بس يا أخوي عندي ملاحظه :think:
أخبرك كنت مرسدساوي :knight:
وراك قلبت علينا :D :D
وعليكم السلام ورحمة الله وبركاته
هلا بأخوي 560 ... حياك الله
أيه كنت مرسدساوي ... بس تعبتني .. أبي الراحة .. خلاص عقلت .. المرسدس سيارة مجانين .. وحقين سرعة ونطل
بس ما قلبت عليكم .. يظل حبي لك وللـ 560 - مهما كان
-----------------------------
وبالنسبة للنظام الملاحي : بصراحة ما جربت اللي باللاندكروزر .. لاكن مثل ما وصفت .. :أتوقع أنه نفسه
ح ب ي 666
30-01-2006, 10:09 PM
أضف لذلك أخوي 560
جربت CLS
قاسية جدا في القيادة ... وفي الركوب .... بس الشكل والمحرك جبار طبعا ..
560SEL
31-01-2006, 01:09 AM
أضف لذلك أخوي 560
جربت CLS
قاسية جدا في القيادة ... وفي الركوب .... بس الشكل والمحرك جبار طبعا ..
يا رجال كل المرسيدس من تالي صاير قاسي مره ... ما أدري ليه :
ال E Class أول ما نزل تقول راكب شاص و تحس ان المساعدات بتنقز من الكبوت بالذات الاماميه هذا و هو E500 و لكن أحس ان الوضع اختلف من 2005
أعتقد انه نفس تعليق ال CLS و لكن غلطوا و ركبوه في ال E Class و هم ما يدرون :D
كرمبع
31-01-2006, 01:27 AM
يا رجال كل المرسيدس من تالي صاير قاسي مره ... ما أدري ليه :
ال E Class أول ما نزل تقول راكب شاص و تحس ان المساعدات بتنقز من الكبوت بالذات الاماميه هذا و هو E500 و لكن أحس ان الوضع اختلف من 2005
أعتقد انه نفس تعليق ال CLS و لكن غلطوا و ركبوه في ال E Class و هم ما يدرون :D
تعليق الE500 هو الهيدروليك... قاسي عند الوضع الرياضي... ومريح في حاله ازالة الوضع الرياضي.. والوضع الرياضي فيه درجتين...
بس اعتقد القساوة تنتج الرساوة خصوصا ان الـ E500 ماشاء الله طيارة وسيارة سبورت اعتبرها... لاتلومي لاني امتلكها هههههه...
وهو نفس التعليق الموجود في الفئة CLS ... وفي برمجة MKB بحيث ان مستوى الهبوط يكون الكفر داخل البودي... وهذي خطوة راح اتوجه لها في المستقبل ان شاء الله:)...
والسموحه يامغرم البنز:) والله مالومك :knight:
المرسدساوي كرمبع والعالم....
560SEL
31-01-2006, 01:32 AM
تعليق الE500 هو الهيدروليك... قاسي عند الوضع الرياضي... ومريح في حاله ازالة الوضع الرياضي.. والوضع الرياضي فيه درجتين...
بس اعتقد القساوة تنتج الرساوة خصوصا ان الـ E500 ماشاء الله طيارة وسيارة سبورت اعتبرها... لاتلومي لاني امتلكها هههههه...
وهو نفس التعليق الموجود في الفئة CLS ... وفي برمجة MKB بحيث ان مستوى الهبوط يكون الكفر داخل البودي... وهذي خطوة راح اتوجه لها في المستقبل ان شاء الله:)...
والسموحه يامغرم البنز:) والله مالومك :knight:
المرسدساوي كرمبع والعالم....
انا عارف انه هيدرولك و لكن صدقني على الرغم من انه كان في الوضع العادي الا انه كان قاسي جدا
تدري المشكله وش طلعت منه يا رمسدساوي ؟؟ :D
طلعت من الكفرات ((كونتينيتال)) هي اللي كانت مسببه اللخبطه :D
كرمبع
31-01-2006, 02:04 AM
انا عارف انه هيدرولك و لكن صدقني على الرغم من انه كان في الوضع العادي الا انه كان قاسي جدا
تدري المشكله وش طلعت منه يا رمسدساوي ؟؟ :D
طلعت من الكفرات ((كونتينيتال)) هي اللي كانت مسببه اللخبطه :D
معاك انه قاسي بس مش بالدرجة اللي وصفتها:)....
التعليق العادي افضل واريح :)..
بس انا اشوف الهيدروليك مريح في وضعيه الكومفورت... رغم اني استعمل اطارات ميشلن بايلوت سبورت 2 ... مع غاز النيتروجين والنتيجة اخر حلاوة نعومه والله ماتوصف...
560SEL
31-01-2006, 04:33 PM
معاك انه قاسي بس مش بالدرجة اللي وصفتها:)....
التعليق العادي افضل واريح :)..
بس انا اشوف الهيدروليك مريح في وضعيه الكومفورت... رغم اني استعمل اطارات ميشلن بايلوت سبورت 2 ... مع غاز النيتروجين والنتيجة اخر حلاوة نعومه والله ماتوصف...
أول دفعه نزلت هنا كانت تجي بكفرات كونتينيتال و الناس أخذوا فكره على طول ان العيب من السياره نفسها .... و الله السياره كانت تهبد هبدات جامده
و لكن بعد ما تغيرت الكفرات الموضوع تغير تماما
ركبنا لها بريللي و النتيجه على قولتك آخر حلاوه
انا خابر يا رجال ان السياره ما عليها أي كلام و ان تعليقها الطبيعي هو وسط يعني لا هو بالقاسي مره و لا بالناعم مره وسط بينهم
و بعدين لحظه انت يابو تعليق عادي :D :D
ما دام ان التعليق عادي ... رح فك الهيدروليك و غيره بمساعدات مستعمله :D :D :D
الهيدروليك لا يعلا عليه و رساوته غير باقي السيارات كلها ... و أكبر غلط هو الاستغناء عنه
وعلى العموم أخوي كرمبع .... أبيك في كلمة راس :D
moon111
01-02-2006, 02:18 AM
ههههههههههههههههههههههههههههههههه
ح ب ي 666
01-02-2006, 02:42 AM
ههههههههههههههههههههههههههههههههه
ياقمر ... هالضحكة وراها سر ..
بغيت أنزل صور موترك ... بس قلت لا يزعل علينا ..