شفت المدى ؟ ابعد من اطرافه ابيك !!

[حبيبها]

شفت المدى ؟؟
ابعد من اطرافه ابيك..
شفت الندى ؟؟
مثل ابتساماته ابيك..
ياللي تجمع لك غلا..
كل البشر في داخلي..
وكل الشعور..
اللي له دموع الخلايق تنسكب..
يسكن مداي وساحلي..
ياما تلبستك فرح..
وياما تغطيتك حزن..
طال المخاض برحلتي..
لين انولد حبيبها !!

*** *** ***

ضج الصدى ..
باركاني الحرا عليك..
عمر غدا ..
وعمر تهيا يحتريك..
بك تبتدي شهقة غلاه ..
طفل حبا باول صباه ..
يومن تلعثم بالكلام ..
حرف تقراه وهجاه ..
صفه على بعض وغدا..
يوم اكتمل : حبيبها !!

*** *** ***

طال الندا..
من انبعاثات الهليك..
لاهو اهتدى ..
ولاانت خالقك يهديك ..
خيط يروح بهالحياه ..
لاتقطعه دامك رجاه ..
ياأول اعتاب الغرام ..
وياآخر دروب الهيام ..
يامبتداه ومنتهاه ..
دامه يقول انه فدا ..
عين قتلت حبيبها !!

[سيد الملاعب]

السلام عليكم ورحمة الله وبركاته

رائع ما قمت به من اداء مميز جميل ممتع

تحياتي اخوك السيد

[وليد اللحظه]

السلام عليكم حبيبها ...
تراقصت كلماتك على واحة الفن .. وتغنت معها ورددت الحروف أحلى التعابير ..وفاحت عطورها على الورق وعلى ساحة سوالف .. لتمتعنا بشذاها الجميل .. بارك الله فيك اخي العزيز .. واستمر في تقديم الجميل ..

أخوك / وليـــد اللحظة

[حبيبها]

سيد الملاعب :

وعليك السلام ورحمة الله

هلا باخوي السيد ..ماشالله عليك .. ماهو اسمك بس اللي متعلق بالملاعب .. حتى ردك ..
(رائع ماقمت به من اداء مميز) رياضي حتى النخاع .. سلط الله على ابليسك

لك تحياتي بالحبيب

============
وليد اللحظه :

وعليك السلام ورحمة الله ..

رد ابلغ من مشاركة ..يعبر عن نفس يملؤها الود

مشكور يالحبيب