شباب حادث غريب حصل لي سيارتي لومينا ...

[ماجد]

السياره كانت تقف خلف البايكه بخمس أمتار..

كان واقفه كذا تسع ساعات ....

شغلتها بالليل الفجر عشان ادخلها تحت البايكه عشان مايجيها شمس اليوم الثاني ..

أخر خبري فيها يوم عشقتها بالدي الريس ( دعسة البنزين ) علقت...

ولا حسيت فيها الا وهي في الرصيف والجدار ..

الوجه انعدم الشمعات على الكبوت على الصدام على جسر الصدام على جسر الواجهه الأماميه اللي يركب فيه الكبوت ...

غير كذا الأير باقات طلعت وانشقت علبة الدركسون ...

الكلام هذا قبل أسبوعين والحين السياره بالورشه تتماثل للشفاء...

بس اللي أبغاه منكم مساعدتي في مكان أصلح فيه الأير باقات من غير تكلفه عاليه ...

مع العلم اني ساكن بالدمام طبعا بالسعوديه ...

هل هذا الحادث تعتبرونه عادي يعني طبيعي أو ان هناك بلى بالسياره..

ماجـــــــــــــــــــــــــــ الله يعين ــــــــــــــــــــــــــــــد

[CL55-AMG]

الله يهدي اللومينا

كل يوم لها مشكلة مع هالجير الزفت

بس عيوني ماجد مو هالمشكلة ناتجة عن ان الدوسة علقت وبالتالي الخلل مصنعي وتتحمل الوكالة المسؤولية كاملة?

[ماجد]

حبيب قلبي لو بديها الوكاله بتطلع لي الف سبب وعله لتبرير الموقف ..

لكن الشكوى على الله ....

بس تكفون اذا تخبرون لي محل يصلح الأيرباقات مزبوط عطوني خبر...

[LM.SS]

الوكاله تتحمل كل شي ولو تقدر تجيبها الرياض لك مني فزعه ماحصلت اوديها الوكاله ولا يسير خاطرك الا طير :)

امر تدلل :)

[LM.SS]

الوكاله تتحمل كل شي ولو تقدر تجيبها الرياض لك مني فزعه ماحصلت اوديها الوكاله ولا يسير خاطرك الا طيب :)

امر تدلل :)