طبخ البيض على سقف سيارتي

[الهاوي جروب]

السلام عليكم

البارحه كنت عند قريب لي المهم كنت عنده من الساعه 11 ونص خرجت العصر او بلأصح قريب المغرب

لقيت سقف السياره كله بيض مفقوع :mad1:

الغسال غسل لين قال بس

ولا هو راضي يطلع

واحد نصحني بزيت فرامل امسح بيه

فأيش تنصحوني

[Prelude 4 Life]

انا اللي اعرفه ان زيت البريك يعدم البوية

حاول بتلميع خشن وانشاءالله يروح

[ra3y_v8]

جرب البترول ....

[cruiser2000]

ماقدر افيدك

بس انا صار لي نفس الموقف تقريبا

بس كان قار الشارع توه يديدو ولصق بدي سيارتي من الاسفل

فوديتها المغسلة العادي مش الاوتوماتيك

وقلت له عن السالفة قالي نقدر نشيلها بديزل

قلت له يمكن يأثر بالصبغة

قالي لا ماعليك

والحمدلله للحين الصبغة مافيها شي



بس مادري يمكن ينفع مع البيض


بس الأحسن توديها مغسلة او محل تنظيف

[opel005]

اللي اعرفه انه الحركة هذه يسوونها ناس لما يبغا ينتقمون من شخص يفقعون بيض على السيارة عشان تعدم البوية وخاصه اذا تعرض للشمس تسبب تآكل للبويه وبتظطر تصبغ من جديد ... لكن ان شاء الله سيارتك ماتكون تأثرت كثير وقدرت تلحق وحاول بكل الطرق لتنظيفه وان شاء الله ماتظطر انك تصبغها

[Porsche GT2]

صارت معي مرة .. واحد قليل أدب كان ماشي على سيارات حارتنا ويرميها بالبيض .. وحاول الغسال يغسلها بس ما راحت لكن رحت لمغسلة قريبة وغسلوها وراحت الحمدلله .. جرب رح لمغسلة جيدة و إن شاءالله دفع الماء القوي والصابون يشيلها لكن لا تتركها فترة طويلة بعدين ينشف ويخرب البويه ..

[الهاوي جروب]

السلام عليكم

شكرا لكم اخوان

والله يااخوان الحمد الله مالي اعداءوفي حالي وحال نفسي


لكن الله يهدي الي سواها

[abumhdi]

اولاد الحرام ماخلو لولاد الحلال حاجة .. :anger: <<<< طلع عن طوره ..

يعني وش الفايدة من الحركة القذره هذه إلا ( ... ) .

بعد ما تغسلها .. استعمل تلميع خشن .. وأنشاء الله ربك يقصف اياديهم .. :mad1:

[Leon 218]

جرب محلات التلميع اكيد عندهم حل لمثل هذي الحالات :(

ابو مهدي حلوه الله يقصف يديهم :lol: :lol:

[غريب السيف]

الصيف بعده ما وصل :D امزح وياك



منو الغبي اللى حاول يطبخ على سيارتك ....قله ادب من ناس فاضيه

هي سهله تروح بمواد موجوده في محلات التلميع او البترول او سائل الغاز الطبيعي

[sayedco]

أول ما شفت العنوان قلت يمكن إنت طابخ بيض على السقف :lol:

بعدين هالحركة اللي آعرفها إذا دامت على سطح السيارة ، تشيل الصبغ من جذوره << شعر مب صبغ :D

و بعدين OIL BRAKE يشيل الصبغ و يسويه أخس و أخس

آنا أقول جرب ديزل << عند محل متخصص ، و إذا ما نفع جرب بوليش خشن

[أبوالزين]

بوليش خشن, أو ديزل, شرط أنك بعد ما تغسل بالديزل, نظفه بماي حار على طول

وإنشاء الله خير

[GMC 95]

بوليش خشن, أو ديزل, شرط أنك بعد ما تغسل بالديزل, نظفه بماي حار على طول

وإنشاء الله خير


:banana:

[Mr_CoRvEtTe]

مثل ما قال ابو الزين ... بس لا تستخدم زيت البريك ابدا لانها بتبهدل الصبغه

[أبو حسين]

أسوأ مافي البيض :mad1: إنه يدوم ريحته أيام من عفن :damp:

بس جرب الديزل مثل ماقالوا الأخوان..أو محل تلميع وبإذن الله بتروح..