سؤال عن غسيل السياره!

[دكتور / مجنون]

السلام عليكم :)


عندنا عامل وابغاه يغسل سيارتي بدل غسيل المغاسل!! المشكله وش نوع الشامبو او الصابون اللي استخدمه بغسيل السياره؟؟


أذكر مره واحد كان يقول شامبو العبايات وأقشمة الحرير هو احسن شئ!! (بصراحه أعتقد اني كنت احلم مب صدق :m: )


أحد عنده فكره؟

[عالبال]

والله ما أنصحك تغسل سيارتك بغير مغاسل السيارات ، لأن العامل بيصب الموية والصابون وينظف البودي والسيارة عليها غبار ، والغبار هذا يأثر على البوية ، لكن المغاسل ترش السيارة بالموية قبل التنظيف بالصابون

وهذا عن تجربة :ranting:

[sayedco]

بغض النظر عن هالعامل :D

لا تستخدم LUX أو منظفات الصحون ، لأنها تشيل طبقة البوليش إذا كانت موجودة ، خاصة السيارات الجديدة عليها طبقة حماية هاي الصابون يشيلها

استخدم مال العبايات

و الأحسن و الأحسن و الأغلى طبعاً في صابون خاص مال غسيل السيارات

آنا أقول إذا كنت منتظم في البوليش غسيل الهنود ما بيأثر لأنه الWAX يحمي الصبغة

[دكتور / مجنون]

عالبال: انا منبهه على هذا الشئ.. يغسلها بالمويه وبعدين بالصابون!


Sayedco: وش اسم صابون السيارات هذا؟


وبعدين الحين هو يغسل فيها وباشوفها.. عجبني شغله باخليه يكمل.. ماعجبني باخليه يوقف!! :bomb:

[نديم الطيف]

مثل ماتفضلوا الشباب انتبه من العمال لانهم يخبصون التراب (غير وجوهكم) على البودي عكس المغسلة الي يرشونها ماء قبل الغسيل

ومصيبة ثانية وهي الليفة أو الخرقة الي يستخدمها العامل لانها تدمر البوية ويغسل فيها سيارتك وتسعين الف سيارة غيرها :ranting: :ranting:

[يا هاجسي]

الحذر الحذر..

واحد من معارفنـــا عنده سواق..دائماً يغسل الموتر بتايد..
فيا ترى وش تتوقع صار..؟!

انتبه..
بالنسبة لي فأنا تقريباً كل أسبوع أغسل موتري بمغسلة..غسيلهم روعة
ان كنت بالرياض وتبغى أدلك عليهم أوصف لك الموقع..:p

:cool:

[البدر888]

عند اسواق العثيم اسفنجه غسيل وجلد ماص للماء

اما الشامبو انا استخدم شامبو شعر الاطفال لادموع بعد اليوم

:banana:

[cadyman]

اهم شي انك نرش السياره بمويه كافيه بعدين باسفنجه نظيفه تدعك بالصابون السائل من اي نوع وترش مويه بعد كذا

[saymyname]

طيب والي ماعنده وقت يروح مغسلة :D

[sayedco]

طيب والي ماعنده وقت يروح مغسلة :D

سو نفسي و لا تغسلها :D

آخرتها بتنجبر تغسلها غصباً عنك :D

[saymyname]

سو نفسي و لا تغسلها :D

آخرتها بتنجبر تغسلها غصباً عنك :D

وهذا الي بيصير اصلا... :D

[دكتور / مجنون]

الحذر الحذر..

واحد من معارفنـــا عنده سواق..دائماً يغسل الموتر بتايد..
فيا ترى وش تتوقع صار..؟!

انتبه..
بالنسبة لي فأنا تقريباً كل أسبوع أغسل موتري بمغسلة..غسيلهم روعة
ان كنت بالرياض وتبغى أدلك عليهم أوصف لك الموقع..:p

:cool:


من جدك تايد؟ :D


وبعدين انا جبت له منشفه حمراء (اللي عند المغاسل) وشامبو يستخدمه بين فتره وفتره والمويه حلوه

بس هو يشتغل وانا اتفرج وقت الشغل..