في ناس بيموتون من القهر من هالخبر

[E55]

نقلاً عن الخليج الإقتصادي - صفحة رقم2 بتاريخ 1/2/2001 :):)

العنوان ( 50% زيادة بمبيعات GM في الشرق الأوسط خلال 200 )

سجلت مبيعات GM في الشرق الأوسط ارتفاعاً نسبته 50% العام الماضي (2000) لتبلغ 42 ألف مركبة وهي أعلى مبيعات للشركة منذ سبع سنوات

وين ؟؟؟؟
باقي الخبر الأهم ;)

ومن الطرازات التي تألقت على جدول المبيعات العالية سيارة شيفروليه لومينا ذات الدفع الخلفي وهي أسرع سيارات الحجم المتوسط في تاريخ GM في هذه المنطقة.
فقد شهدت صالات العرض بيع 8700 سيارة لومينا في العام المنصرم بينها 1240 سيارة في شهر ديسمبر بمفرده

:):) تحياتي وسلمولي على ولد جيرانكم :):)

[S8]

E55
STOPعندك وابعد عن الأخبار القديمة والمغرضة
لا انا ولا غيري ينكر هذا الشئ لكن كان هذا الشئ قبل ما تعرف الناس حقيقة اللومينا والكابريس لماذا؟لأن السيارتان من GMوسمعتها ممتازة جدا جدا خاصة بعد الماليبو والكابريس (الصابونة)
والسوبربان الجديد واليوكون خاصة من جهة المحركات لكن عندما علمت الناس بحقيقة الخمة (والضحك على الدقون)على قولةCL600 اقول ان الناس بطلت تشتري السيارتين واكبر دليل من هنا من جدة عروس البحر الأحمر روح وادخل الوكالة وشوف لومينا 2001 وجنبها لومينا 2000لماذا ؟ابغى الجواب منك !والكابريس زيها حتى مصلحين عروض لها (جربها وخذ لك هدية)شوف لين فين وصلوا
وبالمناسبة فقد انتعشت مبيعات الماكسيما 2001 بعد ما عرف الناس حقيقة اللومينا
ونحن اليوم في شهر فبراير مارأيت أكثر من 10لومينا2001 في جدة التي تعتبر السوق الرئيس في جدة
ولا انسى ان اقول ان الخبر افرحني جدا وان الاعلان استطاع ان يلعب على عقلك الكبير!!مع احترامي الكبيرلك ولغيرك
وانا متاكد ان المبيعات في تدني مستمر بعد كثرة المشاكل والشكاوي

ولا اطلب منك الا العفو والسماحة لأننا هنا للمعرفة لا غير

[E55]

http://www.swalif.net/sforum/images/icons/icon10.gif http://www.swalif.net/sforum/images/icons/icon10.gif http://www.swalif.net/sforum/images/icons/icon10.gif http://www.swalif.net/sforum/images/icons/icon10.gif http://www.swalif.net/sforum/images/icons/icon10.gif

بديت أشك إنك عميل لشركة نيسان :):)

لو تعيد قراءة الخبر بتشوف النقاط التالية :

-الخبر مكتوب في جريدة اليوم وفي ملحق إقتصادي (يعني محايد;))
-اللومينا العادية نزلت الأسواق سنة 98 والـ SS في 9 / 99ومبيعات السيارة في شهر 12/2000 = 1240 سيارة (يعني بعد سنتين)
- موديلات 2000 خلصت عندنا في شهر 10/2000 وأنا كتبت عن هالشي في هذاك الوقت (يمكن وكيلكم مصخن):)
- أسعار اللومينا لازالت مثل ما هي ، وأعتقد إن هذا دليل على نجاح السيارة إلى الآن (غير السيارات الثانية اللي تنزل قيمتها 10 آلاف بعد أقل من 6 شهور)


"ولا اطلب منك الا العفو والسماحة لأننا هنا للمعرفة لا غير" :):)

[lumina_ss]

S8 اعتقد سنتين كافي لمعرفة عيوب السياره اذا كان بها عيوب غير عاديه... و انا مو شايف الناس توقفت عن شراء اللومينا بل العكس زادوا..شفت هنا في عمان وفي الامارات كمان الطلب زاد على اللومينا.. ما ادري كيف عندكم في جده، يمكن الوكيل ياب اكثر من اللازم؟!
في احد اسابيع شهر 11الماضي اعتقد الاخير ماني فاكر، خلال هذا الاسبوع كل اللومينا اللي عند الوكيل في عمان خلصوا، تصور 15 سياره في اسبوع واحد فقط

[BRABUS]

أنا ما أدري بلاهم هالخلق على اللومينا

من كلامهم واضح إن القهر من هالسياره زاد عن حده عندهم

ما علينا اللي ينقهر خله ينقهر لين ما تنبط جبده وإذا ما انبطت جبده بنييب اللوميناSS اتخمس على جبده لين ما ينبط :):)

في شهر اكتوبر اللي طاف سرت لوكيل شفروليه اللي عندنا في دبي (للعم عندنا وكيلين :شركة ليبرتي وشركة اليوسف) أنا سرت شركة اليوسف للسيارات والفرق بين الوكالتين إن شركة اليوسف اتييب اللومينا من غير فتحه في السقف وليبرتي مع فتحه في السقف (طبعا كلامي كله عن الـ SS ) المهم مسؤول المبيعات اللي ركب معاي في التست درايف قالي أنا ما توقعت إن السياره تنجح بهالطريقه ... وقال إن في شهر 9 بس وصلت المبيعات 300 سياره ... وقلت له بس السياره أمريكية وبتظهر فيها العيوب قريب ... قال للحين السيارة كملت سنه من نزلت السوق وما شفنا إلا 15 سيارات من أصل 3200 سياره تقريبا في قسم الصيانة.

بس بيني وبينكم بعد جولة التست درايف شكله صاحبنا حرم يطلع تست درايف مع واحد توه ماخذ ليسن ... أنا درت فيها نص ساعه خليتهم يغيرون التواير اللي ورا ;)

بس بصراحه على كثر ما سمعت عن هالسياره ما تخيلتها بهالقوة ... ف الواحد ما بيستغرب من هالكلام أو بالأصح الاشاعات اللي قاعده تطلع عن اللومينا

---------------------------------

أخوي S8 للعم بس ترا عندنا في الامارات أسعار المكسيما نزل للحضيض والسبة اللومينا ... الشركه العربية للسيارات (وكيل نيسان في الامارات) قام اييب السياره بالطلب !!!! ماشي سيارات جاهزه

سعر السياره كاملة المواصفات كان 102 ألف درهم بالضبط ... لكن بعد الـ SS استوى 89 ألف إذا مو أقل أحين . ف تقدر اتفسر لي هالهبوط في الاسعار !!!

[مسيطر]

انا جالس منتظر خبر أي حد مات من القهر ،،،،

يا شباب اللي مات من القهر يرفع .......... يده فوق ....... فوق


وسلامتكم ،،

[بازط]

فالسلام عليكم ورحمة الله وبركاته ،،،،،،،

BRABUS
ما شاء الله عليك ..... أسلوبك في الرد يليق بمكانتك في المنتدى

الفاضي
الظاهر ياخوي انك انت اللي رافع ايدك ;)




باي باي :)

[E55]

تحياتي لكل المعجبين باللومينا :):)

وأيضاً تحياتي لكل المحترين منها ;);)

ويقول المثل العربي القديم :

قول عني ما تقول ..... صوبي كم صعب الوصول

[lumina_ss]

و لي ما يطول العنب حامضا عنه يقول

[مسيطر]

آآآآآآآآآآآآآآآآآه









ياليت عندي لومينا,,,,,,,,,,,,,

[شرخشين2000]

أقول بس ،،،،

ما جبت شي جديد يا E55 الله ايهداك ،،

في اثنين يختلفون عى ان اللومينا راح تاخذ جائزة نوبل في جودة الصناعة والاتقان ؟؟؟

بااااي ،، أنا بروح أتعشى و أنام ،، بكره راح يكون ليلة الدخلة على سيارتي الجديدة :)