تشغيل السيارة وعقب تبنده وعقب تشغله يضر أو لا؟ظ

[qewani]

السلام عليكم

بغيت أعرف اني لو شغلت السيارة وعقب دقيقتين بندته وعقب على طول رديت شغلته وعقب دقيقة بندته يعني بمعنى اخر

هل يضر تشغيل السيارة ومن ثم اغلاق تشغيلها................... او لا ؟؟؟
يعني يتأثر المحرك أو السيارة او لا ....خاصة اذا الفترة بين تشغيل السيارة واغلاقها هي دقيقة مب أكثر عن جي .....

أرجو من كل واحد انه يفيدني في هالموضوع .....:oops:

[ra3y_v8]

ما اعتقد فيه ضرر......

بس اخوي شو سبب سؤالك... :D ؟

حاب تسويها :D ؟

[abumhdi]

ما فيها ضرر ..

اتكل على الله .. ولا يهمك ..

إذا مصختها بس راح يحترق عليك السلف .. :D ما يهمك .. ;)

[sayedco]

ننتظر الشباب يجاوبون بعد

نبي أدلة :D

آنا ناوي بعد :D ، لا لا الصراحة عشان آخذ حذري يمكن في وقت ما اضطريت أسويها

[qewani]

لا والله مب ناوي أسويها لكن ساعات أكون مضطر ....مجبور على هالشيء ....:corsair:...مثلا لو سرت الكراج أو المسيت (المسجد)
واللي قال السلف يحترق ...انزين قولي بكم ينباع او يتصلح هالسلف لو أخترب :headshak:

المهم يعني هالشيء ما يأثر على المحرك؟؟؟شو رايكم يا جماعة؟؟!:damp:

[Prelude 4 Life]

كثرته يتعب البطارية لان التشغيل يستهلك من البطارية واذا طفيت السيارة على طول ماتلحق البطارية تشحن من الشارج

[ra3y_v8]

اخوي ما اعتقد يأثر....

مثلا سيارات ال L T ------- :D :D

سيارات التعليم الجير العادي....
كم مره تسكر على الي يتعلم ...ويردون يشغلونها في نفس الوقت بعد مب بعد دقيقه او ثنتين وهذا الكلام يصير في نص الشارع وخاصه في الدوارات والتقاطعات والاشارات :D

[qewani]

يا خوي ذكرتنا بأيام التعليم الله يهديك والله ......كانت ذكريات حلوه...:cry:

[sayedco]

اخوي ما اعتقد يأثر....

مثلا سيارات ال L T ------- :D :D

سيارات التعليم الجير العادي....
كم مره تسكر على الي يتعلم ...ويردون يشغلونها في نفس الوقت بعد مب بعد دقيقه او ثنتين وهذا الكلام يصير في نص الشارع وخاصه في الدوارات والتقاطعات والاشارات :D

جواب مقنع

خلاص بسويها على كيفي :laugh1:

[مؤيد اف1]

اكيد يضر اذا كانت السياره بارده..الزيت يكون مو كافي وثقيل على المكينه وهو بارد وكذا مايوصل زيت كفايه للسلندر يعني التأكل بيكون كبير ويمكن تخرب الشنابر وهالاشياء..غير ان الزيت بيملتي رطوبه وماء من برودة المكينه من التبخير حقها نتيجة التقاء غاز حار ببارد والاشتعال يعطي نسبة رطوبه ماتتبخر لان المكينه بارده فيتكثف في الزيت ويتحول لماء..يعني الزيت بيتأكسد بسرعه كبيره..

في حالة المكينه بارده..اما ساخنه ممكن يصير ضرر طفيف جداً وعلى المدى البعيد..انا عموماً اتجنب هالشي بقدر الامكان..لان هالشي اكبر سبب في تآكل المحرك


تحياتي

[zx300]

اكيد يضر اذا كانت السياره بارده..الزيت يكون مو كافي وثقيل على المكينه وهو بارد وكذا مايوصل زيت كفايه للسلندر يعني التأكل بيكون كبير ويمكن تخرب الشنابر وهالاشياء..غير ان الزيت بيملتي رطوبه وماء من برودة المكينه من التبخير حقها نتيجة التقاء غاز حار ببارد والاشتعال يعطي نسبة رطوبه ماتتبخر لان المكينه بارده فيتكثف في الزيت ويتحول لماء..يعني الزيت بيتأكسد بسرعه كبيره..

في حالة المكينه بارده..اما ساخنه ممكن يصير ضرر طفيف جداً وعلى المدى البعيد..انا عموماً اتجنب هالشي بقدر الامكان..لان هالشي اكبر سبب في تآكل المحرك

تحياتي


الله يعطيك العافيه وانا بعد مستحيل اسويها مره وحده كيف عدة مرات :banana:

[1100R]

حتى اذا كان المحرك ساخن..

في بعض السيارات جرب طفي السيارة وشغلها على طول تلاقي الحرارة فوق..لكن تنزل

على طول لان المراوح وقتها تشتغل :oops:

والسبب ان المحرك اصلا ساخن وتجي تشغل السيارة ثاني فاكيد حرارة الاشتعال بتزيد

من حرارة المحرك..

[Dreams_Maker]

السلف راح يسخن إذا كررتها..

وممكن يحترق..

:laugh1:

[CL-Class]

مثل ماقالولك الشباب

وأضف على ذلك صرفية بترول مالها داعي ...... لان تشغيل السيارة يسحب كمية اضافيه

[Genius]

أهم شي إذا ما أشتغلت على طول أصبر 5 ثواني بعدين جرب مرة ثانية

لأنه لو جربت على طول بعض الأحيان تسمع صوت أحتكاك الحديد

[BMW M8]

اخي الكريم .... كل شي زاحد عن حده انقلب ضضدك...

له تاثير فذلك يؤثر على شمعات الاحتراق " المولدة للشرارة " لعملية ادارة السيارة لكن اذا يؤثر على المحرك فلا ادري او البطارية ...بس في تصوري اعتقد يؤثر....