ويش الحل مع الجيربوكس في اللومينا

[lumlss]

اقول ياشباب...
انا عندي لومينا L.S وعندي مشكلة وهي انك لما توصل سرعة 75-80التعشيقة الرابعة يبدأالجيربوكس يقطع وهل هذه من حرارة الجير او من قلة الاستخدام لأني ما استخدمها الا بالكثير 3مرات اسبوعيا

[NFS]

هل هذا التقطيع يحصل دائماً ولا لما تسخن السيارة؟ هل مستوى زيت القير طبيعي أو أنه ناقص؟

وبالنسبة للتقطيع نفسه ممكن توصف أيش يحصل في السيارة بتفصيل أكثر ؟؟

[lumlss]

هذا التقطيع يحصل عند متوصل مثل ما قلت في التعشيقة الرابعة وانا ما امشي الا وهي صاخنه ومستوى الزيت طبيعي،بالنسبة لوصف التقطيعة هو ان الجير كأنه يفصل عن المكينة لكن لما تزيد البنزين يرتفع الضغط وتندفع السيارة بقوة

[ألأعرابي]

أحد يسوي خير و يعلمنا شلون نفحص حرارة زيت الغير بوكس لا تيجينا ذيك الأبيال الحلوه :)

[lumlss]

اقول يا الأعرابي هل السالفة تتعلق بحرارة الجير

[ألأعرابي]

يقولون كذي
مادري أنا الكابريس مالي يستعملونه البيت يعني كله مهدي
مانطارح فيه,

[LM.SS]

مشاكل اللومينا في الجربوكس بسيطه :)

اخرط القير 20 وعلى ضمانتي ان خرب

طبعن معى المحافظه على السياره :):):)

[NFS]

في هذي الحالة لازم يشوفها شخص مختص في القير الأوتو وإذا كانت السيارة لسه على الضمان خلي الوكالة تحل المشكلة.

وما أعتقد أنه له علاقة بأرتفاع حرارة القير لأن أستخدامك للسيارة قليل معنى هذا المشكلة من القير نفسه.

الأعرابي:
سؤالك جميل وهذي هي الإجابة:
إرجع لكتيب المالك وأقراء عن كيفية قياس مستوى زيت القير الأوتو ، لأن كل صانع يشرح خطوات مختلفة عن كيفية قياس الزيت ، لكن أنا بشرح الطريقة العامة.

توقف السيارة على أرض مستوية ، وتخلي المحرك يدور والقير على الوضعية P ، بعد ما يسخن المحرك تسحب مقياس مستوى الزيت "البعض يسميها معيار الزيت والبعض الأخر يسميها المصاصة!!!" وتمسحه وترجعه في مكانه ثم تسحبه من جديد بعد عدة ثواني وتشوف مستوى الزيت ، بتلاحظ أنه في منطقتين في المؤشر نفسه المنطقة العليا عندما تكون السيارة ساخنة والمنطقة السفلى عندما يكون المحرك بارد ففي هذي الحالة لا تهتم إلا بالمنطقة العليا ولازم يكون الزيت على ذلك المستوى. وهذي صورة توضح المسألة:
http://www.samarins.com/maintenance/180.jpg

بعض السيارة تزيد على هذا خطوة وهو أنك تضع القير في الوضعية D وبعدين ترجعه للوضعية P وتقيس الزيت بعد ذلك "علشان كذا لازم تتأكد من كتيب المالك عن الطريقة الصحيحة.

أما القير العادي فهو أسهل من ناحية الخطوات ، كل ما عليك إلا أنك تفتح صرة الزيت العلوية فإذا كان الزيت عند مستوى فتحت الصرة في هذي الحالة الزيت عند المستوى الطبيعي وإذا كان أقل فأن يحتاج إلى إضافة.


*نصيحة: يفضل تغيير فلتر القير الأوتوماتيك كل 20000كلم.

[lumlss]

يا اخ NFS هل ضروري تطفي المحرك عند قياس الزيت؟

[NFS]

لا يحتاج أنك تطفي المحرك علشان تقيس.

قريت كتيب المالك؟ هل في خطوات إضافية لازم تعملها علشان تقيس مستوى الزيت؟

[ألأعرابي]

يعني اذا كان عالي معناته بدل الزيت؟
ولا ننطر لين يبرد؟

[CL55-AMG]

ههههههههههه

مااقدر امسك روحي عن الضحك كل مااسمع واحد ايقول ان اللومينا مافيها مشاكل في الجير

لو تحسبون معي عدد المواضيع اللي كتبت في المنتدى في الفتره الاخيرة راح تلقون ان اكثر من 50% منها عن الجيربوكس في اللومينا :)