View Full Version : شو تسوي اذا كنت تسوق صالون على طريق صحراوي
موسليني
27-03-2001, 11:44 PM
شباب هل فكرت مرة شو تسوي وانته على طريق طويل في الليل شو تسوي وانته خلف مقود السيارة هل انته تحب تسمع الراديو MBC FM
اوتحب تسمع المسجل ومشغل محمد عبدة او تحب تاكل حب شمسي او اسوداو تاخذ نومة وانته تسوق وتغمض عين وتفتح عين يمكن تسوي حادث وتدخل تحت تريلة او راح تعدي وتوصل بالسلامة
او تحب تحفر نفط قصدي تضع صبعك في خشمك ودوروتطلع بلاوي زرقاء
او تحب تشوف المناظر الطبيعية الى على جانبي الطريق
قصدي الرمال الصفراء او العشب والحلال (الابل والغنم)
او تكلم نفسك وتسب وتشتم الاشخاص الى ماتحبهم
مسيطر
28-03-2001, 12:37 AM
طبعاأول شي أربط حزام الأمان,,
وبعدين أشغل المسجل ((أبو نايف))
وكيس فصفص
وكوب شاي
ودوا:):):),,,,,,
ـــــــــــــــــــ
أبو نايف
28-03-2001, 01:58 AM
بالنسبه لي
عندي حالتين
الحاله الاولى:
اشغل المسجل (فرقة ميامي ).....والمسجل على اخره.....انواع الرجه والازعاج.....وماسك اقصى اليسار...............واستمتع بمشاهدة طبلون الماكس.......واي سياره اتعداها......ادق لها اشارات وفليشر عشان يطارحني في الخط...............وانا احب المطارح في الخط..... بس عشان اقطع المسافه باسرع وقت.
الحاله الثانيه:
اسمع ابونوره(محمد عبده) او راشد.......بس ابو نايف(خالد)
ماعاد اسمع له لانه في الفتره الاخيره اغانيه ....تحوم الكبد
وسلمولي على (تقوى الهجر)
في الحاله هذي امشي 180 بس :)وغالبا اكون مروق ......بس اذا تعداني واحد وضرب لي فليشر ....حطيت شريط ميامي...وكتمت الدعسه وراه.....وترجع لي الحاله الاولى.
موسليني
28-03-2001, 02:18 AM
شكرا ابو نايف
بس عندي سوال لك هل تقدر تسوق على طريق صحراوي في الليل ومعك الماكس الطريق اسفلت مو رملةلا تخاف
ومافيه لا شجر ولا حجر وانته لوحدك وما حد معك وماشي الساعة 2 ونصف في الليل
وسوال ثاني لو شفت واحد متعطلة سيارتة شكل صاحب السيارةاشعث اغبرومتلثم بشماغ المراسيم في وقت الظهيرة
هل بتوقف تساعدة ولا بتفحص عليه وتغبر وتروح عنه......
أبو نايف
28-03-2001, 03:29 AM
عادي يا موسليني
امشي بالماكس في طريق صحراوي مزفلت..( نو بروبلم).....في اي وقت...........بس هاه لازم الخط مزفلت ومدهون .
بس على التراب..........اموت في ممشى ابوعبر على الصحراء
واتحدى اي سياره على الصحراء ومعى ابو عبر.
يا حبيبي يا بو عبر......الماكس في بطين القلب وانت في اذينه.
بالنسبه اذا واحد اشر لي اوقفله والا لا؟؟؟
لا بعد اشعث اغبر......ومتلثم بشماغ المراسيم.
تبغى الصراحه:....
ارد الماكس بالرابع وعلى اخر الدعسه الين يضرب الامبير الاحمر ثم اغير للخامس.......
يعني با ختصار اهج.....انحاش....افرك.
CL55-AMG
28-03-2001, 12:22 PM
اما انا فاربط الحزام واشغل METALLICA او EAGLES هو اي شريط ROCK (اللي يبي ترى عندي سيديين اجنبي ولا احلى ممكن اعطيك اياه) وبعدين لازم اضغط على زر APC في السيارة و SLEEPON واشغل ال MASSAGER ومن وقت لثاني اتصل بالبيت اطمنهم علي واسلي نفسي
وكمان العب بالكمبيوتر حق السيارة شوي اثبت LIMIT عند 255 وشوي احطها 120 واشوف تصرفات وردة فعل السيارة واشياء من هالقبيل