الدوريات في السعوديه شوف ايش يسووووون!!!!!!!!!!!!!!!

[رانجلر صحارى]

ياشباب اكيد بعض المخالفات تستاهل العقوبه بدون جدال مثل السرعة الوقوف الخاطئ الخ.......

لكن ايش المخالفة في تزيين السياره اوتركيب بعض الاكسسورات الازمة للجوال مثلا يفكوا الانتل الخارجي الصغير يخافوا نتجسس عليهم بهذا الصغير والله نكتة:)

وايش المخالفة فبي تنزيل السيارة ( التهبيط )

وايش المخالفة في تركيب جنوط عريضة للسيارة.

الكشافات الصغيرة في امام السيارة.

وفي غيرها الكثير لاحد يقول مستحيل الكلام هذا هذا صاير بعضها معايه وبعضها مع الزملاء.

بالله ايش رايكم.

[أبو نايف]

والمشكله انه مافيه قانون او نظام مكتوب ومحدد فيه الاشياء اللي يعتبرونها مخالفات.

وعشان كذا كل اللي ذكرته خاضع لشي واحد وهو مزاج الشرطي

اذا كان رايق مشا لك بلاوي....... واذا كان ذيك الليله معصبه عليه ام العيال....أو شكلك مااعجبته.....طلع حرته فيك.

اقول لك ...


انا مرتين يمسكوني...توقع على ايش؟




على شي واحد......








كشافات الضباب..:)


ويسألني هي شد بلد والا انا مركبها.

قلت: ياخي شد بلد.

قال: نورهاقوي مره.....

قلت: تبغانا نروح للوكاله....عشان تتأكد....قدام.

جلس يطالعني شوي ويوم شافني واثق من نفسي قال خلاص رح.





والتظليل ما ادري هل هو مسموح والا لا....لاني احيانا اشوفهم يخالفون السيارات المظلله........ واحيانا اشوف سيارات كاتمه كل الزجاج .





والحزم من منطقه لمنطقه يختلف
في الشرقيه مثلا متساهلين اكثر من الرياض..:(



ومثل ما قلت.

المشكله والمصيبه.....انه مافيه شي مكتوب عن المخالفات بالنص

واعتقد ان من حق اي شخص الحصول على نسخه من المخالفات بحيث يقدر يواجه العسكري اذا كان مظلوم...بناء على لا ئحة المخالفات المكتوبه.

وكذالك هذي تعطي العسكري قوه اكبر في حجته عند ضبط المخالف اللي تستحق.

[رانجلر صحارى]

فعلا كلامك صحيح ابو نايف المفروض توزع لائحات المخالفات على المواطنين عشان العسكري لما يوقفني بعد ماتشوته ام العيال ويجي يتبلاني باي مخالفة اعطف الورقه حقت الائحة وسويها طيارة زي ايام الابتدائي وارسلها في عينه عشان ماعاد يتبلى الناس مره ثانيه.

نعم التضليل الامامي ممنوع وليس مسموح به رغم ان المفروض السماح به في السعوديه مثل دول الخليج الاخرى وذلك لحرارة الشمس في الصيف لاوبعد حرارة الشمس عندنا في الرياض ياساتر
تشوي شوي:)

[LM.SS]

ياشباب انا وقفني دوريه صاحب لومينا يقولي فك الكشاف ولا بعطيك مخالفه قلتله من الوكاله موجود قلي ليش ماهو مركب عندنا

جالست احلفله وممصدقني وكتبلي قسيمه

منه لله الظالم :)

[ألأعرابي]

يه, يخاسي يقولي شي حتى ماطقه
كافي موتري أسيوي فيه اللي أبي!
بس الرايبون ممنوع عندنا
تعرفون شنو الرايبون ولا لا بعد؟

[S2000]

:)LM.SS وابونايف:)..

شباب تصدقون على ايش انحجزت سيارتي يوم كامل..
v
v
v
v
v
v
v
v
v
v
v
v
v
v
v
v
v
v
v
v
v
v
والله حجزولي السيارة على لونها!! :(
راعي الجيب يقلي انت مسوي احمر مطفي ولازم تكتب في الاستمارة حق السيارة احمر مطفي..
انا قلتله كيف مايصير ياابوالشباب..لأنه لوكان لازم اكتب احمر مطفي على الاستمارة كان الأولى كتبت "احمر بولمعة" عشان اكون صادق !!
الرجال عصب "والشباب ضحكوا" وانتم عارفين الباقي طبعا :)..راح يقلي الجنوط "الرنجات" ممنوعة والفيابر ممنوعة وانت مغير شكل السيارة وراح تبات سيارتك "الحمدالله مب انا" اليوم في الحجز!!

اللهم لاشماته....

[أبو نايف]

ههههههه

حلوه هذي ياS2000

مايدري هذا الشرطي ...الغير ذكي...... .....ان بعض الوان السيارات ما تكتب في الاستماره.........مثل اللون الذهبي والنحاسي وغيرها.

مثلا في اذا كان لون السياره ذهبي .........يكتب في الاستماره.......لون السياره بيج..:)







والظاهر ان كل واحد من الشباب له سالفه طريفه.... مع هذولا الاخوه الاعداء...(الشرطه).


ونبغى مزيد من السوالف عشان نضحك.


من زمان ماضحكت............تكفون......ترى الدنيا فانيه..:)

[بوجاتي]

شباب تروني انا بعد عانيت وانحجزت اكثر من يوم علشان حاجه مركبها في النور وهي البرق واخذت مخالفه عليها ...
وتخيل كلمة العسكري وقوله يوم شاف البرق في النور (اش هذا البروق الي حاطه في النور).
طبعا انا علقت عليه وما كنت داري ان ام العيال شايته من البيت طبعا وينك ووين الحجز لكن الواسطه طلعتنا في نفس اليوم والا بغيت ادق بيومين في الحجز .
واخوي مكلارين كان معايه وطبعا علق على العسكري وخش الحجز معايه

[رانجلر صحارى]

الاعرابي ايش الرايبون هذا:)

[مسمار]

اخوي رنجر صحاري
معاااك كل الحق في كلامك بس لمين تقول هذا الشي
انا نفس الشي اخوي عنده كامري 2000 قبل الحادث كان منزلها من الأمام ومركب جنوط 16 نيكل وأعطوه مخااااااالفة
تدرون ويش العذر يقولون تغيير ملاامح السياااااااره
هل هذا الكلام يعقل لكن ويش نقول واصحاااب الدوريااات معروفين من هم .......... ؟؟؟؟؟؟
لذلك والله رفع السيارة ورجع جنوط الوكاله عليها .


ولكم جزيل الشكر

[البعير]

ولا أكبر راس في هذي البلاد يقدر يوقفني...http://www.swalif.net/sforum/images/icons/icon19.gif

[أبو نايف]

طبعا

مين بيقدر يوقف بوجهك....


أكيد ما يتجرأون.


عساهم يفتكون من عمايلك بس.....هههههه


اخوي مسمار........مين تقصد.

لايكون تقصد....:)....المو متحضرين