ســـومتكم يا شبـــاب ,,,, !

[A L H A M O O R]

بسم الله الرحمن الرحيم
السلام عليكم ورحمة الله وبركاته
حياكم الله شباب سوالف :-)
الوالد يبي يبع السيارة التالية /
كاديلاك ديفيل موديل 2000
ماشي أكثر نت 65.000 ألف
اللون فضي
الحالة جيدة وليست ممتازه
السيارة كانت استعمال امريكي
كم تتوقعون تجيب لنا ياشباب !!!! ؟؟؟؟
وعندي طلب آخر
ممكن رقم تلفون معارض سيارات في الرياض
أو تعرفون معارض تشتري مثل هذي السيارات في الرياض .

[super x1]

مممممم

أكثر من 65,000

وحالة جيدة وليست ممتازة :think:

هي مصدوم فيها (فيها صدمات ) ؟؟

[560SEL]

مممممم

أكثر من 65,000

وحالة جيدة وليست ممتازة :think:

هي مصدوم فيها (فيها صدمات ) ؟؟

صح هذا أول عامل يحدد السعر في المعارض و هو اذا كانت السياره خاليه من الصدوم أو فيها صدوم ..

يعني ياليت يا اخوي يكيون فيه معلومات أكثر شوي مثل :

الصدوم

نظافة مقصورة الركاب

هل فيها عيوب و الا لا يعني السياره تطلع أصوات و الا لا


و من ناحية المعارض انا بحاول أحط لك رقم كم معرض و استفسر منهم :banana:

[نديم الطيف]

الله يعينكم على بيعتها :D

بتعقدكم تعقييييييد وخصوصاً انه السوق مندمر وماعاد فيه زباين بساحة المعارض

والسيارة استخدام امريكي...


السعر ما اتوقع يتجاوز 33 - 35 بحال من الاحوال

[RamAir]

تجيب لك اكثر من 40الف بالراحة السيارة موب ماشية كثير واذا البدي نظيف توصل 50الف :)

[TOP-SECRET]

الكاديلك

ينزل سعره كثييييير عند اعادة البيع

الامريكي بشكل عام

وصعب تحصل الي بيشتريه

اتوقع 30-45 الف بالكثير

بالتوفيق

[A L H A M O O R]

اول شيء الف الف شكر على ردودكم ,,
ثاني شيء :
البدي من الخارج نظيف جدا
في في الزاوية من الخلف بوية مقشوعه شوي !
نظافة المقصورة نقدر نقول نظيفة شوي
السيارة هادية ولا تطلع أصوات
لكن مشكلة الحرارة هي السبب
وتشكروووووووووووون على تفاعلكم
وانا في انتظار ردكم .

[1100R]

في واحد اعرفة كان عارض واحد..مشي 120 الف ونظافتة متوسطة..او شبة غير
نظيف

كان طالب فية 35 الف..

شوف انت وقيس عليها.. :knight:

[super x1]

البدي من الخارج نظيف جدا
في في الزاوية من الخلف بوية مقشوعه شوي !
نظافة المقصورة نقدر نقول نظيفة شوي
السيارة هادية ولا تطلع أصوات
لكن مشكلة الحرارة هي السبب
وتشكروووووووووووون على تفاعلكم
وانا في انتظار ردكم .



بصراحة أنا ما أتوقع بتجيب أكثر من 30 .

يمكن بتجيب أكثر شوي يمكن كل شي جايز

صاحبي عندة وحدة نفس الموديل 2000 السيارة نظيفة جدا ليست مصدومة
بس انها ماشية 200 ألف في ناس كثير قالوله ما راح بتجيب 30 بس باعها بـ 45

يكمن ربنا يفرجها وتبيعها بسعر يرضيك

بالتوفيق

[الشبابي]

40 الف وبليلله ينباع ...
بالذات هذي السيارة تطيح كثير عدا كونها مستعمله من شخصين والسوق الان بسبب الاسهم صعب ...








اخوكم الشبابي

[Ascari]

السلام عليكم



الردود محبطه :D


بس شتسوي هذا الواقع :(


الكادي مو مرغوب أبداً... :(


مشاكل وقطع غيار نار... تقول اسعار قطع ألماني موب أمريكي :(



الله يعينكم على بيعتها... بس اتوقع لها نفس كلام الشباب...


من 30 الى 40 الف....



بالنسبه لأرقام معارض الرياض شف الموقع هذا:


http://www.syarty.com


ابحث في الموقع عن سيارات مستعمله وبتلقى تحتها اسم المعرض ورقمه...


أو تقدر تجيبه من نفس الموقع بطريقه او بأخرى




الله يوفقك :-)

[A L H A M O O R]

والله انكــم ما قصرتوا ,,,,,
شكراً لكم جميعاً على ردودكم وافادتكم لي
والله يكتب لنا الخير وما فيه .