سوالف للجميع - سؤال لأهل الخبرة الطويلة .. فيه تحدي من نوع خاص ..

عيناوي كوول

22-03-2006, 07:36 AM

بسم الله الرحمن الرحيم ..

كيف الحال يا إخوان إن شاء الله مرتاحين ومبسوطين ..

السؤال يأتي بعد زيارة موضوع أخونا G 55 في قسم الفيديوات ..

http://www.swalif.net/sforum1/showthread.php?t=220590

الحين ..

بعد الإستماع إلى الفرق بين صوتين السيارتين الواحد يمكن يحس إنه المودينا راح يحرق صبغة ال إي 55 .. لكن طلع إن الصوت بس ساوند إفكت .. يعني بس دلع وما دلت على قوة في المكينة تناسب قوة الصوت الفورملاوي :D .. وال إي 55 هي اللي حرقت صبغة المودينا بصوت هاديء نسبيا ..

الحين السؤال الذي يتكون من قسمين :

1- هل صوت المحرك دليل قوة السيارة يعني هل صوت سيارتين يخليك تعرف من اللي راح يفوز ؟

2 - في نوعين من الأصوات في السيارات القوية عادة .. صوت كزئير الأسد وصوت الفورمالاوي ( من فورملا 1 ) .. أي الصوتين دليل قوة بشكل عام .. ؟

الحين جاوبوني يا حلوين ونشوف الخبرة كيف بتطلع وبيبان ( المعلم :41: ) من المبتدأ ( مثلي :D )

سلااام

red_RPM

22-03-2006, 08:07 AM

الصوت ماله شغل منو راح يفوز
يمكن إيحببك بالسياره بس مو كافي
يعني عندك صوت البورش التيربو صوته أقل إزعاجا من القلاردو و الفيراري المودينا والمارنيلو بس التيربو أسرع
عموما الألماني صوته أخف من الإيطالي
والصوت اللي مثل الفورميلا عادة ينتج من محركات السعة الصغيره مثل الهوندا الأس2000

وسلامتك

عيناوي كوول

22-03-2006, 09:04 AM

ما شاء الله عليك .. الله يزيدك علم من عنده ..

يعني الحين مكينة المودينا أصغر من مكينة الإي 55 فعشان جذا صوتها تغير ؟

مع إن الإثنين 8 سلندر ..

sayedco

22-03-2006, 09:36 AM

كل محرك جبار له صوت مميز :glasses2:

و الصوت مب دليل على قوة السيارة أبداً ، يمكن من الصوت تقدر تعرف بعض القطع اللي مركبينها على السيارة <<خاصة الأمريكي يبين من الصوت ، الإيطالي أظن نادراً ما نحصل أحد يعرف يطلع القطع من الصوت ، لأنه مكاينهم أصواتها غير و حادة جداً

وبالنسبة لإن المرسيدس طاف الفراري تراه شي عادي ، و حتى لو المرسيدس صوته عالي لو طلع مع إنزو أكيد راح ينحرق

يعني الصوت خله بعيد عن النتيجة

لكن أكيد يأثر على المنافسين ، في الدراق مثلاً يخلون السيارة هدرز بس بدون لا كاتم و لا كاتلايزر ، عاد المنافس لما يسمع هالصوت يخاااااااف و يرتبك و يمكن يخطأ في التبديلات ، حتى لو كان المنافس من مستوى أدنى

الصراحة افتر راسي و آنا آبي أشرح و لا قدرت أوصل للي آبيه :D

بس برد على السؤالين باختصار :

1 - الصوت ليس دليل على قوة المحرك و الفراري اللي في الفيديو مب ضعيف أبد ، لكن المنافس أقوى ، يعني لو تبي تقارن بهالساللفة و كل مرة سيارة تتطوف كل السيارات بتصير عندك مهزلة ، حتى هالE55 الM5 يطوفه

2 - هاي سؤال ؟ أو جواب ؟ :D

عيناوي كوول

22-03-2006, 10:26 AM

سيدكو :

برد عليك حبيبي بس بعد ما ترد على السؤال الثاني اللي توني مصلحنه :D ..صدقك السؤال الثاني ما تعرف هو سؤال ولا جواب خخخ

bashar_255

22-03-2006, 10:57 AM

ممكن آخذ روس 8 سلندر و أخرطهم أي كلام و تسمع الصوت صوت دراقستر لسيارة برو

بس لما تدوس تمشي كأنها كورلا :D 1.8

sayedco

22-03-2006, 01:36 PM

بالنسبة للسؤال الثاني أو بالأحرى الموضوع بالكاااااااااامل

الصوت ليس دليل على القوة و بس :D و هاي الكلام قلته في ردي الأول

أشوفك هالأيام وايد متأثر بأصوات السيارات :eek:

عيناوي كوول

22-03-2006, 09:11 PM

بشار .. كلامك حلو .. وصحيح ..

بس إن شاء الله لي تعقيب بعد ما أرد من الجامعة ..

سيدكو : خليك في الإنتظار على المدار وبقولك ليش :D

TOP-SECRET

23-03-2006, 01:13 AM

عادي واحد يسوي ولف في بيبات الستيشن الوسطيه

ويطلع صوت قريب من صوت الكامات 99%

ومشي الموتر مع سيكل هنود :D

مؤيد اف1

23-03-2006, 06:47 AM

اعرف واحد سيارته فيها بلف مطعوج صوتها كانها عليها كام :D

الصوت الي في المودينا لان المحرك هاي رف يعني دوراته عاليه..اما الي دوراته عاديه بيكون صوته زئير..طبعاً كل ماكان المحرك صغير وبغيت تطلع منه قوه لازم تخلي الآربي ام عالي عشان يشفط اكبر كميه من البنزين والهواء والحركه دي مالها داعي لان السياره يتصير محرقة بنزين و بيكون العزم اقل وعمر المحرك اقل..بعكس السيارات الي محركاتها كبيره ودورانها عادي تعطيك عزم قوي لكن قوه حصانيه اقل وعمر اطول وقلة تعقيد وعندك مجال كبير للتزويد :p

bashar_255

23-03-2006, 12:53 PM

اللي يأثر في الصوت هو

الريف + الكمبرشن + سعة المحرك + عدد السلندرات + حجم الإكزوست

ra3y_v8

23-03-2006, 03:21 PM

جيب مازدا ار اكس 8.....الي تسارعها 4.9 ....

مع العلم انه صوتها عاااادي جدا .....لكن سرييعه سريعه سريعه....وهذا الي ابغي اعرفه كيف سوته مازدا.....مكينه 4 سلندر وصافيه بالمره تجيب ها التسارع...
وفي الخط ماعليها كلام وزنها يساعدها...

تكلمنا وايد وخرجنا عن الموضوع :D

المهم توربو بس لهذي السياره وبدون اي اجزوز او شي ثاني....

يصير تسارعها 4.2 مثلا :smart: .....والصوت انتو ادرى فيه...
مع هذي الفراري :sleep: :D :sleep: :D

sayedco

23-03-2006, 04:29 PM

جيب مازدا ار اكس 8.....الي تسارعها 4.9 ....

مع العلم انه صوتها عاااادي جدا .....لكن سرييعه سريعه سريعه....وهذا الي ابغي اعرفه كيف سوته مازدا.....مكينه 4 سلندر وصافيه بالمره تجيب ها التسارع...
وفي الخط ماعليها كلام وزنها يساعدها...

تكلمنا وايد وخرجنا عن الموضوع :D

المهم توربو بس لهذي السياره وبدون اي اجزوز او شي ثاني....

يصير تسارعها 4.2 مثلا :smart: .....والصوت انتو ادرى فيه...
مع هذي الفراري :sleep: :D :sleep: :D

أخوي شكلك وايد ملخبط :D

هاذي الماازدا تسارعها 6.6 ثانية

مستحيل تجيب أقل من 6.2 ثانية "ستوك"

و تراهاا نزلوا لها سوبرتشارج مب تيربو :p