مصرع 4 شباب حرقاً في تصادم كامري يفحط " بالصور "

[أكورد]

مصرع 4 شباب حرقاً في تصادم سيارة "مفحط" مع أخرى

الرياض: منصور الحاتم
لقي 4 شباب مصرعهم حرقاً عصر أمس في الرياض إثر حادث تصادم لسيارة أحد المفحطين المشهورين مع سيارة أخرى.
ونتج عن الحادث مصرع 4 من ركاب السيارتين في حريق التهم سيارة المفحط ومن بداخلها بعد اصطدامها بسيارة وانيت عابرة توفي أحد ركابها في حين أصيب السائق بإصابات بليغة نقل على إثرها إلى المستشفى، وتعود تفاصيل الحادث إلى انحراف سيارة،من نوع كامري، كان يستقلها المفحط (م، ش) مع اثنين من رفاقه خلال تفحيطه في شارع الغروب بحي الدخل المحدود جنوب غرب الرياض لتصطدم بإحدى السيارات العابرة من نوع هايلكس وبداخلها شابان ليلقى الشباب الأربعة مصرعهم ولم تفلح جهود الشباب المتجمهرين في إخماد الحريق الذي شب سريعا في سيارة المفحط.

http://www.alwatan.com.sa/daily/2006-03-16/first_page/first_page12.htm

الصور

http://www.almuraba.net/hawadeth/shrari/shrari (1).jpg

http://www.almuraba.net/hawadeth/shrari/shrari (2).jpg

http://www.almuraba.net/hawadeth/shrari/shrari (3).jpg

http://www.almuraba.net/hawadeth/shrari/shrari (4).jpg

http://www.almuraba.net/hawadeth/shrari/shrari (5).jpg

http://www.almuraba.net/hawadeth/shrari/shrari.jpg

[Prelude 4 Life]

الله يرحمهم ويهدي باقي الشباب

معقولة الشرطة عاجزة انها تمنعهم من التفحيط؟؟؟ :headshak:

[300C]

واحد قال لي اليوم
المفحط اسمه غرشوق
الله يرحمه وان شاء الله يعتبروا الاخرين منه

[saymyname]

لاحول ولاقوة الابالله...

هذا هو الانتحار بعينه :headshak:

[عيناوي كوول]

" ولم تفلح جهود الشباب المتجمهرين في إخماد الحريق الذي شب سريعا في سيارة المفحط "


الله يدفع البلا بس ..شوفوا الصور زين .. كل الجماهير مطلعة موبايلاتها وتصور أنين الضحايا ودمائها عشان تسبق تحطها في المنتديات .. طارت المريلة والنخوة والفزعة للمحتاج ..

سلااام

[Porsche GT2]

لا حول ولاقوة إلا بالله

الله يرحمهم ويغفرلهم .. ما حصلوا من جماهيرهم إلا إنهم واقفين ويصورون بجوالاتهم وكاميراتهم ببرود :headshak:

الله يكفينا شر التفحيط ويهدي شبابنا لما فيه خيرهم في الدنيا والآخرة

[أكورد]

" ولم تفلح جهود الشباب المتجمهرين في إخماد الحريق الذي شب سريعا في سيارة المفحط "


الله يدفع البلا بس ..شوفوا الصور زين .. كل الجماهير مطلعة موبايلاتها وتصور أنين الضحايا ودمائها عشان تسبق تحطها في المنتديات .. طارت المريلة والنخوة والفزعة للمحتاج ..

سلااام


مو معقووووووووووول

ماانتبهت الا للجوالات بعدين

عيوني رايحة فيها

لها الدرجة وصل الناس " انعدام الضمير"

في مقاطع جوالات شفتها

ناس صايرة لها حوادث ميته ومرمية اما جنب السيارة او ميتة في وسط سياراتها

والناس قاعدة تصور فيها


لاحول ولاقوة الا بالله

[grandv8]

السلام عليكم ورحمة الله وبركاته

لاحول ولاقوة الابالله

لازم يكون هناك قانون رادع وقوي على هؤلاء المفحطين

انعدام احساس عند بعض الاخوان وخاصة التصوير بالجولات واكتفاء والمشاهدة

آخر زمان والله المستعان

والله يهدينا ويهدي شباب المسلمين

[راعي الايفو]

لا حول ولا قوة إلا بالله
انا لله وانا اليه راجعون

فن السياقه المفروض ما يطلع كل وقت
لان كل شي له وقته ومو في كل وقت يصير التفنن

[sayedco]

" ولم تفلح جهود الشباب المتجمهرين في إخماد الحريق الذي شب سريعا في سيارة المفحط "


الله يدفع البلا بس ..شوفوا الصور زين .. كل الجماهير مطلعة موبايلاتها وتصور أنين الضحايا ودمائها عشان تسبق تحطها في المنتديات .. طارت المريلة والنخوة والفزعة للمحتاج ..

سلااام

صدقت أخوي عيناوي

كله همهم إنهم بينشرون مقطع بلوتوث بإسمهم :bomb:

الله يهدي الجميع

[جامح 998]

السلام عليكم





لاحول ولا قوة الا بالله وان لله وانا اليه راجعون.






شكرا

[edubai]

يالا سخرية القدر :mad1:


وبعدين كييف تحترق السيارة .. شي غريب


مع ان السيارات الجديدة بعد الحتدث صعب تحترق

[560SEL]

واحد قال لي اليوم
المفحط اسمه غرشوق
الله يرحمه وان شاء الله يعتبروا الاخرين منه

لا يا أخوي المفحط اسمه الشراري و الحادث كان جدا مروع و من أشنع حوادث التفحيط اللي شفتها في حياتي

السياره ما احترقت الا بعد مده من حدوث التصادم و كل اللي في السياره ماتو على الفور قبل ما تحترق فيهم السياره .. و الدفاع المدني تأخر و الاسعاف تأخر و حالتهم كانت حاله ما أقول الا الله يصبر أهلهم على بلاوهم و لا يبلانا و يحسن خاتمنا و خاتمة جميع المسلمين :headshak: :headshak:

[drcool]

الله يرحمهم جميعا ويصبر اهلهم .... آمين

[mzr603]

" ولم تفلح جهود الشباب المتجمهرين في إخماد الحريق الذي شب سريعا في سيارة المفحط "


الله يدفع البلا بس ..شوفوا الصور زين .. كل الجماهير مطلعة موبايلاتها وتصور أنين الضحايا ودمائها عشان تسبق تحطها في المنتديات .. طارت المريلة والنخوة والفزعة للمحتاج ..

سلااام

اخوي عيناوي كلاممك صحيح 100% وهذا مثال يوظح الثقافة الضحلة عند الشباب من هالفئة وين الدين وين مساعدة اخيك المسلم ما فيه الكل يصور مب عشان يتعظ ويعتبر بس عشان يخلي زملاه الثانين يشوفوها ويتباهى بتصوير المشهد شخصيا

لا حول ولاقوة اللا بالله

[lumina]

أولا اسمها ((يوضح)) و ليس ((يوظح))


خلاص يا أخوي رح طب في النار وساعدوهم دام الشهامه ذابحاك انت وياه

بالعقل انت شايف سياره تحترق بتروح تطب في وسط النار عشان تنقذ اللي فيها و تسحب الضحايا ؟

بس هذا اللي فالحين فيه تنتقدون و اذا جينا للأفعال ما عندك أحد

لمعلوميه الشباب اللي هناك ما قصروا أبدا و فعلا حاولو قدر الامكان أطفاء النار و استهلكت أكثر من 7 طفايات حريق كانت موجوده في سيارات الشباب و لا نفع لان هذا قضاء الله و قدره و قدر على هالشباب انهم يموتون هالموته ... الله يغفر لهم و يرحمهم و يحسن خواتيمنا


اخوي هدي أعضابك وانا أعرفك من محبي التفحيط و لكن كلامك إنه قضاء وقدر ( الإنسان مايرمي نفسه بالتهلكه ) و هذيله كانوا يعرفون إن اللي يسوونه غلط و كانوا بسرعه عاليه فوق 120 و كاناو يسوون شغلات بالسيارة خطيره و يؤدي اي خلل إلى إنقلاب و تدهور السيارة و الشباب اللي موجودين واقفين يصورون هذا الغلط اللي يقول عنه اخونا و إنتو ماقصرتوا طفيتوا لكن هذا اللي يسوونه الشباب يعتبر غباء ومب عقل و لاهي فن في السواقه و اللي يقول يقول يعتبر غباء لأن الإنسان اللي يرمي نفسه بالتهلكه هذا يعتبر غباء و الإنسان يوم القيامه بيسأل عن عمره في ما افناه و ماله من اين إكتسبه و أين أنفقه ... و انا اتمنى إنه هذيله الناس اللي يفحطون بهذي الطريقة الغبيه ينسجنون لمدة 5 و لا 6 سنوات لتعريض حياتهم و حياة الناس الآخرين للخطر .. تحياتي لك ...

[قلق و رجه]

^
^
^
صدقوني مستحيل تفهمون اللي يصير الى ان ترورح هناك بنفسكم


الله يرحمهم ويغفر لهم


وانا معكم ان التصوير والناس تحترق غلط لكن بالعقل وش بيدهم

وانا شفت فديو وهم يطفون في السيارة لكن كان الحريق اكبر من الطفايات الصغيره اللي معهم

[Prelude 4 Life]

^
^
^
صدقوني مستحيل تفهمون اللي يصير الى ان ترورح هناك بنفسكم


الله يرحمهم ويغفر لهم


وانا معكم ان التصوير والناس تحترق غلط لكن بالعقل وش بيدهم

وانا شفت فديو وهم يطفون في السيارة لكن كان الحريق اكبر من الطفايات الصغيره اللي معهم




والدليل ركزوا في الصور وبتشوفوا الطفايات على الأرض

ياحبكم للانتقاد بس

والتصوير في موقف زي هذا ماأعتقد انه خطأ... خلي الناس تشوف وتتعظ

[EL_3grab]

والله حراام ..

أذا مت وأنت تفحط هذا أنتحار .. :headshak:

الله يعين الشباب ..

[JAPANESE_911]

لا حول ولا قوه الا بالله



انا لله وانا اليه راجعون

[bahrainlove]

لا حول ولاقوة إلا بالله

[SVT-COBRA]

لا حول و لا قوة الا بالله

عيناوي كوول

انت ما فهمت وش يقصد في رده


للمعلوميه مشعل الشراري مع انه قديم ما صدم الا مرة وحده وقدر الله ان تكون الثانيه فيها نهايته


وسلامتكم :sleep:

[grandv8]

السلام عليكم ورحمة الله وبركاته

اخواني بارك الله فيكم ، كل واحد يجلس يتكلم ويعصب ويروح ويجي.

الناس ترحهم عليهم ، وهذه عظة وعبرة لكل انسان.

والانسان مايقدر يغير قدره ، ونحن نؤمن بالقضاء والقدر.

الانسان هو الذي يتحمل عمائله.

الله يهديكم ويهدي شباب المسلمين ويرحمنا برحمته.

[560SEL]

اخوي هدي أعضابك وانا أعرفك من محبي التفحيط و لكن كلامك إنه قضاء وقدر ( الإنسان مايرمي نفسه بالتهلكه ) و هذيله كانوا يعرفون إن اللي يسوونه غلط و كانوا بسرعه عاليه فوق 120 و كاناو يسوون شغلات بالسيارة خطيره و يؤدي اي خلل إلى إنقلاب و تدهور السيارة و الشباب اللي موجودين واقفين يصورون هذا الغلط اللي يقول عنه اخونا و إنتو ماقصرتوا طفيتوا لكن هذا اللي يسوونه الشباب يعتبر غباء ومب عقل و لاهي فن في السواقه و اللي يقول يقول يعتبر غباء لأن الإنسان اللي يرمي نفسه بالتهلكه هذا يعتبر غباء و الإنسان يوم القيامه بيسأل عن عمره في ما افناه و ماله من اين إكتسبه و أين أنفقه ... و انا اتمنى إنه هذيله الناس اللي يفحطون بهذي الطريقة الغبيه ينسجنون لمدة 5 و لا 6 سنوات لتعريض حياتهم و حياة الناس الآخرين للخطر .. تحياتي لك ...
اعصابي هاديه :D

القضاء والقدر ما أقصد به تبرير للحادث ..

القضاء والقدر اللي اقصده هو موتتهم حرقا وعدم قدرة الحاضرين على انقاذ الضحايا .. ولكن للأسف أخونا راح تفكيره بعيد :D

وبعدين انا ما كنت حاضر :D

ثاني شي ماحد يختلف على ان التفحيط بكل انواعه حرام وغلط وغباء وفساد للمال والنفس ..

انا في ردي ادافع عن الشباب اللي كانوا حاضرين .. واللي اتهمهم البعض بالتقصير او اللا مبالاة باللي حصل والاكتفاء بالتصوير ..

لكن الحقيقة غير كذا ...

الشباب ما قصروا .. وبعضهم حاولوا يطلعون اللي في السيارة قبل الحريق .. وحاولوا اخماد الحريق ..

ولكن ارادة الله كانت فوق كل شيء ..


والله يغفر لهم ويرحمهم .. ويحسن خواتيمنا ..

[sayedco]

مسامحة شباب بس تسرعت في كلامي و ما شفت عدل ، هاي غلط و أعترف به

:(

[قلق و رجه]

هذا لنك لتحميل الفديو (http://www.4img.com/ar/up/06/03/17/da974f5eba1948690c83e9c3b43ffd87.zip)

ويبين فيه ان الشباب حاولوا لكن صعب عليهم

والله يرحم اللي ماتوا ويغفر لهم

[sayedco]

قلق و رجه:

الملف الطلوب غير موجود.

[قلق و رجه]

تم التعديل :D

[sayedco]

جاري التحميل بعد التعديل :D

مشكور

[أكورد]

قلق ورجة

وش هالمقطع :cry1:

الحادث عنيييييييييييف

والسيارة ظلت تحترق لفترة مش قصيرة من وسطها ، الله يرحمهم شكلهم تفحموا :(



هذا مقطع وصلني

الدفاع المدني قاعد يطفي السيارة

http://www.spread-it.com/dl.php?id=c23244a0b6511bea9cc7732b954a94b187454f3f

بتظهر لك كلمة Download اضغط عليها

وبعد كذا بتظهر لك كلمة Click here to download

[560SEL]

هذا مقطع وصلني

الدفاع المدني قاعد يطفي السيارة

http://www.spread-it.com/dl.php?id=c23244a0b6511bea9cc7732b954a94b187454f3f

بتظهر لك كلمة Download اضغط عليها

وبعد كذا بتظهر لك كلمة Click here to download

وش بعده جا الدفاع المدني ... بعد خراب مالطه ... حتى قبل ما يوصل كانت السياره احترقت تماما و بدت تطفا النار

[CL-Class]

يالا سخرية القدر :mad1:




اخوي لايجوز القول بـ ( سخرية القدر ) التي سأمنا ونحن نسمعها في الأفلام المترجمه من الغرب سواء في الاذاعة او التلفزيون لان هذا تطاول وتهكم على شئ يقدره الله سبحانه وتعالى بحكمته عز وجل ..... فهل تسخر من شئ يقدره الله ؟؟؟؟؟؟؟

ولكن أفضل أن تستغفر و تقول ان لله وان إليه راجعون ....... قدر الله وماشاء فعل


وجزاك الله خيرا وسدد خطاك وباقي الأخوان

[abumhdi]

من المتّعظ .! :headshak:

[B4_STI]

حسبي الله ونعم الوكيل مادري ليش الناس من الاساس تسوي الشي ذا مع اني ما اشوف فيها اي نوع من انواع المتعه لاحول ولا قوة الا بالله رحمهم الله اجمعين...

[mustang cobra]

الله يرحمهم ويتجاوز عن خطياهم ويصبر اهاليهم

[نديم الطيف]

الله لايبتلينا قولوا آمين

وانتم شرهانين على الجمهور يطفون الحريق؟؟؟ ليه هو الي يتابع التفحيط ويركض وراه زي الخبل تعتبرونه رجال ويعتمد عليه؟؟؟؟؟؟؟؟؟؟؟؟ :headshak:

الغلط انه خلال هالموقف المرهب..ناس لعب بهم الشيطان وفحطوا وتسببوا لأنفسهم بنهاية بشعة...تحترق فيهم سيارتهم ويعيشون العذاب الوان ويحترقون بالنار والعياذ بالله.....تجي انت بكل استهتار تصور؟؟؟؟؟؟؟؟ ليه مافيه احترام وتقدير للموقف؟؟؟؟ :ranting:


ياربي لاتفجعنا ولاتسلط علينا قولوا آمين

[الهاوي جروب]

الله يرحمهم ويصبر اهلهم

[جزائري]

الله يرحمهم ويدخلهم فسيح جناته.

عسى تكون هذه الصور عبرة لنا ولغيرنا من هم مهووسين بالتفحيط.

[فاهم]

السلام عليكم ورحمة الله وبركاته
الله يهدي الشباب الي يحب التفحيط الجنوني

[أمير أبوظبي]

" ولم تفلح جهود الشباب المتجمهرين في إخماد الحريق الذي شب سريعا في سيارة المفحط "


الله يدفع البلا بس ..شوفوا الصور زين .. كل الجماهير مطلعة موبايلاتها وتصور أنين الضحايا ودمائها عشان تسبق تحطها في المنتديات .. طارت المريلة والنخوة والفزعة للمحتاج ..

سلااام

:mad1: :mad1: :mad1:

[أبوالزين]

لا حول ولا قوة إلى بالله

الله يرحمهم و يرحم جميع المسلمين