View Full Version : رفع اسعار جديدة للوقود بالامارات؟؟!!
grandv8
16-04-2006, 01:25 PM
بسم الله الرحمن الرحيم
السلام عليكم ورحمة الله وبركاته
تم رفع اسعار الوقود وخاصة اليوم سعر الديزل الى 8.40 درهم
وبعد يرتفع سعر البنزين واسعار المواد الغذائيه والبناء الى اسعار نار واسعار ماتوصف
وتوقع وصول سعر الجديد للبنزين من 8 الى 10 دراهم
الله المستعان وهذا خبر اليوم وصل
لاحول ولاقوة الابالله
نأخذ سيكل او دراجة هوائية احسن لي :think:
-Honda-
16-04-2006, 01:41 PM
الله يعينكم :(
lumina
16-04-2006, 01:59 PM
لاحول ولا قوة إلا بلله ..
الشكوى لمن ياخوك غير لله :cry1:
انا اللي ابغي اعرفه شو سبب رفع أسعار البترول عندنا بس في الإمارات مب في اي دولة من دول الخليج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :m: شو عليهم ترا اللي فوق همهم مصلحتهم واللي تحت :sleep: حسبي الله ونعم الوكيل
abumhdi
16-04-2006, 02:02 PM
معقولة ..؟!!
وش صاير السنة هذه بالامارات .. على الخير هذا كله .. ويصير كده .. !! :headshak:
شي مؤسف .. !!
ولله على الخيارات الموجودة ( والحمد لله ) المفروض ان يكون البنزين مجان ..
البلد في نمو وخير .. ليش تصير كمثل هذه الأمور .. اللي بتخلي الشعب .. لايعكس ولاءه لبلده .. بسبب هذه التصرفات .!.
الله يكون بالعون ،،
Abu Omar
16-04-2006, 02:03 PM
رفع أسعار الوقود يوثر بشكل مباشر وكبير على مختلف النواحي الاقتصادية الأخرى
رفع سعر الديزل مثلا يعني زيادة تكلفة النقل الداخلى يعني زيادة سعر مختلف المنتجات
رفع سعر البنزين يعني زيادة تكلفة جميع الإنتقالات وزيادة المصاريف العائلية
المشكلة انه احنا في مقدمة الدول المصدرة للبترول ...
لو برة نقول يمكن معهم حق يرفعون أسعار الوقود حسب تغيرات السعر العالمي
ومايعجبهم بعد .. أظن الجميع يتذكر المظاهرات الكبيرة اللي كانت في أمريكا العام الماضي بسبب زيادة اسعار الوقود وكلكم يتذكر مظاهرات إيطاليا اللي سو فيها أحداث شغب وكسرو الدنيا عندهم
بل حتى لبنان اضطرت الحكومة على التراجع عن قرار زيادة الأسعار للوقود عقب مظاهرات كبيرة قام بها الشعب البناني
لكن من حقنا أن نعترض ونشجب ونستنكر و... :ranting:,,,,, :bomb: ,,,,, :mad1: ,,,,,, :m: .... :sleep: ,,,,, :-)
الشبابي
16-04-2006, 02:19 PM
الله يعينكم ... اسعار خياليه للاسف ونتمنى ان تعود الاسعار لما كانت عليه من قبل الزيادات الاخيرة ...
هو الصراحة القرار هذا مفيد للدولة وللشركات بشكل كبير ، 30 % من دخل الحكومة الامريكية يأتي من بيع البنزين والديزل على المحطات ....
اذا كانت امريكا تشتري البترول من دول الخليج وتبيعه على المحطات وتكسب 30 % .. اجل دول الخليج نفسها لما ترفع الاسعار وتبيعها على المواطنين كم تكسب ؟؟؟
من ناحية ثانية .. الامارات فيها اجانب كثيييير وهذا القرار يساهم في رفع المكاسب عن طريق الاجانب .. هي طريقة مربحه لكنها ستعطل عجلة النمو للأسف لأن كل شئ بيصير غالي ...
اخوكم الشبابي
عفوا
بس 8-10 درهم ل ؟؟
ليتر ولا جالون ؟
TOP-SECRET
16-04-2006, 02:30 PM
الله يعينكم والله يا هل الامارات :mad1:
والله يعينك يالمرزوقي على الـ 5.7 بيخلص بيزاتك :D
واحد من الربع كلمني يقول انه يعبي اللاند كروزر عندكم ب 150 درهم
في قطر ب 79 ريال بالضبط لو كان الخزانين فاضيين واللمبه والعه :mad1:
أطالب بوقف ما يحصل من خداع واستغفال ومصخره في وجه المواطنين والمقيمين في دولتنا الحبيبة.........طيب حابين ترفعون البترول ارفعوا معاشاتنا :bomb:
TOP-SECRET
16-04-2006, 02:56 PM
اخوي عمر انا سمعت انه تم رفع الرواتب من فتره؟
او عطوكم نوع من البدلات؟
الباب العالي
16-04-2006, 02:56 PM
انت مواطن ... انت مغفل
"وصناع القرار اليوم.....لا غضبوا ولا نهضوا"
EL_3grab
16-04-2006, 03:01 PM
سعره تفويله اللند كروزر 172 درهم ..
ما نقول الا حسبي والله ونعم الوكيل ..
Abu Omar
16-04-2006, 03:12 PM
أطالب بوقف ما يحصل من خداع واستغفال ومصخره في وجه المواطنين والمقيمين في دولتنا الحبيبة.........طيب حابين ترفعون البترول ارفعوا معاشاتنا :bomb:
على فكرة أنا أؤيد ان يكون المنتدى نقطة انطلاق حتى يتم التراجع عن هذا القرار
وأتوقع في أشياء كثيرة ممكن نسويها .... ولا نكون سلبيين
نرسل شكاوي للمسؤولين
نرسل شكاوي لأصحاب محطات البنزين
مراسلة الكتاب المتفاعلين في الجرائد الرسمية
مادري هل جميع الامارات أصبح ساريا فيها السعر الجديد وهل كل المحطات
يعني لو الشارقة مثلا لم يتم تطبيق القرار فيها ممكن أهل الشارقة يعبون بنزين فيها قبل مايتوجهون لدبي
إذا فيه محطات أسعارها أعلى من محطات ثانية نقاطعها ومانعبي فيها
تحضرني واقعة مشابهة في أمريكا - للمعلومية- أسعار الوقود هناك تختلف من محطة لأخرى ومن ولاية لأخرى .... فأصبح الناس هناك يقاطعون المحطات التي زادت أسعارها ...
وكان نتيجة ذلك أن رضخت كثير من الولايات لمطالب الشعب هناك .
وواقعة مشابهة كذلك في مصر الحكومه حبت تلعب على الشعب وقالت انه راح ينزل بنزين ذو مواصفات وجودة أعلى و رقم أوكتان أعلى 92 وبالتالى سعر أعلى حوالى 40% مع استمرار وجود البنزين السابق أوكتان 90 .مع انه ماكنت أحس بفرق ؟؟
طبعا هذي كانت خدعة من الحكومة حتى يتم إلغاء السعر السابق بتقليل البنزين أوكتن 90 حتى يتلاشى نهائيا . ويصبح الموجود هو أوكتان 92 فقط
لكن بجهود الشعب المصري - الصراحة أحسن شىء سوه - تم تقريبا مقاطعة محطات البنزين اللي عندهم بنزين 92 فقط وأصبحو يتوجهون للمحطات اللي عندهم بنزين 90 حتى لوكانت بعيدة .
شيئا فشيئا تكبد أصحاب المحطات خسائر وكذلك شركات البترول .
وفي النهاية رضخت الحكومة وقررت أن يكون البنزين السائد في معظم المحطات هو أوكتان 90
أتوقع في أشياء كثيرة ياهل دبي ممكن تسوه
الله يعينكم .. الصراحة دبي أصبحت من أغلى المدن في المعيشة كان عندي كورس واختبار عندكم قبل 3 أشهر ولاحظت زيادة في كل شيء عن آخر زيارة لي قبل سنتين
grandv8
16-04-2006, 03:38 PM
السلام عليكم ورحمة الله وبركاته
اخواني
بالنسبة لرفع البترول ترى مب صاحب ابدا
ونحن مانقدر نسوي شي من المواطنين
نسبة المواطنيين بالامارات الحين يمكن وصل مليون مواطن تقريبا
والباقي اكثر من 3 ملايين اجنبي واكثرية الاقلية الهندية.
ولاتحسب اذا احد مسوي اضراب او يقاطع ، ترى نسبة الاجنبي اكثر وهو غصب عنه بيستري او يعبي البنزين.
المحطات عدنا بالامارات
محطة الامارات ومحطة ايبكو واينوك تابعه لدبي ، محطة الامارات محطة مساهمة بها الحكومة او المحطتين محطة شركة مساهمة.
اما محطة ادنوك وهي محطة باابوظبي وهى شركة حكومية مساهمة.
مشكلة عدنا ان اليوم يشتكون من غلاء الديزل بشكل فظيع مماترتيب عليه زيادة سعر البناء والشحن والمواد الغذائيه.
اما زيادة الراتب التي لم يتهن المواطن بزيادة الا لفترة شهر او شهرين فقط تم زيادة كل شي عليهم.
بصراحة ان شركة البترول ليس لديها مصفاة بالامارات وهذا يجعل الواحد يغضب اكثر .
دولة مصدرة للنفظ وليس لديها مصفاة تكرير او مصفاة لاتلبي من حاجات البلد.
الله المستعان
EL_3grab
16-04-2006, 03:40 PM
والله هم طيروا بترول أوكتان 91 .. وعلتهم كانت البيئه أكثر أخضرارا ..
الدنيا كلها عندها خيارات وأحنا لازمينا بأعلاهم الـ95 والـ98 ..
..
شباب السالفه سالفه طمع والله ..
يعني أحنا المستفيدين من أرتفاع أسعار البراميل .. وفوق هذا يرفعون أسعار البترول ..
يعني دول الخليج كل أسعارها وحدة .. وكلهم يصدرون للنفط .. ليش اسعارنا مضاعفه ..
والله شي غريب ومحد قادر يفهم ..
EL_3grab
16-04-2006, 03:43 PM
اللي صاير أحين .. أنهم زادوا المعاشات علشان يزيدون أسعار البترول .. :sleep:
sayedco
16-04-2006, 03:45 PM
معقولة ..؟!!
وش صاير السنة هذه بالامارات .. على الخير هذا كله .. ويصير كده .. !! :headshak:
شي مؤسف .. !!
ولله على الخيارات الموجودة ( والحمد لله ) المفروض ان يكون البنزين مجان ..
البلد في نمو وخير .. ليش تصير كمثل هذه الأمور .. اللي بتخلي الشعب .. لايعكس ولاءه لبلده .. بسبب هذه التصرفات .!.
الله يكون بالعون ،،
و آنا وياك
بس الله يعينكم شباب الإمارات :(
و الله لا ييب اليوم اللي يرتفع سعر البترول في البحرين :sss:
Abu Omar
16-04-2006, 04:01 PM
هلا أخوي جراند
معك حق رفع أسعار الديزل راح يأثر كثير على الأسعار :bomb:
بس غريبه مافي مصافي بترول في الإمارات ؟؟؟ ماأتوقع :m:
أظن في مصفاة بترول في أبو ظبي من كبريات المصافي في الشرق الأوسط
تعرف ان معظم المهندسين في مجال البترول - وأنا أحدهم-يأتون للإمارات عشان يأخذون كورسات تدريبة في مجالات البترول
بس هل قلة المنافسين والشركات هي سبب في رفع الأسعار دون الخوف من وجود منافس ؟؟؟
أنا ماشفت عندكم شركات عالمية كبرى مثل شل أو موبيل أو توتال ؟؟
عالبال
16-04-2006, 04:01 PM
يا شباب ، اللتر بالقيمة هذي معقول ؟
في السعودية اللتر بـ 90 هللة ، أقل من الريال
EL_3grab
16-04-2006, 04:40 PM
الجالون شباب ..
قلق و رجه
16-04-2006, 05:11 PM
لا حول ولا قوة الا بالله
الى متى وحنا نتمنى التخفيض ويعطونا زيادة مكافئه على صبرنا
منول كنا نعبي السيارة ب 70 وبالكثير 80
وبعدها وصلنا لل 90 و95 درهم
وبعدها وصلنا لل 120 درهم واكثر
والحين بعد زيادة كم بنوصل
هالمره لازم يتدخلون الشيوخ عشان يحطون حد لهم
المشكله هم يجتمعون ويقررون السعر الجديد ومن بكره يكون في السوق
و وزارة الاقتصاد كانها مب موجوده او كان هالزيادة ما بتاثر في اقتصاد البلد
والدول المجاوره بنزينها اقل بالنصف من بنزينا
وكل هالشي من اينوك وادكوا لان ما عندهم مصفاة ويشترون البنزين من BP ويجبرون ادنوك اللي عندها مصفاة في ام النار انها ترفع الاسعار معهم
اتمنى نسمع خبر عكس هالخبر وخاصة اني قاري خبر من ادنوك يقول لا مزيد من رفع الاسعار للبنزين
بس متى قالوا بتنزل الزيادة
والبنزين كم بيزيدونه بالجالون
sayedco
16-04-2006, 05:16 PM
10 درهم للغالون = 2.64 درهم للتر = ريالين و نص تقريباً للتر
يعني أكثر من ضعف الملبغ عند الدول الثانية :sss:
الشبابي
16-04-2006, 05:42 PM
على ما اعتقد الحكومة رفعت الدعم عن المشتقات النفطية في الامارات وهذا احد اهم الاسباب اللي خلت البنزين يرتفع ...
المفروض في كل دول الخليج تكون المحطات مزودة ببنزين بأغلب انواع الاوكتان المستعمله ... يعني في سيارات امريكية تمشي على اوكتان 87 و 89 فما ذنبهم يعبون 91 ولا 95 ولا 98 ؟؟؟ وطبعا بيكون اغلى ....
لو يكون السوق مفتوح لكل الشركات تبيع البنزين بأي نوع تحب ، اعتقد بيساهم في تقليل الاعباء على المشترين ...
ولازم يكون فيه دعم حكومي لو خفيف للسوق ... والديزل لازم يشوفون له حل لأنه غالي جداااااااااااااا .... المفروض يرخص لأن اغلب الشركات تستعمله ، وارتفاعه يعني ارتفاع كل شئ ...
اخوكم الشبابي
Abu Omar
16-04-2006, 05:43 PM
10 درهم للغالون = 2.64 درهم للتر = ريالين و نص تقريباً للتر
يعني أكثر من ضعف الملبغ عند الدول الثانية :sss:
كثييير مرة :sss:
الأسعار هذي في جميع الامارات ولا بعضهم :blink:
الاسعار في الإمارات- من كبريات الدول المصدرة للبترول- أعلى من معظم الدول الأوربية - أكبر كيان مستورد للبترول - :damp:
ماتحسون انه شيء مسخرة :ranting:
EL_3grab
16-04-2006, 05:52 PM
قلق ورجه ..
أدنوك هي منزله آخر خبر .. برفع أسعار المشتقات النفطيه .. طمع البترول بروحه مب مكفنهم .. :sleep:
vett2
16-04-2006, 06:51 PM
الله يعينكم شكله الدور جاي علينا رفعوا المعاشات.. قبل اقل معاش في البحرين يوصل عدنا 150 الحين اقل شي 250 قبل رفعوا اسعار ادوات البناء والحين بيرفعون اسعار البترول :(
red_RPM
16-04-2006, 09:21 PM
الله المستعان
عيناوي كوول
16-04-2006, 10:55 PM
عليكم بالهوندا سيفيك الهايبرد
وأيضا تويوتا بريوس الهايبرد
:D
grandv8
16-04-2006, 11:15 PM
السلام عليكم ورحمة الله وبركاته
الله المستعان من رفع للاسعار
لا سيفيك تنفع ولاشي
كل واحد يأخذ دراجة هوائية احسن له.
الواحد مايقدر يسوي شي الا الاسعار نار بوجهه.
الله يعين الجميع
مافي غير ياماها R6 اوووب نسيت شي , لازم يكون عندي ليسن دراجه لا حووول :D
SLR55
17-04-2006, 01:50 AM
المشكلة الناس إلي تحط القرارات
ما تدفع درهم على البترول ما يحسون بإلي يدفع
الله المستعان
الله يرحم كان الكابرس الفول ماله ب 60 و 85 و الحينة 100
إن شاء الله حد يدخل و ينزل السعر
سلاااااااااااام
عيناوي كوول
17-04-2006, 08:36 AM
محمد هالأيام حتى السياكل الهوائية عليهن مواتر نص سلندر :D
أوين عشان يوم تتعب تجر الحبل مال الموتر وإنته والخير رباعة :D :D :D
حياك الغالي
Dr cars
17-04-2006, 09:16 AM
الله يعين الكل .. اليوم قرأت في الجريدة إرتفاع رسوم التعليم 20% !!!!!
من وين الواحد حيتحمل الضغط!!! :ranting: :bomb:
BMW M8
17-04-2006, 09:53 AM
يعني سيارتنا من 95 درهم تفويلة ا 120 إلى 125 درهم او اكثر
الهاوي جروب
17-04-2006, 01:53 PM
الله يعينكم
شكلهم بيرفعوااسعار السياكل يامحمد :D
grandv8
17-04-2006, 04:01 PM
الله يعينكم
شكلهم بيرفعوااسعار السياكل يامحمد :D
الله يعين الجميع
تم امس رفع اسعار السلع الاستهلاكية بالجمعيات من 1 الى 5 %
ورفع سعر السكر الى 100%
سعر مواد البناء بعد ارتفع
مابقي الا سعر الجمال ثابت :D