مطلوب استشاره (بشتري سياره)

[بنت الكويت]

السلام عليكم ورحمة الله وبركاته

شلونكم اخواني عساكم طيبين

حبيت اخذ رايكم

ودي اشتري سياره بس حيرانه بين كايين ورينج روفر

ياليت احد يعطيني مميزات ومساوء كل سياره فيهم

من ناحية التحمل والخرابات

ويعطيكم العافيه :)

[ابداع2004]

هلا اختي بنت الكويت ..

بالنسبه لي ورأيي الخاص البورش كايين شكل مجدد لـ سنة 2008 واقوى في التحمل ومشاكل اقل من مشاكل اللاند روفر ..

واستخيري وبالبركه مقدماً ويعطيكِ خيرها ويكفيكِ شرها ان شاء الله

تحياتي محمد الهاجري

[بنت الكويت]

تسلم اخوي محمد على هذي المعلومات

الله يعطيك العافيه

:)

[احمد كيوت]

السلام عليكم اهلين اختي بنت الكويت
اصراحه من جهتي انا اشوف ارنج روفر
علي ماسمعت ان في الكاين البورش ترتفع الحراره هذا الي سمعته
والله يوفقك
ويعطيكي خيرها ويكفيكي شرها

[بنت الكويت]

الحين انا توهقت

صار تعادل بين الرينج والكايين :)

ابي راي فاصل

[AMG///]

ياهلا بأختي بنت الكويت
منورهـ قسم السيارات

انا نصيحتي لك بالبورش كايين مثل ماتفضل اخوي إبداع بارك الله فيه
وهذا يرجع لعدة اسباب:

1- الكايين 2008 نزل بشكل جديد وعن نفسي اعتبره تجديد رائع لهذي التحفة الألمانية
2- السيارة قوية جدا واحب اقولك إن اعطالها قليلة واتذكر إن بورش كانت تاخذ المركز الأول في قلة الأعطال إذا ماخانتني الذاكرة
3- الرنج روفر اعتقد شكلة الصندوقي والي ماتغير من فترة طويلة اعتقد انه يرفع كفة البورش كايين
3- دائما نسمع عن اعطال كثيرة في الرنج روفر من مشاكل في الهيدروليك وإرتفاع درجة حرارة المحرك وخصوصا موديل الرنج سبورت سوبر تشارج


وبودي لو تلقين نظرة على سيارة طوارق 2008 اعتقد انها راح تعجبك اكثر من البورش والرنج روفر لما تحتوية من فخامة وقوة ووسائل رافاهية وجودة عالية المستوى


راح ارسلك رابط يحتوي على معلومات وصور عن الفلوكسواجن طوارق


وحياك الله أختي في قسم السيارات
وإن شاء الله اكون افدتك ولو بالقليل

وانا واخوي محمد حاظرين في اي وقت

[شهرناز]

وعليكم السلام ورحمة الله وبركاته ..

ما شاء الله شكلك تبغي تجددي للسنة الجديده .. الله يسخرلك إلي فيه الخير ..

أنا ما اقدر افيدك لأن معلوماتي صفر في السيارات ..

بس حبيت أقلك الله يسخرلك كل خير و يعطيكِ خيرها و يكفيكِ شرها ..

و مبروك مقدماً ..:)

[بنت الكويت]

اخوي العزيز ///AMG

شكرا لك على هذي المعلومات اللي اعتبرها وافيه
تسلم وماقصرت :)


اختي شهرناز

يكفي مرورج الطيب اللي نور الموضوع حبيبتي :)

[LS 460 L]

أنصحك بالألماني وبس ...


يعني البورش ولو تأخذين الست سلندر يكون أفضل لأنه أقل أعطال من 8 سلندر ...

الله يعطيك خيرها ويكفيك شرها وعند ركوب السيارة قولي دعاء الخروج ...
أسالي مجرب ...


شكرا ...

[بنت الكويت]

بارك الله فيك اخوي LS

تسلم عالنصيحه

:)

[الضبع]

السلام عليكم ورحمة الله وبركاته

شلونكم اخواني عساكم طيبين

حبيت اخذ رايكم

ودي اشتري سياره بس حيرانه بين كايين ورينج روفر

ياليت احد يعطيني مميزات ومساوء كل سياره فيهم

من ناحية التحمل والخرابات

ويعطيكم العافيه :)

هاه أشتريتي ولا بعطيكي رأيي :) :) الله يخلف علي والله ما عرف بالسيارات إلا شكلها وإذا ركبتها هذا إذا شفت اللي داخلها،، ما عليش أصل نظري ضغيف :D ويبيلي تدبيل النظاره علشان أعطي رأيي :) وباخذ أخوي محمد كمستشار للسيارات ما شاء الله عليه.
بس الله الله بالسعر ولا الشكل :45: :45:

[ابداع2004]

وباخذ أخوي محمد كمستشار للسيارات ما شاء الله عليه.
بس الله الله بالسعر ولا الشكل :45: :45:

ابشر اخوي الضبع باللي تبيه وانا تحت امرك في اي خدمه :)

تحياتي محمد الهاجري