View Full Version : طرق وتلميحات للعناية بالسيارة "إقتراح"
موضوع أعتقد الأول في هذا القسم ويمكن يكون غريب لدى البعض ، لكن أنا شفت "رأيت" إننا إهتمينا كثير في النقد والمفاضلة بين السيارات وما عطينا أمر العناية بالسيارة أي إهتمام...
لذلك قلت خلينا نبداء في هذا النوع من المواضيع لكي يستفيد الجميع من خبراتكم وتجاربكم:)
أنا متأكد في أحد بينا ما يعرف يرفع السيارة أو يفك صواميل الإطارات و....
أمثلة على المواضيع الي لازم تذكر "في رأيي":-
(*)كيفية إختيار الإطار "التاير==كفر" المناسب للسيارة.
(*)متى يتوجب على زيارة مركز الصيانة وأين أذهب؟
(*)ما هو شمع السيارة "WAX" ومتى تحتاج السيارة لعملية التشميع(1) والتلميع؟
(*)متى يجب على أن أغير زيت المحرك و القير والديفريش "الترس التفاضلي" وما هي أنواع الزيوت؟
وهنالك الكثير الكثير من المواضيع والأسئلة المفروض الواحد فينا يعرفها.
لذلك أنا أدعوكم بالمشاركة في طرح هذا النوع من المواضيع "عاجلاً وليس آجلاً" وتقبلوا تحياتي.
(1) تشميع السيارة تعني وضع الشمع على السيارة وليس التشميع بعمود كهرباء أو الرصيف أو شاحنة :):):)
S2000
31-01-2001, 11:33 AM
ممتازة هذي الفكرة...تسلم حبيبي NFS..طيب احم احم ممكن تعطوني شرف بداية الفلفسة :)..
خبرتي بالمقارنة مع خبرة NFS او E55 او M5 في ميكانيكا السيارات ربما لاتقارن (لصالحهم طبعا) لكن مع كثرة الحوادث اللي عملتها قدرت أكون خبرة لايستهان بها :)..
بالنسبة للإطارات يتم اختيارها على حسب مقاس الجنط..مثلا لنأخذ جنط مقاس سبع طعشر في سبعة (7 في 17)..17 تدل على ان قطر الجنط يساوي 17 انش و ال 7 ترمز ال عرض الجنط (أعتقد بالبوصة)..
نجي للكفر ياحلوين ;)..بما ان مقاس الجنط 17 فالكفر لايمكن ان يكون مقاسه إلا 17 لاأكثر ولاأقل..
ولكن يمكن التلاعب بعرض الكفر قليلا..في الأساس اذا كان عرض الجنط 7 فالأفضل والأجمل شكلا هو كفر بعرض 205 ولكن عشان الحبايب يمكن تركيب كفر بعرض 215..وإذا كان عرض الجنط 6,5 فالأساس هو كفر بمقاس 195 وعشان الحبايب برضو ممكن تركب كفر بعرض 205..كيف بس انا ماشي معاكم الى الآن ;) ;)...
أهاااا أكفش جينا لأهم شي..ارتفاع الكفر..انت هنا ممكن تخبص كل شي بديت فيه صح :) (صح ولا لأ يا NFS)..هذا الموضوع معقد شوي (لاتحسبوني مني فاهم فيه;) ) فنحاول نختصر ونقول حاول دائما ألا يزيد ارتفاع الكفر عن 40 واذا مافي فلوس فحاول انه مايزيد عن 45 واذا كنت مره على الحديدة فلاتحاول بالمرة تركب كفر بيرفومانس أصلا :)..صدقني لو حاولت (وانت على الحديدة) تركب كفر بإرتفاع (دعسة) عالية عشان سعره رخيص فصدقني كأنك ياأبو زيد ماغزيت..
ياعيني ياعيني..الزيت الزيت وماأدراك مالزيت..قيد سمعتوا بزيت موبيل F1!!..
انا عن نفسي أستخدم هذا الزيت...انا مابقلكم مميزاته بس ابي أقلكم سعره.........................العلبة الوحدة ب30 ريال!!!!!!
يلا شباب..فشوا خلؤن :)
حكاية الاطارات الي تكلمت عنها يا S2000 هذي لليبغى يركب اطارات أكبر من القياس الأصلي.
وما شاء الله بديت تحط زيوت "عبث" في سيارتك!!! مش هذا الزيت يسمى بـsynthetic oil ?? أو الزيت الصناعي? شو صناعي هذا ؟ يعني الزيت الي نحطه في سياراتنا زيت طبيعي!!!!
خلوني أتفلسف شوي عليكم:) مثل ما هو معروف لديكم ان الزيت العادي مستخرج من النفط الي هو في الأساس ذو أصل عضوي "يعني كان بقايا حيوانات ونباتات متحللة" , فالعلماء حاولو أن ينتجوا زيت في المعمل يعني صناعي من بدون اللجوء الى النفط في انتاجه وذلك بتحليل الزيت العادي ومعرفة عدد روابط الهيدروجين والكربون في كل جزيء من الزيت العادي ومحاولة عمل هذه التركيبة في المعمل!النتيجة هي ان العلماء نجحوا في عمل التركيبة وتم تحسن هذا النوع من الزيوت بحيث أنه يتحمل الظروف القاسية جداً ويكون معامل اللزوجة فيه مستقر "أي ثابت" في جميع الظروف "وهذا ما يستخدم عادةً في محركات سيارات الفورمولا واحد".
السؤال ياS2000 , ايش الفرق الي لقيته في هذا الزيت أبو 30ريال؟؟؟؟
S2000
31-01-2001, 08:47 PM
اوه والله انك صادق اخوي NFS لأني ماانتبهت انك ذكرت لموضوعك كيفية اختيار الكفر المناسب (والمناسب هذي حط تحتها خطوط حمراء مرة ثانية عشان اللي أمثالي ينتبهون ;)) لسيارتك....
بس يالله ان شاء تكون معلوماتكم زادت (حبتين) عن أول :)..
بالنسبة للزيت ابو 30 ريال والله شوف...الفرق عن أول واضح جدا (هذا بالنسبة لي) لكن اللي خلاني اتأكد من قدرة هذا الزيت على رفع درجة اداء المحرك وراحته هو ماحصل أمام عيني (اللي حياكلهم الدود ويجيلوا مغص)... ;)
زميلي يمتلك فولفو S40 T4 وانت عارف مواصفاتها ومايحتاج اشرحلك زيادة..صاحبنا داه كان يقوم على كل الماكسيمات قومة وخط ولو كانت المكسيما ملغمة بيمسك معاه خط الين KM 240..
بس انا اللي خلاني استخدم ابو 30 ريال ان زميلي الثاني عنده ماكسيما 98 وصدف انه تقابل في خط مع زميلي الأول وأنا كنت معاه (كذا صرنا ثلاثة زمامل)..وانت عارف طبعا الشباب ماشاء الله عليهم..نظرة منه ونظره مني وحركة مني وحركة (ماعرف يسويها) منه وهبا.............................
النتيجة :
قومة: 3-0 لصالح الماكسيما
خط:1-0 لصالح الماكسيما
الماكسيما بس كان مغير الزيت لأنه سمع عنه وعن جودته.... وسموا الرحمن قبل ماتناموا :):)
عزيزي من ويم اقدر اشتري الزيت هذا على الله يخفف قليلا من ضجيج محرك اللومينا اللعينه اللي معي ...
ماجــــــــــــــــ عنده لومينا LTZ 99 ومتحسف كثر شعر راسه عليها ..ـــــــــــــــد