يليت اتشاكوني في ( اطرف موقف حدث لك )

[جاكوار]

طبعا العنوان شارح نفسه ويليت انكم اتشاركوني :)
بالنسبه لي
في احد الايام كنت طالع بسيارتي كان عندي مشوار وفجاه طفت السياره فيني ومارضت تشتغل والحمدلله اني كنت اقريب من البيت
طقيتها مشي لين البيت واخذت مفتاح الوانيت وقلت خلني اسحبها ومريت واحد من الربع ولمن وصلت السياره طلعت الحبل علشان اربطها واسحبها وعندما شغلت الوانيت مارضا يشتغل جان يخترب علي
طبعا اهني انا فولت حدي وبالصدفه كان رفيجي يحاول بالسيارتي
والحمدلله انها اشتغلت جان اقوم واربط طرف الحبل في مخرت سيارتي والطرف الاخر في مقدمت الوانيت وسحبته لين وصلته الابيت ..
والصراحه هذا الموقف كل ما اتذكره اضحك :)
يالله عطوني مواقفكم...

[جاسم]

جاكوار مرحبا

اكيد انت رايح بسيارتك الجاكوار

انا قلت لك روح بالمراسيدس

قلتي لا

شفت صار لك



علشان هالمره ما تطلع بسيارتك من البيت

وشكرا

[جاكوار]

شسوي يا اخوي جاسم لا فات الفوت ماينفع الصوت :)
مشكور على مشاركتك لي .....
ــــــــــــــــــــــــــــــــ

وينكم يا اخوان وين المشاركات انا في انتظاركم

[LEENA]

موضوعك ذكرني في اول ايامي في سوالف كتبت نفس موضوعك بظبط

ويجي واحد من الاعظاء "الله يستر عليه" بس اول حرف من اسمع عقله

وفشلنننننننننني ....لانه بعد ما كتبت الموضوع ولا واحد من الاعظاء شارك فا اخينا كتب لي...

اعتقد يا لينا انا موقفك هذا احرج موقف مر عليك..."حسبيى الله

عليه وجه القرد

وعشان انا مريت بنفس موقفك ابكتب موقف صار لي بالصيف كنْا

مسافرين وكنت اتمشى بسوق المهم مريت على جهاز الببسي او

الكوكا كولا .....هذا الي تحط فيه عمله معدنيه ويطلع لك ببسي

وانا كنت عطشانه مره دخلت عمله وماطلع لي شي قمت ودخلت عمله

ثاني آثاري العمله الاولى ما انزلت فا انحشرو العملتين في

الجهاز وخرب وصارت المبات تولع وتطفي وانا خفت والتفت على

صاحب المحل إلا اشوفه يسب ويلعن ويخرط مادري وش يقول ....عاد

انا حطيت رجلي وهجيت ...... ويلحقني يركض وانا اركض ........

لين ما ضيعته ....

بس كان موقف يضحك كنت اركض و انا اضحك

[جاكوار]

الصراحه موقفج مايحسد عليه يااختي لينا :)
واشكرج على مشاركتج لي :)
ـــــــــــــــــــــــــــــــــت
وعلى طاري موقفج ذكرتيني بموقف صارلي الصيف الي طاف لمن كنت مسافر مصر رحت مع الاهل مدينة العاب وهناك لقينه لعبت الجندول ولمن ركبته كنت متوقع اني راح اتغرق بالماي بس الله ستر علي وماتغرقت وكنت مستانس ويليتني ماستانست لااني لمن جيت اطلع
كانت العربع الثانيه نازله وطبت في الماي وماقصرت فيني وطبعا لو اتشوفين شكلي تقولين طقوه حاذفينه بحر والصراحه كنت بموقه عجييب :)
ـــــــــــــــــــــــــــــــــــــــــ
يالله يا اخوان وين مشاركاتكم لي

[بكر]

الجاكور
مشكور فكرة حلوة
هذا الموقف قبل سنين أول ماصرنا نتعلم كمبيوتر اللي حصل ان ابن عمي كان عنده بحث مكون من ثلاثين صفحة طلب مني اكتبه له بشكل جميل وتنسيق . المهمة كتبت وماكنت اعرف احفظ على طول خلصت حوالي عشرين صفحة بعد تعب قمت انام أعطاني رسالة هل تريد حفظ المعلومات قلت لا يعني اني متخصص كمبيوتر ورحت نمت ماتذكرت وش سويت الا ونا نايم قمت تقول لسعتني عقرب وروح اشغل الجهاز ولا كلمة موجودة وش اسوي عدتها من جديد
وسلامتك

[بكر]

جاكوار
مشكور فكرة حلوة
هذا الموقف قبل سنين أول ماصرنا نتعلم كمبيوتر اللي حصل ان ابن عمي كان عنده بحث مكون من ثلاثين صفحة طلب مني اكتبه له بشكل جميل وتنسيق . المهمة كتبت وماكنت اعرف احفظ على طول خلصت حوالي عشرين صفحة بعد تعب قمت انام أعطاني رسالة هل تريد حفظ المعلومات قلت لا يعني اني متخصص كمبيوتر ورحت نمت ماتذكرت وش سويت الا ونا نايم قمت تقول لسعتني عقرب وروح اشغل الجهاز ولا كلمة موجودة وش اسوي عدتها من جديد
وسلامتك

[نجمة المساء]

حصل لي موقف مع جهاز الذي اعمل عليه حاليا وهو يعاني من مشاكل في الذاكره
في يوم من الايام حضرت لكي افتحه ولم يفتح قلت اكيد هناك متلاعبين بالجهاز

وبعد عده محاولات لفتح الجهاز اتضح لي انني عامل النظافه صكر الكهرباء عن الجهاز

[squall]

هههههههههه
عشان كذا اسمك جاكوار والله انك متعقد من اللي صارلك
معك حق اللي صارلك مهوبهين:)


وسلامتكم