سوالف للجميع - سؤاااال بريء

أبو نايف

21-03-2001, 08:50 PM

وش رايكم بالجاكوار......خصوصا ال12 سلندر

وش أفضل انواعه..............وهل يمكن مقارنته بالبي ام 750

أو المرسيدس 600......من ناحية الفخامه والقوه.

وشكرا لكم مقدما.

موسليني

23-03-2001, 12:32 AM

ان اعتقد ان ألمرسيدس600 افضل من ناحية الشكل والفخامة

لكن موش اي شخص يسوق 600 يبي شخص يقدر السيارة االى يسوقها

وعندي سوال ليش السيارات 12 سلندر اعطالها واجد ونادر ماتشوفه على الطريق وثمنها باهظ

وهل من الممكن زيادة قوتة لومينا الى 12 سلندر مثل ما يبغي e55

أبو نايف

23-03-2001, 03:48 PM

شكرا موسليني

أعتقد ان سبب عدم انتشار السيارات 12 سلندر وكثرة اعطالها

يعود الى:

ضخامة المكينه وكثرة البساتم......ال12 سلندر تحتاج دائما الى ان تقودها بسرعات عاليه ولمسافات طويله حتى تشتغل جميع البساتم
لان بعض البساتم ما تشتغل الا بعد ماتتجاوز سرعات معينه .......

وعدم تشغيل كل البساتم يسبب خرابات للمحرك.

واليك هذه الجاكوار كهديه مني ممكن تنسيك ......أبو عبر....:)

جاكوار XJR

12 سلندر

التسارع من 0 الى 100 كلم/س..................في 3.1 ثانيه

السرعه القصوى.................................280 كلم/س

6 سرعات عادي.

http://www.rapidcars.com/images/xjr15side.jpg

CL55-AMG

24-03-2001, 12:42 PM

بالاضافه لما تقدم به الأخ والحبيب أبو نايف, من أهم أسباب كثرة أعطال ال 12 سلندر هي تعقيدها وعدم وجود ورش خبيرة في تصليحها (تذكرون أيام زمان لما جت سيارات التوين تربو كانت تتعطل لنفس السبب أي انها معقده) وفي الواقع هالشيء مو بس موجود في المحرك انما في السيارة كلها. أنا كانت عندي BMW 850i من بعد مااشتريتها بسنه صارت كل ماأطفي السيارة تنزل نافذة السائق حوالي الآنش وتصور انه لحد يومك بعد مرور أربع سنوات لا ناغي ولا الناجم وحتى الجفالي مريت عليه ماأحد عرف ايصلحها.

أبو نايف

24-03-2001, 09:54 PM

شكرا.......معلومات من مجرب مثلك مهمه.

بس كيف كانت دعسة ال0BMW 850

يعني اذا كنت ماشي ببط .......ثم كويت البنزين...:)..مصطلح سعودي جديد...:)

دعست اخر الدعسه......يفحط والا لا؟

مع التحيه.