AL-AJMI
24-12-1999, 05:36 AM
مشكله لاجات حاجتك بيدين البخيل؛؛ما يفكك لين تدفع كثر ما يدفعه
ومشكله لاصرت مطعون بكفوف الدخيل؛؛في ظهرك أربع خناجر وبالصدر أربعه
ومشكله لا ضاق بالوقت رجالٍ ثقيل؛؛يطلب أحبابه وعيّا زمانه ينفعه
ليت ربي ما يحاسب خليلٍ من خليل؛؛دام ما للحظ فزعه و للوجه أقنعه
ودام ما للعذل تالي وما بالحيل..حيل؛؛الغلا سمٍ نذوقه..ومرٍ نجرعه
نحتري فيه اللقا..والحصيل أهو الحصيل؛؛مثل حلمٍ ما تحقق..وعييت أقطعه
كني اللي حط بشفاه جمر المليل؛؛لا قدر يرميه للناس..وأزرى يبلعه
والظروف اللي حدتني لنيران وفتيل؛؛عرضت دمع المحاجر لشيٍ يجزعه
والمدامع بالغلا لا تحال ولا تحيل؛؛والمشاكل كل ما جات..مجمعه
اعذلوني عن هوى النفس وعيون تخيل؛؛في حبيبٍ ما تركته..ولا زلت أتبعه
مغرمٍ في حب مثله ولا أرضى بديل؛؛عيني تشوفه..وقلبي يجوع ويشبعه
ذاك كل ما زان بالي وطالعت النخيل؛؛ما ذكرت إلا ثباته بوقت الزعزعه
ماهو إلا قطعةٍ من حشا قلبٍ عليل؛؛وماني إلا قطعةٍ منه..مخلوقٍ معه
لا جميلٍ شفت قبله ولا بعده جميل؛؛العذارى رهن رمشه..وأنا رهن أصبعه
والله انه لو طلبني طلوع المستحيل؛؛لطلعه..منيه..مناك يعني لطلعه
ما علي من الملامه ولا هرج الهبيل؛؛ما أشجع الرجال لا ثار غيره ما أشجعه
في عيون اللي عشقني ولا جاني هزيل؛؛الله اللي حط عشقه بقلبي و زرعه
لو سكت تنطق له الصّم والدنيا تسيل؛؛وإن حكى..لو يمشي المزن وقف يسمعه
سلسبيلٍ في شفاته يخالط سلسبيل؛؛معمعه بسكات..وأحلى سكات بمعمعه
ما هقيت ان أكثر الليل يمرح بالجديل؛؛لين شفته شوف عيني..بكفه يرفعه
وإن حييت وما بقى لي معه يا كود ليل؛؛لسهره بأول غروبه..وأموت بمطلعه
والله ان العشق جمره..وطاحت بالشليل؛؛وإن حصل ما طاوعك الوقت بأحبابك..طعّه
ومنهو اللي علم أعداي نكران الجميل؛؛ومنهو اللي خان خلي وحاول يقنعه
كل عاذل ردني عنك يا الطرف الكحيل؛؛يا عسى الله يقلعه..يا عسى الله يقلعه
يا معرض قلب الاحباب للدرب الطويل؛؛السعه..لا بارك الله بالضيق..السعه
والله ان الوقت قاسي وأنا ماني ذليل؛؛وأشهد إن الرجل مرات ظنه يخدعه
وانتم تعذلون الخفاق بعيون العديل؛؛ما رحمتم نار جرحه وغيرة مدمعه
والسوالف ليلها ليل..والحايل يحيل؛؛والمشاكل مشكله..مشكله متجمعه
مشكله لاخانك الوقت بالحمل الثقيل؛؛لو زرعت الزرع هوج العواصف يشلعه
ومشكله لاصار عاذلك ما يبرد غليل؛؛لا ترده طيب كلمه..ولا حدٍ يمنعه
ومشكله لا صرت مطعون بكفوف الدخيل؛؛في ظهرك أربع خناجر وبالصدر أربعه
وسلامتكم
ومشكله لاصرت مطعون بكفوف الدخيل؛؛في ظهرك أربع خناجر وبالصدر أربعه
ومشكله لا ضاق بالوقت رجالٍ ثقيل؛؛يطلب أحبابه وعيّا زمانه ينفعه
ليت ربي ما يحاسب خليلٍ من خليل؛؛دام ما للحظ فزعه و للوجه أقنعه
ودام ما للعذل تالي وما بالحيل..حيل؛؛الغلا سمٍ نذوقه..ومرٍ نجرعه
نحتري فيه اللقا..والحصيل أهو الحصيل؛؛مثل حلمٍ ما تحقق..وعييت أقطعه
كني اللي حط بشفاه جمر المليل؛؛لا قدر يرميه للناس..وأزرى يبلعه
والظروف اللي حدتني لنيران وفتيل؛؛عرضت دمع المحاجر لشيٍ يجزعه
والمدامع بالغلا لا تحال ولا تحيل؛؛والمشاكل كل ما جات..مجمعه
اعذلوني عن هوى النفس وعيون تخيل؛؛في حبيبٍ ما تركته..ولا زلت أتبعه
مغرمٍ في حب مثله ولا أرضى بديل؛؛عيني تشوفه..وقلبي يجوع ويشبعه
ذاك كل ما زان بالي وطالعت النخيل؛؛ما ذكرت إلا ثباته بوقت الزعزعه
ماهو إلا قطعةٍ من حشا قلبٍ عليل؛؛وماني إلا قطعةٍ منه..مخلوقٍ معه
لا جميلٍ شفت قبله ولا بعده جميل؛؛العذارى رهن رمشه..وأنا رهن أصبعه
والله انه لو طلبني طلوع المستحيل؛؛لطلعه..منيه..مناك يعني لطلعه
ما علي من الملامه ولا هرج الهبيل؛؛ما أشجع الرجال لا ثار غيره ما أشجعه
في عيون اللي عشقني ولا جاني هزيل؛؛الله اللي حط عشقه بقلبي و زرعه
لو سكت تنطق له الصّم والدنيا تسيل؛؛وإن حكى..لو يمشي المزن وقف يسمعه
سلسبيلٍ في شفاته يخالط سلسبيل؛؛معمعه بسكات..وأحلى سكات بمعمعه
ما هقيت ان أكثر الليل يمرح بالجديل؛؛لين شفته شوف عيني..بكفه يرفعه
وإن حييت وما بقى لي معه يا كود ليل؛؛لسهره بأول غروبه..وأموت بمطلعه
والله ان العشق جمره..وطاحت بالشليل؛؛وإن حصل ما طاوعك الوقت بأحبابك..طعّه
ومنهو اللي علم أعداي نكران الجميل؛؛ومنهو اللي خان خلي وحاول يقنعه
كل عاذل ردني عنك يا الطرف الكحيل؛؛يا عسى الله يقلعه..يا عسى الله يقلعه
يا معرض قلب الاحباب للدرب الطويل؛؛السعه..لا بارك الله بالضيق..السعه
والله ان الوقت قاسي وأنا ماني ذليل؛؛وأشهد إن الرجل مرات ظنه يخدعه
وانتم تعذلون الخفاق بعيون العديل؛؛ما رحمتم نار جرحه وغيرة مدمعه
والسوالف ليلها ليل..والحايل يحيل؛؛والمشاكل مشكله..مشكله متجمعه
مشكله لاخانك الوقت بالحمل الثقيل؛؛لو زرعت الزرع هوج العواصف يشلعه
ومشكله لاصار عاذلك ما يبرد غليل؛؛لا ترده طيب كلمه..ولا حدٍ يمنعه
ومشكله لا صرت مطعون بكفوف الدخيل؛؛في ظهرك أربع خناجر وبالصدر أربعه
وسلامتكم