آخر ما كتبه الوله.....في قلبي ......((بقلم الخيال))

[ولهاااااااااان]

اتمنى ان تحوز على رضاكم........واتمنى ان ترضي ذوق الاخ كريم:

من نار بعده احترق قلب حساس*ما ينطفي لو غرقته المدامع
ياماخذٍ عقلي من الرشد والناس*من بعد عندي صرت صاحب مطاوع
مني خذيت القلب وابقيت انفاس*لولاك فيها كان نفسي تنازع
جيتك ولو دق الخطر كل الاجراس*دامك دخلت القلب مانته بطالع
ورجعت حايرشارد الذهن محتاس*جسمي في وسط الناس والعقل ضايع
نسيت في حبك انا العزم والباس*واصبحت لاحساسي مسلم وخاضع
كنت اشتكي في عالم الحب افلاس*ومن حبكم كثرت في قلبي الودايع
واصبحت في بحر الهوى اليوم غطاس*وامسيت حاير بين شاري وبايع
فكيت قلبٍ كان مابين الاقواس*حللت وضعه واختصرت المواجع
ياما تألم ما سمع قول لاباس*من صاحبٍ قانيه مثل البضايع
هو مصدر آلامه ظلومٍ وعباس*جاحد ,وجامد,مستغلٍ,مخادع
ياخذ ولا يشكر وللخير رفاس*لا يقنع اسلوبه ولاهو بقانع
جعله فدا للي مماشيه نوماس*الصاحب اللي كل مافيه رايع
إن غاب وده له من الروح حراس*وان آب مالك ما لملكه منازع
يقول له قلبي على العين والراس*كل المشاعر جت بحكمه تبايع

................................وله

[كريم سبلا]

هلا وله القصيده جيده بس لي ملاحظه علي القافيه
ركزي على القافيه الثانيه شوي


ورجعت حايرشارد الذهن محتاس*جسمي في وسط الناس والعقل ضايع
كنت اشتكي في عالم الحب افلاس*ومن حبكم كثرت في قلبي الودايع
واصبحت في بحر الهوى اليوم غطاس*وامسيت حاير بين شاري وبايع


القافيه

وهاك راى كريم

ياشاعره تكتب ... طوي شعرهاالياس
.................يحفضك ربي .....حافضاَللودايع

تقول قلبي دوم للحزن حباس
.................وقلبي علي الافراح هو حيل جايع

احرس تركد وادخل الحب بسياس
................بسياس قبل..... تخسرين البضايع

خلك مثل اخوك داله مع الناس
................لاشاري في الحب ولاني ببااااايع

للحب قيمه نبضها صدق الاحساس
................مير الوفاء بالناس غادي وضايع

والناس واجد فيهم اشكال واجناس
...............في من يصون الود وفيه((.....))

لاباس ياوله عسي مايجي باس
.............. حزنك...وشعرك...وانت.. بالفعل رايع

الكلمه الي بين قوسين صايع لفضه سوقيه بس وش اسوي ما جت معي الا كذا اعذريني


اما عن صورتي اللي بالك راح ارجعلها بس بعدين اصبري شوى ..........اوكي



تقبلي تحياتي
اخوك
كريم سبلا

[ولهاااااااااان]

.....ممتنة لاهتمامك بالتعقيب.....ولكن ما علة القافية,,,,؟
وضح اكثر.....لو سمحت

ان كنت تقصد مدينة ساحلية .....فقد اخطأت مره اخرى
اما الخيال .......فمن الغريب ان تستبعده وانت شاعر يعرف ان اعذب الشعر اكذبه......ومن شعر الشاعرة التي شبهتني بها دليل على ان الشاعر يتقمص كل الشخصيات....

فالشاعرة عابرة سبيل تقول:
انا عجوز مطلقه وام ورعان*وايضا مدام وبنت وانس وعانس

الى آخر الابيات طبعا لعلك اقتنعت.

[كريم سبلا]

ركزي معي شوي

الاولي:
تنتهي قافية القصيده بـ متحرك /ساكن/ساكن
وهي
تنازع
خاضع
مواجع
مخادع
قانع
منازع

الألف متحرك الحرف الي بعده ساكن والعين الحرف الثابت ساكن
صح ولا لا

الثانيه:
تنتهي بـ متحرك /متحرك/ساكن
وهي
رايع
تبايع
ضايع
ودايع
بايع
بضايع


ألألف متحرك الحرف الي بعده الياء متحرك والعين الحرف الثابت ساكن
هذا اذاكانت القصيده غير مشكله اي بدون تشكيل فتحه ضمه كسره الخ
انشاء الله ماكون مخطي لآني بليد في النحو ومعلوماتي قليله فيه
لكن انتِ اسئلي وشوفي كلامي صح ولا لا وافيدينا






هذا اولاٍ
اما فيما يتعلق بالرد علي مموضوع يليتنا كنا نعرف النهايه
مازلت عند كلامي وانا لااعلل ولا احاول تعديل ردي الاول ولا اعتقد انك فهمتيني ارجعي اقري الرد مرتين ثلاثه لين تفهمينه صح
لاني فهمت من ردك اني اجاملك واني نادم على الي قلته بالرد الاول............... واتمني اني فاهم غلط زيك



اما عن المدينه....... انتِ راح بالك اني اقصد ينبع........لا مو ينبع
ترى حتي المدينه المنوره مشهوره بالكسرات
اما عن الخيال ان ما اقصد كلام الشعر اقصد الي دفعك لكتابة الشعر انا فهمت كذا واذا كنت فاهم غلط اعذريني



طلب صغييييييييييييييييير

واتمنى ماترديني

خايب

طلب غريب

هو صحيح غريب

بس اتمني ماتردين اخوك خايب

آمانه

يا ابله وله

اي طالبه

اسمها نوف او منيره

تكفين تنجحيها

مطلوبه وله


بعدبن اشرح لك انتي نجحيهم

وبعدين نتفاهم










تقبلي تحياتي

اخوك
كريم سبلا

[ولهاااااااااان]

الاخ الكريم كريم اكرمك الكريممن فيض كرمه

بالنسبة لتحليلك لقافية الابيات ليس صحيح فكل الابيات تنتهي بساكن ثم متحرك"بالكسر" ثم ساكن
المداْمِعْ,مطاْوِعْ,تناْزِعْ......الى ضاْيِعْ.......واذا كان في القصيدة عيب فليس الا اختلاف الحرف المتحرك بين الساكنين ولست ادري هل هذا يعيبها فعلا ام لا؟لانني اثناء قراءة الابيات لا اشعر ان في قافيتها خلل والله اعلم


وبالنسبة لردك الاول انا فاهمه وجهة نظرك ولم اطلب او اتوقع منك التراجع عنها. بالنسبة لطلبك كنت اتمنى ان احققه لك ولكن كما يقول المثل العربي:
"اذا اردت ان تطاع فسل ما يستطاع"
وللاسف ان الاسمين لاكثر من طالبة......وبعضهن لا يستحقن النجاح
وقد تعاطفت معك في البداية ظنا ان احد الاسمين لخطيبتك ولكن بعد ردك على الغائب لا تعاطف معك مطلقا وانت ترفض قيود الزواج وترحب بالقيود المطاطية التي قد تعيق وصول الدورة الدموية الى قلبك او تلوثها.

على العموم خيرها في غيرها......والله لو اختي ما نجحتها وهي ما تستحق.......
وانت اسرق لي صيغة امك .....هل تسرقها وتعطيني اياها؟

[كريم سبلا]

^1
هلا وله
من ناحية القصيده ….القصيده فيها خلل بس وين مدري……ما استطعت اوصل لك المعلومه وعلى حسب علمي ان قافيتها في شي وشويات



الحمد لله انك فهمتي علي وله………. يعجبوني الناس الي ما يزعلون من الصرحه ذولي احسن ناس واضرف ناس

اما باالنسبه للطلب عادي خذي راحتك (ولو اني اخذت في خاطري شوي) لاني ماني متعود ينرد لي طلب لاني ما اطلب
الا الي امون عليهم كثير علي ذا الاساس ما كان احد يرفض لي طلب وانشاء الله اني امون عليك ………..

اما فيما يتعلق بالزواج انا لاارفض قيود الزوجيه ولا ارحب بالقيود المطاطيه(ترددت كثير قبل كتابة هذه النقطه ولكن لسبب ما حبيت اقول كل الي في بالي والسبب مذكور في اخر الموضوع)لكن ياوله انتي تعرفين ان بنت الناس الي راح تجي بيتك وتصبح زوجتك وام عيالك أمانه في عنقك …………لها حقوق ولها واجبات والزواج مو خذني جيتك
احب اسالك سؤال اذا كنت عارف انك ما تقدر توفي حقوقها ….وتسعدها….وتلبي لها جميع امنياتها
تتزوجها وتضلمها معك ولا تتركها في سبيل حالها طبعا اتركها في سبيل حالها والله يسعدها يمكن تلاقي شخص افضل مني مليون مره
تخيلي انسان ملخبط…..نوم ملخبط….اكل ملخبط……..روتين ما عنده…… اسلوب حياته قريب للهمجيه في رايك يصلح زوج…..!!!!!!!! ما اعتقد
نصحوني كثير من الي يعرفوني قالو : تزوج ………بس الزواج مشكلته ما فيه تراجع ولا يامه ارحميني
الوقت الحالي غير مهيئ للزواج اطلاق يمكن بعد سنه تتغير نضرتي للحياه واتعدل شوي وانشاء الله اتزوج (تصدقين عندي اخ اصغر مني بسنه متزوج وعنده ولد)
علي العموم هذه دعوه مسبقه لحضور حفل ابننا الشاب كريم سبلا مقدمه لوله بس تحضرين الزواج مو تخسريني دعوه على الفاضي

اما صيغة امي صدقيني اذا اعجبتتك ما راح اسرقها لكن اهديك وحده زيها بالتمام …..دامها اعجبتك وش نسوي

اما عن موضوعك الاخير "من اوارق امرأه مهجوره "
صدقيني وله تأثرت كتير بموضوعك….وانا نادر ما يلفت انتباهي شي او يأثر في ………اثر في وغير مزاجي
بس ما استطعت ارد عليه لاني حاس ما بيدي شي اسويه وان السكوت في بعض الاحيان ابلغ من كل الحكي
يآآآآآآآآآآآآه ياوله الحين عرفت قد ايش انا أناني وغبي يوم الومك عندما تكتبين عن الحزن سبحان الله
ابتحكم فيك وابيك تكتبين على مزاجي ……لكن اعذرني وله كلامي الي قلته لك كان على حسن نيه
لاني اكره اشوف الي نحبهم وهم حزينين واحاول اسعدهم قدر الامكان بس معك حسبتها غلط
"والي يده في المويه البارده مو زي الي يده بالنار" وانتي قلبك بالنار وكان الله في عونك

هذا الي اقدر اقوله
هذا الماسنجرkreem001@hotmail.com

ياليت تحاكيني عليه بس بعد اسبوع من الان لاني مسافر اقضي شويت اشغال ضروريه وراجع
بعدين تبين الصراحه انا طفشت من المنتدي ذا مدري ليه احس ان دمه صار ثقيل وابشوف لي منتدي
غيره المهم انتي خلال الاسبوع ذا دوري منتدي علي كفيك واذا حصلتي عطيني خبر

تقبلي تحياتي وله
اخوك الصغير
كريم سبلا












((((((يالي تتقول ايتكيت))))))
حمل لنا البريد رساله ضريفه غريبه بعنوان تعلم الاتيكيت موقعه باسم اخ لك من منتدي سوالف
راح اعتبرانها ارسلت بحسن نيه وسوف ارد عليها بحسن نيه رغم اني استبعد ان يكون مرسلها ارسلها بقصد
الاصلاح وحسن النيه والا كان كتب اسمه او نزلها في المنتدي صراحه تمنيت انه نزلها بالمنتدي لاني لقيت فيها
ثغرات كثيره لكن ابرد عليه بحسن نيه ولا تزعل مني

سيدي الفاضل هل تعلم من يتعلم الاتيكيت ومن يطبقه في الحياه من هم الي يطبقونه تدري ولا ما تدري
تربيت الشوارع وقليلين الادب هم الي يدرسون الاتيكيت ويطبقونه
لانك لو كنت انسان مستقيم وتعامل الناس بالفطره "وعلى السليقه" وتعاملهم معامله طبيعيه كان ما تحتاج للاتكيت
يا اخي العزيز عامل الناس بالفطره التي فطرك عليها الله هل هناك احسن من فطرة الله التي فطر عليها الناس
جاوب اخي العزيز؟؟ ما اعتقد
خذ هذه المعلومه عندك كل ما كان تعامالك مع الناس بشكل طبيعي كل ما قدرت توصل الي قلوبهم بسرعه

اما فيما يتعلق بالبنات واسلوب التعامل معهم وانني اجاملهم كثير ما اعتقد ذالك
وقولك اني ابحث عن حبيبه عن طريق النت (صدقني يوم قريت العباره ذي ما ادري اضحك ولا ابكي )
والله صدق الي قال كلا يرى الناس بعين طبعه
يا ايه الغبي صدقني ما ابالغ اذا قلتلك اني اعرف بنات بعدد شعر راسك
واذا كنت ابحث عن حبيبه صدقني ما راح اعتب ويا سرع ما القيها اما انت صحيح غبي
في باللك انك بتحب وحده عن طريق النت!!!!!!!!!!!!!!!!!!!!!!
حاجه غريبه معقوله طاح سوق الحب لهذه الدرجه
كيف تحب وحده لاتعرفها ولا تعرف شكلها ولا وين ساكنه اكيد انت مجنون
واكيد ان ثقتك في نفسك مهزوزه ولا عمرك كونت علاقة صداقه مع الجنس الاخر
اعتقد انك ما عمرك كونت علاقه على جميع المسويات
تصدق حزنتني ابعطيك نصيحه لوجه الله ابتغي ثوابها من الله العلي القدير
هذه النصيحه او الحكمه ما راح تلقها في كتب الاغريق ولا حضارت اليونان ولم يتكبها الفلاسفه العرب
قالها لي شيخ تونسي يبلغ من العمر 66 سنه قالها قبل 9 سنوات ايامها كان عمري 14 ومازالت معشعشه في راسي
ولن انسىء فضل ذالك الشيخ ما حييت ……….. حصلت قصه بسيطه زعلت وقتها وهو كان يراقب الموقف
شافني زعلان حّن علي وجاني يواسيني وقال :ليه زعلان
قلت:……………….
قال: ياولدي لاتزعل اريدك ان تعلم ان المرأه كا الظل
…………….اذا تبعته ذهب عنك
……………واذا تركته وقفيت عنه اتي خلفك يتبعك

اتمني ان تكون وصلتك المعلومه وآآآسف على طريقت صياغة الرد بس لانها جت على الطبيعه وانا افضل هذه الطريق وانت بكيفك اذا اعجبك ولا عساه ما يعجبك
اتمني انك تكون شجاع وترد علي تحاول تقنعني لكن مو الضاهر ……………….. الكتاب باين من عنوانه عيوني


عمك
كريم سبلا