View Full Version : الى الأخ mercedes فقط والجميع
السلام عليكم
بس حبيت اقول لك على ملاحظتي لك
وهي انك منحاز جدا للمرسيدس
انا حقيقة لا انكر المرسيدس وجودتها وقوتها وتصنيفها من افضل الصانعين للسيارات الموجودين الآن
لكن انا شايفك منحاز لها مرررررررة فقلت اذكرك بالبي ام
اولا
البي ام كل الناس تعلم انه افضل من المرسيدس
من جميع النواحي (نفصل بعضها)
اول من جانا بالتبترونيك بي ام عام 96 ووصل للخليج عام 97
وبعدهم على طول الأودي بعدين هوندا
والمرسيدس ما افتكرت تحطه الا بعد 3سنوات
الزينون
الزينون ياحبيبي كمان جابته بي ام دبليو عام 95 للخليج وما جانا في مرسيدس الا عام 98 وها يالله بالبركة وكيف (يمين ويسار )والله مادري يقولون ماهو تبترونيك !
بعدين السلامة
ياحبيبي البي ام فيها نظام اختصره اسميا بـ(F.I.R.S.T)هذا النظام كامل مكمل لنواحي السلامة في القيادة
مثال على التماسك
وعدم انزلاق احد الإطارات وايضا يبين لك ظغط الهواء في الكفرات الخمس (يعني الإستبنة كمان)
بعدين الآير باج
متوفر في الفئة السابعة 10 حقائب بينما الـS600متوفر فقط 8 حقائب زي الفئة الثالثة 8حقائب
ولو نظرنا لمرسيدس
مرسيدس ما تعبت نفسها كل اللي عليها انها تنتظر لين ينجح النظام الجديد وبعدين تاخذه بعد مايبرد ويصير ثلج
ولا تقول في القوة الدافعة
لأنه دائما البي ام مكائنها والجير افضل من المرسيدس زكل مكائن البي ام اقوي من المرسيدس
الا الفئة Sالجديدة لأنها لا تقارن بالفئة السابعة الحالية (لازم ننتظر الجديدة)
ولا تقول ان قطع غيار المرسيدس ارخص لأن هذا ما رد واحد فاهم في السيارات
او تقول الخدمة لأن الخدمة عمرها ما زودت انقصت في فخامة السيارة
وكمان ما ابغى اسمع تقول لي ان البي ام في المعارض (المستعمل )تباع رخيص والسبب قلته
على العموم
البي ام افضل من المرسيدس
ولا تزعل
BRABUS
03-03-2001, 12:31 PM
بس حبيت أقولك هالمعلومه
إن البي ام الفئه السابعه الجديده أخروها اتعرف شو السبب ؟؟
إنها لا تقارن أصلا بالفئه اس من مرسيدس !!
وعلى فكره نص أنظمة السيارتين متاشبهه والمرسيدس قبل البي ام :)
صح إن سواقة البي ام أحلى وأروع سواقه وفخامتها لا يعلى عليها
بس ترا المرسيدس مرغوبه أكثر عندنا من البي ام
وإذا يبت البي ام 740 بعد استعمال 6 شهور وتبا اتبيعه شوف كم بيروح من السعر الاصلي للسياره
لكن المرسيدس تحافظ على سعرها :):)
وهذا رأيي بكل صراحه :) وأتمنى انك تتقبله
احترم رايك يا خويه بس بلفت نظرك لحاجتين فشلت فيهن الBMW
في المقابل نجحت MB
1-و انته في السعوديه لف عليها كامله مشاء الله اش كبرها والسيارات الفخمه فيها كثير شوف كم 750IL وكم S600 بتشوف الفرق
شاااسع لان الاولى فشلت ماحد يشتري الا 740 او الاقل
2-الكوبي من الفئه السابعه توقف ليش؟؟ لانه ما قدر ينافس الكوبي للفئه S
اما عن الانظمه المكمله للسياره الMB من اوال الشركات تحط هذي الانظمه مثل الABS وهناك نوع من البريكات مصنوع من السراميك
مب موجود الا في البورش و CL500 AMG ما يتغير الا بعد 300000كم!!
وآخر شي احب اقولك اياه ان الMB وصل انتاجها 19000000 وهذا رقم قياسي
اقول اخوي
برابوس
انا كنت خايف تقولوا منحاز لكن انا قلت الحقيقة وبس وهذا رأيي صح؟
بعدين احب اوضح الآتي
أولا
الفئة السابعة الجديدة تأخرت لسبب واحد معقولة ما تدري السبب هو ان الموديلات الألماني حدها 7سنوات بعدين يتغير الشكل
ثانيا
ان كان نصف الأنظمة متشابهة لأنه كما قلت لك المرسيدس يقلد دائما
ثالثا
انت من وين ؟انا من جدة
شوف جدة سارت كلها بي ام والدليل يقولوه سكان جدة .
السوق كله بي ام
في هذه المرحلة عرفت انك ماتفهم (آسف)
بالله عليك يعني فخامة السيارة وقوتها تقاس ببيعها مستعملة وكم تجيب لك في السوق
اجل كذا المكس ماهي حلوة واللومينا SSماهي سريعة وحدها 120
على كذا اقدر اقول ان الكرسيدا
افخم من البي ام والمرسيدس
لأنها تجيب سعر عند اعادة البيع صح يا شباب ؟
ورأيك على عيني وراسي وتقبلته بكل احترام
سيدي بارق
هلا
احب اقول
اولا
ان المرسيدس الـ600 لاحظ ان الموجود في الشوارع والمنتشر موديل 94 وماقبل يعني قبل بزوغ البي ام عام 95
ثانيا
انا اول مرة اسمع بالفئة السابعة كوبيه
لكن البي ام للفخامة ومرسيدس حابة انها تضرب في السوق لكن ماش
يعني انت ايش رايك تشتري 600 كوبيه ولا سيدان
لكن لاتفرح كثير الفئة السادسة جايه في الطريق وان شاء الله تكسر راس المرسيدس
ثالثا
عن الـABS والله ماني عارف وقته بالضبط وماني حاب افتي فيه
رابعا
انت ذكرت المرسيدس الـAMG مفروض تذكر المرسيدس العادي وتذكر لنا الفرامل وقوتها مو القسم الرياضي ياعزيزي
وبعدين هذه شركة متعاونة مع مرسيدس لتطوير سياراتها لمنافسة الـMمن بي ام
لكن ما يخالف خلينا نأخذ مقارنة في قوة المحركات بين الـAMGوالبي ام الـM
البي ام
الM3
المكينة 3.2لتر
القوة 347 حصان الماني
!!!!!!!!
الـC AMG
4.3لتر
القوة 280 حصان الماني
==================================
وآسف على الإطالة لكن الحق حق ولا مو؟
الـM5
المكينة 5لتر
القوة 408 أحصنة
!!!!!!!!!!!!!!!
ومنافستها
الـE55 AMG
5.5لتر
والقوة
353 حصان على ما اعتقد
=============================================================================
ها وايش قلتوا
وللمعلومية
ترا الـAMG
ما عندهم الا محرك الـE55
ولا غيره مرة يحطوه في الفئة Sومرة في الفئة M
عزيزي S8 بخصوص S600 ما قلت انا اني بشتري هذي السياره ولا قلت
لك اشتري اي سياره بس انا اقول مقابل كل S600 انباعت او تشوفها
يكاد يكون لاشي من 750IL
واريد اصحح معلوماتك انه الAMG اصبحت ما عندها محرك واحد مثل
ما قلت اللي هو 8 سلندر سعة او 5,5 بقوة347 الحين عندها 6 سلندر سعة 3,2 بقوة 354 حصان هذا لC32 الجديده
والسابق كان 8 سلندر بقوة 306 حصان
و12 سلندر سعة 7,3 بقوة 512 حصان وهذا ال SL73
اما شركة AMG كانت مستقله من بداية انشائها واول تعاون بينها
و المرسيدس سنة 1995 مع E50 الى ان اشترت الMB نسبه من اسهم
الشركه الى ان تتملكها بالكامل في سنة 2008
وشكرا لك:)
أحلى ما في الموضوع ، المعلومات الوفيرة اللي فيه :)
يا جماعة ، كل سيارة ولها عشاقها ومحبيها
البي أم لها ناس يحبونها والمرسيدس والأودي وحتى التيويوتا إيكو لها عشاق (لأن طبلونها في النص) :):)
أما لو جينا نتكلم عن السوق وسعر إعادة البيع وأسعار قطع الغيار
فهذي كلها أشياء ما يتحكم فيها المصنع
وطبعاً ما يختلف إثنين على جودة البي أم والمرسيدس
ومثل ما إبتكرت البي أم أنظمة جديدة ، أيضاً المرسيدس كان لها السبق في عدة أنظمة
يعني كل شركة كان لها إجتهاداتها
BRABUS
03-03-2001, 04:33 PM
لكن لاحظ كلامك
"لكن لاتفرح كثير الفئة السادسة جايه في الطريق وان شاء الله تكسر راس المرسيدس"
من كلامك هذا دليل على إن المرسيدس هي اللي مكسره راس البي ام حاليا ... بس انت قاعد اتكابر :)
على فكره أنا من دبي وتعال شوف نسبة (الفياجرا) على قولتكم مع البي ام الفئة السابعه بتلاقي يمكن كلا 5 سيارات (فياجرا) سياره وحده بس بي ام من الفئه السابعه
تعال شرفنا وشوف :)
by the way
المرسيدس E55 اللي بتنزل أعتقد السنه اليايه قوتها 450 حصان .. بنشوف الـ M5 شو بتسوي معاها :)
http://www.bmw2002.co.uk/
ادخل هذي الصفحه وبعدين روح عند news
واقرا عن الفئه السابعه يا حلو :)
البعير
03-03-2001, 05:30 PM
تأكد من معلوماتك...
وعيد النظر وشوف الجودة وين في المرسيدس ولااااا الـBM...
والدليل...شوف بعد الإستعمال منو اللي يجيب سعر أفضل...
وهذا إذا دل...إنما يدل على جودة القطع الموجودة في الـمرسيدس...
http://209.132.49.149/images-large/2001_mercedes-benz_c_32_amg-5.jpg
ـــجوف التصميم الرياضي الداخلي الحين هذي ولا الـBMـــ:(ـــ.
أقول يا خوي S8 صحح معلوماتك قبل ما تتكلم لأنه الـC اللي قلت عنها أنه قوتها توصل إلى 280حصان ألماني تراه هذي المعلومات قديييييمه جداً:(ولعلمك هذي اللي انته مستهين بها قوتها 354حصان ألماني يا حبيييبي...!
هذي هي اللي مو عاجبتكhttp://209.132.49.149/images-large/2001_mercedes-benz_c_32_amg-4.jpg
ــــــــــــــــــــــــــــــــــــــــــــــــــــــــ
يا جماعة باختصار...المرسيدس شي ثاني مختلف عن الـBM
ولا يقارن به أبداً...وكيفكم إذا بتقولون أني متعصب قولو اللي تقولونه...:):)
أخوكم الـhttp://www.angelfire.com/ar/zamel1/images/cmil.gif
أبو نايف
03-03-2001, 07:51 PM
والله كلكم جبتو معلومات حلوه مره
بس ياجماعة الربع.........
البي ام أفضل مواصفات من الفياقرا (جرجير ألمانيا)
اقرأوا بس عن تكنلوجيا البي ام ونظام الامان فيها وأنا متأكد أن الكل يعرف هذا
حتى بالرساوه البي ام أرسى
نعم البي ام أقل مبيعات لانه موكل واحد يقدر يتحمل تكاليف صيانتها.
ومو دليل كثرة مبيعات الفياقرا عن البي ام أنها افضل.
اريد اصحح معلومه وهي انه اول تعاون بين الAMG والMB سنة
1993 مع C36 واعذروني:)
اول شئ
آسف لأني كتبت الرد وبدل ما ارسله مسحته عن طريق الخطاء
ان شاء الله احاول اكتب زيه مره ثانية !!!!
بارق
احب اقول ان المرسيدس المباعة كلها موديل 94 وتحت قبل ما تطلع البي ام
ولعلمك اكثر اصحاب المرسيدس معاهم 320 ويغير له ويركب 600 شفت كيف
بعدين انا شايف ان الـ750 منتشرة بكثرة عندنا في جدة
انت من وين؟
والشئ طبيعي ان الـAMGتزود محركاتها والا كيف تبغاها تنفس الـM3تبغاهم ينافسوها بمحرك 8سلندر والقوة متقاربة جدا والله حالة
واذا هم فرحانين بالمحرك الـ12 سلندر وقوته 512حصان عندك البي ام محركها 12 سلندر وقوته فقط 750 حصان لاغير ولاتحضرني سعته بالله ياشباب وين المقارنة لأن الفرق كبير
وهاه هذا انت قلت ان الـAMGمستقلة عن مرسيدس بس مرسيدس اشترت منها اسهم عشان ما قدروا ينافسوا البي ام في المحركات الرياضية
لكن عندما تمتلكها مرسيدس ان شاء الله عام 2008 عندها تكون قوة الإيكو 347حصان وخلي مرسيدس تنافس تويوتا
برابوس
ياحبيبي انا ماقلت هذا الكلام الا وواثق ان البي ام ماراح يدخلوا هذا التحدي الا عشان يحطموا المرسيدس تماما ولاتفهمها غلط ان المرسيدس حاليا افضل من البي ام انا كل قصدي ان البي ام ماراح تترك المرسيدس لوحدها دون مضايقة لا فائدة منها الا اثبات وجود البي ام وتفوقها على المرسيدس ليس الا
وعلى فكرة انت ذكرت لي الفياجرا الجديدة والبي ام القديمة مافي مقارنة ليييييييشششش؟
اقول لك ليش انت اذكر لي الشبح القديم مع البي ام القديم
او انتظر الى ماتنزل البي ام الجديدة في الأسوق وبعدين نقدر نقارن
ولا تنسى ان طبع الناس هو كل جديد ليس الا
وقتها نشوف مرسيدس كيف راح تخسر وتعلن افلاسها ويكتبوا عليها للتقبيل لعدم التفرغ
الله يرزقك ويبارك لك يالناغي
انت رجل المستقبل والأيام بيننا ان شاء الله راح نشوف الـE55موديل 2003او2003 وقوتها 450 حصان والـM5 الحالية قوتها 408 احصنة فما بالك بالموديل الجديد اعتقد ان قوته والله اعلم حول الـ520 حصان
ووقتها دورلك يامرسيدس على شركة غير التعبانة الـAMGترا ماعندهم سالفة
الفئة السابعة الجديد
760 12 سلندر القوة على ما اعتقد 400 حصان 6لتر
والفياجرا5.8لتر والقوة 367
اخوي البعير
ل اريد ان اعيد واكرر بأن الجودة الأوروبية بصفة عامة والألمانية بصفة خاصة لا يعلى عليها وانا اقدر احلف انك لم تجرب البي ام وترا الجودة والرسارة
وكل الأوروبي ايضا يفقد سعره عند اعادة البيع والي يتحكم في ذلك شيئين
1 سعر قطع اليارلدى الوكيل
2 ان من يريد البي ام فهو صاحب مال كثير فلماذا يشتري المستعمل ويترك الجديد وهو قادر على سيارة جديدة فلهذا السبب تشوف البي ام رخيص والمرسيدس اعلى منه بقليل
بعدين الصور ماطلعت كاملة لكن
احب اقول وين الخشب في الطبلون
ولا هذه الشاشة من الي بدا بها في عالم السيارات ولا ماني شايف مسجل كاسيت زي البي ام
هذا الي طلع في الصورة الأولي
اما الصورة الثانية
ماشفت شئ ماطلعت
لكن يمكن قصدك فيابر ووووجنوط وماحوله
فأحب اقول ياحبيبي اني والله شفت E55والله ماعرفت انها هي الرياضية الا من الجنوط فقط لاغير
والظاهر انك ماشفت
الـM3
M5
750IL SPORT
والله تنبهر وتبكي من الشكل الرهيب
وصحيح توقيعك ان المرسيدس شئ ثاني
لأن البي ام الماني ويقارن بالكبار
والمرسيدس كوري وما اقدر اقارنه الا بالدايو
وما حوله
وسلم لي على
التشير مان
*غرزة
رحت لشركة مرسيدس وقلت ابغى لى فياجرا 500 لأن المعروض 320
قالوا لي ادفع العربون ونطلب لك طلب وانتظر في حدود ال3-4اشهر على بال ماتوصل
فأنا قلت ماشاء الله كل المخزون بعتوه فقال لا لكن خلاص ماعاد نجيب الا بالطلب
قلت ليش ؟
طالع في شويه وانا بادرت خويي بـ ( وايش قالت بي ام )السيارة موجودة واستلمها اليوم الثاني مع الإستمارة )
الموضف بدوره قلب وجهه
وكأنه يقول الله يحرق الناغي الي سوا فينا كذا والظاهر اننا بنكون عطالة وعلة على المجتمع
الله يعوض علي يالجفالي
وخيرها بغيرها
وانا انصحك بوكالة لادا
لا تتركها تراها رخيصة مرررررررة وزباينها ماراح تاخذهم عليك البي ام
اعذروني عالاطالة
لكن الموضوع شيق مررررررررررررةةةةةة
مع الف سلامة
[تم تعديل الموضوع بواسطة E55 يوم 05-03-2001 في 01:36 AM]
الظاهر إن الحماس أخذك يا S8
لكن مافي داعي للتشبيهات اللي ذكرتها في موضوعك
ويا ريت لو يكون نقدك في حدود الأدب
موضوعك من بدايته متناقض
العنوان : إلى الأخ mercedes فقط والجميع !!
ما عرفنا إذا هو موجه للأخ مرسيدس ولا إلى الجميع ؟؟
وفي بداية الموضوع ، إنتقدت إنحياز الأخ مرسيدس لسيارات مرسيدس
مع إنك منحاز وبشكل كبير جداً للـ BMW
طيب ، على راحتك ، لكن بدون عبارات إستفزازية رجاء
من مميزات القسم هذا خلوه من المشاكل ، وأتمنى إنا نحافظ على الميزه هذي وشكراً :)
أبو نايف
05-03-2001, 03:03 AM
أحلى يا..... E55
مين قدك......مشرف بءا........وحاط الواد الغلبان S8 في دماغك.
S8
أرجوا انك تخفف أسلوبك شويه والا ترى ....
زي ماحطيناك زعيم لحزبنا
(حزب المعارضه).....نشيلك.....وترى المرشح القادم.......جاهز.:)
وشيك على البريد الليله>>>>>>> قبل العيد.
مع التحيه.
OK-OK
E55
بأبين لك
انا كتبت الموضوع خصيصا لـمرسيدس لكن هو الظاهر ماهو موجود معنا في المنتدى هذه الأيام
فماشاء الله الأخوان ردوا وكفوا ووفوا
وبخصوص العنوان صحيح هو لمرسيدس لكن قلت عشان ماتزعلوا وتقولوا ليه (قلت خلني اضم الشباب معنا )ولا انا غلطان
وابشر
تراني ناوي أضبط نفسي وأسلوبي
بس حرام يروح هذا الحماس مني والله حرام حرام
لكن مايخالف
عشانك انت وابو نايف
ومايرد الكريم الا اللئيم
ها وينك يامرسيدس يا صاحبي
وين الناس حنا ندور لك من زمان لنا كم يوم ما حصلنا وين ديارك يالأخو
وايش اللي بلاك ايش هذا الكلام
شعوذة ذي ولا ايه
ياشباب وين الأخ
مرسيدس لنا كم يوم ماسمعنا له حس ولا خبر ان شاء الله يكون بخير
وووووووووااااااااااااااااوووووووووووووووواااااواواواوا!!!!!!!!!!!!!!!!!
وينك يامرسيدس
رد عليهههههههههه
وين الناس
ولا خايف من المواجهة ؟!!!؟؟؟؟؟؟
إعتبر الموضوع إنتهى يا S8
كل سيارة لها مميزاتها
mrcedes
07-03-2001, 09:08 PM
أنا أعترف بكل قوة يا s8
إني من أكبر عشاق المرسيدس لأني منحرف بقوة على حت لوتقول أيش
في المرسيدس وتقول إن bmw
أحسن من المرسيدس فلت حاول أني أبعد عن أجمل سيارة في العالم
بنسبة لي لأن لم يبقا سيارة تتحد المرسيدس إلى bmw
والجاكور وسيارة البسيطة
وأنا أكرر لاتحاول أنا bmw
أفضل من المرسيدس
E55
!!!!؟!
هلا اخوي مرسيدس ندورلك من زمان مالقيناك وينك
خفنا عليك كثير وين كنت يارجل
انا محترم انحيازك الشديد لمرسيدس وهي سيارتك المفضلة والأجمل والأحلى لكن
مدي تبين لي كم نقطة
لماذا لم تعتمد مرسيدس التبترونيك والزينون في سياراتها الا متأخرة؟
2عدم نجاح الفئة Mوفشلها في الأسواق مع ان الX5لاقا نجاحا كبيرا وواسعا؟
تدني مبيعات المرسيدس الى ادنى حد ؟ وعندك الوكيل اسأله .
المكيف ليش ما يغيروه ؟والمسجل كمان ؟
ارجوا
انه مايجاوب على الأسئلة الا الأخ مرسيدس
وانا منتظر الجواب
وسلامتكم
[تم تعديل الموضوع بواسطة E55 يوم 08-03-2001 في 06:09 PM]
الصراحة أشوف إن الموضوع وصل إلى حدود بعيدة عن الحوار الهادف.
وإسمح لي يا S8 أسئلتك هذي أسئلة تعجيزية حتى الوكيل ما يقدر يجاوبها فكيف تريد من شخص عادي زينا جوب عليها؟
بعدين لكل سيارة مميزات ولكل سيارة عيوب ، والناس أذواق تختار السيارة إلي تعجبها بغض النظر عن مميزاتها وعيوبها . فهل نقول عن الشخص إلي يحب ويعشق "الكيا" إن شخص ما عنده سالفة؟
إلي أريده من جميع الأخوة إحترام أراء الأخرين والإبتعاد عن التجريح لأن هذا هو ما يميز قسم السيارات عن الأقسام الأخرى....
S8
تراك تعبتني وياك
أكثر من مرة طلبت منك إنك ما تستخدم الكلمات هذي
وإذا كنت تعتبر الموضوع شخصي بينك وبين مرسيدس فأنا أفضل إنك تناقش
معاه الموضوع عن طريق الإيميل وشكراً
MR:SPEED
08-03-2001, 08:45 PM
الدليل الحين مرسيدس طلعتSLK 3.6 بي قوة 400 حصان و 6سلندر خلي بي ام
تلحقهابي اقوي شي عندها M5 اوZM3 كلها ما تلحقها
وللمعلوميه في سياره مرسيدس C AMG 7.3 هذي حسب الي قريته انها تمشي معا المكلارين هي 7.3 لتر و اثنتان وعشر سلندر
وفي عند مرسيدس الي تشبه المكلارين بس انا ناسي اسمها اضن انها
GTR بي ام عنده زيهه اكيد لا
طيب
مرسيدس 12سلندر اقوى من بي ام
مرسيدس6سلندر اقوى من بي ام
و الحين مرسيدس ممكن تنزل 8سلندر بي قوة خياليه
MR:SPEED
08-03-2001, 08:50 PM
نسيت حتى 4سلندر اقوي في منها 190 حصان كون برسر
وفيAMG SLK ء 250 حصان
عندها نوعين من الكون برسر
واحد يزود 50حصان العادي
و الثاني يزود 100 ال هوAMG
وسعت المكينه 2.3 لتر 4 سلندر
MR:SPEED
08-03-2001, 09:12 PM
حتى 8 سلندر في المرسيدس اقوي من 8 سلندر حق بي ام
اكبر دليل SLR ء550 حصان
و اذكرك يكفيك كل اختراعات مرسيدس في كل السيارات
اذكرلك هي
الوسادة الهوائيه الول سياره طلعتها مرسيدس
و ABS مرسيدس طلعتها
و الحين نظام ESP التحكم في الجر من مرسيدس
و هوبات السرميك من شددة فعاليتها بورش حطتها في سيارتها
ومو اي سياره في بورش التوين تيربو و GT3 وGT
MR:SPEED
08-03-2001, 09:15 PM
اكبر دليل
يش يد هذا يا شباب
شركة مكلارن تركت بي ام وجات مع مرسيدس
ايش يد هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
BRABUS
08-03-2001, 09:36 PM
تسلملي على هالمعلومات الرائعه
يا رائع :):)
NFS
صراحة كلامك في محله
لكن انا ارى ان هالموضوع حلو ولا لا ؟
E55
والله ما ادري من اللي تعب الثاني لأني في مرة قدقريت موضوع فيه هذه العبارات اللي مسحتها من موضوعي ولا مسحتها ليش ؟
بعدين ليش نكتب للبريد واحنا هنا ويش نسوي ؟
MR SPEED
ورينا كيف المرسيدس اقوى
وقول لي على
اذا الـSLK 3.6وقوتها 400 حصان تراها وللمعلومية من قسم AMGوالسيارة الى الحين ماجات السوق بالمقابل الـM3 3.2وقوتها 347حصان وموجودة الآن يعني لمن مرسيدس تطلع الـSLKالجديدة ان شاء الله الـM3 وقتها بتصير قوتها 450 حصان ياعزيزي بعدين السيارتين كلها 6سلندر والبي ام محركها اصغر يعني لو نفس وسع المحرك كم بتكون القوة للبي ام
ياشببببباااااااااااااااااااب يامسلميييييييييين ياعااااااااااااالم ياعرب ببببببببببب ياهوووووووووووووووو
اذا كان المرسيدس عندها محرك 7.3 و12 سلندر وقوته 512 حصان وهو من تطوير شركة AMGوليس من تطوير مرسيدس نفسها
لكن البي ام عندها محرك واظن سعته 7لتر و12 سلندر وقوته 750 يعني بالله عليكم ياجماعة بالله وين المقارنة بين المحركين بالله ويييييييييييننننننننننن؟؟؟؟؟؟؟؟؟؟؟؟؟؟؟؟
واما بخصوص السيارة CLK-GTR
فهذه السيارة قصتها قصة
وهي لأن شركة AMG ماقدرت تطور هذه السيارة ومرسيدس بديهيا ماهي قادرة على التطوير فأوكلت المهمة لمكلارين لتطويرها
وفي المقابل جائت البي ام لنا بالسيارة الـZ9والموديل العادي منها محركه يعمل بالديزل وقوته العادية 400 حصان هذا العادي فما باللك بالفئة Mمنه او المحرك البنزين
وان كان قصدك المحركات الـ12 سلندر فللمعلومية البي ام ال750 صحيح انها اضعف لكن للمعلومية وبعد التجربة السيارتان نفس القومة والخط ولا في فرق (اما اذا قصدك الفياجرا )فالبي ام منافستها لم تصل بعد ولمن توصل ان شاء الله وقتها يحلها الف حلال
وين الست سلندر الأقوى
المرسيدس مكينته 3.2لتر وقوته 224حصان والبي ام مكينته 2.9 وقوته 230 حصان
ولمن ينزل المرسيدس بالقوة الخيالية وقتها قد بي ام وصلت الفضاء
هذا الشئ طبيعي لقوة المحرك الـ4 سلندر وهوان كان فهولسبب واحد والكل يعرفه لأن المحرك بشاحن ضغط خفيف وهو توربو وتسميه مرسيدس كمبروسر
لكن البي ام ماتحتاجه لأنها قادرة على زيادة القوة بدون شاحن
رجعناللـAMG
قلت لك هذا الشئ طبيعي مع التوربو الشاحن
والـSLRهذه زي ماقلت لك
من تطوير قسم AMG
مو مرسيدس نفسها
والله الي اعلمه انا والجميع ان الـABSوAIR BAG جانا من فولفو واكبردليل ان الفولفو لمن طلعت الستارة الهوائية على طول مرسيدس قلدتهم شفت كيف ؟
مرة ثالثة رجعنا للسيراميك واقول ان السيراميك هذا استخدمته شركة AMG وليس مرسيدس ياحبيبي
والضربة القاضية ياحبيبي
والله صارت ضربات في وجه مرسيدس مو وحدة
واذكرها بالتفصيل وهي كالتالي !!!!
1اول مرة اسمع ان البي ام تعاونت مع مكلارين لكن للمعلومية البي ام لا تحتاج المكلارين في تطويير سياراتها بل مرسيدس اللي تحتاجه عشان كذا وزي ماقلت لك المرسيدس تعاونت مع مكلارين عشان تطور الـGTRتحت اسم مرسيدس لكن مافي فايدة البي ام طلعت الـZ9 السابقة الذكر
والأسئلة زادت والله يعين المرسيدس
1لماذا لم تعتمد مرسيدس التبترونيك والزينون في سياراتها الا متأخرة ؟؟؟
2 عدم نجاح الفئة Mوفشلها في الأسواق مع ان الـX5لاقا نجاحا كبيرا وواسعا ؟
3 تدني مبيعات المرسيدس الى ادنى حد ؟وعندك الوكيل اسأله .
4 المكيف ليش ما يغيروه ؟ والمسجل كمان ؟
5 ليش مايطوروا محركاتهم بأنفسهم بدل الإعتماد على الـAMGومكلارين
6 ليش قلدوا فولفو في الستائر الهوائية رغم فشلها وتكلفتها العالية ؟
ليش وضعوا الكومبروسر الشاحن في محركات الـ4 سلندر ؟يعني مايقدروا يطوروا المحرك بذاته ؟
7 ليش بي ام هي السيارة المفضلة اللتي يستخدمها المخبر السري
جيمس بوند ؟؟؟؟!!!
برابوس
والله انك صاج مشكور يا مستر على هالمعلومات الشيقة الله صراحة اخذتني بعيد
وان شاء الله ان شاء الله ياشباب اني راح امتب لكم عن تحقيق خاص للبي ام
ترقبوه قريبا
رجاء خاص للمشرف
انك ماتعدل في الموضوع ولا حرف
ـــــــــــ
خلينا حبايب وبس !
أبو نايف
09-03-2001, 05:22 PM
طيب...من سمحلك......تسرق توقيعي..:(
لا تتعودها مره ثانيه ترى يا ويلك........ترى البصل جاهز...
اقول يا حبايبي بغض النظر عن التفاصيل.... أنا بنفسي رحت
لوكالة مرسيدس في الرياض وقلت لواحد من رجال المبيعات....
قلت له يا أستاذ زنمه أفندي.:)....بدون تفاصيل مين أفضل البي أم أو المورسيدس.
قال لي ...............بلاش احراج خيوووو.
أقوووووول
ابو نايف مادام الهرجة فيها بصل
فأنا آسف صراحة
بس توقيعك عاجبني مرة وهو نبراس للنوايا الحسنةفقلت
ناخذه من صاحبنا ابو نايف شويه ولا انا غلطان ؟
ها ماقلت لي
وابغى الرد الخاص منك على الإيميل .
OK?
البعير
09-03-2001, 06:54 PM
OK يا>>>S8<<<
ــــــ
أخوك الـhttp://www.angelfire.com/ar/zamel1/images/cmil.gif
S8
أنا ما حذفت إلا الكلمات اللي مالها أي لزمة واللي ممكن تزيد من حساسية الموضوع وتخليه ياخذ منحنى آخر
واعتقد إنك فاهم اللي أقصده
أنا ما عندي أي مانع في استمرار الموضوع حتى لو لعشرين صفحة ، بالعكس هذا شي يفرحني
لكن رجاء ، نتناقش في حدود الأدب ولا نحاول إنا نفرض رأينا على غيرنا باستخدام الكلمات اللي انت عارفها
واللي انا حذفتها
وعلى فكرة ، بعض معلوماتك تفتقد للدقة
وشي ثاني ، معظم الشركات الكبيرة في كل أنحاء العالم لها قسم رياضي لصنع سيارات رياضية
مثل HSV من شركة هولدن
AMG من شركة مرسيدس (من 1999)
M power من شركة بي أم دبليو
TRD من تويوتا
NISMO (اعتقد) من نيسان
والفورد لهم قسم رياضي أعتقد إسمه FSV سبق وأن كتبت عن إحدى سياراتهم
والهوندا لكن الإسم صعب شوي ومب حافظه (يمكن NFS يعرفه)
وبعدين عملية ذكر عدد الأحصنة ومن يطوف إذا تسابقوا ، هذي تسميها مقارنة بين شركتين ؟؟؟؟
مع إنك رفضت في البداية إنك تدخل عملية الصيانة وأسعار قطع الغيار والسعر عند إعادة البيع من ضمن الموضوع
مع إنك عارف إنها كلها بتكون لصالح المرسيدس ، والحين تقول ، من يطوف إذا تسابقوا !!!!!
فعلاً شي غريب
وللمعلومية ، أنا أفضل البي أم على المرسيدس
لكن ما أقدر أقول أبداً إن البي أم أفضل من المرسيدس في كل شي
mrcedes
09-03-2001, 08:31 PM
ياE55 ممكن تسكر الموضوع ولا بيوصل
إلى حد غير معقول
مرسيدس
إذا تكررت منك الكلمات اللي ذكرتها سيتم طردك من الموقع