مـسـلـم احـسـبـه واثـر فـالـديـن مـرتـد

[نايف الاول]

السلام عليكم ورحمة الله وبركاته...اعزائي اعضاء سوالف المحترمين....

اصعب مايمر على الانسان...ان يحب شخص...لايبادله
نفس الشعور...على الاقل بعد مرور فتره...يكتشف
ذلك....فيصبح الحب من طرف واحد..بدلآ من ان يكون
متبادل..........

.......................

الظالم اللي لاسمع شكوتي صد
........... يطرب على ضرب الوتر من ونيني

لامن نخيته ساحر القلب مارد
........... ماكن حولي سامع ٍ لي يعيني

انا احسب انه في صفوفي واثر ضد
........... ابيه لكن شكلها مايبيني

جيته انا نزال واقبلت ثم شد
........... ضاع الوفاء والوعد واخلف يقيني

مسلم احسبه واثر فالدين مرتد
........... ياما حلف لي بالعهد واليميني

انه يخل الحب والوصل ممتد
........... لكن غدر بي غدرت الجاحديني

ماخذ خفوقي لكن اليوم يجحد
........... وحنا على هالوضع خمسة سنيني

لابد تفرج بعد ماالوقت اشتد
........... ويعود هاك الحب ويموت فيني


نايف الاول
=========
ملاحظه : هذه القصيده طلبت مني وكتبتها على لسان
انسان عزيز عندي...وتشرح وضعه.ولم استطع الا ان
البي طلبه...مع اقتناعي...ان الذي يكتب الشعر
باحساس غيره..لن يوفق كثيرآ...ولكنها ضريبة الصداقه
التي تجعلك تحرج وتلبي طلب اخوان لك تعزهم واجد.

*********************************************

[عاشق الخليج]

سلالالالالالالالالالالالالالالالالالالالالالالالالالالالالام
هلا بالغالي نايف الاول
كل ماتجود بة غالي يالغالي حتى وان كنت لا تعيش الوضع
جميل جداً ومميز كعادة نايف الاول
شكراً اخي الغالي على كل شي

(( العاشـــــــــــــــــــــــــــــق ))

[الحفار]

الاخ نايف
يا طول صبرك خمس سنين ونت مستحمل بصراحه انت ظلمت نفسم بس اذا كانت تستاهل ماعليه واكيد تبي تحقق حلمك يوما ما ..بس شد حيلك..


------------------
نصيب قلبي قادني لين حدّك.....
واصبحت لك يا غاية النفس مشدود

[LoveEyes]

هلا اخوي نايف ..

الي كتبته مميز .. ولا يعيبه انه على لسان شخص ثاني ..
بالعكس .. كانه على لسانك .. واظن الشاعر يقدر يغير من حالته
عشان شعره .. وعشان يتفاعل معه .. وانت ابدعت فيها ..

.......................
وش هالحزن غطى حلمي وعلمي ..
من كثرها الافراح يومك رفيقي ،،
ماشفت انا حظي قد التفت يمي ..
اسمي عيون الحب ودمعي حقيقي ،،

[وردالشمال]

صح لسانك ....هذا انت ماتغيرت..
..
..
تجيد فن التصوير بالشعر...

[نايف الاول]

اخوي عاشق الخليج..وعليكم السلام..ويهلا بالمهلي..انت والله الغالي عندي
ومشكور...وترى الرساله الاولى وصلت..وكذلك الرساله الثانيه وصلت اليوم
وكل الكلام اللي قلته يعجز اللسان عن شكرك يامنبع الاصل ومصداره.

ووالله العظيم اني كلي احراج منك وانا اخوك لتاخري في الرد...لبعض الظروف
وارتباطي بموقع اخر..اخذ كل وقتي في الردود....

والعذر والسموحه من العاشق...ولكن باذن الله اليوم ولا بكره بالكثير
لك رساله مني فيها كل التفاصيل..علشان ترضى على اخوك......تكفا اقبل
عذري..والله اني محرج منك يالغالي.

اخوك نايف الاول
==============

[نايف الاول]

الغالي عند اخوه الحفار....ياخوي متى بتعود؟ ترانا
محتاجينك..انت قلب سوالف النابض....

وترى القصيده وانا اخوك مكتوبه على السان شخص
عزيز عندي...احرجني وكتبتها بشعوره واحساسه.


اخوك اللي افتقدك نايف
====================

[نايف الاول]

اخوي عيون الحب...ياكثر غلاك عندي.......
ووجهة نظرك لها كثير الاحترام والتقدير....
ومشكور على كل الكلام الحلو.

اخوك نايف الاول
=============

[نايف الاول]

اخوي ورد الشمال...ياخوك لك وحشه..ومشتاقين
ومن طول الغيبات جاب الغنايم..خاصه وانك ذلك
الشاعر الرائع الذي اعرفه....

ياهلا والله بعودة الغالي...وصح بدنك
ومشكور على كل حرف كتبته..مشكور

اخوك نايف الاول
=============

[u.a.e]

كلمات حلوه واحسن صاحبك في التعبير لكني برد عليه بكلمات الامير خالد الفيصل والي يقول فيها:-
ماهو صحيح للقلب شــــــاهد
.........لو هو صحيح لاصبحت مفتون فيني
غرتني امثال العرب بالشواهد
.........ليته يجيك من الهوى ما يجيني
بيني وبينك حب من جانب واحد
.............يبيك قلبي وانت ما تبيني

والسلام عليكم