View Full Version : هوندا تتصدر نتائج الجولات التجريبية لل F1
Prelude 4 Life
10-03-2006, 11:11 PM
بعد مااشترت فريق BAR بالكامل...
وبعد تقديمها لسيارة F1 تمت صناعتها بالكامل في مصانع هوندا...
وبعد ماوعدت جماهيرها بتحسن كبير في ادائها في سباق ال F1...
هوندا تفي بوعودها....
http://www.formula1.com/race/news/4070/751.html
abn_salman
10-03-2006, 11:15 PM
كفو ياهوندا :banana:
مؤيد اف1
11-03-2006, 02:31 AM
تدرو بالاول ليش تصدرت؟
لان الي يسوقها سائق تجارب يوم الجمعه..الي سيارته ماعليها rev limiter لانه سيارته ماراح تستخدم في السباق فما في داعي ان الفريق يخاف على السياره..فهم عاطين السايق الماكسيمم..شوفو السايقين الرسميين في السباق وين مراكزهم...اقصد باتون..وباريكيللو..
شوفو هنا
http://www.formula1.com/race/result/751/10.html
على العموم تجارب يوم الجمعه الهدف منها تحقيق الوصول لافضل اعداد للسياره واختيار تركيبة الكفرات المناسبه للحلبه..وفي ناس تختر ظروق سباق وناس تختبر ظروف تجارب رسميه..
يعني كل هذا مايعني تفوق هوندا ابداً
السباق يوم الاحد مو يوم الجمعه وهناك التحدي الكبير :cool:
بكره السبت في تجارب السبت الحره والرسميه يبان كل شي لان سائقين الاختبارات ماراح يشاركو..فقط سائقين السباق.
وانا اتوقع من هوندا مستوى عادي جداً
sayedco
11-03-2006, 12:05 PM
مؤيد ، صحيح كلامك حتى حطوا مقابلة مع واحد من الإكبارية :D ، كان يقول إن يوم الجمعة التجارب مب رسمية ، في أفرقة تجرب حق الإطارات و ظروف السيارة و الباقيين تجارب سرعة و يبون ييبون أحسن وقت
Prelude 4 Life
11-03-2006, 04:28 PM
بكره السبت في تجارب السبت الحره والرسميه يبان كل شي لان سائقين الاختبارات ماراح يشاركو..فقط سائقين السباق.
وانا اتوقع من هوندا مستوى عادي جداً
ها يامؤيد وسيدكو عسى شفتوا نتائج يوم السبت؟؟ :D
عسى شفتوا مستوى باتون :D
http://www.formula1.com/race/news/4075/751.html
بانتظار نتائج الكواليفاينغ اليوم
مؤيد اف1
11-03-2006, 05:13 PM
عسى بس شفت الفيراري ويش سوو في التجارب الرسميه..وهي المهمه..مو الحرة :cool:
الاهم الحين السباق
والاكثر اهمية ان في 18 سباق :D
قايل لك التجارب الحره ماتدل على شي
فيراري :banana:
Prelude 4 Life
11-03-2006, 05:19 PM
نتائج الكوايفاينغ كانت...
المركز الاول (شوماخر) والثاني (ماسا).... فيراري
الثالث هوندا (باتون) بفرق 700 جزء من الثانية عن شوماخر
مؤيد...
حتى التجارب الرسمية تبين ان الهوندا تقدم مستوى اكثر من رائع
وتفوقت على منافسين صار لهم سنين في الفورمولا ون
الهوندا اول سنة تشارك في الفورمولا كشركة
السنوات اللي راحت كانت راعي فقط لفريق BAR وكانت تزوده بالمحرك والدعم فقط
يعني مستواها (لحد الآن) موعادي مثل ماقلت
مؤيد اف1
11-03-2006, 05:24 PM
هوندا عندها نفس فريق عمل BAR مافرقت الا الملكيه..كانت هوندا تملك اكثر من نص الفريق..وكانت الي تزود الفريق بالمحرك ماتصير راعي فقط.
وبعدين في شي ثاني..السباق راح يغير كل شي..الاهم فيه الاستراتيجيه والاهم فوق كل هذا ثبات مستوى السياره..بعض السيارات اول كم لفه سريعين بعدين يبطئو شوي شوي لين مايصيرو ابطىء سيارات على الحلبه..
وعلى فكره 700 جزء من الثانيه فرق كبييييييييييييير في الفورمولا1..100 جزء من الثانيه ممكن تحدد الفرق بين الفايز والخاسر..200جزء بعض الاحيان تحدد بين المركز الاول والثاني..هذي امثله صارت..
الثانيه تقريبا تساوي مسافة 100 متر بعض الاحيان !!
يعني فرق مو قليل
كل مازادت السرعه تزيد المسافه بعض النظر عن المسافة الوقتيه :p
مؤيد اف1
11-03-2006, 05:27 PM
باقولك شي زياده
في 2004 الفيراري كانت اسرع من الكل في اللفه في السباق ب اقل من ثانيه..بعد 20 لفه الفرق صار 18 الى 20 ثانيه..هذا الشي كافي انه السياره تدخل الصيانه وتطلع قدام السياره الي خلفها الي ماسوت صيانه :p
الفروقات المنافسه المفروض ماتزيد عن 300 جزء بالكثيييير
الرينو انطلاقاتهم صاروخيه..عادي باخذو المركز من باتون وماسا
Prelude 4 Life
11-03-2006, 05:45 PM
اعرف ان 700 جزء كثير بالنسبة لسرعات كبيرة
لكن لكن هذا ماينفي ان هوندا في المركز الثالث :p
خلينا مانستبق الاحداث ونشوف بكرة وش بيصير :D
مؤيد اف1
11-03-2006, 05:47 PM
على العموم هي ماتصدرت :D
مستواها مو مثل السنه الي راحت في البحرين..كمستوى كلي
افضل
حتى الفيراري افضل بمراحل عن السنه الي راحت
وهذا في بداية الموسم :D
على العموم السباق هو الفاصل
king_prelude
12-03-2006, 05:55 PM
هااااا شباب متى النتايج حق السباق ؟ :D
مؤيد اف1
12-03-2006, 05:58 PM
تفضل :D
http://www.formula1.com/race/result/751/8.html
:banana:
king_prelude
12-03-2006, 06:11 PM
جيد هوندا الرابع :D
Prelude 4 Life
12-03-2006, 06:12 PM
عادي عادي يعوضوها في الجولات الجاية :D :D
sayedco
12-03-2006, 09:11 PM
prelude 4 life
مادري شنو أقولك ، بس هوندا الصراحة لو تشوف مستواهم "بدون أرقام" لأنه بالأرقام إنت تشوف فرق .700 جزء من الثانية عندك ما تفرق ، لكن شوف في الصج فرق كبيييييييير الهوندا كله بروحها و لا كانت تنافس << هاي اللي شفته آنا اليوم
و هاردلك يالفراري على المركز الأول و مبرك لرينو ، الصراحة الونزو كان متشبت ورا شوماخر من اللفات الأولى ، و لكن في النهاية احتل الفرصة و قدم عليه و صار الأول
مؤيد اف1
12-03-2006, 09:30 PM
نتيجة حلوه للفيراري..بداية زينه بعد خيبة الامل السنه الي طافت..الونسو فاز بالبت ستوب. مع ان الفيراري اسرع في اللفات
باريكللو كان عنده مشكله في الجيربوكس عشان كدا كان بطيء..
على العموم باقي 17 سباق وكل شي ممكن
تحيااتي