دقــــــــــيــــــــــــــــــقـه

[سفير]

* قصيدة في قمة الروعة يا البدر..
* "دقيقة" عنوان رائع لهذه القصيدة الرائعة..
* أمنياتي الخالصة لك التوفيق دايما ً ..


------------------
سفير وصلاوي وبس

[AL-BDER]

دقيقه..
بـ ارسم أوقاتي فرح..
و بمسح الألف ضيقه..
***
تمهل..
في جيوبي أماني ..
ما سرقها الوهم..
في عيوني أغاني..
تعزف أحلى نغم..
في خيالي خُـطى ..
بس أرضي حقيقه!
***
دقيقه..
يا دنيا بخيله بالعطا..
أيامي ثقيله..
جودي على الخايف أمان..
دِلّـي على الضايع مكان..
ما تكفي ..
قوتي..
و عِزتي..
في دنيا الهوان!
بـ صَمتي البارد حريقه..
***
دقيقه..
يكفي زمانٍ مضى..
محروق في صمت و لظى ..
لا شاكي الجفى..
أو قِـل الوفى..
أشكي سنين العمر ..
وينها اليوم راحت..
ما بين شوق و صبر ..
و شمسها الأمس شــاحت..
يكفي ..
يكفي نهاري مات..
و الصوت له ونات..
***
يا زماني دقيقه..
ابسرق من عمري الرايح .. دقيقه ؛؛؛


* تركي بن عبدالله

[الصريحة]

كل سنة وانت طيب ومبروك عليك الشهر .. ولو اني اول مره اقرا لك ولكن اقول كل انت كلماتك جميلة .. والفرح في الجملة الاولى اعجبتني كثيرا ..

الى الامام دائما

تحياتي نجود الفلاسي

------------------
الصداقة اسمى شئ في الوجود

[AL-BDER]

الله لا يحرمني من عيونكم اللي تشوفني من الداخل ..

[AN_ANGEL_HEART]

القصيده اكثر من رائعه يالبدر صح لسانك (:
وصدقني اتمنى اكثر منك اني ارجع دقيقه من الماضي بس بكره راح يكون احلى باذن الله

--------------------------
تفـــــائــــلوا بالـــخيــر تـجــدوه