CTS أو Charger

[Dr cars]

بسم الله الرحمن الرحيم


حبيت من الشباب الطيبة المساعدة لأن أحد من أصدقائي محتار بين السيارتين ...
سؤال مهم لأصحاب الخبرة ..ماهي مشاكل ال CTS و ياريت من أصحاب الخبرة بالذات ؟

[RED Chevy]

مرحبا...

الجاجر شكل يديد توه نازل وشكله وايد حلو وقوي بشكل مو طبيعي بس عيبه انه يفشل من داخل....

السي تي اس صار قديم احين وبيتغير جريب بس اسمه يشيله والمشاكل ماشفت حد يشتكي منه عمي بيكمل عنده 3 سنين احين ومرتاح منه:19:

[Ascari]

زي ما قال RED CHEVY


التشارجر يميزه انه:

- شكل جديد (ال CTS بيتغير بعد سنتين او 3)

- مكينه صاروخ



بس من داخل مافيه اي منظر جمالي... ومواصفاته تعبانه


والله اعلم عن مشاكله



ال CTS:

موديل 2005 اعتبر ال CTS في قياس منظمة J.D. Power من اقل السيارات في العالم مشاكل

فإذا شايل هم المشاكل.. خذها انشالله وانت متطمن


مكينتها 6 سلندر نوعين:

- 2.8 لتر

- 3.6 لتر



ال 3.6 لتر قويه مره وتوصل 100 خلال 6.8 ثوان


وال 2.8 قويه بعد مو هينه....


واللي يميزها عن التشارجر اذا بتاخذها فل اوبشن:


- ثبات في الطريق لا مثيل له

- شاشه ومعها نظام ملاحه على جميع دول الخليج

- تشغل افلام DVD

- فتحات Audio/video (اصفر - احمر - ابيض) اذا تبي تشبك كاميرا او جوال او اي شي

- نظام Bose بـ 8 سماعات

- ذاكره

- نظام مراقبة ضغط الكفرات (المفروض فيها بس ما تأكدت)

- 4 سنوات/ 100 الف كيلو صيانه مجانا وقطع غيار مجانا




والقرار بيدك :D

[sayedco]

التشارجر أقوى

هيمي 5.7 مقابل 3.6

تسارع التشارجر يقولون 6 ثواني ، الكادلاك 7 ثواني شوييييي أقل

لكن هالثانية تفرق وايد على الشارع :p

و الكادلاك شكل أكثر ، و أكشخ و إسم أحلى :p

إذا تهمه القوة أكثر فعليه بالكادلاك

و إذا يهمه الشكل فعليه بالكاديلاك

[Dr cars]

أشكركم يا إخواني على الردود...لكن أهم ما يهمني في الكاديلاك ...هل هي سيارة أصلية أم كثيرة المشاكل

[الشبابي]

خذ تشارجر ...
قيمتها 128 الف ريال والسي تي اس ب 168 الف ريال ...
التشارجر محركها 5.7 لتر هيمي قوي جدا وثبات عالي ونظام تعليق ناعم وشكل له هيبه وواسعه من الدخل بعكس الكاديلاك ...











اخوكم الشبابي

[king_prelude]

توكل على الله وخذ التشرجر جديدة وشكلها أحلى

الكدلاك شكله قديم:D حبتين وصيانته صعبة :smart:

[MoHaMaD_Q8]

انا عن نفسي اخذ الكدلك..شكل احلى ومواصفات ومشاكل اقل..يعني مافي وجع راس

اما اذا تهمك القوه اخذ شارجر

لكن مو كل شيء القوه

تحياااااتي

[Ascari]

صدقني اسأل مجرب



الكاديلاك تغير الحين


خراباته وخصوصا ال CTS قليله جدا جدا جدا جدا



بس اذا يهمك مساحه داخليه كبيره خذ التشارجر

واذا يهمك قوة المكينه خذ التشارجر

واذا يهمك ان الشكل بيتغير خذ التشارجر



غير كذا الكاديلاك افخم واثبت واكشخ واحسن واقل مشاكل منها


و سواقة الكاديلاك غييييييير... احلى وامتع واريح بواجد


وغير ان مشاكلها قليله .. كاديلاك عليها 4 سنين صيانه مجانا وقطع غيار مجانا


ما عليك الا بنزين وكفرات




واذا سعر ال CTS كثير (165 الف)... تقدر تروح الوكاله وتشوف الباقي من موديلات 2005... مافي فرق بينهم ... وبينزل لك في السعر حوالي 20 او 25 الف...

[أبو حسين]

تبي الجد؟؟

خذ الكاديلاك وربي إنها أصرف من الشارجر بـ100 مليون مرة..

الشارجر ركبتها بالوكالة والله تقول كامري ماهو أمريكي..

هذا وديكور حقها باين خفيف وتعبان :eek: الزبدة السيارة تنقصها الفخامة..

بس سؤال واحد..

ماينفع تاخذ STS??

[الشبابي]

الفرق بالسعر كبير جدا ...
لعلمك التشارجر الرياضي SRT قيمته ستكون بحدود 149 الف ريال بمحرك 6.1 بقوة 425 حصان ....
السي تي اس فخم لكنه ضيق جدا خصوصا في المقاعد الخلفية والسقف جدا واطي وحتى الاستهلاك بالنسبة للتشارجر 17 / 25 ميل للجالون والسي تي اس 3.6 يستهلك 17 / 26 ميل للجالون يعني الفرق بسيط جدا لصالح السي تي اس ...







اخوكم الشبابي

[alsamawe]

hi what a u saying .none sence

[BoSaLem]

انا افضل الدوج لان شكله متوحش وقوي ومميز بالشارع وسعره حلووو

وشكرا ..

[linkin park]

خذ شارجر وانت مغمض :black:

[كرمبع]

الريال بياخذه لاستعمال :)

يعني الجارجر حلو بس توه جديد مانعرف مشاكله وعيوبه وقطعه هل متوفر او لا...

والCTS العكس... حلو وجميل وانيق وشكله ملموم وجميل:)

افضل الـ CTS فهالحاله

[muh_2000]

خذ اللي يعجبك

[Ascari]

شكله بيهون :D

[فديت الامارات]

Charger
شكل ولا اروع قوه رهيبه :D

[cadyman]

اذا انت في السعوديه اهرب من السياراتين لان وكلائهم كل واحد يقول انا افشل من الثاني
قطع مافيه صيانه مافيه
خدمه مافيه

[Dr cars]

شكرا جزيلا لردودكم الحلوة و استنتاجي من كلاكم

الدودج شباب و قوة.
الكاديلاك فخامة .

بالنسبة للكاديلاك ما في مشاكل بشكل عام.

[B4_STI]

فوجهه نظري التشارجر...