ما هي الكنداسه؟

[ألأعرابي]

اسمع الشباب يقولون ملغم الموتر بكنداسه
فما هي؟

[LM.SS]

عقبال ماتعرف :)

[E55]

أخوي الأعرابي

سألت نفس السؤال من فترة و أعتقد إن الجواب كان Muffler

LM.SS !!!!

[S2000]

صحيح هي المفلر...
انواعه واشكاله متعددة..

https://terra.safe-order.net/2kracing/images/maxmflr1.jpg

[CL 600]

صحيح كلام E55 هو الموفلر أو العادم أو كاتم الصوت أو الكنداسه أو الشكمان أو العبّارة أو .. أو .. إلخ .

E55 حاول تتذكر مين قلّك بمعناها أول ؟

[S2000]

او الدبة..
على وزن دبة (كرش) بس بفتح الدال..يعني:
DABBA :)

[ألأعرابي]

قولوا دبه
لازم هل مفردات المعقده :) ؟

[S2000]

طيب خذ هذي يالأعرابي:
تقدر تعرف المصطلحات "طرمبة-فرفرة-قماشات-تلبيق-قبعة-تندة" ايش تمثل في عالم السيارات؟؟؟
:) :) :)..

*شباب للأعرابي بس..
لاتساعدوه!!! ;)

[E55]

بس للأعرابي ؟

شرايك إني ما عرفت ولا وحدة فيهم ! :):)

يمكن أعرف القماشات والطرمبه ، لكني مب متأكد إذا صح ولا غلط

:)

[S2000]

افا!!
خذ راحتك حبيبي E55..

اصحاب اللوميناSS (والمشرفين طبعا) لهم وضع خاص :)..
تقدر تقولي ايش هو "الرفرف" ;)؟؟

[LS430]

من وين تجيبون المصطلحات المريخيه هاذي


والله كأنكم تتكلمون بلغة أهل المريخ


شو معنى هالكلام


كنداسه


بواجي بنت القماشات


الشكمان

فرفره


الخ


الخ



...........................الخ

[البعير]

جناح السياره:)
صح ولا انا غلطان...(لاحول ولا قوة أخاف تضحكون علي)...:)

[ألأعرابي]

يعني ليش هالمفردات
الجناح أسمه جناح رفرف و مقعد
ترى صرنا كأنه لهنود
كلهم يتكلمون نفس اللغه و محد فاهم لثاني

[NFS]

:D:D:D:D:D
زين عطونا شي من مفرداتكم خلونا نتعلم.

زي حكاية واحد من الشباب لما كان في الإمارات يريد يشتري بواجي قال للموظف عطنا بواجي حق قراندي. الموظف رد عليه : أول شي شنو بواجي وشنو قراندي؟؟؟؟

:D:D:D:D:D

[S2000]

:) البعير :)

بوري-طبلون-كبوت-نعاسي-دركسون-جكر-تشفيط؟؟؟؟؟؟؟؟؟؟؟

ياهو فين المترجمين!!!!!!!!!

[CL-Class]

بس أول شي خلي الشباب يجيبون هذي بعدين نتفاهم ( تنطيل - تجديع - تعقيد - تصفيط -:) طكمنة!! هذي أللفتها شكلي )

[أبو نايف]

وش معنى تشفيط...:(


أخوي CL-Class

وش دعوى بتهبل في الشباب .....تنطيل وتجديع...:)

ترى انا اتوقع انهم نفس الشي ......والا لا؟

[ألأعرابي]

يه , بس أنتوا تتفلسفوا علينا
لكم اللي تبون اذا عرفتوا هالكلمات
سبويلر-يجبل-يفرك-هاند-رايس (مو سباق)-cut-back

[LM.SS]

الكنداسه هي الكفرات ياألأعرابي :)

[S2000]

CL شكلك محترف مضاربات :):)..

شوف يالأعرابي:
انا بجاوبلك على وحدة من طلاسمك وانت جاوب على وحدة من طلاسمي..
سبويلر هو الجناح الخلفي والجناح الخلفي ليس "الرفرف" ;)..
انت جاوبني بس على معنى رفرف او تندة??

ابونايف:
التشفيط اللي في بالك غير التشفيط اللي في بالي..
ويمكن غير التشفيط اللي في بال الشباب http://www.swalif.net/sforum/images/icons/icon10.gifhttp://www.swalif.net/sforum/images/icons/icon10.gif..

ويجبل يعني "يقبل=يأتي"..بس بالكويتي!!!

[ألأعرابي]

هاهاي
أيجابتك كلها غلط أخ
2000س

[PT Cruiser]

يالله
بالله في شباب ما يعرفون المصطلحات هذه يا ربي
ابحاول اوصفها لكم
-----
الرفرف = هو الجزء الي يجي فوق كفرات السيارة ( يكون خارجي )
تشفيط = التفحيط
التنده = فتحة السقف
تنطيل تجديع = كلمة وحده هي انك تكون مسرع وتلف الدركسون يمين ويسار تقوم السيارة تلعب معاك
تلبيق = هي توقيف السيارة في موقف
واذا تبون غيرها انا جاهز
في كلمة عند اشوف اذا اح يعرفها والا لا
تعرفون وشهي ( الشطف) مثلا تقول يووووه راعي الافالون شطفني
؟؟؟؟؟

[أبو نايف]

الشطف........

مثلا اذا كنت يا الافالون ماشي في امان الله ......ومر جنبك......( تعداك)....ماكسيما بحيث يمر من عندك مسرع... ويكون قريب جدا منك......يكاد يحك في موترك.

في ذيك الحاله......تقول...الماكسيما شطفتني..:)

[ألأعرابي]

صارت سالفه هالكنداسه
كا اللي كنت أبغيه معناها :)

[S2000]

افالون..
بس التشفيط في المطارحات هو محاولة البقاء خلف السيارة التي امامك بشكل قريب جدا جدا بيحث تتجنب الاحتكاك المباشر مع الهواء وكأنك في فراغ لاهوائي..
يعني ممكن بالتشفيط "مع وجود السائق المحترف" ----> ماكسيما يمسك مع اللوميناSS لحد طبلونها :)..

بالنسبة لبقية الترجمة فكلها صحيحة...