بنــــــــــــت الأجـــــــــــــواد

[باريس نجد]

بنت الاجواد
قالت تكلم قلت يكفيني الصمت 0000000 واللي حصل في داخل القلب يكفيه
ذي دنيتي فيها شقيت وتعلمت0000000 ان الشقا دربي ولا بد امشيه
جرحي انا باطويه مهما تألمت 000000 وان مابرى جرحي على الله بشكيه
حزني على رفيق لي به تحلمت 000000 انه يفارقني وخذا القلب بأيديه
لا تحملي همي بعد ما تفهمت 000000 واللي حصل يابنت الاجواد انسيه
لا يحزنك صمتي لو ما تكلمت 000000 حبك سكن قلبي ولا نيب ناسيه
ياحظي المعثور فيني توثمت 0000000 اخذت من قلبي حبيبه وغاليه
يمضي علي الليل سهران ما نمت 000000 اذكر حبيبي وانثر الدمع وابكيه
ذكرت وقت قضيته معه ما تندمت 000000 ليته يعود الوقت ساعه والاقيه
رضيت انا باللي جرالي وسلمت 0000000 امري الا اللي يعلم القلب وش فيه



------------------
ان كان شفتي في وصالك لي احراج
في صمت احبك بين قلبي وبيني

[صميدع]

ياحظي المعثور فيني توثمت 0000000 اخذت من قلبي حبيبه وغاليه
----------------------
صح لسانك :)

[بادية]

الأخ باريس نجد

كلمات غاية في الروعة نابعة من احساس بالندم على ما فات
صدقني يا ابو فيصل ان الحياة لذتها ان نعاني وانت اول العارفين انا ويش كثر عانيت يوم اعطيت قلبي واحساسي وذاتي لشخص اعطاني امل ان الدنيافيها ناس تتعامل بشفافية موجودة للأسف بالأحلام وكلها أوهام
الحب احساس نابع من القلب يفهمه بس اللي يحب من قلبه .
ويقولون الصمت أبلغ من الكلام
تحكي العيون وتقول حكاية عاشق ندم يوم خلى خلانه واصحابه يشاركونه حب الحبيب.
ما اعتقد صار حب .....صار شئ ثاني
والراي لك يا ابو فيصل....
على فكرة تراني ما غلطت
الحروف الأربعة ....؟؟؟؟؟؟



------------------
نورة القلب
" لا يأس مع الحياة"

[باريس نجد]

الأخ صميدع

صدقني ياعزيزي انك ضربت على الوتر الحساس في القصيدة
لاكن لابد ان نرضى بالقسمة والنصيب
بصيص الامل لازال موجود
واذا ما تصدقني أسئل بادية
فعند بادية الخير اليقين
تشرفت بزيارتك والف شكر
ابو فيصل
0
0
0
0
0
0
0
0
0 العزيزة والغالية ونور الصفحة بــــــــــــادية
اعجبتني صراحتك وان كنت لااتفق معك تماما
المسئولية مشتركة ياعيوني
مو كذا والا انا غلطان ؟
اشتقت لك حيل ياغالي 00000000 عسى الليالي يجيبنك

ياريت تتكرمين وتشرحين الحروف الأربعة بشكل اكثر
اتمنى ذلك
ممكن يكون مستر بنسوار على سبيل المثال هاهاهاها
او الصغينونة اخت الحبيبة ( اعتقد واضح )
او يكون اسم بنتي المنتظرة ( مااعتقد )
ابو فيصل للأبـــــــــــد

------------------
ان كان شفتي في وصالك لي احراج
في صمت احبك بين قلبي وبيني


<B><small><small>[ تم تعديل الموضوع بواسطة   باريس نجد   يوم   02-07-2000]

[b]<small><small>[ تم تعديل الموضوع بواسطة &nbsp; باريس نجد &nbsp; يوم &nbsp; 02-07-2000]