سيارات النيترو للتحكم عن بعد Remote Contro Nitro Carsl

[الرمحي]

السلام عليكم أخواني الغاليين في سوالف ...

أحب اني ادخل عالم سيارات التحكم عن بعد ...

اللي تشتغل بالنيترو ...

وين أحسن محل في الإمارات ممكن أحصل عنده السيارة مع قطع الغيار والتزويد وكل شي ...

وإذا أحد عنده فكرة عن السيارات وأسعارها ومواصفاتها وأفضلها لايبخل علينا ...

وسلامتكم

[BaDDaW_DxB]

add me on msn

kaa3koo3#hotmail.com

[EL_3grab]

للبيع .. :D

اللي يتوقيعي ..

لو بتدخل عالم السيارات .. اهم شي تكون عارف شو تسوي ..

يعني كيف تمرنها ..

كيف تسوقها ..

كيف تضبط الكربيتر ..

وكل هالسوالف تحصلها بكتاب السيارة .. يعنيراه كله من أوله لآخره ..

واي سؤال حاضرين ..

[grandv8]

السلام عليكم ورحمة الله وبركاته

اخوي احسن محل على ريموت كنترول

محل اسمه عالم الهوايات بمنطقة ديرة عند وكالة المشروعات التجارية بدبي

تحصل كل شي عنده

بالتوفيق لك
:banana:

[BaDDaW_DxB]

لا اخويه ..

مركز الهوايات اكبر نصاب

[uae speed]

لا اخويه ..

مركز الهوايات اكبر نصاب

انزين بدل ما تقول عنه نصاب ، اكتب وجهة نظرك عن المحل على الأقل عشان
الكل يعرف بس :)

[BaDDaW_DxB]

انزين بدل ما تقول عنه نصاب ، اكتب وجهة نظرك عن المحل على الأقل عشان
الكل يعرف بس :)

ماعليه زود حبيبي ..

بس شوف اسعارهم .. دبل 3 مرات ..

[sayedco]

أخوي آنا أنصحك في اللي عارضه الأخ العقرب في توقيعه السعر و الله بلاااااااااش مع هالقطع و السيارة هاذي يمدحونها وايد

لو كنت في البحرين جان قلتلك محل ، لو تشوف أسعاره تقول عن المحل اللي عندكم مال الهوايات إنه أحسن أسعار عنده :D ، بس شنسوي ، الهواية مرغوبة و ما في محل ثاني عنده هالسوالف فيغلون الأسعار

[TOP-SECRET]

والله اخوي على حسب نوع السياره الي تبيها

فيه انواع تكون جيده حق مبتدئين ومتتاثر وايد بالدعمات

فيه بقيات وفيه سافاج ورفيو وغيره من الجموس

وفيه احجام مختلفه

وتزويدها كانك تزود موتر كبير :D

وبتستمتع فيها

والعقرب من اكثر الشباب عندهم خبره في النيترو :-)

[EL_3grab]

تسويلي دعايه يا سيدكو .. :D

لك 30% من جيمة البيعه خلاص .. :banana:

..

نسيت اقولك الطيب .. أهم شي .. أهم شي السيارة اللي بتاخذها .. تكون قطع غيارها متوفرة .. وبكثرة عند المحل .. صدقني .. لأنك بتكسرها وبتصلحها أكثر عن مره .. :D

[EL_3grab]

توب سكرت .. خل عنك المدح ..

وين صرت أكثرهم خبره .. لو خبير .. جان تهنيت بالسيارة اللي عندي ..

تدري أنها بالمره مادشت البر ..

ما أصدق العب فيها دقيقتين .. الا الشفت منكسر .. ولا الشيال .. ولا ضرس القير سايح ..

:D

[comondor--GTSR]

مافي محلات تبيعها بالسعودية
:confused:

[TOP-SECRET]

توب سكرت .. خل عنك المدح ..

وين صرت أكثرهم خبره .. لو خبير .. جان تهنيت بالسيارة اللي عندي ..

تدري أنها بالمره مادشت البر ..

ما أصدق العب فيها دقيقتين .. الا الشفت منكسر .. ولا الشيال .. ولا ضرس القير سايح ..

:D

عيل ماتنصح حد يشتريها منك :D

[EL_3grab]

لالا .. :D

بس أنا غجه .. وما أعرف ألعب .. :knight:

السياره حالتها مينت كندشن .. :smart:


وأي واحد حياه يجيك عليها .. :banana:

[BaDDaW_DxB]

توب سكرت .. خل عنك المدح ..

وين صرت أكثرهم خبره .. لو خبير .. جان تهنيت بالسيارة اللي عندي ..

تدري أنها بالمره مادشت البر ..

ما أصدق العب فيها دقيقتين .. الا الشفت منكسر .. ولا الشيال .. ولا ضرس القير سايح ..

:D

هههههههههههه وحليلك ..

ذكرتني والله بأول سياره شريتا .. خخخخخخخخخخ

[Lorinser300E]

اي شباب انا بعد ابي سياره و الله من زمان نفسي في وحده
بس ما اعرف لهم
في ناس تقول لما تاخذها لازم تاخذ معاها عدتها و سعر العدة اغلى من السياره
وناس تقول حط السياره في كرتون فلين و العب بيها لانك راح تكسرها من اول دعسه
وناس تقول خذ لك سيارتين وحده تلعب بيها ووحده قطع غيار من كثر الخرابات
وناس تقول بلا هم بلا و جع راس خذ لك سياره حقيقيه ونزل عليها مكينه شفر و ادعس بلا هالنايترو بلا هالخرابيط

والله كنت حاط ميزانيه 4000 ريال\ درهم بس قالولي ما تكفي ابد
وفي النهايه لما خلاص قررت اشتريها شفت انواع كثيييييره تحيرت ايش اخذ و ايش اخلي منها سرعتين ومنها دفع رباعي ومنها حق رمل ومنها للشارع ......الخ
فاتكلت على الله و اخذت لي لابتب بلا نيترو بلا هم


ها شباب اش رايكم تنصحوني افكر فيهم مره ثانيه