هل تسخن موترك(سيارتك) ولكم دقيقة تسخنه؟ وشو السبب من وراء ذلك؟

[qewani]

السلام عليكم
يا جماعة الخير يا أصحاب المنتدى واعضاءه....موضوع للنقاش ومفيد للجميع ...اتمنى المشاركة وكتابه رايك حول الموضوع .:m:
شو الحمكة من وراء تسخين السيارة في كل يوم ....:OO: يعني انا أسخن موتري لمدة عشر دقايق لين ما ترتفع الحرارة وعقب اتحرك ..شو الحمكة من هالشيء ليش لازم الواحد يسخن موتره ؟

وسؤال ثاني لو ان السيارة مب ساخنة يعني توني مشغلها وهي باردة (مثلا الظهر وانا خلصت الدوام تعرفون الجو حر فلازم مكيف ) وانا شغلت الكنديشن هل يضر هالشيء بالسيارة والمحرك هيه او لا وشو السبب ...:aoh:

[أبو حسين]

السيارة ضروري تسخن حتى يسهل لزوجة زيت المحرك وهو ساخن كما أن إحتراق البنزين والغرفة ساخنة أسهل...
وشاهدت أحدهم يقول زيت المحرك مثل زيت القلي مايصير تقلي فيه البطاطس والزيت بارد فلازم السيارة تسخن :lol:

بس إذا ماسخنت السيارة وظليت تمشى سنتين مثلا بدون تسخين رح تنكسر عليك راس المكينة :(

وسيارتي تسخن بعد 5 دقايق توصل للطبيعي ((لاندكروزر))

واللكزس ماتوصل الحرارة للربع إلا بعد ربع ساعة :anger:

وسلام ;)

[Porsche GT2]

أنا أسخن سيارتي لمدة 5 دقائق تقريباً .. لكن اللي محيرني انه مو مكتوب في دليل المالك أي شئ عن تسخين السيارة .. مع انهم يكتبون تحذيرات عن أشياء يمكن أقل أهمية .

واحد من الشباب عنده فورد كراون فيكتوريا 99 يقول انه في دليل المالك ينصحون بعدم تسخين السيارة لأن السيارة ما تحتاج له بالإضافة إلى انه صرف بنزين بدون سبب :damp:

[comondor--GTSR]

انا اظطر اني اسخن ال اس تي اس لمدة 5 دقايق لانه لو ماسخنت السيارة راح تتفتف عليا شوي اللين تعتدل الحرارة

وخويي الميكانيكي قالي ان اغلب السيارات الجدجيدة ماتحتاج الا لنص دقيقة فقط ويمكن ماتحتاج كمان

سلاماتكم

[محبكم ومغليكم]

طالما فيها زيت تحتاج إلى تسخين .

وأنا أسخن سيارتي لمدة خمسة دقائق ودقيقه إذا مستعجل وأمشي عليها بشويش إلى ما تسخن .

[BMW M8]

اخي الفاضل....qewani السلام عليكم

الحكمة تقول وتقتضي ان بتسخين السيارة تحفظ المحرك من اي مشاكل ...يعني تحفظ من مشاكل الهيد تاع السيارة ومن خلط الزيت مع الماء ......

بالنسبة للسؤال الثاني ما في مشلكة على ما اظن لانو حرارة الجو الخارجية تكفي ... في شمس .... لذا ما يحتاج لتسخين ...اذا حبيت تسخن فدقيقتين تكفي... لكن تريد جواب شافي اسال الوكيل بيكون الجواب الشافي عندك....



تحياتي لك ..... :good:

[lumina]

انا أسخن سيارتي لمدة 5 دقايق بس و إذا مستعجل دقيقة وحده .. :banana:

[sayedco]

هو صحيح يحتاج زيت المحرك ليوصل لدرجة حرارة تجعله في اللزوجة المطلوبة

لكن


بس إذا ماسخنت السيارة وظليت تمشى سنتين مثلا بدون تسخين رح تنكسر عليك راس المكينة


كلامك على أي أساس تقوله ؟ ، آنا سيارتي كملت 6 سنين و 6 أشهر و حتى الآن ما سخنتها أكثر من دقيقتين

أغلب الأوقات شغل و امش ، لكن في البداية أخف ريولي من السليتر ، شوي شوي أزيد و شوي شوي إلى ما أوصل 120 كيلو و أثبت السرعة << هذا كلام كل يوم في روحتي الجامعة

تسخين الزيت في نظري لا يحتاج أكثر من 30 ثانية << في نظري و حق السيارات الجديدة

بس نوع الزيت يأثر ، آنا كنت أحط زيت الوكالة Mopar و كان تمام ، بعد مدة حطيت Castrol كان يصدر صوت لما السيارة باردة، بعدين رديت على Mopar

[qewani]

تسلمون على المشاركة بالموضوع .....وان شاء الله بسيرالوكالة وبسألهم عن هالموضوع

[علي عبدالله]

انا شخصيا ما اهتم بموضوع تسخين السيارة كثير
يعني ممكن اخليها دقيقة وحده وبعدها اتحرك
باستثناء اذا السيارة واقفة لمدة طويلة ( شهر ..شهرين ) في هذي الحالات اخليها تسخن لفترة طويلة ;)

[Genius]

بالنسبة لي ما أحمي السيارة وهي واقفة على طول أحرك بس أخليه بالــD بدون ما أدوس على البنزين.

بالنسبة للمكيف عندي ما يشتغل الكمبروسر قبل ما تحمى السيارة أتوماتيكياً.

[مؤيد اف1]

انا اسخن السياره مدة 10 دقايق اذا كان الجو ثلوج..وبعدها امشي ببطء..عشان الجير يصير ساخن..لان وهو بارد تعشيقته من 1 الى 2 تصير قويه جداً وتحس انها مو طبيعيه..ولو دعست وقتها حدي عادي السياره تبوش لما تشبك على ال2.. :D


بس مره ماطيق تعاشيق الجير في فترة الصباح والجو بارد..تحس انه مافيه زيت


والي مايبغى يسخن كثير فيه عنده حل..يسخن من دقيقه الى دقيقتين وبعدين يمشي على الراااااحه لين ماتوصل السياره الحراره المثاليه..


وسلامتكم

[Crackjas]

انا امشي بعد ما ينزل عداد الRPM تحت الواحد

[سدرك]

انا قبل ما أشغل السيارةاضغط ضعطتين بنزين وبعدين اشغل ويرتفع الضغط إلى اثنين ونص

وعلى طول تحتمي

[al_shaiba13]

أنا عدد المرات اللي سخنت فيها سيارتي تنعد باليد :m:

وأسخنها مب لأني أبا أسخنها،، أكون ناسي شي في البيت وأسير أييبه :D :D

يعني شباب صدق ضروري إن الواحد يسخن سيارته؟؟ :help:

[uae speed]

مدة دقيقتين أشوفها كافيه للتسخين ، بس اول 5 كيلو حاول انك تمشي
على راحتك بدون دعاس .. :)

بالنسبه لي ، أشغل السياره واروح افتح باب الكراج وارجع وبعدين اتحرك :D

[قلق و رجه]

تعتمد فترة التسخين على السيارة

لان فيه سيارت تكون بطيئه وسيارات تكون سريعه مثل الاكورد الجديد

لكن الفتره من دقيقة الى خمس وعلى حسب الجو

والقير لازم يسخن (تعشق القير حبه حبه)

وتمشي بشويش


واللي ما يسخن يروح عليه الراس عادتا :oops:

[غريب السيف]

مثل ما قالوا الشباب ...

انا اسخن سيارتي الصبح بس اما لما اطلع من الدوام بعد 8 ساعات تكون السيارة بارده

اخليها تشتغل دقيقه واحده وبعدين اشغل المكيف عشان يساعد على رفع حرارة المحرك وبعدين انطلق شويه شويه لمدة كيلو ...ثم اطلق العنان للسيارة ويبدأ السباق الحقيقي للوصول الى البيت :D

[رامي الزهراني]

انا شخصيا ما اهتم بموضوع تسخين السيارة كثير
يعني ممكن اخليها دقيقة وحده وبعدها اتحرك
باستثناء اذا السيارة واقفة لمدة طويلة ( شهر ..شهرين ) في هذي الحالات اخليها تسخن لفترة طويلة ;)

كلام سليم........ انا مثلك :good:

مادام مؤشر الحرارة ارتفع شوي (حتى لو شيء بسيط) خلاص الوضع امن جدا، كثرة التسخين قبل المشي يعود السيارة على الدلع، و إذا كان عندك حالة طارئة مثلا و مستعجل جدا، إيش بتسوون؟

ثم انه اهدار للوقت و الوقود

[760IL]

انا بالنسبه لي مستحيل امشي بدون مااسخنها لمدة دقيقتين في الصيف وخمس دقائق في الشتاء
وحتى صوت المحرك اول ماتشغله تحس انه يطحن وبعد دقيقتين تقريبا (صار اندومي مو محرك :D ) يهدأ بشغل ملحوظ
طبعا في السيارات الالمانيه زي البي ام والمرسيدس مااتوقع انه يحتاج تسخنها لانه (ready to go in any time :laugh1: )

[cadyman]

انا اسخن 10 ثواني وبعدين امشي اقل من 60كم لمدة كيلو حسب توجيهات الشركة الصانعة رينو الفرنسية والسيارة موديل 2003 وماشية 70.000 كم

[أبو حسين]

هو صحيح يحتاج زيت المحرك ليوصل لدرجة حرارة تجعله في اللزوجة المطلوبة

لكن



كلامك على أي أساس تقوله ؟ ، آنا سيارتي كملت 6 سنين و 6 أشهر و حتى الآن ما سخنتها أكثر من دقيقتين

أغلب الأوقات شغل و امش ، لكن في البداية أخف ريولي من السليتر ، شوي شوي أزيد و شوي شوي إلى ما أوصل 120 كيلو و أثبت السرعة << هذا كلام كل يوم في روحتي الجامعة

تسخين الزيت في نظري لا يحتاج أكثر من 30 ثانية << في نظري و حق السيارات الجديدة

بس نوع الزيت يأثر ، آنا كنت أحط زيت الوكالة Mopar و كان تمام ، بعد مدة حطيت Castrol كان يصدر صوت لما السيارة باردة، بعدين رديت على Mopar

والله ناس كثيرة تقول هالكلام :glasses: بس فهمت منك إنك على الأقل تسخن السيارة مدة بسيطة وهذا على الأقل كافي.. بس غيرك تضرب السلف وخلاص تمشي مثل السواقين إللي ماشاء الله عندهم ولا سواقين الفورملا واحد :D

بس إللي أقصدة من أسباب كسر الرؤوس هي عدم تسخين السيارة في الصباح..يعني مو شرط كبير ينكسر عليك..شفته زمان من موقع الساحة العربية بس للأسف نسيت الرابط..طيب سيارتك لها 6 سنين ((ماشاء الله والله لايضرها)) غيرك بالصناعية معاهم سيارات موديل الثمانينات يسخنوا السيارة غصب عليهم ولا شريت راس جديد أو وضبوا المكينة مرة ثانية :D وسلام عليكم ;)

[Some1]

ماشاء الله الشباب كفوا ووفوا :)

انا اشغل السياره واتركها تقريبا دقيقتين الى 3 بدون ريس او شي

بعض الشباب اشوفهم يضغطون ريس عند تسخين السيارة وهذا على حد علمي ماله داعي ابدا ! :m:
وكأنك مشيت فيها بدون تسخين .


كان عندي زمان مرسيدس كنت اذا ما سخنتها قبل لا امشي تطفي مني :lol:

دقيقة او دقيقتين ما بتفرق كثير اهم شي سلامتك وسلامة السياره .

[sayedco]

بو حسين ، آنا مو قصدي آغصبك تييب الموضوع الأصلي

بس اللي أشوفه إنه اللي يروح عليهم الراس يسوقون مثل الفورمولا واحد على قولتك من البداية

لو تمشيها على راحة و هداوة في البداية يعني RPM تحت ال2 بيكون شي عادي

و أخص بالذكر السيارات الجديدة ، القديمة أصلا ما تمشي لو ما سخنتها عادة تنطفي عليك السيارة

و أنصح بالزيت ال Synthetic لأنه يحمي المكينة في درجات الحرارة المنخفضة و أثناء التشغيل في الجو البارد و المكينة الباردة ;)

و مشكور على الأخذ و العطاء أخوي بو حسين