صور تغطية يوم الفورمولا 1(حصرياً)

[sayedco]

السلام عليكم


أول شي بقولكم إنكم محد منكم بيعيش الحدث و اهو يطالع التلفزيون ، و أيضاً الصور اللي آنا حاطها يمك محد يحس فيها و لا يشوف فيها أي اثارة ، لكن لما تكون على الstage كل شي مختلف :eek:


Pro Celebrities Race

أول حدث كان اليوم هو سباق المشاهير داخل سيارات اللومينا اس اس "قير عادي" << اعتقد هولدن و لكن المعلق يبي يسوي دعاية حق الشفر :D

و الصراحة صوتهم كان غضب غضب ، و مقطع و حلو و قوي جداً جداً جداً :black:


________________________________________________________


المراكز الثلاث الأوليين:

1- راغب علامة و معاه واحد مادري شسمه :D

2- Crazy kivin معاه واحد

3- علي حسن "حارس فريق البحرين"

<< مو متأكد الصراحة نسيت :m:

بس الصراحة سواقتهم تعبااااااااااااااانة ، حتى أبوي يسوق أسرع منهم و تبديلات القير مرة وحدة بس لاحظت إنه واحد منهم بدل عدل ، الباقي كله متأخر و في قير غلط أو أعلى من المطلوب


____________________________________________________


الفيديو:

1 - الحجم : 1.8 ميغابايت : http://www.upload2.net/download2/6ke27ZsqnOdwXoh/MVI_0715.avi.html

2- الحجم : 2.4 مغابايت : http://www.upload2.net/download2/bycbvVd26BCx088/MVI_0730.avi.html


و هاي الصور في المرفقات، الرجاء محد يرد لين أكمل الموضوع بالكامل

[sayedco]

Porsche SuperCup

و هذا السباق كان أكثر إثارة و أقل مرح ، لأنه سباق اللومينات كانوا السواقين مب محترفين و يسوون مواقف تضحك شوي :D

صوت البورشات كان أقل رعب ، لكن أداءهم كان أفضل بسبب المحرك الخارق مع التيربو و التعديلات العميقة عليه

عجبنتي في هالسيارات ألوانها الحلوة اللي المشكلة بسبب إن المكان اللي كنا قاعدين فيه كان بعيد عن السيارات ، فالزوم قلل من الوان و دقة الصورة و بتلاحظون كثير من الصور باهتة


_____________

بالنسبة للمراكز ما يحتاي تعرفون :D ، لأنه أسماء كلها غلجة ، و كان في مشترك عربي حاز على الموقع 24 من 30 :banana:
:D

_______________

الفيديو :

الحجم : 3 ميغابايت : http://www.upload2.net/download2/Hw7SiiNfjaC5zu3/porschesupercupsco.wmv.html


الصور في المرفقات

الرجاء عدم الرد حتى اكمال الموضوع

[sayedco]

تابع صور البورش سوبر كب

ملاحظة ، في النهاية تعطلت سيارتين ، احداهما هي آخر صورة في هذه المرفقات.

الرجاء عدم الرد حتى اكمال الموضوع

[sayedco]

Formula 1

و هذا كان المنتظر ، لكن الصراحة في الحلبة "ماعدا أصوات المحركات" كان ممل أكثر من سباق اللومينا و البورش ، لأنه السيارات تمر بسرعة و السائقين قلييييييييييل ما تلاحظ أخطائهم في الجزء اللي تمر فيه السيارة أمامك و ما كنا نعرف كم دورة مرت ، و لا نعرف الPIT و اوقاتهم و كثير من الخرابات صارت و لا دريت عنها إلا آخر شي

_____________________

المراكز :

1- فرناندو الونزو (رينو)

2- مايكل شوماخر (فراري)

3- كيمي روكينين (مكلارين مرسيدس)

______________________

الخرابات، صارت في أربع سيارات و هم :

- فريق الهوندا ، خلل ميكانيكي

- فريق BMW خلل المحرك

- فريق رينو "السائق الآخر" خلل في الهيدروليك < مادري شنو المقصود

- فريق تويوتا ، قالوا إنه خراب في الشافت ، و سمعت بعد من المعلق الفاشل :D ، إنه خراب في القير

_____________________________

الفيديو :

الحجم : أقل من نص ميغابايت : http://www.upload2.net/download2/7G2lPeYVxk4pfNP/f1sco1.wmv.html

الحجم : أقل من نص ميغابايت : http://www.upload2.net/download2/Z70etAYOKCgIsfR/alonzothenferrarisco.wmv.html
<< هذا الفيديو لما الونزو يكون جدام شوماخر و يبين لك المسافة ، مع إنه بالأرقام أجزاء صغيرة من الثانية لكن شوف الفرق

بس كان التنافس حاد جداً ، قبل ما يقدم الونزو ، لما كان ورا شوماخر ، كان يحاول و بكل ما يستطيع إنه يتسغل الفرصة و يتقدم و في النهاية فعلها :eek:

________________________________

الصور في المرفقات

جميع الحقوق محفوظة ، سيدكو ليمتد (مقفلة) ذ.م.م



:D

[sayedco]

خلاص بابا ما في بعد حلاوة :D

تقدرون تردون ، و إذا في أحد يبي صور أكبر و ذات جودة أكبر يقولي و آنا بحط الصور كبيرة الحجم : 1600في 1400

<< طبعاً مو كلها ، قولوا لي جم وحدة و برفعها عشانكم

و موجودة بعض الصور زيادة بعدلها و بطرشها

هاذي الصور صورتها اليوم و امس

[مؤيد اف1]

مشكور اخوي على التغطيه الاكثر من رائعه. :D


بالنسبه للومينات فهي لومينات اس اس عليها بودي كت HSV ومطلوبه بجير عادي ومواصفات خاصه للحدث هذا.


وفعلا الاصوات وحوش :D


بالنسبه للسباق حق الفورمولا1 فكان اكثر من رائع ومثير لآخر لحظه..لاني شاهدته في التلفزيون :D


المنافسه كانت حاده بين مايكل والونسو ...الونسو تخطى مايكل في الصيانه لان البت الثاني حقه كان اقل من الفيراري بثانيه..شفت الثانيه كيف حددت الفايز :D


بالرغم ان مايكل اسرع بشكل طفيف

على العموم النتيجه اكثر من رائعه وبدايه موسم قويه جداً جداً من الفيراري..افضل من موسم 2005 الي الفريق راح يقطه بحر..الفريق متشوق للسباقات الجايه ولتحقيق انتصارات ومنافسه قويه.



بالنسبه للفرق الباقيه..

المكلارين اداء قوي لرايكونن..من المركز ال22 الى الثالث :banana:


الهوندا مستوى جيد ومشابه للسنه الي طافت بس السنه الي طافت محركات الهوندا تعطلت..اما دي السنه تعطل الجير بوكس عند باريكيللو وفقط الغيار الثالث..يعني بدل مايعشق ثالث يعشق علطول رابع...اما باتون فكانت انطلاقة سيارته سيئه الي خسرته مراكز وادائه في السباق جيد لكن متذبب الى حد ما..


الويليامز اداء جيد وسيارة قويه..روزبرج في اول سباق فورمولا1 له يحقق اسرع لفه في السباق..مارك ويبر اداء جيد منه وثابت.

ريد بول لاباس

تورو روسو والبقيه ضايعين :D


التويوتا كل مالهم يرجعو للوراء ويبغا لهم شغل جامد..


فيزيكيلا الغير محظوط كان عنده هايدروليك ليك..زيت الجيربوكس نزل بالتدريج لين راح فيها :(

تويوتا ماشوفهم تعطلو :think:

جاك فيلينوف بالBMW وديفيد كولتارد بالريد بول وآيد الياباني بفريق هوندا الثاني (سوبر اجوري) اعطال ميكانيكيه بالمحرك


على العموم الموسم باقي منه 17 سباق وبدايته حماااااااس وكل شي ممكن يصير والفرق اكثرهم متقاربين في المستوى..رينو و مكلارين مرسيديس و الفيراري و هوندا..الويليامز كوزورث فريق قوي بس يبغا له ثبات في الاداء وسيارتهم واعده..البقيه مش ولابد..


مشكور على هالتغطيه مراسلنا من البحرين وعساك على القوه حبوب :banana:

[sayedco]

مؤيد اف 1

:banana:

بالنسبة للومينا الصراحة صوته غضب ، أقولها للمرة العاشرة :D

و بالنسبة لألونزو ، هو كان يبي فرصة صغيييرة عشان يتقدم على شوماخر و آخرتها سواها بسبب الصيانة مالت الفراري :o

و رايكونن الصراحة صج طلع فنان ، من 22 إلى المركز الثالث أعتبره انجاز قوي جداً :eek:

بالنسبة لفريق هوندا ، آنا كنت أسمع الصوت مال السيارة تقريباً عادي ، بس يمكن المكان اللي كان يمر علينا كان فوق ال3 أو أقل يمكن

و تسلم على الرد المفصل الطويل ، الله يعطيك العافية

:p

[MR.FERRARI]

واااااااااااااااااااااااااااااااااااااااااااو

والله ماني عارف أحسدك ولا أفرحلك ولا أموت نفسي ولا أيه

أنا نفسي أشوف سباق فورمولا 1 على الطبيعة بس جولة وحدة ماابي غيرها

والله لو ظروف العمل كانت تسمحلى آخذ إجازة وأسافر على البحرين كان ماترددت دقيقة وحدة حتى لو كانت أسعار التذاكر غالية جداً


مشكور اخوي والله أنت خليتني أعيش بعض إثارة الفورميلا

ألف شكر لك

[grandv8]

السلام عليكم ورحمة الله وبركاته

ماشاء الله تغطية حلوة منك اخوي سيد وتسلم والله

موضوع متعوب عليه وايد وتستاهل التثبيت

:banana: :D

[Ammaretor]

شكرا اخوى سيد

و الله التغطية اكثر من رائعة و ليا رجعة لعد الانتهاء من قرائته

اخوك عمار

[قلق و رجه]

sayedco

يا سلام عليك تغطية رهيبه

ودام فيها مكاين LS اكيد بتطلع حلوة

وحلو انهم جابو قير عادي


و هذا كان المنتظر ، لكن الصراحة في الحلبة "ماعدا أصوات المحركات" كان ممل أكثر من سباق اللومينا و البورش ، لأنه السيارات تمر بسرعة و السائقين قلييييييييييل ما تلاحظ أخطائهم في الجزء اللي تمر فيه السيارة أمامك و ما كنا نعرف كم دورة مرت ، و لا نعرف الPIT و اوقاتهم و كثير من الخرابات صارت و لا دريت عنها إلا آخر شي

خخخخخخخخ

زي ما قلت لك

صوت بايخ وتمر بسرعة ولو ما فيه معلق يمكن ما تدري وش القصة



ويعيطك الف عافية على التغطية الحلوة

وذا فيه صور قريبه للومينا؟

[sayedco]

MR.Ferrari

يالله إن شاء الله هالمرة الجاية تحصل اجازة و فلوس عشان تتابع الفورمولا مباشر ;)

و مشكور على ردك الحلو

______________

GrandV8

مشكور مشرفنا على التثبيت و ما سوينا شي خاصة حق سوالف :D

______________

أخوي عمار ، مشكور على الرد ، و إذا عندك أي سؤال أو نقاش حول الفورمولا قول هني :D


______________


قلق و رجه :D

الصراحة الصوت حلو ، لكن تتملل لأنه كله كأنه إعادة كأنه مسوي Replay :D

و بالنسبة لصور اللومينا إن شاء الله ارفعها كلها بس مشكلة مب واضحين لأنه الزوم كان حده أكثر شي و المنصة مالتنا كانت بعييييييييدة و لكن بحط لك الروابط بعد شوي

;)

مشكورين على الرد

[sayedco]

هاذا الملف حجمه 4 ميغابايت فيه كل صور اللومينات اللي صورتها القريبة و البعيدة

و أحجام الصور 800 في 600

[RED Chevy]

يعطيك العافية على التغطية الحلوة بس ماعندك فيديواات اطول حق سباق اللومينا؟؟

[Prelude 4 Life]

يعطيك الف عافية بصراحة موضوع متعوب عليه

اقول مافي تست درايف لسيارة فورملا 1؟ :cry1: <<< يبي يتحدى شوماخر :D

[red_RPM]

مشكور علي التغطيه
احلي شي بالحضور مشاهدة الإنطلاقه والصوت
كان ودي أحضر بس ظروف العمل

تحياتي

[sayedco]

RED CHEVY

ما عندي فيديوهات عدلة بعد

بس تحصل يعيدون السباق في الجزيرة يمكن أو قنوات أجنبية أو يمكن في النت تحصل

__________

Prelude 4 Life

:D

مشكور على الرد :D

____________

RED RPM

إنت من وين ؟ ترا صج ما بقولك فاتك السباق عشان إذا حضرت لا تتملل و لا بقولك إنه ممل ، لأنه نص و نص ، كان عجيب لكن في النهاية تمللت شوي

لكن الأصوات :black:

البورشات و اللومينات و الفورمولا كلهم أصواتهم عجيبين :black:

[ERT]

ماشاءالله الصور فناااانه :black:

بورش 911 :D i will take two at once hehe

http://www.swalif.net/sforum1/attachment.php?attachmentid=4440&stc=1


يعطيك الف عافيه اخوي سيدكو

[جزائري]

ألف ألف ألف شكر أخوي سيدكو على التغطية والصور الحلوة.

[CL-Class]

فعلا تغطية جدا رائعه من عضو اكثر من رائع :eek:

[MUSTANG GT]

مشكور خوي سيدكو عالصور


وانا كنت متواجد هناك


بس الساعه جم صار الشو حق الومينات


لاني وصلت الساعه 2 ونص

[sayedco]

ERT

شرايك إنت تاخذ الأول و آنا الثاني ؟ :D

مشكور على الرد :cool:

____________

جزائري ، العفو ، مشكور على الرد ، إنت كنت من المنظمين صح ؟ :m:

___________

CL-Class

احرجتني ياخي :shy:

إنت الأروع :D

____________

موستنق جيتي

اللومينات بدو الساعة 10 ، بعدها البورشات ساعة 12

مشكور على الرد

[abumhdi]

يعطيك العافية ..

موضوع جميل .. :-)

[sayedco]

الله يعافيك بو مهدي

:p

[أكورد]

تغطية اكثر من رائعة

[sayedco]

أكورد

مشكور على الرد :-)

[ERT]

sayedco

لا بشل كلهم بدون ما قولك :D <------- طماع لوول

[sayedco]

خخخخخخخخخ اوكي

بس بيني و بينك حطلي واحد بالخفية :D

:p

[EL_3grab]

أولالا .. :eek: .. معني ما أحب سباقات الفورملا 1 ..

بس تغطيه أبوس خشمك عليها .. :D

وحاطين السباق ألحين بالجزيرة الرياضية ..

وصوت اللومينات .. :black: :black: ..

يسلمو سيدكو ..

[sayedco]

العقرب

يخي آنا بعد كل سنة يوم واحد اسمع هالأصوات بس :D

بس زين سويت رديت ، و تسلم على الرد ولد عمي :D خشمك :p

[الشرقاوي]

السلام عليكم ورحمة الله وبركاته

يعطيكم تاعتفيه

[sayedco]

الشرقاي

عليكم السلام

الله يعافيك

و مشكور على الرد